কাছাৰৰ সৈয়দপুৰত ১৫ দিনৰ ভিতৰত পুনৰ মৃতদেহ উদ্ধাৰ, যুৱকৰ মৃত্যুক লৈ চাঞ্চল্য কাছাৰৰ সৈয়দপুৰত ১৫ দিনৰ ভিতৰত পুনৰ মৃতদেহ উদ্ধাৰ, যুৱকৰ মৃত্যুক লৈ চাঞ্চল্য কাছাৰ জিলাৰ শিলচৰ সদৰ থানাৰ অন্তৰ্গত সৈয়দপুৰ দ্বিতীয় খণ্ডত ১৫ দিনৰ ভিতৰত পুনৰ এজন লোকৰ মৃতদেহ উদ্ধাৰ হোৱা ঘটনাই অঞ্চলটোত চাঞ্চল্যৰ সৃষ্টি কৰিছে। এইবাৰ মৃত অৱস্থাত উদ্ধাৰ হৈছে অঞ্চলটোৰ বাসিন্দা প্ৰায় ৪০ বছৰীয়া নীলু ৰায়ৰ মৃতদেহ। জানিব পৰা মতে, বুধবাৰে সন্ধিয়া গাঁৱৰ এখন ঘৰত অনুষ্ঠিত কীৰ্তনত অংশগ্ৰহণ কৰিবলৈ ঘৰৰ পৰা ওলাই গৈছিল নীলু ৰায়। কিন্তু নিশা তেওঁ ঘৰলৈ উভতি নাহিল। পৰিয়ালৰ লোকে বিভিন্ন স্থানত বিচাৰ-খোঁচাৰ কৰিও তেওঁৰ কোনো সন্ধান লাভ কৰা নাছিল। ইয়াৰ পিছত বৃহস্পতিবাৰে পুৱা ঘৰৰ ওচৰতে সৈয়দপুৰ বাইপাছৰ ফকিৰটিলা ৰোডৰ কাষৰ এটা নলাৰ ভিতৰৰ পৰা নীলু ৰায়ৰ মৃতদেহ উদ্ধাৰ কৰা হয়। মৃতদেহটোত চোকা অস্ত্ৰৰ আঘাতৰ চিন থকা বুলি জানিব পৰা গৈছে। ঘটনাৰ খবৰ লাভ কৰি আৰক্ষী ঘটনাস্থলীত উপস্থিত হৈ প্ৰাথমিক তদন্ত আৰম্ভ কৰে। মৃত নীলু ৰায়ৰ আত্মীয় তুষাৰ ৰায় আৰু অনুপ ৰায়ে জানিবলৈ দিয়ে যে নীলু ৰায় এগৰাকী অতি সহজ-সৰল আৰু দৰিদ্ৰ পৰিয়ালৰ লোক আছিল। তেওঁৰ পৰিয়ালত পত্নীৰ লগতে তিনিটা সন্তান আছে। ঘটনাটোৰ সম্পূৰ্ণ তদন্ত কৰি জড়িত লোকসকলক শীঘ্ৰে গ্ৰেপ্তাৰৰ দাবী জনাইছে পৰিয়ালৰ লোকে। ইফালে, সোণাবাড়িঘাট জিপিৰ সভাপতিগৰাকীৰ প্ৰতিনিধি সুমন ৰায়ে কয় যে ভাৰতমালা পথ নিৰ্মাণৰ পিছৰে পৰা অঞ্চলটোত অসামাজিক কাৰ্যকলাপ বৃদ্ধি পাইছে। মাত্ৰ ১৫ দিনৰ ভিতৰত একেটা অঞ্চলতে দুটা মৃতদেহ উদ্ধাৰ হোৱা ঘটনাত উদ্বেগ প্ৰকাশ কৰি তেওঁ ৰায়পাৰা অঞ্চলত আৰক্ষীৰ স্থায়ী পেট্ৰ’ল পোষ্ট স্থাপনৰ দাবী জনায়। সমগ্ৰ ঘটনাক লৈ অঞ্চলটোত তীব্ৰ চাঞ্চল্য আৰু উদ্বেগৰ সৃষ্টি হৈছে। নীলু ৰায়ৰ মৃত্যুৰ প্ৰকৃত কাৰণ আৰু ঘটনাৰ আঁৰত কোনো লোক জড়িত আছে নেকি, সেয়া আৰক্ষীৰ তদন্তৰ পিছতহে স্পষ্ট হ’ব।

Ramij laskar

Local News Reporter শিলচৰ, কাছাৰ, অসম•

49 min ago

কাছাৰৰ সৈয়দপুৰত ১৫ দিনৰ ভিতৰত পুনৰ মৃতদেহ উদ্ধাৰ, যুৱকৰ মৃত্যুক লৈ চাঞ্চল্য কাছাৰৰ সৈয়দপুৰত ১৫ দিনৰ ভিতৰত পুনৰ মৃতদেহ উদ্ধাৰ, যুৱকৰ মৃত্যুক লৈ চাঞ্চল্য কাছাৰ জিলাৰ শিলচৰ সদৰ থানাৰ অন্তৰ্গত সৈয়দপুৰ দ্বিতীয় খণ্ডত ১৫ দিনৰ ভিতৰত পুনৰ এজন লোকৰ মৃতদেহ উদ্ধাৰ হোৱা ঘটনাই অঞ্চলটোত চাঞ্চল্যৰ সৃষ্টি কৰিছে। এইবাৰ মৃত অৱস্থাত উদ্ধাৰ হৈছে অঞ্চলটোৰ বাসিন্দা প্ৰায় ৪০ বছৰীয়া নীলু ৰায়ৰ মৃতদেহ। জানিব পৰা মতে, বুধবাৰে সন্ধিয়া গাঁৱৰ এখন ঘৰত অনুষ্ঠিত কীৰ্তনত অংশগ্ৰহণ কৰিবলৈ ঘৰৰ পৰা ওলাই গৈছিল নীলু ৰায়। কিন্তু নিশা তেওঁ ঘৰলৈ উভতি নাহিল। পৰিয়ালৰ লোকে বিভিন্ন স্থানত বিচাৰ-খোঁচাৰ কৰিও তেওঁৰ কোনো সন্ধান লাভ কৰা নাছিল। ইয়াৰ পিছত বৃহস্পতিবাৰে পুৱা ঘৰৰ ওচৰতে সৈয়দপুৰ বাইপাছৰ ফকিৰটিলা ৰোডৰ কাষৰ এটা নলাৰ ভিতৰৰ পৰা নীলু ৰায়ৰ মৃতদেহ উদ্ধাৰ কৰা হয়। মৃতদেহটোত চোকা অস্ত্ৰৰ আঘাতৰ চিন থকা বুলি জানিব পৰা গৈছে। ঘটনাৰ খবৰ লাভ কৰি আৰক্ষী ঘটনাস্থলীত উপস্থিত হৈ প্ৰাথমিক তদন্ত আৰম্ভ কৰে। মৃত নীলু ৰায়ৰ আত্মীয় তুষাৰ ৰায় আৰু অনুপ ৰায়ে জানিবলৈ দিয়ে যে নীলু ৰায় এগৰাকী অতি সহজ-সৰল আৰু দৰিদ্ৰ পৰিয়ালৰ লোক আছিল। তেওঁৰ পৰিয়ালত পত্নীৰ লগতে তিনিটা সন্তান আছে। ঘটনাটোৰ সম্পূৰ্ণ তদন্ত কৰি জড়িত লোকসকলক শীঘ্ৰে গ্ৰেপ্তাৰৰ দাবী জনাইছে পৰিয়ালৰ লোকে। ইফালে, সোণাবাড়িঘাট জিপিৰ সভাপতিগৰাকীৰ প্ৰতিনিধি সুমন ৰায়ে কয় যে ভাৰতমালা পথ নিৰ্মাণৰ পিছৰে পৰা অঞ্চলটোত অসামাজিক কাৰ্যকলাপ বৃদ্ধি পাইছে। মাত্ৰ ১৫ দিনৰ ভিতৰত একেটা অঞ্চলতে দুটা মৃতদেহ উদ্ধাৰ হোৱা ঘটনাত উদ্বেগ প্ৰকাশ কৰি তেওঁ ৰায়পাৰা অঞ্চলত আৰক্ষীৰ স্থায়ী পেট্ৰ’ল পোষ্ট স্থাপনৰ দাবী জনায়। সমগ্ৰ ঘটনাক লৈ অঞ্চলটোত তীব্ৰ চাঞ্চল্য আৰু উদ্বেগৰ সৃষ্টি হৈছে। নীলু ৰায়ৰ মৃত্যুৰ প্ৰকৃত কাৰণ আৰু ঘটনাৰ আঁৰত কোনো লোক জড়িত আছে নেকি, সেয়া আৰক্ষীৰ তদন্তৰ পিছতহে স্পষ্ট হ’ব।