జయశంకర్ భూపాలపల్లి జిల్లాలోని కాటారం మండలం గుడ్రాతుపల్లి గ్రామపంచాయతీలో గురువారం జరిగిన గ్రామసభలో తీవ్ర ఉద్రిక్తత నెలకొంది. ఇందిరమ్మ ఇళ్ల లబ్ధిదారుల జాబితా నుంచి తన పేరును తొలగించారంటూ ఆగ్రహించిన ఒక నిరుపేద, సర్పంచ్, కార్యదర్శి ఎదుటే ఒంటిపై పెట్రోల్ పోసుకుని ఆత్మహత్యాయత్నానికి పాల్పడ్డాడు. గ్రామానికి చెందిన నగునూరు శ్రీనివాస్ గౌడ్ అనే నిరుపేద ఇందిరమ్మ ఇళ్ల పథకానికి దరఖాస్తు చేసుకోగా, మొదటి జాబితాలో తన పేరు వచ్చినా, కక్షపూరిత రాజకీయాల కారణంగా చివరి జాబితా నుంచి తొలగించారని ఆరోపించాడు. దీనితో తీవ్ర మనస్తాపానికి గురైన శ్రీనివాస్, గ్రామసభ జరుగుతుండగానే వెంట తెచ్చుకున్న పెట్రోల్ బాటిల్‌ను తన ఒంటిపై పోసుకున్నాడు. అయితే, వెంటనే అప్రమత్తమైన గ్రామస్తులు, సిబ్బంది అతడిని అడ్డుకుని నిప్పంటించుకోకుండా కాపాడటంతో పెను ప్రమాదం తప్పింది. ఈ ఘటన అనంతరం కన్నీటి పర్యంతమైన శ్రీనివాస్, 'రాజకీయ కక్షలతో నాలాంటి పేదోడికి అన్యాయం చేస్తున్నారు. ఇప్పటికైనా స్థానిక మంత్రి శ్రీధర్ బాబు, సంబంధిత అధికారులు స్పందించి విచారణ జరిపి నాకు న్యాయం చేయాలి. నాకు ఇందిరమ్మ ఇల్లు ఇప్పించాలి' అని విజ్ఞప్తి చేశాడు. ఈ పరిణామంతో గ్రామసభ కొద్దిసేపు స్తంభించగా, బాధితుడికి న్యాయం చేయాలని గ్రామస్తులు కూడా డిమాండ్ చేశారు.

Thalapalli Ramesh

బెల్లంపల్లె, మంచిర్యాల, తెలంగాణ•

13 hrs ago

జయశంకర్ భూపాలపల్లి జిల్లాలోని కాటారం మండలం గుడ్రాతుపల్లి గ్రామపంచాయతీలో గురువారం జరిగిన గ్రామసభలో తీవ్ర ఉద్రిక్తత నెలకొంది. ఇందిరమ్మ ఇళ్ల లబ్ధిదారుల జాబితా నుంచి తన పేరును తొలగించారంటూ ఆగ్రహించిన ఒక నిరుపేద, సర్పంచ్, కార్యదర్శి ఎదుటే ఒంటిపై పెట్రోల్ పోసుకుని ఆత్మహత్యాయత్నానికి పాల్పడ్డాడు. గ్రామానికి చెందిన నగునూరు శ్రీనివాస్ గౌడ్ అనే నిరుపేద ఇందిరమ్మ ఇళ్ల పథకానికి దరఖాస్తు చేసుకోగా, మొదటి జాబితాలో తన పేరు వచ్చినా, కక్షపూరిత రాజకీయాల కారణంగా చివరి జాబితా నుంచి తొలగించారని ఆరోపించాడు. దీనితో తీవ్ర మనస్తాపానికి గురైన శ్రీనివాస్, గ్రామసభ జరుగుతుండగానే వెంట తెచ్చుకున్న పెట్రోల్ బాటిల్‌ను తన ఒంటిపై పోసుకున్నాడు. అయితే, వెంటనే అప్రమత్తమైన గ్రామస్తులు, సిబ్బంది అతడిని అడ్డుకుని నిప్పంటించుకోకుండా కాపాడటంతో పెను ప్రమాదం తప్పింది. ఈ ఘటన అనంతరం కన్నీటి పర్యంతమైన శ్రీనివాస్, 'రాజకీయ కక్షలతో నాలాంటి పేదోడికి అన్యాయం చేస్తున్నారు. ఇప్పటికైనా స్థానిక మంత్రి శ్రీధర్ బాబు, సంబంధిత అధికారులు స్పందించి విచారణ జరిపి నాకు న్యాయం చేయాలి. నాకు ఇందిరమ్మ ఇల్లు ఇప్పించాలి' అని విజ్ఞప్తి చేశాడు. ఈ పరిణామంతో గ్రామసభ కొద్దిసేపు స్తంభించగా, బాధితుడికి న్యాయం చేయాలని గ్రామస్తులు కూడా డిమాండ్ చేశారు.