हिंगोलीत अफू शेतीवर धडाकेबाज कारवाई; 3.54 लाखांचा मुद्देमाल जप्त हिंगोली : हिंगोली जिल्ह्यात अफू लागवडीवर मोठी कारवाई करत पोलीस अधीक्षक डॉ. नीलाभ रोहन यांच्या मार्गदर्शनाखाली स्थानिक गुन्हे शाखेच्या पथकाने तब्बल चार गुंठे शेतीतील अफू पिकावर छापा टाकला. या कारवाईत 1 क्विंटल 77 किलो 45 ग्रॅम अफूची झाडे जप्त करण्यात आली असून एकूण 3 लाख 54 हजार 900 रुपयांचा मुद्देमाल हस्तगत करण्यात आला आहे. या प्रकरणी प्रताप सुरेश नलगे (वय 42, रा. शिरळी, ता. वसमत) याला ताब्यात घेण्यात आले असून त्याच्याविरुद्ध कुरुंदा पोलीस स्टेशन येथे गुन्हा दाखल करण्यात आला आहे. मिळालेल्या माहितीनुसार, हिंगोली जिल्ह्यातील चार गुंठे शेतीमध्ये अफूची बेकायदेशीर लागवड करण्यात आली होती. जिल्ह्याच्या इतिहासातील ही पहिलीच मोठी कारवाई असल्याचे पोलिसांकडून सांगण्यात आले. या संदर्भात पोलीस अधीक्षक डॉ. नीलाभ रोहन यांनी स्पष्ट इशारा देत म्हटले की, “अफू, गांजा तसेच इतर अमली पदार्थांची लागवड व विक्री करणाऱ्यांना कोणतीही सवलत दिली जाणार नाही. अशा प्रकारांवर कठोर कारवाई सुरूच राहील.” सदर कारवाई डॉ. नीलाभ रोहन, अप्पर पोलीस अधीक्षक कमलेश मीना, पोलीस निरीक्षक मोहन भोसले यांच्या मार्गदर्शनाखाली सहाय्यक पोलीस निरीक्षक शिवसांब घेवारे, पोउपनि कारामुंगे तसेच पोलीस अंमलदार भुजंग कोकरे, गजानन पोकळे, ज्ञानेश्वर गोरे, साईनाथ कंठे, आकाश टापरे, नरेंद्र साळवे, किशोर सावंत, संदीप टाक, साठे आदींच्या पथकाने ही कारवाई यशस्वीरीत्या पार पाडली. या धडाकेबाज कारवाईमुळे जिल्ह्यातील अमली पदार्थविरोधी मोहिमेला मोठे बळ मिळाले असून अवैध शेती व तस्करी करणाऱ्यांमध्ये खळबळ उडाली आहे.

Balu Vitthal Jadhav

पत्रकार हिंगोली, हिंगोली, महाराष्ट्र•

7 hrs ago

हिंगोलीत अफू शेतीवर धडाकेबाज कारवाई; 3.54 लाखांचा मुद्देमाल जप्त हिंगोली : हिंगोली जिल्ह्यात अफू लागवडीवर मोठी कारवाई करत पोलीस अधीक्षक डॉ. नीलाभ रोहन यांच्या मार्गदर्शनाखाली स्थानिक गुन्हे शाखेच्या पथकाने तब्बल चार गुंठे शेतीतील अफू पिकावर छापा टाकला. या कारवाईत 1 क्विंटल 77 किलो 45 ग्रॅम अफूची झाडे जप्त करण्यात आली असून एकूण 3 लाख 54 हजार 900 रुपयांचा मुद्देमाल हस्तगत करण्यात आला आहे. या प्रकरणी प्रताप सुरेश नलगे (वय 42, रा. शिरळी,

ता. वसमत) याला ताब्यात घेण्यात आले असून त्याच्याविरुद्ध कुरुंदा पोलीस स्टेशन येथे गुन्हा दाखल करण्यात आला आहे. मिळालेल्या माहितीनुसार, हिंगोली जिल्ह्यातील चार गुंठे शेतीमध्ये अफूची बेकायदेशीर लागवड करण्यात आली होती. जिल्ह्याच्या इतिहासातील ही पहिलीच मोठी कारवाई असल्याचे पोलिसांकडून सांगण्यात आले. या संदर्भात पोलीस अधीक्षक डॉ. नीलाभ रोहन यांनी स्पष्ट इशारा देत म्हटले की, “अफू, गांजा तसेच इतर अमली पदार्थांची लागवड व विक्री करणाऱ्यांना कोणतीही सवलत दिली जाणार नाही. अशा प्रकारांवर कठोर कारवाई

सुरूच राहील.” सदर कारवाई डॉ. नीलाभ रोहन, अप्पर पोलीस अधीक्षक कमलेश मीना, पोलीस निरीक्षक मोहन भोसले यांच्या मार्गदर्शनाखाली सहाय्यक पोलीस निरीक्षक शिवसांब घेवारे, पोउपनि कारामुंगे तसेच पोलीस अंमलदार भुजंग कोकरे, गजानन पोकळे, ज्ञानेश्वर गोरे, साईनाथ कंठे, आकाश टापरे, नरेंद्र साळवे, किशोर सावंत, संदीप टाक, साठे आदींच्या पथकाने ही कारवाई यशस्वीरीत्या पार पाडली. या धडाकेबाज कारवाईमुळे जिल्ह्यातील अमली पदार्थविरोधी मोहिमेला मोठे बळ मिळाले असून अवैध शेती व तस्करी करणाऱ्यांमध्ये खळबळ उडाली आहे.