ବ୍ୟାସକବି ଫକୀରମୋହନ ସେନାପତିଙ୍କ ପ୍ରତି ଅପମାନଜନକ ଭାଷା ପ୍ରୟୋଗ ଅଭିଯୋଗରେ ବାଲେଶ୍ୱର ଜିଲ୍ଲା ଯୁବ ଓ ଛାତ୍ର କଂଗ୍ରେସ ପକ୍ଷରୁ ଶନିବାର ସନ୍ଧ୍ୟାରେ ଅଭିଳାଷ ପଣ୍ଡାଙ୍କ ବିରୋଧରେ ତୀବ୍ର ପ୍ରତିବାଦ କରାଯାଇଛି। ଏହି ପ୍ରତିବାଦ ସମୟରେ ତାଙ୍କର କୁଶପୁତ୍ତଳିକା ଦାହ କରାଯାଇଛି। ଜିଲ୍ଲା ଯୁବ କଂଗ୍ରେସ ସଭାପତି ଇଂ. ରଞ୍ଜନ ଦାସ ଓ କଂଗ୍ରେସ ଛାତ୍ର ନେତା ଗୌତମ ସାହୁଙ୍କ ନେତୃତ୍ୱରେ ବିଦ୍ୟୁତ ମାର୍ଗର ରେଳବାଇ ଓଭରବ୍ରିଜ ଛକରୁ ଏକ ଶୋଭାଯାତ୍ରା ବାହାରି ଷ୍ଟେସନ ଛକରେ ପହଞ୍ଚିଥିଲା। ସେଠାରେ ପ୍ରତିବାଦକାରୀମାନେ ଶ୍ରୀ ପଣ୍ଡାଙ୍କ ବିରୋଧରେ ସ୍ଲୋଗାନ ଦେବା ସହ କୁଶପୁତ୍ତଳିକା ଦାହ କରିଥିଲେ। ଏହି କାର୍ଯ୍ୟକ୍ରମରେ ଯୁବ ନେତା ସରୋଜ କୁମାର ଲେଙ୍କା, ଟାଉନ କଂଗ୍ରେସ ସଭାପତି ଅନୁପ କୁମାର ସ୍ୱାଇଁ ସମେତ ବହୁ ଛାତ୍ର ଓ ଯୁବ କଂଗ୍ରେସ କର୍ମୀ ଉପସ୍ଥିତ ଥିଲେ। ବକ୍ତାମାନେ କହିଥିଲେ ଯେ, ଓଡ଼ିଆ ଭାଷାକୁ ସୁରକ୍ଷା ଦେଇ ବଙ୍ଗୀୟ ଷଡ଼ଯନ୍ତ୍ରରୁ ରକ୍ଷା କରିଥିବା ବ୍ୟାସକବି ଫକୀରମୋହନ ସେନାପତି ଓଡ଼ିଆ ଜାତି ଓ ଭାଷାର ଅସ୍ମିତାର ପ୍ରତୀକ। ତାଙ୍କୁ ଅସମ୍ମାନ କରିବା ଦ୍ୱାରା ଶ୍ରୀ ପଣ୍ଡାଙ୍କ ଶିକ୍ଷା, ଦୀକ୍ଷା ଓ ସଂସ୍କାରର ପରିଚୟ ମିଳୁଛି ବୋଲି ସେମାନେ ମତ ଦେଇଥିଲେ। ପ୍ରତିବାଦକାରୀମାନେ ଅଭିଯୋଗ କରିଥିଲେ ଯେ, ବାଲେଶ୍ୱରର ସାଂସଦ ଓ ବିଧାୟକମାନେ ଏହି ପ୍ରସଙ୍ଗରେ ନୀରବ ରହିବା ଦୁଃଖଦ ଓ ପରିତାପର ବିଷୟ ଏବଂ ସେମାନଙ୍କ ନୀରବତା ଓଡ଼ିଆ ଭାଷାଭାଷୀ ଲୋକଙ୍କୁ ମର୍ମାହତ କରିଛି।

Journalist Harishankar Jena

Media company ବାଲେଶ୍ୱର ସଦର, ବାଲେଶ୍ୱର, ଓଡ଼ିଶା•

1 hr ago

ବ୍ୟାସକବି ଫକୀରମୋହନ ସେନାପତିଙ୍କ ପ୍ରତି ଅପମାନଜନକ ଭାଷା ପ୍ରୟୋଗ ଅଭିଯୋଗରେ ବାଲେଶ୍ୱର ଜିଲ୍ଲା ଯୁବ ଓ ଛାତ୍ର କଂଗ୍ରେସ ପକ୍ଷରୁ ଶନିବାର ସନ୍ଧ୍ୟାରେ ଅଭିଳାଷ ପଣ୍ଡାଙ୍କ ବିରୋଧରେ ତୀବ୍ର ପ୍ରତିବାଦ କରାଯାଇଛି। ଏହି ପ୍ରତିବାଦ ସମୟରେ ତାଙ୍କର କୁଶପୁତ୍ତଳିକା ଦାହ କରାଯାଇଛି। ଜିଲ୍ଲା ଯୁବ କଂଗ୍ରେସ ସଭାପତି ଇଂ. ରଞ୍ଜନ ଦାସ ଓ କଂଗ୍ରେସ ଛାତ୍ର ନେତା ଗୌତମ ସାହୁଙ୍କ ନେତୃତ୍ୱରେ ବିଦ୍ୟୁତ ମାର୍ଗର ରେଳବାଇ ଓଭରବ୍ରିଜ ଛକରୁ ଏକ ଶୋଭାଯାତ୍ରା ବାହାରି ଷ୍ଟେସନ ଛକରେ ପହଞ୍ଚିଥିଲା। ସେଠାରେ ପ୍ରତିବାଦକାରୀମାନେ ଶ୍ରୀ ପଣ୍ଡାଙ୍କ ବିରୋଧରେ ସ୍ଲୋଗାନ ଦେବା ସହ କୁଶପୁତ୍ତଳିକା ଦାହ କରିଥିଲେ। ଏହି କାର୍ଯ୍ୟକ୍ରମରେ ଯୁବ ନେତା ସରୋଜ କୁମାର ଲେଙ୍କା, ଟାଉନ କଂଗ୍ରେସ ସଭାପତି ଅନୁପ କୁମାର ସ୍ୱାଇଁ ସମେତ ବହୁ ଛାତ୍ର ଓ ଯୁବ କଂଗ୍ରେସ କର୍ମୀ ଉପସ୍ଥିତ ଥିଲେ। ବକ୍ତାମାନେ କହିଥିଲେ ଯେ, ଓଡ଼ିଆ ଭାଷାକୁ ସୁରକ୍ଷା ଦେଇ ବଙ୍ଗୀୟ ଷଡ଼ଯନ୍ତ୍ରରୁ ରକ୍ଷା କରିଥିବା ବ୍ୟାସକବି ଫକୀରମୋହନ ସେନାପତି ଓଡ଼ିଆ ଜାତି ଓ ଭାଷାର ଅସ୍ମିତାର ପ୍ରତୀକ। ତାଙ୍କୁ ଅସମ୍ମାନ କରିବା ଦ୍ୱାରା ଶ୍ରୀ ପଣ୍ଡାଙ୍କ ଶିକ୍ଷା, ଦୀକ୍ଷା ଓ ସଂସ୍କାରର ପରିଚୟ ମିଳୁଛି ବୋଲି ସେମାନେ ମତ ଦେଇଥିଲେ। ପ୍ରତିବାଦକାରୀମାନେ ଅଭିଯୋଗ କରିଥିଲେ ଯେ, ବାଲେଶ୍ୱରର ସାଂସଦ ଓ ବିଧାୟକମାନେ ଏହି ପ୍ରସଙ୍ଗରେ ନୀରବ ରହିବା ଦୁଃଖଦ ଓ ପରିତାପର ବିଷୟ ଏବଂ ସେମାନଙ୍କ ନୀରବତା ଓଡ଼ିଆ ଭାଷାଭାଷୀ ଲୋକଙ୍କୁ ମର୍ମାହତ କରିଛି।