राज्य परिवहन (एसटी) कर्मचाऱ्यांच्या प्रलंबित आर्थिक मागण्या आणि विविध प्रश्नांबाबत शासनाचे लक्ष वेधण्यासाठी महाराष्ट्र एसटी कामगार संयुक्त कृती समितीच्या वतीने शेगाव आगारात सोमवारी घंटानाद आंदोलन करण्यात आले. यावेळी कर्मचाऱ्यांनी शासनाच्या धोरणांविरोधात तीव्र नाराजी व्यक्त करत त्यांच्या प्रलंबित आर्थिक मागण्या तात्काळ मंजूर करण्याची मागणी केली. संयुक्त कृती समितीने आंदोलनाची पूर्वसूचना यापूर्वीच पोलीस प्रशासनाला दिली होती, ज्यात १५ जून रोजी घंटानाद आंदोलन, २२ जून रोजी दुपारी २ ते २.३० वाजेदरम्यान द्वारसभा आणि २१ जूनपासून धरणे आंदोलन करण्याची घोषणा करण्यात आली होती. या घंटानाद आंदोलनात महेश बुरुंगले, अमोल राठोड, भास्कर गीते, दीपक चिकटे, नरेंद्र खंडेराव, अमोल गावंडे, राजेश बिटोळे, मारोती नागे, प्रफुल चव्हाण, जमीर देशमुख, वैभव पाठक, सुगधनंद इंगळे, मंगेश उईके, श्रीकृष्ण बुटे, शेषराव निंबाळकर, वसीम राजा, सुभाष बहाकर, राजाराम माळी, संतोष दिवनाले, शेख रियाजुद्दीन, प्रकाश परीहार, प्रमोद बुंदे, अमोल पूर्णये यांच्यासह महिला कर्मचारी शितल लाखे, दर्शना भावरकर, सत्यभामा सदार, रूपाली ताथोड व अन्य महिला कर्मचारी मोठ्या संख्येने सहभागी झाल्या होत्या. कामगारांच्या विविध आर्थिक मागण्या अद्याप प्रलंबित असल्याने कर्मचाऱ्यांमध्ये तीव्र नाराजीचे वातावरण असून, शासनाने याकडे गांभीर्याने लक्ष देऊन तातडीने सकारात्मक निर्णय घ्यावा, अन्यथा आंदोलन अधिक तीव्र करण्यात येईल, असा इशारा संयुक्त कृती समितीने दिला आहे. शेगाव आगारातील या आंदोलनामुळे एसटी कर्मचाऱ्यांच्या मागण्यांचा प्रश्न पुन्हा एकदा चर्चेत आला आहे.

Sachin kadukar

Photographer Shegaon, Buldhana•

6 hrs ago

राज्य परिवहन (एसटी) कर्मचाऱ्यांच्या प्रलंबित आर्थिक मागण्या आणि विविध प्रश्नांबाबत शासनाचे लक्ष वेधण्यासाठी महाराष्ट्र एसटी कामगार संयुक्त कृती समितीच्या वतीने शेगाव आगारात सोमवारी घंटानाद आंदोलन करण्यात आले. यावेळी कर्मचाऱ्यांनी शासनाच्या धोरणांविरोधात तीव्र नाराजी व्यक्त करत त्यांच्या प्रलंबित आर्थिक मागण्या तात्काळ मंजूर करण्याची मागणी केली. संयुक्त कृती समितीने आंदोलनाची पूर्वसूचना यापूर्वीच पोलीस प्रशासनाला दिली होती, ज्यात १५ जून रोजी घंटानाद आंदोलन, २२ जून रोजी दुपारी २ ते २.३० वाजेदरम्यान द्वारसभा आणि २१ जूनपासून धरणे आंदोलन करण्याची घोषणा करण्यात आली होती. या घंटानाद आंदोलनात महेश बुरुंगले, अमोल राठोड, भास्कर गीते, दीपक चिकटे, नरेंद्र खंडेराव, अमोल गावंडे, राजेश बिटोळे, मारोती नागे, प्रफुल चव्हाण, जमीर देशमुख, वैभव पाठक, सुगधनंद इंगळे, मंगेश उईके, श्रीकृष्ण बुटे, शेषराव निंबाळकर, वसीम राजा, सुभाष बहाकर, राजाराम माळी, संतोष दिवनाले, शेख रियाजुद्दीन, प्रकाश परीहार, प्रमोद बुंदे, अमोल पूर्णये यांच्यासह महिला कर्मचारी शितल लाखे, दर्शना भावरकर, सत्यभामा सदार, रूपाली ताथोड व अन्य महिला कर्मचारी मोठ्या संख्येने सहभागी झाल्या होत्या. कामगारांच्या विविध आर्थिक मागण्या अद्याप प्रलंबित असल्याने कर्मचाऱ्यांमध्ये तीव्र नाराजीचे वातावरण असून, शासनाने याकडे गांभीर्याने लक्ष देऊन तातडीने सकारात्मक निर्णय घ्यावा, अन्यथा आंदोलन अधिक तीव्र करण्यात येईल, असा इशारा संयुक्त कृती समितीने दिला आहे. शेगाव आगारातील या आंदोलनामुळे एसटी कर्मचाऱ्यांच्या मागण्यांचा प्रश्न पुन्हा एकदा चर्चेत आला आहे.