ग्रामीण भागातील युवतींच्या स्वसंरक्षणासाठी जय भवानी महाविद्यालयाचा पुढाकार ----- जयभवानी महाविद्यालयातील अंतर्गत तक्रार निवारण समितीचा स्तुत्य उपक्रम... ------- (पाटोदा) - जय भवानी शिक्षण प्रसारक मंडळाचे कला व विज्ञान महाविद्यालय, पाटोदा येथील अंतर्गत तक्रार निवारण समितीच्या वतीने विद्यार्थिनींसाठी तीन महिन्यांच्या कराटे प्रशिक्षण शिबिराचे आयोजन करण्यात आले आहे. ‘राजमाता जिजाऊ युवती स्वसंरक्षण प्रशिक्षण शिबिर’ दि. ०१ ऑगस्ट- २०२६ ते ३१ ऑक्टोबर २०२६ या कालावधीत आयोजित करण्यात आले आहे. शिबिराचे उद्घाटन दि. ०१ ऑगस्ट- २०२६ रोजी श्री.शिवाजीराव पंडित कला, विज्ञान व वाणिज्य महाविद्यालय, शिवाजीनगर, गढीचे प्राचार्य डॉ.विश्वास कदम सर यांच्या हस्ते झाले. कार्यक्रमाच्या अध्यक्षस्थानी महाविद्यालयाचे प्राचार्य डॉ.सदाशिव सरकटे होते. तर प्रमुख पाहुणे व कराटे प्रशिक्षक श्री.कंकरसिंग टाक, सहाय्यक प्रशिक्षक कु.मयुरी धनंजय जाधव यांची उपस्थिती होती. या वेळी प्रा.सोमनाथ घाडगे तसेच अंतर्गत मूल्यांकन हमी कक्षाचे प्रमुख प्रा.विनोद किर्दक उपस्थित होते. अंतर्गत तक्रार निवारण समितीच्या पीठासीन अधिकारी प्रा.ज्योती रकटे यांनी प्रास्ताविकातून कार्यक्रमाची रूपरेषा, उद्देश व उपस्थित मान्यवरांची ओळख करून दिली. विद्यार्थिनींमध्ये आत्मसंरक्षणाची भावना निर्माण करणे, शारीरिक तंदुरुस्ती वाढविणे, आत्मविश्वास विकसित करणे तसेच संकटाच्या प्रसंगी स्वतःचे संरक्षण करण्यासाठी आवश्यक कौशल्ये आत्मसात करून देणे, हा या प्रशिक्षण शिबिराचा प्रमुख उद्देश असल्याचे त्यांनी सांगितले. उद्घाटनप्रसंगी प्राचार्य डॉ.विश्वास कदम म्हणाले की, “आजच्या काळात विद्यार्थिनींनी केवळ शैक्षणिकदृष्ट्या सक्षम असणे पुरेसे नसून त्यांच्या मध्ये आत्मसंरक्षणाची जाणीव आणि आत्मविश्वास असणेही आवश्यक आहे. कराटे प्रशिक्षणामुळे शारीरिक क्षमता, मानसिक बळ, शिस्त आणि संकटांचा सामना करण्याची तयारी विकसित होते. महाविद्यालयाने राबविलेला हा उपक्रम निश्चितच कौतुकास्पद आहे.” प्रमुख पाहुणे व कराटे प्रशिक्षक श्री.कंकरसिंग टाक यांनी मार्गदर्शन करताना सांगितले की, “कराटे ही केवळ मार्शल आर्ट नसून आत्मसंरक्षणाचे प्रभावी माध्यम आहे. नियमित सरावामुळे शरीराची ताकद वाढण्याबरोबरच मनाची एकाग्रता, आत्मविश्वास आणि प्रसंगावधान विकसित होते.” या वेळी त्यांनी विद्यार्थिनींना कराटेच्या विविध तंत्रांचे प्रात्यक्षिक करून दाखविले व मार्गदर्शन केले. अध्यक्षीय समारोपात प्राचार्य डॉ.सदाशिव सरकटे म्हणाले की, “विद्यार्थ्यांच्या सर्वांगीण विकासासाठी शिक्षणासोबतच शारीरिक व मानसिक सक्षमीकरण आवश्यक आहे. विशेषतः विद्यार्थिनींमध्ये आत्मसंरक्षणाची कौशल्ये विकसित करण्यासाठी या प्रशिक्षण शिबिराचा निश्चितच फायदा होईल. विद्यार्थिनींनी या संधीचा पुरेपूर उपयोग करून प्रशिक्षण सातत्याने पूर्ण करावे आणि आत्मविश्वासाने प्रत्येक परिस्थितीचा सामना करावा.” कार्यक्रमाचे सूत्रसंचालन प्रा.डॉ.अशोक देवगुडे यांनी केले, तर प्रा.डॉ.वंदन जाधव यांनी उपस्थितांचे आभार मानले. शिबिराच्या आयोजनासाठी महाविद्यालयातील प्राध्यापक, शिक्षकेत्तर कर्मचारी व विद्यार्थ्यांचे सहकार्य लाभले. तीन महिन्यांच्या या प्रशिक्षणातून विद्यार्थिनींना कराटेच्या विविध तंत्रांसोबतच आत्मसंरक्षण, शिस्त, एकाग्रता आणि आत्मविश्वासाचे धडे मिळणार आहेत. ----- ---_--- ग्रामीण भागातील विद्यार्थिनींच्या सुरक्षिततेसह त्यांच्या सर्वांगीण व्यक्तिमत्त्व विकासाच्या दृष्टीने हा उपक्रम महत्त्वपूर्ण व कौतुकास पात्र ठरत आहे. या उपक्रमामुळे महाविद्यालयाचे सर्व स्तरातुन कौतुक होत आहे. ---

शेख महेशर ताहेर (पञकार)

पाटोदा, बीड, महाराष्ट्र•

3 hrs ago

ग्रामीण भागातील युवतींच्या स्वसंरक्षणासाठी जय भवानी महाविद्यालयाचा पुढाकार ----- जयभवानी महाविद्यालयातील अंतर्गत तक्रार निवारण समितीचा स्तुत्य उपक्रम... ------- (पाटोदा) - जय भवानी शिक्षण प्रसारक मंडळाचे कला व विज्ञान महाविद्यालय, पाटोदा येथील अंतर्गत तक्रार निवारण समितीच्या वतीने विद्यार्थिनींसाठी तीन महिन्यांच्या कराटे प्रशिक्षण शिबिराचे आयोजन करण्यात आले आहे. ‘राजमाता जिजाऊ युवती स्वसंरक्षण प्रशिक्षण शिबिर’ दि. ०१ ऑगस्ट- २०२६ ते ३१ ऑक्टोबर २०२६ या कालावधीत आयोजित करण्यात आले आहे. शिबिराचे उद्घाटन दि. ०१ ऑगस्ट- २०२६ रोजी श्री.शिवाजीराव पंडित कला, विज्ञान व वाणिज्य महाविद्यालय, शिवाजीनगर, गढीचे प्राचार्य डॉ.विश्वास कदम सर यांच्या हस्ते झाले. कार्यक्रमाच्या अध्यक्षस्थानी महाविद्यालयाचे प्राचार्य डॉ.सदाशिव सरकटे होते. तर प्रमुख पाहुणे व कराटे प्रशिक्षक श्री.कंकरसिंग टाक, सहाय्यक प्रशिक्षक कु.मयुरी धनंजय जाधव यांची उपस्थिती होती. या वेळी प्रा.सोमनाथ घाडगे तसेच अंतर्गत मूल्यांकन हमी कक्षाचे प्रमुख प्रा.विनोद किर्दक उपस्थित होते. अंतर्गत तक्रार निवारण समितीच्या पीठासीन अधिकारी प्रा.ज्योती रकटे यांनी प्रास्ताविकातून कार्यक्रमाची रूपरेषा, उद्देश व उपस्थित मान्यवरांची ओळख करून दिली. विद्यार्थिनींमध्ये आत्मसंरक्षणाची भावना निर्माण करणे, शारीरिक तंदुरुस्ती वाढविणे, आत्मविश्वास विकसित करणे तसेच संकटाच्या प्रसंगी स्वतःचे संरक्षण करण्यासाठी आवश्यक कौशल्ये आत्मसात करून देणे, हा या प्रशिक्षण शिबिराचा प्रमुख उद्देश असल्याचे त्यांनी सांगितले. उद्घाटनप्रसंगी प्राचार्य डॉ.विश्वास कदम म्हणाले की, “आजच्या काळात विद्यार्थिनींनी केवळ शैक्षणिकदृष्ट्या सक्षम असणे पुरेसे

नसून त्यांच्या मध्ये आत्मसंरक्षणाची जाणीव आणि आत्मविश्वास असणेही आवश्यक आहे. कराटे प्रशिक्षणामुळे शारीरिक क्षमता, मानसिक बळ, शिस्त आणि संकटांचा सामना करण्याची तयारी विकसित होते. महाविद्यालयाने राबविलेला हा उपक्रम निश्चितच कौतुकास्पद आहे.” प्रमुख पाहुणे व कराटे प्रशिक्षक श्री.कंकरसिंग टाक यांनी मार्गदर्शन करताना सांगितले की, “कराटे ही केवळ मार्शल आर्ट नसून आत्मसंरक्षणाचे प्रभावी माध्यम आहे. नियमित सरावामुळे शरीराची ताकद वाढण्याबरोबरच मनाची एकाग्रता, आत्मविश्वास आणि प्रसंगावधान विकसित होते.” या वेळी त्यांनी विद्यार्थिनींना कराटेच्या विविध तंत्रांचे प्रात्यक्षिक करून दाखविले व मार्गदर्शन केले. अध्यक्षीय समारोपात प्राचार्य डॉ.सदाशिव सरकटे म्हणाले की, “विद्यार्थ्यांच्या सर्वांगीण विकासासाठी शिक्षणासोबतच शारीरिक व मानसिक सक्षमीकरण आवश्यक आहे. विशेषतः विद्यार्थिनींमध्ये आत्मसंरक्षणाची कौशल्ये विकसित करण्यासाठी या प्रशिक्षण शिबिराचा निश्चितच फायदा होईल. विद्यार्थिनींनी या संधीचा पुरेपूर उपयोग करून प्रशिक्षण सातत्याने पूर्ण करावे आणि आत्मविश्वासाने प्रत्येक परिस्थितीचा सामना करावा.” कार्यक्रमाचे सूत्रसंचालन प्रा.डॉ.अशोक देवगुडे यांनी केले, तर प्रा.डॉ.वंदन जाधव यांनी उपस्थितांचे आभार मानले. शिबिराच्या आयोजनासाठी महाविद्यालयातील प्राध्यापक, शिक्षकेत्तर कर्मचारी व विद्यार्थ्यांचे सहकार्य लाभले. तीन महिन्यांच्या या प्रशिक्षणातून विद्यार्थिनींना कराटेच्या विविध तंत्रांसोबतच आत्मसंरक्षण, शिस्त, एकाग्रता आणि आत्मविश्वासाचे धडे मिळणार आहेत. ----- ---_--- ग्रामीण भागातील विद्यार्थिनींच्या सुरक्षिततेसह त्यांच्या सर्वांगीण व्यक्तिमत्त्व विकासाच्या दृष्टीने हा उपक्रम महत्त्वपूर्ण व कौतुकास पात्र ठरत आहे. या उपक्रमामुळे महाविद्यालयाचे सर्व स्तरातुन कौतुक होत आहे. ---