ଏକ ଗାଡ଼ି ଖାଇକୁ ଖସିପଡ଼ିବା ପରେ ଏହି ଘଟଣାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ଏହି ଦୁର୍ଘଟଣାରେ ଗାଡ଼ିରେ ଥିବା ଲୋକଙ୍କ ମଧ୍ୟରୁ କେତେଜଣ ବର୍ତ୍ତମାନ ସୁଦ୍ଧା ସୁରକ୍ଷିତ ଅଛନ୍ତି ତାହା ଏକ ପ୍ରମୁଖ ପ୍ରଶ୍ନ ହୋଇ ରହିଛି। ଏହା ସହିତ, ଗାଡ଼ିଟି କିପରି ଏବଂ କେଉଁ ପରିସ୍ଥିତିରେ ଖାଇକୁ ଖସିଲା, ସେ ନେଇ ମଧ୍ୟ କୌଣସି ସ୍ପଷ୍ଟ ସୂଚନା ମିଳିନାହିଁ।

Post by Rakesh Pradhan

ଝାରସୁଗୁଡା ଜିଲ୍ଲାର ଲଖନପୁର ଖୋଲାମୁହଁ କୋଇଲା ଖଣିରେ କାର୍ଯ୍ୟରତ ବିଭିନ୍ନ ଠିକା କମ୍ପାନୀର ଶ୍ରମିକମାନେ ଗତ ରବିବାରରୁ ଅନଶନରେ ବସିଛନ୍ତି, ଯାହା ଅଦ୍ୟାବଧି ୮ ଦିନ ଧରି ଜାରି ରହିଛି। ଖଣିର ଜିଏମ ଅଫିସ ସମ୍ମୁଖରେ ଏହି ଶ୍ରମିକମାନେ କେନ୍ଦ୍ର ସରକାରଙ୍କ ନିୟମ ଅନୁଯାୟୀ ଏଚପିସି ଦରମା ପ୍ରଦାନ କରାନଯିବାକୁ ନେଇ ଅଭିଯୋଗ କରିଛନ୍ତି। ସେମାନଙ୍କ ଅଭିଯୋଗ ଅନୁସାରେ, ଯେଉଁ ଶ୍ରମିକଙ୍କ ଦରମା 30,000 ରୁ 45,000 ଟଙ୍କା ହେବା କଥା, ସେମାନଙ୍କୁ ମାତ୍ର 13,000 ରୁ 18,000 ଟଙ୍କା ଦିଆଯାଉଛି ଏବଂ ବାକି ଟଙ୍କା ଲୁଟ କରାଯାଉଛି। ଏହା ବ୍ୟତୀତ, କର୍ମଚାରୀମାନେ 2 ବର୍ଷ କାମ କରିସାରିଥିଲେ ମଧ୍ୟ କମ୍ପାନୀ ପରିଚୟ ପତ୍ର ପ୍ରଦାନ କରୁନଥିବା ଅଭିଯୋଗ କରିଛନ୍ତି। ସେମାନଙ୍କୁ ମେଡିକାଲ କାର୍ଡ, ଭିଟି ଟ୍ରେନିଂ ଏବଂ ସିଏଏମପିଏଫ ମଧ୍ୟ ମିଳୁନାହିଁ, ଏବଂ ସ୍ଥାନୀୟ ନିଯୁକ୍ତି ମଧ୍ୟ ଦିଆଯାଉନାହିଁ। ଶ୍ରମିକମାନେ ସ୍ପଷ୍ଟ କରିଛନ୍ତି ଯେ, ଯେତେଦିନ ପର୍ଯ୍ୟନ୍ତ ଠିକା କମ୍ପାନୀଗୁଡିକ ସେମାନଙ୍କର ଏହି ଦାବିଗୁଡିକୁ ପୂରଣ ନକରିଛନ୍ତି, ସେ ପର୍ଯ୍ୟନ୍ତ ଏହି ଆନ୍ଦୋଳନ ଜାରି ରହିବ। ଶ୍ରମିକମାନେ କହିଛନ୍ତି ଯେ "ଆମକୁ ଯେନ ଏତେ ପ୍ରେସର ଦଉଛନ, ହେତକି ପ୍ରେସର ଯଦି କମ୍ପାନୀ ଦେଇଥିତେ ବେଲେ ଆମର ଦାବି ପୁରଣ ହେଇ ସାରିଥିତାନ।"

ଝାରସୁଗୁଡ଼ା ଜିଲ୍ଲା ବେଲପାହାଡ଼ରେ ତା’ ୧୪/୬/୨୬ ତାରିଖରେ ଗଏଁଠ୍ ପରିବାର ପକ୍ଷରୁ ସ୍ଥାନୀୟ ଜଗନ୍ନାଥ କଲ୍ୟାଣ ମଣ୍ଡପଠାରେ ତୃତୀୟ ବାର୍ଷିକ ଉତ୍ସବ ମହାସମାରୋହରେ ପାଳିତ ହୋଇଯାଇଛି। ଏହି ଅବସରରେ ବିଶ୍ୱ ରକ୍ତଦାନ ଦିବସ ପାଳନ ପୂର୍ବକ ଏକ ରକ୍ତଦାନ ଶିବିର ମଧ୍ୟ ଆୟୋଜିତ ହୋଇଥିଲା, ଯେଉଁଥିରେ ମୋଟ ୩୮ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ରକ୍ତଦାତାମାନଙ୍କୁ ମାନପତ୍ର ପ୍ରଦାନ କରାଯାଇ ସମ୍ମାନିତ କରାଯାଇଥିଲା। ଏହି ରକ୍ତ ସଂଗ୍ରହ କାର୍ଯ୍ୟରେ ଜିଲ୍ଲା ରକ୍ତଭଣ୍ଡାର ଅଧିକାରୀ ଡା. ଶିଲବନ୍ତି ଜୋଜୋ ଏବଂ ସ୍ୱାସ୍ଥ୍ୟକର୍ମୀ ଦଳ ସହଯୋଗ କରିଥିଲେ। ବାର୍ଷିକ ଉତ୍ସବ ଏବଂ ରକ୍ତଦାନ ଶିବିରର ଉଦ୍‌ଘାଟନୀ ସମାରୋହରେ ବ୍ରଜରାଜନଗରର ପୂର୍ବତନ ବିଧାୟିକା ଅଳକା ମହାନ୍ତି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ବିଶିଷ୍ଟ ସମାଜସେବୀ ଡା. ଶଙ୍କର ରାମଚନ୍ଦାନୀ, ବେଦାନ୍ତ କମ୍ପାନୀର ବରିଷ୍ଠ ଅଧିକାରୀ ସଙ୍ଗୀତା ସାହୁ ଏବଂ ଟିଆର୍‌ଏଲ୍ କ୍ରୋସାକି କମ୍ପାନୀର ବରିଷ୍ଠ ଅଧିକାରୀ ଦୀପକ ସାହୁ ସମ୍ମାନିତ ଅତିଥି ଭାବେ ଉପସ୍ଥିତ ରହି ଏହାର ଶୁଭ ଉଦ୍‌ଘାଟନ କରିଥିଲେ। କାର୍ଯ୍ୟକ୍ରମର ଦ୍ୱିତୀୟ ପର୍ଯ୍ୟାୟରେ ଏକ କବି ସମ୍ମିଳନୀ ଅନୁଷ୍ଠିତ ହୋଇଥିଲା, ଯେଉଁଥିରେ ପ୍ରାୟ ୩୫ ଜଣ କବି ଓ କବୟିତ୍ରୀ ନିଜର ସ୍ୱରଚିତ କବିତା ପାଠ କରିଥିଲେ। ଏଥିରେ ବିଶିଷ୍ଟ କବି ଅଧ୍ୟାପକ ଶ୍ରୀକର ଭୋଇ, ଭବାନୀ ଶଙ୍କର ଭୋଇ, କବୟିତ୍ରୀ ରାଜଶ୍ରୀ ମେହେର, ମାଧୁରୀ ମିଶ୍ର, ନାଟ୍ୟକାର ଡ. ସୁବାସ ଚନ୍ଦ୍ର ପ୍ରଧାନ, ସାମାଜିକ କର୍ମୀ ରାଜେଶ ଭୋଇ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। ଅନ୍ୟ ଅତିଥିମାନଙ୍କ ମଧ୍ୟରେ ଜିଲ୍ଲା ଜୁନିୟର ରେଡକ୍ରସ ଅଧିକାରୀ ବବନ ସିଂ, ଡା. ସଂଯୁକ୍ତା ହୋତା, ଶମ୍ଭୁ ମହାନ୍ତି, ଜେନାମଣି ସେଠ, ବିପ୍ଳବ ଅଗ୍ରୱାଲ, କୈଳାଶ ନାଏକ, ଠାକୁର ପ୍ରଧାନ, ସୁରେଶ ପଧାନ, ଅନୁରାଧା ପ୍ରସାଦ ଏବଂ ବସନ୍ତ ମହାନ୍ତି ମଧ୍ୟ ଉପସ୍ଥିତ ଥିଲେ। ବକ୍ତାମାନେ ଗଏଁଠ୍ ପରିବାରର କାର୍ଯ୍ୟକୁ ଅତି ପ୍ରଶଂସନୀୟ ବୋଲି ବର୍ଣ୍ଣନା କରିଥିଲେ। ସେମାନେ କହିଥିଲେ ଯେ, ଏହି ପରିବାର ଅଞ୍ଚଳର କଳା, ସାହିତ୍ୟ, ସଂସ୍କୃତି, ପରମ୍ପରା, ପର୍ବପର୍ବାଣୀ, ଐତିହ୍ୟ, ଐତିହାସିକ ତଥା ପର୍ଯ୍ୟଟନ ସ୍ଥଳୀର ପ୍ରଚାର ପ୍ରସାର ଦିଗରେ ଉଲ୍ଲେଖନୀୟ କାର୍ଯ୍ୟ କରୁଛି ଏବଂ ଆଗାମୀ ଦିନରେ ଏହାର ଆହୁରି ଉନ୍ନତି ହେଉ ବୋଲି ଶୁଭେଚ୍ଛା ଜଣାଇଥିଲେ। ଏହି ଅବସରରେ କେତେକ ବ୍ୟକ୍ତିବିଶେଷଙ୍କୁ ବିଭିନ୍ନ କ୍ଷେତ୍ରରେ ସେମାନଙ୍କର ଉଲ୍ଲେଖନୀୟ ସଫଳତା ପାଇଁ ସମ୍ମାନିତ କରାଯାଇଥିଲା। ସମଗ୍ର କାର୍ଯ୍ୟକ୍ରମକୁ ବର୍ଷାରାଣୀ ମେହେର, ସଞ୍ଜୟ ମହାରଣା ଏବଂ ମାଳତୀ ଭଇଁଶାଲ ପ୍ରମୁଖ ପରିଚାଳନା କରିଥିଲେ। କାର୍ଯ୍ୟକ୍ରମ ଆୟୋଜନରେ ଗଏଁଠ୍ ପରିବାରର ପ୍ରତିଷ୍ଠାତା ମନୋଜ ପଟେଲଙ୍କ ସମେତ ବର୍ଷାରାଣୀ ମେହେର, ନିରଞ୍ଜନ ପଟେଲ, ବୁଲବୁଲ୍ ମହାରଣା, ସବ୍ୟା ବିଶ୍ଵକର୍ମା, ବିବେକ ସୁନା, ନମିତା ପଟେଲ, କାହ୍ନା ଭୋଇ, ସରୋଜ ପଟେଲ, ଗଜାନନ ବନିଆ ଏବଂ ଗୌରୀ ରାଣା ପ୍ରମୁଖ ସମସ୍ତ ସଦସ୍ୟ ଓ ସଦସ୍ୟା ସହଯୋଗ କରିଥିଲେ।

ଡିଆରଆଇ, ରାୟପୁରର ବିଶ୍ୱସ୍ତ ସୂଚନା ଆଧାରରେ ବରଗଡ଼ ଗ୍ରାମାଞ୍ଚଳ ଥାନା ପୋଲିସ ଏକ ବଡ଼ ଧରଣର ଗଞ୍ଜେଇ ଚାଲାଣକୁ ଧରିବାରେ ସଫଳ ହୋଇଛି। ଏହି ଘଟଣାରେ ୧୩୧ କେଜି ୩୪୦ ଗ୍ରାମ ଗଞ୍ଜେଇ ଜବତ କରାଯାଇଥିବାବେଳେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୧୦ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି। ପୋଲିସ ତଦନ୍ତରୁ ଜଣାପଡ଼ିଛି ଯେ ଅଭିଯୁକ୍ତମାନେ ଏହି ଗଞ୍ଜେଇକୁ ଝାଡ଼ଖଣ୍ଡକୁ ନେଇ ବିକ୍ରି କରିବାକୁ ଉଦ୍ଦେଶ୍ୟ ରଖିଥିଲେ। ଗିରଫ ଅଭିଯୁକ୍ତମାନେ ହେଲେ ଝାଡ଼ଖଣ୍ଡର ହଜାରିବାଗ ଜିଲ୍ଲା ଅନ୍ତର୍ଗତ ତାତିଝାରିଆ ଅଞ୍ଚଳର ୨୯ ବର୍ଷିୟ ମନୋଜ ଦିୱାକର ଏବଂ ବର୍ହି ଥାନା ଅଞ୍ଚଳର ୩୦ ବର୍ଷିୟ ରୌଶନ କୁମାର ସିଂହ। ସେମାନଙ୍କ ନିକଟରୁ ୧୩୧ କେଜି ୩୪୦ ଗ୍ରାମ ଗଞ୍ଜେଇ, ଏକ କଳା ରଙ୍ଗର କ୍ରେଟା କାର, ତିନୋଟି ଭିନ୍ନ ନମ୍ବର ପ୍ଲେଟ୍, ଦୁଇଟି ମୋବାଇଲ ଫୋନ୍, ନଗଦ ୧,୩୫୦ ଟଙ୍କା, ଏବଂ ଅଭିଯୁକ୍ତଙ୍କ ଆଧାର, ପ୍ୟାନ୍, ଡ୍ରାଇଭିଂ ଲାଇସେନ୍ସ, ଭୋଟର ପରିଚୟପତ୍ର ଓ ଏଟିଏମ୍ କାର୍ଡ ଜବତ କରାଯାଇଛି। ବରଗଡ଼ ଏସ୍‌ପି ଏବଂ ଏସ୍‌ଡିପିଓଙ୍କ ନିର୍ଦ୍ଦେଶରେ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ଜାତୀୟ ରାଜପଥରେ ନାକା ଯାଞ୍ଚ କରାଯାଇଥିଲା, ଯାଞ୍ଚ ସମୟରେ ଏକ କଳା ରଙ୍ଗର କ୍ରେଟା କାରକୁ ଅଟକାଇ ତଦନ୍ତ କରାଯିବା ପରେ କାରରୁ ଗଞ୍ଜେଇ ଜବତ ହୋଇଥିଲା। ବରଗଡ଼ ଆରକ୍ଷୀ ଅଧିକ୍ଷକ ରବୀନ୍ଦ୍ର ନାଥ ଶତପଥୀ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯେ ଏହି କାରବାରରେ ଆଉ କେଉଁମାନଙ୍କ ସଂପୃକ୍ତି ରହିଛି ସେନେଇ ପୋଲିସ ଅଧିକ ତଦନ୍ତ ଜାରି ରଖିଛି।

ସୋନପୁର ଜିଲ୍ଲାର ବିକଳପୁର ଗ୍ରାମରେ ବଜ୍ରାଘାତରେ ଜଣେ ଯୁବକଙ୍କର ମୃତ୍ୟୁ ଘଟିଛି। ଏହି ଦୁଃଖଦ ଘଟଣା ପରେ ସମଗ୍ର ଅଞ୍ଚଳରେ ଶୋକର ଲହରୀ ଖେଳିଯାଇଛି।

ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବହଳପଦର ପଞ୍ଚାୟତ ଅଞ୍ଚଳରେ ବିଦ୍ୟୁତ କାଟ ଯୋଗୁଁ ଜନଜୀବନ ବ୍ୟାପକ ଭାବେ ପ୍ରଭାବିତ ହୋଇଛି। ରବିବାର ସନ୍ଧ୍ୟାରୁ ଆରମ୍ଭ ହୋଇଥିବା ଏହି ବିଦ୍ୟୁତ ବିଭ୍ରାଟ ଖବର ପ୍ରସାରଣ ପର୍ଯ୍ୟନ୍ତ ସ୍ୱାଭାବିକ ହୋଇ ପାରି ନାହିଁ। ଅସହ୍ୟ ଗରମ ଏବଂ ଗୁଳୁଗୁଳି ଯୋଗୁଁ ସ୍ଥାନୀୟ ଜନସାଧାରଣ ଅତ୍ୟନ୍ତ ଅସ୍ତବ୍ୟସ୍ତ ହୋଇପଡ଼ିଛନ୍ତି। ବହଳପଦର ଅଞ୍ଚଳର ଉପଭୋକ୍ତାମାନେ ଏହି ବିଦ୍ୟୁତ କାଟ ଯୋଗୁଁ ଅନେକ ହଇରାଣ ହରକତ ହେଉଥିବା ବେଳେ ଛୋଟ ଛୁଆମାନେ ବିଶେଷ ଭାବେ ଗରମ ଓ ଗୁଳୁଗୁଳିରେ କଷ୍ଟ ଭୋଗୁଛନ୍ତି।

ବିହାର ରାଜଧାନୀ ପାଟନାରେ ସେତେବେଳେ ଏକ ଅସ୍ଥିର ପରିସ୍ଥିତି ସୃଷ୍ଟି ହୋଇଥିଲା, ଯେତେବେଳେ ପରୀକ୍ଷା ଦେବାକୁ ଆସିଥିବା ବହୁ ସଂଖ୍ୟକ ଛାତ୍ର ଟ୍ରେନ୍ ଅତ୍ୟଧିକ ବିଳମ୍ବରେ ଆସିବା ଏବଂ ଟ୍ରେନରେ ସ୍ଥାନ ନ ମିଳିବା କାରଣରୁ ବିରୋଧ ପ୍ରଦର୍ଶନ ଆରମ୍ଭ କରିଦେଇଥିଲେ। ଏହି ବିରୋଧ ପ୍ରଦର୍ଶନ ସମୟରେ, ପରୀକ୍ଷାର୍ଥୀମାନେ ରେଳ ଧାରଣା ଉପରକୁ ଓହ୍ଲାଇଥିଲେ, ଯାହାକି ପାଟନାରେ ହଙ୍ଗାମା ସୃଷ୍ଟି କରିଥିଲା।

ଏକ ଗାଡ଼ି ଖାଇକୁ ଖସିପଡ଼ିବା ପରେ ଏହି ଘଟଣାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ଏହି ଦୁର୍ଘଟଣାରେ ଗାଡ଼ିରେ ଥିବା ଲୋକଙ୍କ ମଧ୍ୟରୁ କେତେଜଣ ବର୍ତ୍ତମାନ ସୁଦ୍ଧା ସୁରକ୍ଷିତ ଅଛନ୍ତି ତାହା ଏକ ପ୍ରମୁଖ ପ୍ରଶ୍ନ ହୋଇ ରହିଛି। ଏହା ସହିତ, ଗାଡ଼ିଟି କିପରି ଏବଂ କେଉଁ ପରିସ୍ଥିତିରେ ଖାଇକୁ ଖସିଲା, ସେ ନେଇ ମଧ୍ୟ କୌଣସି ସ୍ପଷ୍ଟ ସୂଚନା ମିଳିନାହିଁ।