కరీంనగర్ జిల్లా, గన్నేరువరం మండలం, కాసింపేట గ్రామ ఫీల్డ్ అసిస్టెంట్ జక్కనపల్లి శ్రీలతపై అక్రమాలకు పాల్పడుతూ నిధులను దుర్వినియోగం చేస్తున్నారనే ఆరోపణల మేరకు వేటు పడింది. ఆమెపై వచ్చిన అవినీతి ఆరోపణలు విచారణలో నిజమని తేలడంతో, కరీంనగర్ జిల్లా గ్రామీణ అభివృద్ధి అధికారి (డీఆర్డీఓ) ఎం. గీత బుధవారం ఆమెను విధుల్లో నుంచి తాత్కాలికంగా తొలగిస్తూ సంచలన ఉత్తర్వులు జారీ చేశారు. విచారణలో తేలిన వివరాల ప్రకారం, శ్రీలత దుబాయ్ వెళ్లిన వ్యక్తికి పని కల్పించినట్లు, ఉపాధి హామీ కూలీలను సొంత పనులకు వినియోగించుకున్నట్లు గుర్తించారు. అలాగే, 100 రోజుల పని దినాలు నిండిన వారికి నిబంధనలకు విరుద్ధంగా వేరే జాబ్ కార్డుపై పనులు కల్పించడం, పనికిరాని వారికి హాజరులు వేయడం వంటి అక్రమాలకు పాల్పడ్డారు. అంతేకాకుండా, ఆమె స్వయంగా మూడు జాబ్ కార్డులను కలిగి ఉండి చట్టాన్ని ఉల్లంఘించినట్లు వెల్లడైంది. నిబంధనలను తుంగలో తొక్కి, విధుల్లో తీవ్ర నిర్లక్ష్యం వహించినందుకు గాను శ్రీలతను సస్పెండ్ చేయడమే కాకుండా, ఆమె దుర్వినియోగం చేసిన మొత్తాన్ని రికవరీ చేయాలని ఉన్నతాధికారులు ఆదేశించారు. ఈ ఆర్డర్ అందిన 14 రోజుల్లో ఎందుకు క్రిమినల్ చర్యలు తీసుకోకూడదో వివరణ ఇవ్వాలని కోరుతూ ఆమెకు షోకాజ్ నోటీస్ జారీ అయింది. తక్షణమే ఆమె వద్ద ఉన్న సిమ్ కార్డు, రికార్డులను స్వాధీనం చేసుకోవాలని మండల ఎంపీడీవోకు జిల్లా అధికారి ఆదేశించారు.

Vodnala thirupthi

గన్నేరువరం, కరీంనగర్, తెలంగాణ•

13 hrs ago

కరీంనగర్ జిల్లా, గన్నేరువరం మండలం, కాసింపేట గ్రామ ఫీల్డ్ అసిస్టెంట్ జక్కనపల్లి శ్రీలతపై అక్రమాలకు పాల్పడుతూ నిధులను దుర్వినియోగం చేస్తున్నారనే ఆరోపణల మేరకు వేటు పడింది. ఆమెపై వచ్చిన అవినీతి ఆరోపణలు విచారణలో నిజమని తేలడంతో, కరీంనగర్ జిల్లా గ్రామీణ అభివృద్ధి అధికారి (డీఆర్డీఓ) ఎం. గీత బుధవారం ఆమెను విధుల్లో నుంచి తాత్కాలికంగా తొలగిస్తూ సంచలన ఉత్తర్వులు జారీ చేశారు. విచారణలో తేలిన వివరాల ప్రకారం, శ్రీలత దుబాయ్ వెళ్లిన వ్యక్తికి పని కల్పించినట్లు, ఉపాధి హామీ కూలీలను సొంత పనులకు వినియోగించుకున్నట్లు గుర్తించారు. అలాగే, 100 రోజుల పని దినాలు నిండిన వారికి నిబంధనలకు విరుద్ధంగా వేరే జాబ్ కార్డుపై పనులు కల్పించడం, పనికిరాని వారికి హాజరులు వేయడం వంటి అక్రమాలకు పాల్పడ్డారు. అంతేకాకుండా, ఆమె స్వయంగా మూడు జాబ్ కార్డులను కలిగి ఉండి చట్టాన్ని ఉల్లంఘించినట్లు వెల్లడైంది. నిబంధనలను తుంగలో తొక్కి, విధుల్లో తీవ్ర నిర్లక్ష్యం వహించినందుకు గాను శ్రీలతను సస్పెండ్ చేయడమే కాకుండా, ఆమె దుర్వినియోగం చేసిన మొత్తాన్ని రికవరీ చేయాలని ఉన్నతాధికారులు ఆదేశించారు. ఈ ఆర్డర్ అందిన 14 రోజుల్లో ఎందుకు క్రిమినల్ చర్యలు తీసుకోకూడదో వివరణ ఇవ్వాలని కోరుతూ ఆమెకు షోకాజ్ నోటీస్ జారీ అయింది. తక్షణమే ఆమె వద్ద ఉన్న సిమ్ కార్డు, రికార్డులను స్వాధీనం చేసుకోవాలని మండల ఎంపీడీవోకు జిల్లా అధికారి ఆదేశించారు.