தூத்துக்குடி மாவட்டம், எட்டயபுரத்தில் உணவுப் பாதுகாப்பு அதிகாரி செல்லப்பாண்டி தலைமையில் அதிகாரிகள் நேற்று காலை திடீர் ஆய்வு நடத்தினர். இந்த ஆய்வின்போது, மேலவாசல் பகுதியில் உள்ள இரண்டு சாலையோரக் கடைகளில் இருந்து அதிக வண்ணம் கலந்த, கெட்டுப்போன 10 கிலோ கோழி இறைச்சி பறிமுதல் செய்யப்பட்டு, அதே இடத்தில் பினாயில் ஊற்றி அழிக்கப்பட்டது. விதிகளுக்குப் புறம்பாகச் செயல்பட்ட இந்த இரண்டு கடை உரிமையாளர்களுக்கும் தலா 1,000 ரூபாய் அபராதம் விதிக்கப்பட்டது. மேலும், உணவுப் பாதுகாப்புத் துறையின் முறையான உரிமம் இல்லாமல் செயல்பட்டு வந்த ஏழு கடை உரிமையாளர்களுக்கு அதிகாரிகள் எச்சரிக்கை நோட்டீஸ் வழங்கினர். சாலையோரக் கடைகளில் வடை, பஜ்ஜி போன்ற உணவுப் பொருட்களைத் தூசி படாத வகையில் கண்ணாடிப் பெட்டிகளில் வைத்துச் சுகாதாரமாக விற்பனை செய்ய வேண்டும் எனவும் அறிவுறுத்தப்பட்டது. இதனைத் தொடர்ந்து, பஜார் பகுதியில் உள்ள மளிகைக் கடைகளிலும் அதிகாரிகள் அதிரடி சோதனை நடத்தினர். அங்கு மசாலாப் பொருட்கள் மற்றும் சமையல் எண்ணெயின் இருப்புத் தரம், லேபிள் விபரங்கள் மற்றும் காலாவதியாகும் தேதி ஆகியவை விரிவாக ஆய்வு செய்யப்பட்டன. காலாவதியான பொருட்களை விற்பனை செய்தால் கடுமையான நடவடிக்கை எடுக்கப்படும் என்று எச்சரித்த அதிகாரிகள், அனைத்துக் கடை உரிமையாளர்களும் உணவுப் பாதுகாப்புச் சட்டத்தின்படி முறையாக உரிமம் பெற வேண்டும் என்றும், ஏற்கனவே உரிமம் பெற்றவர்கள் உரிய காலத்தில் அதனைப் புதுப்பித்துக் கொள்ள வேண்டும் என்றும் அறிவுறுத்தினர்.

மா.சுடலைமணி

Local News Reporter தூத்துக்குடி, தூத்துக்குடி, தமிழ்நாடு•

12 hrs ago

தூத்துக்குடி மாவட்டம், எட்டயபுரத்தில் உணவுப் பாதுகாப்பு அதிகாரி செல்லப்பாண்டி தலைமையில் அதிகாரிகள் நேற்று காலை திடீர் ஆய்வு நடத்தினர். இந்த ஆய்வின்போது, மேலவாசல் பகுதியில் உள்ள இரண்டு சாலையோரக் கடைகளில் இருந்து அதிக வண்ணம் கலந்த, கெட்டுப்போன 10 கிலோ கோழி இறைச்சி பறிமுதல் செய்யப்பட்டு, அதே இடத்தில் பினாயில் ஊற்றி அழிக்கப்பட்டது. விதிகளுக்குப் புறம்பாகச் செயல்பட்ட இந்த இரண்டு கடை உரிமையாளர்களுக்கும் தலா 1,000 ரூபாய் அபராதம் விதிக்கப்பட்டது. மேலும், உணவுப் பாதுகாப்புத் துறையின் முறையான உரிமம் இல்லாமல் செயல்பட்டு வந்த ஏழு கடை உரிமையாளர்களுக்கு அதிகாரிகள் எச்சரிக்கை நோட்டீஸ் வழங்கினர். சாலையோரக் கடைகளில் வடை, பஜ்ஜி போன்ற உணவுப் பொருட்களைத் தூசி படாத வகையில் கண்ணாடிப் பெட்டிகளில் வைத்துச் சுகாதாரமாக விற்பனை செய்ய வேண்டும் எனவும் அறிவுறுத்தப்பட்டது. இதனைத் தொடர்ந்து, பஜார் பகுதியில் உள்ள மளிகைக் கடைகளிலும் அதிகாரிகள் அதிரடி சோதனை நடத்தினர். அங்கு மசாலாப் பொருட்கள் மற்றும் சமையல் எண்ணெயின் இருப்புத் தரம், லேபிள் விபரங்கள் மற்றும் காலாவதியாகும் தேதி ஆகியவை விரிவாக ஆய்வு செய்யப்பட்டன. காலாவதியான பொருட்களை விற்பனை செய்தால் கடுமையான நடவடிக்கை எடுக்கப்படும் என்று எச்சரித்த அதிகாரிகள், அனைத்துக் கடை உரிமையாளர்களும் உணவுப் பாதுகாப்புச் சட்டத்தின்படி முறையாக உரிமம் பெற வேண்டும் என்றும், ஏற்கனவே உரிமம் பெற்றவர்கள் உரிய காலத்தில் அதனைப் புதுப்பித்துக் கொள்ள வேண்டும் என்றும் அறிவுறுத்தினர்.