पिंपरी-चिंचवडमध्ये महापालिकेची धडक कारवाई, ४६ अनधिकृत बांधकामे जमीनदोस्त.... पिंपरी चिंचवड :- शहराचा नियोजनबद्ध विकास आणि सुरक्षिततेच्या दृष्टीने पिंपरी-चिंचवड महानगरपालिकेने अतिक्रमणांविरोधात विशेष मोहीम उघडली आहे. गेल्या तीन दिवसांत शहराच्या विविध भागांत राबविलेल्या धडक मोहिमेत पालिकेने ४६ अनधिकृत बांधकामे आणि पत्राशेडवर हातोडा चालवला आहे... या कारवाईत एकूण ४५ हजार २८९ चौरस फूट क्षेत्रावरील अनधिकृत बांधकामे निष्कासित करण्यात आली आहेत. महानगरपालिकेच्या ब, क, इ, ग आणि फ क्षेत्रीय कार्यालयांच्या हद्दीत ही व्यापक कारवाई करण्यात आली. यामध्ये चिंचवडमधील प्रभाग क्रमांक १८ मध्ये सर्वाधिक मोठी कारवाई करत सुमारे २१ हजार ७९८ चौरस फूट क्षेत्र मोकळे करण्यात आले. तसेच भोसरी, सद्गुरूनगर आणि बोऱ्हाडेवाडी परिसरात निवासी व व्यावसायिक आरसीसी बांधकामांवर कारवाई करून ३ हजार ८११ चौरस फूट क्षेत्रफळावरील अतिक्रमणे हटविण्यात आली. चिखली येथील शेलार वस्ती परिसरातही नियमांचे उल्लंघन करून उभारलेली ८ व्यावसायिक बांधकामे पाडण्यात आली. रहाटणी आणि पिंपळे सौदागर परिसरातील विविध कॉलनींमध्येही महापालिकेच्या पथकाने तीन दिवस सातत्यपूर्ण कारवाई केली. येथील नाल्यांवरील अतिक्रमणे आणि अनधिकृत पत्राशेडवर कारवाई करत सुमारे १५ हजार चौरस फुटांहून अधिक जागा मोकळी केली. मोशी व डुडुळगाव परिसरातही अनधिकृत बांधकामांवर कारवाईचा बडगा उगारण्यात आला. आयुक्त डॉ. विजय सूर्यवंशी यांच्या आदेशानुसार आणि अतिरिक्त आयुक्त तृप्ती सांडभोर यांच्या मार्गदर्शनाखाली ही मोहीम राबविण्यात आली. या कारवाईत क्षेत्रीय अधिकारी, उपअभियंते, बीट निरीक्षक आणि अतिक्रमण विरोधी पथकाने सहभाग घेतला. जेसीबी, ट्रॅक्टर ब्रेकर यांसारख्या यंत्रसामग्रीसह पोलीस आणि एमएसएफ जवानांच्या मोठ्या बंदोबस्तात ही कारवाई पार पडली. शहरात यापुढेही अनधिकृत बांधकामांविरुद्ध अशाच प्रकारची कठोर मोहीम सुरूच राहणार असल्याचा स्पष्ट इशारा पालिका प्रशासनाने दिला आहे....

Thenayak

हवेली, पुणे, महाराष्ट्र•

7 hrs ago

पिंपरी-चिंचवडमध्ये महापालिकेची धडक कारवाई, ४६ अनधिकृत बांधकामे जमीनदोस्त.... पिंपरी चिंचवड :- शहराचा नियोजनबद्ध विकास आणि सुरक्षिततेच्या दृष्टीने पिंपरी-चिंचवड महानगरपालिकेने अतिक्रमणांविरोधात विशेष मोहीम उघडली आहे. गेल्या तीन दिवसांत शहराच्या विविध भागांत राबविलेल्या धडक मोहिमेत पालिकेने ४६ अनधिकृत बांधकामे आणि पत्राशेडवर हातोडा चालवला आहे... या कारवाईत एकूण ४५ हजार २८९ चौरस फूट क्षेत्रावरील अनधिकृत बांधकामे निष्कासित करण्यात आली आहेत. महानगरपालिकेच्या ब, क, इ, ग आणि फ क्षेत्रीय कार्यालयांच्या हद्दीत ही व्यापक कारवाई करण्यात आली. यामध्ये चिंचवडमधील प्रभाग क्रमांक १८ मध्ये सर्वाधिक मोठी कारवाई करत सुमारे २१ हजार ७९८ चौरस फूट क्षेत्र मोकळे करण्यात आले. तसेच भोसरी, सद्गुरूनगर आणि बोऱ्हाडेवाडी परिसरात निवासी व व्यावसायिक आरसीसी बांधकामांवर कारवाई करून ३ हजार ८११ चौरस फूट क्षेत्रफळावरील अतिक्रमणे हटविण्यात आली. चिखली येथील शेलार वस्ती परिसरातही नियमांचे उल्लंघन करून उभारलेली ८ व्यावसायिक बांधकामे पाडण्यात आली. रहाटणी आणि पिंपळे सौदागर परिसरातील विविध कॉलनींमध्येही महापालिकेच्या पथकाने तीन दिवस सातत्यपूर्ण कारवाई केली. येथील नाल्यांवरील अतिक्रमणे आणि अनधिकृत पत्राशेडवर कारवाई करत सुमारे १५ हजार चौरस फुटांहून अधिक जागा मोकळी केली. मोशी व डुडुळगाव परिसरातही अनधिकृत बांधकामांवर कारवाईचा बडगा उगारण्यात आला. आयुक्त डॉ. विजय सूर्यवंशी यांच्या आदेशानुसार आणि अतिरिक्त आयुक्त तृप्ती सांडभोर यांच्या मार्गदर्शनाखाली ही मोहीम राबविण्यात आली. या कारवाईत क्षेत्रीय अधिकारी, उपअभियंते, बीट निरीक्षक आणि अतिक्रमण विरोधी पथकाने सहभाग घेतला. जेसीबी, ट्रॅक्टर ब्रेकर यांसारख्या यंत्रसामग्रीसह पोलीस आणि एमएसएफ जवानांच्या मोठ्या बंदोबस्तात ही कारवाई पार पडली. शहरात यापुढेही अनधिकृत बांधकामांविरुद्ध अशाच प्रकारची कठोर मोहीम सुरूच राहणार असल्याचा स्पष्ट इशारा पालिका प्रशासनाने दिला आहे....