বিশ্বনাথৰ বীণাপাণি নাট্যমন্দিৰত শনিবাৰে বিয়লি ৫ বজাত বিশ্ব বাইচাইকেল দিৱস উদযাপনৰ বাবে এখন কমিটি গঠন কৰা হয়। অহা ৭ জুনত উদযাপন কৰিবলগীয়া এই দিৱসৰ উপলক্ষে এখন সভা অনুষ্ঠিত কৰা হৈছিল। বিশ্বনাথ মহাবিদ্যালয়ৰ সহকাৰী অধ্যাপক বলীন ভূঞা দেৱে সভাখনৰ সভাপতিত্ব কৰিছিল। অঞ্চলটোৰ সমাজ সচেতন মহলে এই অনুষ্ঠানত উপস্থিত থাকি প্রয়োজনীয় দিহা-পৰামৰ্শ আগবঢ়ায়। এই সভাতে বলীন ভূঞাক সভাপতি, স্নেহাংকৰ চক্ৰবৰ্ত্তীক সম্পাদক আৰু নিহাৰ শইকীয়াক মুখপাত্ৰ হিচাপে লৈ এখন ১৫ জনীয়া উদযাপন কমিটি গঠন কৰা হয়। উল্লেখ্য যে, বিশ্ব বাইচাইকেল দিৱস ৩ জুনত হ'লেও, সমগ্ৰ ভাৰতৰ ১৩০খন চহৰৰ লগতে বিশ্বনাথতো অহা ৭ জুনত এই দিৱসৰ সৈতে সংগতি ৰাখি এক বাইচাইকেল ৰেলী উলিওৱা হ’ব। উদ্যাপন কমিটিয়ে বিশ্বনাথবাসী ৰাইজক এই কাৰ্যসূচীত সক্ৰিয়তাৰে অংশগ্ৰহণ আৰু সহযোগ কৰিবলৈ আহ্বান জনাইছে।

অঞ্জন শ‌ইকীয়া

না-দুৱাৰ, বিশ্বনাথ, অসম•

1 hr ago

বিশ্বনাথৰ বীণাপাণি নাট্যমন্দিৰত শনিবাৰে বিয়লি ৫ বজাত বিশ্ব বাইচাইকেল দিৱস উদযাপনৰ বাবে এখন কমিটি গঠন কৰা হয়। অহা ৭ জুনত উদযাপন কৰিবলগীয়া এই দিৱসৰ উপলক্ষে এখন সভা অনুষ্ঠিত কৰা হৈছিল। বিশ্বনাথ মহাবিদ্যালয়ৰ সহকাৰী অধ্যাপক বলীন ভূঞা দেৱে সভাখনৰ সভাপতিত্ব কৰিছিল। অঞ্চলটোৰ সমাজ সচেতন মহলে এই অনুষ্ঠানত উপস্থিত থাকি প্রয়োজনীয় দিহা-পৰামৰ্শ আগবঢ়ায়। এই সভাতে বলীন ভূঞাক সভাপতি, স্নেহাংকৰ চক্ৰবৰ্ত্তীক সম্পাদক আৰু নিহাৰ শইকীয়াক মুখপাত্ৰ হিচাপে লৈ এখন ১৫ জনীয়া উদযাপন কমিটি গঠন কৰা হয়। উল্লেখ্য যে, বিশ্ব বাইচাইকেল দিৱস ৩ জুনত হ'লেও, সমগ্ৰ ভাৰতৰ ১৩০খন চহৰৰ লগতে বিশ্বনাথতো অহা ৭ জুনত এই দিৱসৰ সৈতে সংগতি ৰাখি এক বাইচাইকেল ৰেলী উলিওৱা হ’ব। উদ্যাপন কমিটিয়ে বিশ্বনাথবাসী ৰাইজক এই কাৰ্যসূচীত সক্ৰিয়তাৰে অংশগ্ৰহণ আৰু সহযোগ কৰিবলৈ আহ্বান জনাইছে।