తెలంగాణ రాష్ట్రంలో విద్యారంగ సమస్యల పరిష్కారం కోసం మరియు కాంగ్రెస్ ప్రభుత్వం అవలంబిస్తున్న విద్య వ్యతిరేక విధానాలను ఖండిస్తూ, ఈ నెల జూలై 10వ తేదీన వామపక్ష విద్యార్థి సంఘాల ఆధ్వర్యంలో రాష్ట్రవ్యాప్త విద్యా సంస్థల బంద్‌ను విజయవంతం చేయాలని ఎస్‌ఎఫ్‌ఐ రాజన్న సిరిసిల్ల జిల్లా కార్యదర్శి మల్లారపు ప్రశాంత్ పిలుపునిచ్చారు. రాజన్న సిరిసిల్ల జిల్లా వ్యాప్తంగా బంద్‌ను జయప్రదం చేయాలని ఆయన కోరారు. ఈ సందర్భంగా గురువారం ఆయన మాట్లాడుతూ, తెలంగాణ రాష్ట్రంలో 27 వేల ప్రభుత్వ పాఠశాలలను 4 వేలకు కుదించే కుట్రలో ప్రభుత్వం ఉందని ఆరోపించారు. ప్రభుత్వం ఏర్పడి రెండున్నర సంవత్సరాలు గడుస్తున్నా ఇప్పటివరకు విద్య శాఖ మంత్రి లేకపోవడం దారుణమని మల్లారపు ప్రశాంత్ అన్నారు. ప్రభుత్వ పాఠశాలల్లో చదివే విద్యార్థులకు యూనిఫాంలు అందలేదని, ప్రైవేట్ కార్పొరేట్ విద్యా వ్యాపారాన్ని అరికట్టి ఫీజుల నియంత్రణ చట్టం తీసుకురావాలని ఆయన డిమాండ్ చేశారు. తెలంగాణ రాష్ట్రంలో ఖాళీగా ఉన్న టీచర్, ఎంఈఓ, డీఈఓ, మరియు లెక్చరర్స్ పోస్టులను వెంటనే భర్తీ చేయాలని ఎస్‌ఎఫ్‌ఐ కార్యదర్శి ప్రభుత్వాన్ని కోరారు. పెండింగ్‌లో ఉన్న స్కాలర్‌షిప్‌లు మరియు ఫీజు రీయింబర్స్‌మెంట్‌ను తక్షణమే విడుదల చేయాలని, ప్రభుత్వ కళాశాలల్లో చదివే ఇంటర్మీడియట్ విద్యార్థులకు మధ్యాహ్న భోజన పథకాన్ని అమలు చేయాలని ప్రశాంత్ సూచించారు. అలాగే ప్రతి ప్రభుత్వ పాఠశాలలో కంప్యూటర్ ల్యాబ్‌లు ఏర్పాటు చేసి ఆధునాతన భవనాలను నిర్మించాలని, విద్యార్థులకు ఉచిత బస్సు రవాణా సౌకర్యం కల్పించి బస్సులు నడపాలని, ఉచిత బస్సు పాసులు ఇవ్వాలని డిమాండ్ చేశారు. తెలంగాణ రాష్ట్రంలో విద్యా హక్కు చట్టం అమలు చేసి పేద విద్యార్థులకు 25% ఉచిత విద్య ప్రవేశాలు కల్పించాలని కోరారు. కాంగ్రెస్ ప్రభుత్వం రాష్ట్రంలో విద్యారంగానికి ఇచ్చిన ఎన్నికల హామీలైన ఐదు లక్షల విద్య భరోసా కార్డులు, ఉచిత ల్యాప్‌టాప్‌లను అందించాలని ఆయన గుర్తు చేశారు. ప్రైవేట్ కార్పొరేట్ విద్యాసంస్థల్లో విచ్చలవిడిగా తెరిచిన పాఠ్యపుస్తకాలు, యూనిఫాంలు, నోట్‌బుక్స్ విక్రయ కేంద్రాలను వెంటనే మూసివేయాలని కూడా డిమాండ్ చేశారు. తెలంగాణ రాష్ట్రంలో NEP 2020 అమలు కాకుండా అసెంబ్లీలో తీర్మానం చేయాలని, పెరిగిన ధరలకు అనుగుణంగా మెస్, కాస్మెటిక్ ఛార్జీలను పెంచి పెండింగ్ బిల్లులను వెంటనే విడుదల చేయాలని ప్రశాంత్ పేర్కొన్నారు. ఈ నెల జూలై 10న రాష్ట్రవ్యాప్తంగా వామపక్ష విద్యార్థి సంఘాల ఆధ్వర్యంలో తలపెట్టే తెలంగాణ రాష్ట్ర విద్యా సంస్థల బంద్‌ను విద్యార్థులు, మేధావులు, కవులు, రచయితలు, విద్యా సంస్థల ప్రతినిధులు అందరూ మద్దతు తెలిపి, బంద్‌లో పాల్గొని విజయవంతం చేయాలని మల్లారపు ప్రశాంత్ విజ్ఞప్తి చేశారు. ఈ కార్యక్రమంలో శ్రీతన్, మహేష్, అఖిల్, బాలాజీ, అభినయ్, వివేక్, అర్జున్, ప్రవీణ్, జస్వంత్, కిరణ్ తదితరులు పాల్గొన్నారు.

సిరిసిల్ల స్వరం

సిరిసిల్ల, రాజన్న సిరిసిల్ల, తెలంగాణ•

1 hr ago

తెలంగాణ రాష్ట్రంలో విద్యారంగ సమస్యల పరిష్కారం కోసం మరియు కాంగ్రెస్ ప్రభుత్వం అవలంబిస్తున్న విద్య వ్యతిరేక విధానాలను ఖండిస్తూ, ఈ నెల జూలై 10వ తేదీన వామపక్ష విద్యార్థి సంఘాల ఆధ్వర్యంలో రాష్ట్రవ్యాప్త విద్యా సంస్థల బంద్‌ను విజయవంతం చేయాలని ఎస్‌ఎఫ్‌ఐ రాజన్న సిరిసిల్ల జిల్లా కార్యదర్శి మల్లారపు ప్రశాంత్ పిలుపునిచ్చారు. రాజన్న సిరిసిల్ల జిల్లా వ్యాప్తంగా బంద్‌ను జయప్రదం చేయాలని ఆయన కోరారు. ఈ సందర్భంగా గురువారం ఆయన మాట్లాడుతూ, తెలంగాణ రాష్ట్రంలో 27 వేల ప్రభుత్వ పాఠశాలలను 4 వేలకు కుదించే కుట్రలో ప్రభుత్వం ఉందని ఆరోపించారు. ప్రభుత్వం ఏర్పడి రెండున్నర సంవత్సరాలు గడుస్తున్నా ఇప్పటివరకు విద్య శాఖ మంత్రి లేకపోవడం దారుణమని మల్లారపు ప్రశాంత్ అన్నారు. ప్రభుత్వ పాఠశాలల్లో చదివే విద్యార్థులకు యూనిఫాంలు అందలేదని, ప్రైవేట్ కార్పొరేట్ విద్యా వ్యాపారాన్ని అరికట్టి ఫీజుల నియంత్రణ చట్టం తీసుకురావాలని ఆయన డిమాండ్ చేశారు. తెలంగాణ రాష్ట్రంలో ఖాళీగా ఉన్న టీచర్, ఎంఈఓ, డీఈఓ, మరియు లెక్చరర్స్ పోస్టులను వెంటనే భర్తీ చేయాలని ఎస్‌ఎఫ్‌ఐ కార్యదర్శి ప్రభుత్వాన్ని కోరారు. పెండింగ్‌లో ఉన్న స్కాలర్‌షిప్‌లు మరియు ఫీజు రీయింబర్స్‌మెంట్‌ను తక్షణమే విడుదల చేయాలని, ప్రభుత్వ కళాశాలల్లో చదివే ఇంటర్మీడియట్ విద్యార్థులకు మధ్యాహ్న భోజన పథకాన్ని అమలు చేయాలని ప్రశాంత్ సూచించారు. అలాగే ప్రతి ప్రభుత్వ పాఠశాలలో కంప్యూటర్ ల్యాబ్‌లు ఏర్పాటు చేసి ఆధునాతన భవనాలను నిర్మించాలని, విద్యార్థులకు ఉచిత బస్సు రవాణా సౌకర్యం కల్పించి బస్సులు నడపాలని, ఉచిత బస్సు పాసులు ఇవ్వాలని డిమాండ్ చేశారు. తెలంగాణ రాష్ట్రంలో విద్యా హక్కు చట్టం అమలు చేసి పేద విద్యార్థులకు 25% ఉచిత విద్య ప్రవేశాలు కల్పించాలని కోరారు. కాంగ్రెస్ ప్రభుత్వం రాష్ట్రంలో విద్యారంగానికి ఇచ్చిన ఎన్నికల హామీలైన ఐదు లక్షల విద్య భరోసా కార్డులు, ఉచిత ల్యాప్‌టాప్‌లను అందించాలని ఆయన గుర్తు చేశారు. ప్రైవేట్ కార్పొరేట్ విద్యాసంస్థల్లో విచ్చలవిడిగా తెరిచిన పాఠ్యపుస్తకాలు, యూనిఫాంలు, నోట్‌బుక్స్ విక్రయ కేంద్రాలను వెంటనే మూసివేయాలని కూడా డిమాండ్ చేశారు. తెలంగాణ రాష్ట్రంలో NEP 2020 అమలు కాకుండా అసెంబ్లీలో తీర్మానం చేయాలని, పెరిగిన ధరలకు అనుగుణంగా మెస్, కాస్మెటిక్ ఛార్జీలను పెంచి పెండింగ్ బిల్లులను వెంటనే విడుదల చేయాలని ప్రశాంత్ పేర్కొన్నారు. ఈ నెల జూలై 10న రాష్ట్రవ్యాప్తంగా వామపక్ష విద్యార్థి సంఘాల ఆధ్వర్యంలో తలపెట్టే తెలంగాణ రాష్ట్ర విద్యా సంస్థల బంద్‌ను విద్యార్థులు, మేధావులు, కవులు, రచయితలు, విద్యా సంస్థల ప్రతినిధులు అందరూ మద్దతు తెలిపి, బంద్‌లో పాల్గొని విజయవంతం చేయాలని మల్లారపు ప్రశాంత్ విజ్ఞప్తి చేశారు. ఈ కార్యక్రమంలో శ్రీతన్, మహేష్, అఖిల్, బాలాజీ, అభినయ్, వివేక్, అర్జున్, ప్రవీణ్, జస్వంత్, కిరణ్ తదితరులు పాల్గొన్నారు.