कर्जत-जामखेडच्या न्यायव्यवस्थेला बळकटी; अतिरिक्त जिल्हा व सत्र न्यायालयाला मंजुरी कर्जत-जामखेड या दोन्ही तालुक्यांसाठी अतिरिक्त जिल्हा व सत्र न्यायालय स्थापन करण्यास राज्य मंत्रिमंडळाने नुकतीच मान्यता दिली आहे. या महत्त्वपूर्ण निर्णयासाठी लोकप्रतिनिधी म्हणून सातत्याने पाठपुरावा करणारे आमदार रोहित पवार यांचा कर्जत तालुका वकील संघाच्या वतीने सत्कार करण्यात आला. या सत्काराचा नम्र स्वीकार करताना आ. रोहित पवार यांनी, "पक्षकार आणि वकिलांना ज्या-ज्या वेळी गरज भासेल, त्या प्रत्येक वेळी न्यायव्यवस्था अधिक सक्षम करण्यासाठी आणि न्यायाच्या या कार्यात संपूर्ण सहकार्य करण्यासाठी आपण कटिबद्ध राहू," अशी ग्वाही दिली. यावेळी अतिरिक्त जिल्हा व सत्र न्यायालयाच्या स्थापनेसाठी कर्जत तालुका वकील संघाच्या विद्यमान तसेच माजी पदाधिकाऱ्यांनी उच्च न्यायालयापासून विविध स्तरांवर सातत्यपूर्ण प्रयत्न केले. त्यांच्या या योगदानाचे आ. रोहित पवार यांनी विशेष कौतुक करत त्यांचे मनःपूर्वक अभिनंदन केले. यापूर्वीही कर्जत येथे वरिष्ठ स्तर दिवाणी न्यायालय मंजूर करून घेण्यासाठी आ. रोहित पवार यांनी सातत्याने पाठपुरावा केला होता. महाविकास आघाडी सरकारच्या कार्यकाळात या न्यायालयाला मंजुरी मिळाली होती. त्यानंतर महाविकास आघाडी सरकार सत्तेतून गेल्यानंतर आलेल्या शिंदे सरकारने या न्यायालयाच्या कार्यवाहीला स्थगिती दिली होती. मात्र, आ. रोहित पवार यांनी सातत्यपूर्ण पाठपुरावा करून ती स्थगिती उठविण्यातही महत्त्वाची भूमिका बजावली. या कार्यक्रमास कर्जत तालुका वकील संघाचे अध्यक्ष ॲड. संग्राम ढेरे, ज्येष्ठ विधीज्ञ बाळासाहेब शिंदे, ॲड. शेळके, ॲड. कदम, उपाध्यक्ष ॲड. चव्हाण, सचिव ॲड. मते, ॲड. राणे, ॲड. गायकवाड, ॲड. जगताप, ॲड. भोसले, ॲड. नेवसे, ॲड. खरात यांच्यासह वकील संघाचे आजी-माजी पदाधिकारी, सदस्य आणि मान्यवर मोठ्या संख्येने उपस्थित होते.

संस्कार न्यूज

Advertising agency कर्जत, अहमदनगर, महाराष्ट्र•

6 hrs ago

कर्जत-जामखेडच्या न्यायव्यवस्थेला बळकटी; अतिरिक्त जिल्हा व सत्र न्यायालयाला मंजुरी कर्जत-जामखेड या दोन्ही तालुक्यांसाठी अतिरिक्त जिल्हा व सत्र न्यायालय स्थापन करण्यास राज्य मंत्रिमंडळाने नुकतीच मान्यता दिली आहे. या महत्त्वपूर्ण निर्णयासाठी लोकप्रतिनिधी म्हणून सातत्याने पाठपुरावा करणारे आमदार रोहित पवार यांचा कर्जत तालुका वकील संघाच्या वतीने सत्कार करण्यात आला. या सत्काराचा नम्र स्वीकार करताना आ. रोहित पवार यांनी, "पक्षकार आणि वकिलांना ज्या-ज्या वेळी गरज भासेल, त्या प्रत्येक वेळी न्यायव्यवस्था अधिक सक्षम करण्यासाठी आणि न्यायाच्या या कार्यात संपूर्ण सहकार्य करण्यासाठी आपण कटिबद्ध राहू," अशी ग्वाही दिली. यावेळी अतिरिक्त जिल्हा व सत्र न्यायालयाच्या स्थापनेसाठी कर्जत तालुका वकील संघाच्या विद्यमान तसेच माजी पदाधिकाऱ्यांनी उच्च न्यायालयापासून विविध स्तरांवर सातत्यपूर्ण प्रयत्न केले. त्यांच्या या योगदानाचे आ. रोहित पवार यांनी विशेष कौतुक करत त्यांचे मनःपूर्वक अभिनंदन केले. यापूर्वीही कर्जत येथे वरिष्ठ स्तर दिवाणी न्यायालय मंजूर करून घेण्यासाठी आ. रोहित पवार यांनी सातत्याने पाठपुरावा केला होता. महाविकास आघाडी सरकारच्या कार्यकाळात या न्यायालयाला मंजुरी मिळाली होती. त्यानंतर महाविकास आघाडी सरकार सत्तेतून गेल्यानंतर आलेल्या शिंदे सरकारने या न्यायालयाच्या कार्यवाहीला स्थगिती दिली होती. मात्र, आ. रोहित पवार यांनी सातत्यपूर्ण पाठपुरावा करून ती स्थगिती उठविण्यातही महत्त्वाची भूमिका बजावली. या कार्यक्रमास कर्जत तालुका वकील संघाचे अध्यक्ष ॲड. संग्राम ढेरे, ज्येष्ठ विधीज्ञ बाळासाहेब शिंदे, ॲड. शेळके, ॲड. कदम, उपाध्यक्ष ॲड. चव्हाण, सचिव ॲड. मते, ॲड. राणे, ॲड. गायकवाड, ॲड. जगताप, ॲड. भोसले, ॲड. नेवसे, ॲड. खरात यांच्यासह वकील संघाचे आजी-माजी पदाधिकारी, सदस्य आणि मान्यवर मोठ्या संख्येने उपस्थित होते.