ରାଜ୍ୟ ସରକାରଙ୍କ ଦ୍ଵାରା ଆୟୋଜିତ 'ବିକାଶର ଧାରା, ଓଡ଼ିଶା ସାରା' କାର୍ଯ୍ୟକ୍ରମର ଏକ ପ୍ରମୁଖ ଦିବସ 'ସ୍ୱାବଲମ୍ବୀ ଯୁବା, ସମୃଦ୍ଧ ଓଡ଼ିଶା' କୋଷାଗୁମୁଡା ଠାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ 'ବିକାଶର ଧାରା, ଓଡ଼ିଶା ସାରା'ର ଚତୁର୍ଥ ଦିବସ ଭାବେ ପାଳିତ ହୋଇଛି। ଏହି ଅଭିଯାନ ମାଧ୍ୟମରେ ଯୁବପିଢ଼ିଙ୍କ ଦକ୍ଷତା ବିକାଶ, ନିଯୁକ୍ତି ସୁଯୋଗ, ଉଦ୍ୟୋଗୀକରଣ ଏବଂ ସରକାରଙ୍କ ବିଭିନ୍ନ ଯୁବକଲ୍ୟାଣ ଯୋଜନାକୁ ତୃଣମୂଳ ସ୍ତରରେ ପହଞ୍ଚାଇବା ପାଇଁ ବ୍ୟାପକ ପଦକ୍ଷେପ ନିଆଯାଉଛି। କୋଷାଗୁମୁଡା ଗୋଷ୍ଠୀ ଉନ୍ନୟନ ଅଧିକାରୀ ଆଶିଷ ତ୍ରିପାଠୀଙ୍କ ତତ୍ୱାବଧାନରେ ଏହି କାର୍ଯ୍ୟକ୍ରମ ସୁରୁଖୁରୁରେ ସମ୍ପାଦିତ ହୋଇଛି।

ଡାବୁଗାଁ ବନ ବିଭାଗ ପକ୍ଷରୁ ପାତ୍ରୀ ଜଙ୍ଗଲ ନିକଟରେ ଚାଲିଥିବା ଏକ ମହାବଳ ବାଘ ଛାଲ ବିକ୍ରି କାରବାରକୁ ପଣ୍ଡ କରାଯାଇଛି। ଏହି କାର୍ଯ୍ୟାନୁଷ୍ଠାନ ସମୟରେ ବନ ବିଭାଗ ଜଣେ ବ୍ୟକ୍ତିଙ୍କୁ ବାଘ ଛାଲ ସହିତ ଧରିବାରେ ସଫଳ ହୋଇଛି। ବିଶେଷ ସୂତ୍ରରୁ ଖବର ପାଇ ବିନବରଙ୍ଗପୁର ଡିଏଫଓ ଉଦୟମାନ ସୁବୁଦ୍ଧିଙ୍କ ନେତୃତ୍ୱରେ ନବରଙ୍ଗପୁର ଏବଂ ଡାବୁଗାଁ ବନବିଭାଗ ପାତ୍ରୀ ଜଙ୍ଗଲ ନିକଟରେ ଚଢ଼ାଉ କରିଥିଲା। ତିନି ଜଣ ବେପାରୀ ୧୦ ଲକ୍ଷ ଟଙ୍କାରେ ବାଘ ଛାଲର ମୂଲଚାଲ କରୁଥିବା ସମୟରେ ବନ ବିଭାଗ ସେମାନଙ୍କୁ ମାଡ଼ି ବସିଥିଲା। ତେବେ ଦୁଇ ଜଣ ବେପାରୀ ଘଟଣାସ୍ଥଳରୁ ଫେରାର ହୋଇଥିବା ବେଳେ ଜଣେ ବେପାରୀଙ୍କ ସହ ବାଘ ଛାଲ ଜବତ କରାଯାଇଛି।

ରାଜ୍ୟ ସରକାରଙ୍କ ଦ୍ଵାରା ଆୟୋଜିତ 'ବିକାଶର ଧାରା, ଓଡ଼ିଶା ସାରା' କାର୍ଯ୍ୟକ୍ରମର ଏକ ପ୍ରମୁଖ ଦିବସ 'ସ୍ୱାବଲମ୍ବୀ ଯୁବା, ସମୃଦ୍ଧ ଓଡ଼ିଶା' କୋଷାଗୁମୁଡା ଠାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ 'ବିକାଶର ଧାରା, ଓଡ଼ିଶା ସାରା'ର ଚତୁର୍ଥ ଦିବସ ଭାବେ ପାଳିତ ହୋଇଛି। ଏହି ଅଭିଯାନ ମାଧ୍ୟମରେ ଯୁବପିଢ଼ିଙ୍କ ଦକ୍ଷତା ବିକାଶ, ନିଯୁକ୍ତି ସୁଯୋଗ, ଉଦ୍ୟୋଗୀକରଣ ଏବଂ ସରକାରଙ୍କ ବିଭିନ୍ନ ଯୁବକଲ୍ୟାଣ ଯୋଜନାକୁ ତୃଣମୂଳ ସ୍ତରରେ ପହଞ୍ଚାଇବା ପାଇଁ ବ୍ୟାପକ ପଦକ୍ଷେପ ନିଆଯାଉଛି। କୋଷାଗୁମୁଡା ଗୋଷ୍ଠୀ ଉନ୍ନୟନ ଅଧିକାରୀ ଆଶିଷ ତ୍ରିପାଠୀଙ୍କ ତତ୍ୱାବଧାନରେ ଏହି କାର୍ଯ୍ୟକ୍ରମ ସୁରୁଖୁରୁରେ ସମ୍ପାଦିତ ହୋଇଛି।

ନବରଙ୍ଗପୁର ଜିଲ୍ଲାର କୋଷାଗୁମୁଡ଼ା ଠାରେ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଛି। ଏହି ଅବସରରେ ଗୋଷ୍ଠୀ ଉନ୍ନୟନ ଅଧିକାରୀ (ବିଡ଼ିଓ) ଆଶିଷ ତ୍ରିପାଠୀଙ୍କ ନେତୃତ୍ୱରେ ବ୍ଲକ ପ୍ରଶାସନ, ରାଜନେତା, ସ୍କୁଲ ଛାତ୍ରଛାତ୍ରୀ ଏବଂ ସ୍ଥାନୀୟ ବାସିନ୍ଦା ମିଳିତ ଭାବେ ଏହି ଯୋଗ ଦିବସରେ ଯୋଗ ଦେଇଥିଲେ। ସମସ୍ତେ ଏକ ମନ ଓ ଏକ ଧ୍ୟାନରେ ଯୋଗାଭ୍ୟାସ କରିଥିଲେ। କାର୍ଯ୍ୟକ୍ରମ ଶେଷରେ ସମସ୍ତଙ୍କ ପାଇଁ ଗଜାମୁଗ ଓ ଚଣା ବଣ୍ଟାଯାଇଥିଲା। ବିଡ଼ିଓ ଆଶିଷ ତ୍ରିପାଠୀଙ୍କ ନେତୃତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜିଲ୍ଲା ବିଜେପି ସଭାପତି କୁଞ୍ଜ ବିହାରୀ ଦାସ ଏବଂ ସିମାଞ୍ଚଳ ବିଶୋଇ ଯୋଗ ଗୁରୁଭାବେ ଉପସ୍ଥିତ ଥିଲେ। ସିମାଞ୍ଚଳ ବିଶୋଇ ସମସ୍ତଙ୍କୁ ଯୋଗ ଶିକ୍ଷା ଦେବା ସହ ପ୍ରତିଦିନ ଯୋଗ କରିବା ପାଇଁ ଶପଥ ପାଠ କରାଇଥିଲେ। ଯୋଗକୁ ଭାରତୀୟ ପରମ୍ପରାର ଏକ ଅମୂଲ୍ୟ ଉପହାର ଭାବରେ ବର୍ଣ୍ଣନା କରାଯାଇଛି, ଯାହା ଶାରୀରିକ ଓ ମାନସିକ ସୁସ୍ଥତା ବୃଦ୍ଧି ପାଇଁ ଅନ୍ୟତମ ବିଶ୍ୱାସଯୋଗ୍ୟ ମାଧ୍ୟମ ଭାବରେ ଉଭା ହୋଇଛି। ଏହି ଦିବସ ପାଳନର ପ୍ରମୁଖ କାରଣ ହେଉଛି ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିରନ୍ତର ପ୍ରୟାସ। ତାଙ୍କରି ଉଦ୍ୟମ ଯୋଗୁଁ ଜୁନ୍ ୨୧ ତାରିଖକୁ ଜାତିସଂଘ ସାଧାରଣ ସଭା ଆନ୍ତର୍ଜାତୀୟ ଯୋଗ ଦିବସ ଭାବେ ଘୋଷଣା କରିଥିଲା। ସେହି ଦିନଠାରୁ ସମଗ୍ର ବିଶ୍ୱ ଯୋଗ ଦିବସ ପାଳନ କରିଆସୁଛି।

କୋଷାଗୁମୁଡ଼ାରେ ୨୧/୬/୨୬ ତାରିଖରେ 'ବିକାଶ ର ଧାରା ଓଡ଼ିଶା ସାରା' କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ଅବସରରେ ବାଲେଙ୍ଗା ପଞ୍ଚାୟତ ସରପଞ୍ଚ ହିତାଧିକାରୀମାନଙ୍କୁ ପେନସନ, ଚାଉଳ କାର୍ଡ ଏବଂ ଆବାସ ଘର ପାଇଁ ୱାର୍କ ଅର୍ଡର ବଣ୍ଟନ କରିଛନ୍ତି।

କୋରାପୁଟ ଜିଲ୍ଲାର କୋଟପାଡ଼ ଅଞ୍ଚଳରୁ ମୋଟ ୫ ଜଣ ପରୀକ୍ଷାର୍ଥୀ NEET ପରୀକ୍ଷାରେ ଅଂଶଗ୍ରହଣ କରିଛନ୍ତି।

ଉମରକୋଟ ମେଡିକାଲରେ ଜଣେ ଡାକ୍ତରଙ୍କ ନାମରେ ଏକ ସଂଗୀନ ଅଭିଯୋଗ ଆସିଛି। ଉମରକୋଟ ଥାନା ଅନ୍ତର୍ଗତ ସୁଖୀଗାଁ ପଞ୍ଚାୟତର ଗାବରୀଗୁଡା ଗ୍ରାମର ଧନମତି ସାନ୍ତା ନାମକ ଜଣେ ମହିଳା ଓ ତାଙ୍କ ସ୍ୱାମୀ ଅଭିଯୋଗ କରିଛନ୍ତି ଯେ ସେମାନଙ୍କ ନବଜାତ ଶିଶୁପୁତ୍ରକୁ ଡାକ୍ତର ଚୋରି କରି ନେଇଛନ୍ତି। ଏହି ଗୁରୁତର ଅଭିଯୋଗ ନେଇ ପରିବାର ଲୋକ ଓ ଜଣେ ସମାଜସେବୀଙ୍କ ସହିତ ଉକ୍ତ ଦମ୍ପତି ଉମରକୋଟ ଥାନାରେ ମାମଲା ରୁଜୁ କରିଛନ୍ତି। ଅଭିଯୋଗ ଅନୁଯାୟୀ, ଧନମତି ପ୍ରସୂତି ପାଇଁ ଉମରକୋଟ ମେଡିକାଲରେ ଭର୍ତ୍ତି ହୋଇଥିଲେ। ଆବଶ୍ୟକ କାର୍ଡ ଓ ସମୟ ଅନୁସାରେ ଡାକ୍ତର ତାଙ୍କର ଅସ୍ତ୍ରୋପଚାର କରି ଏକ ଶିଶୁପୁତ୍ର ଜନ୍ମ ହୋଇଥିବା ଧନମତିଙ୍କୁ ଜଣାଇଥିଲେ। ପ୍ରସୂତି ମାଆ କହିଛନ୍ତି ଯେ ଶିଶୁକୁ କିଛି ସମୟ ପାଇଁ ମାଆର ଛାତିରେ ଦିଆଯାଇ ପରେ ନେଇଯାଇଥିଲେ। ପରେ ଧନମତିଙ୍କ ସ୍ୱାମୀଙ୍କଠାରୁ ଏକ ଦସ୍ତଖତ ନେଇ ଶିଶୁଟିକୁ ଆମ୍ବୁଲାନ୍ସ ଯୋଗେ କୋରାପୁଟ ମେଡିକାଲକୁ ଚିକିତ୍ସା ପାଇଁ ପଠାଇ ଦିଆଯାଇଥିଲା। ତା’ପରେ ଫୋନ ଯୋଗେ ଜଣାଯାଇଥିଲା ଯେ ଶିଶୁପୁତ୍ରର ମୃତ୍ୟୁ ହୋଇଛି। କୋରାପୁଟ ମେଡିକାଲରୁ ୬ ଦିନ ପରେ ଗାଁରେ ପହଞ୍ଚିବା ପରେ ନବଜାତ ଶିଶୁର ମୃତଦେହ ଫେରାଇ ଦେବାକୁ କହିବାରୁ ଡାକ୍ତର ମନା କରି ଦେଇଥିବା ଅଭିଯୋଗ ହୋଇଛି। ଅଭିଯୋଗପତ୍ରରେ ଦର୍ଶାଯାଇଛି ଯେ, ଗାଁ ଲୋକେ ଓ ସରପଞ୍ଚଙ୍କ ପରାମର୍ଶ ନେଇଥିଲେ ମଧ୍ୟ ଗାଁର ଜଣେ ଆଶା କର୍ମୀ ସେମାନଙ୍କୁ ଥାନାରେ ଅଭିଯୋଗ ନ କରିବାକୁ ଧମକାଇଥିଲେ। ଏତିକି ନୁହେଁ, ପାଖ ଗାଁର ଜଣେ ବ୍ୟକ୍ତି ମଧ୍ୟ ଥାନାରେ ଅଭିଯୋଗ କରିବାକୁ ମନା କରିଥିଲେ। ଉଭୟ ଦମ୍ପତି ଓ ପରିବାର ବର୍ଗ 'ଆମ ପିଲାକୁ ଚୋରି କରିଛନ୍ତି' ବୋଲି ସଂଗୀନ ଅଭିଯୋଗ ଆଣି ଥାନାକୁ ଯାଇଛନ୍ତି। ଉମରକୋଟ ଥାନା ଅଧିକାରୀ ବିପିନ ବାଘଙ୍କୁ ଫୋନ ଯୋଗେ ଯୋଗାଯୋଗ କରିବାରୁ ସେ କହିଛନ୍ତି ଯେ କେସ ଉପରେ ତଦନ୍ତ କରାଯାଇ ଆଇନ ଅନୁସାରେ ପଦକ୍ଷେପ ଗ୍ରହଣ କରାଯିବ।

ଜୀବନରେ ବୟସ ବଢ଼ିବା ସହିତ ଅନେକ ସମୟରେ ଉତ୍ସାହ କମିଯାଏ, କିନ୍ତୁ ଏ କ୍ଷେତ୍ରରେ ବୟସ ବୃଦ୍ଧି ସତ୍ତ୍ୱେ ଉତ୍ସାହରେ କୌଣସି ହ୍ରାସ ଘଟିନାହିଁ।

ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିରନ୍ତର ପ୍ରୟାସ ଯୋଗୁଁ ଜୁନ୍ ୨୧କୁ ଜାତିସଂଘ ସାଧାରଣ ସଭା ଅନ୍ତର୍ଜାତୀୟ ଯୋଗ ଦିବସ ଭାବେ ଘୋଷଣା କରିଥିଲା, ଯାହା ସେହି ଦିନଠାରୁ ବିଶ୍ୱବ୍ୟାପୀ ପାଳିତ ହୋଇଆସୁଛି। ଏହି ଅବସରରେ, ୨୧ ଜୁନ୍ ୨୬ ରେ ନବରଙ୍ଗପୁର ଜିଲ୍ଲାର କୋଷାଗୁମୁଡ଼ା ଠାରେ ଏହି ଦିବସ ପାଳନ କରାଯାଇଛି। କୋଷାଗୁମୁଡ଼ା ବ୍ଲକ କାର୍ଯ୍ୟାଳୟ ପ୍ରାଙ୍ଗଣରେ ଗୋଷ୍ଠୀ ଉନ୍ନୟନ ଅଧିକାରୀ (ବିଡିଓ) ଆଶିଷ ତ୍ରିପାଠୀଙ୍କ ନେତୃତ୍ୱରେ ବ୍ଲକ ପ୍ରଶାସନ, ରାଜନେତା, ସ୍କୁଲ ଛାତ୍ରଛାତ୍ରୀ ଏବଂ ସ୍ଥାନୀୟ ବାସିନ୍ଦା ମିଳିତ ଭାବେ ଏହି ଯୋଗଦିବସ ପାଳନ କରିଥିଲେ। ସମସ୍ତେ ଏକ ମନ ଓ ଏକ ଧ୍ୟାନରେ ଯୋଗାଭ୍ୟାସ କରିବା ସହ ଜିଲ୍ଲା ବିଜେପି ସଭାପତି କୁଞ୍ଜ ବିହାରୀ ଦାସ ଏବଂ ଯୋଗ ଗୁରୁ ସିମାଞ୍ଚଳ ବିଶୋଇଙ୍କ ଉପସ୍ଥିତିରେ ପ୍ରତିଦିନ ଯୋଗ କରିବା ପାଇଁ ଶପଥ ପାଠ କରିଥିଲେ। କାର୍ଯ୍ୟକ୍ରମ ଶେଷରେ ସମସ୍ତଙ୍କୁ ଗଜାମୁଗ ଓ ଚଣା ପ୍ରଦାନ କରାଯାଇଥିଲା। ଭାରତୀୟ ପରମ୍ପରାର ଏକ ଅମୂଲ୍ୟ ଉପହାର ହେଉଛି ଯୋଗ, ଯାହା ଶାରୀରିକ ଓ ମାନସିକ ସୁସ୍ଥତା ବୃଦ୍ଧି ପାଇଁ ଅନ୍ୟତମ ବିଶ୍ୱାସଯୋଗ୍ୟ ମାଧ୍ୟମ ଭାବରେ ଉଭା ହୋଇଛି।