ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଜିଲ୍ଲାର ସ୍ଥାୟୀ ବିକାଶ ଲକ୍ଷ୍ୟ ହାସଲ ନିମନ୍ତେ ପ୍ରଶିକ୍ଷଣ କାର୍ଯ୍ୟକ୍ରମ ଢ଼େଙ୍କାନାଳ, ତା. ୨୦.୨.୨୦୨୬- ଆଜି ପୂର୍ବାହ୍ନରେ ଜିଲ୍ଲା ପରିଷଦ ସମ୍ମିଳନୀ ସଭାଗୃହ ଠାରେ ଜିଲ୍ଲା ଯୋଜନା ଓ ପର୍ଯ୍ୟବେକ୍ଷଣ କାର୍ଯ୍ୟାଳୟ ପକ୍ଷରୁ ଜିଲ୍ଲାର ସ୍ଥାୟୀ ବିକାଶ ଲକ୍ଷ୍ୟର ସଫଳ ରୂପାୟନ ପାଇଁ ଏକ ଜିଲ୍ଲା ସ୍ତରୀୟ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦର ଅଧ୍ୟକ୍ଷା ଶ୍ରୀମତୀ ଅର୍ଚ୍ଚନା ପୁହାଣ ଅଧ୍ୟକ୍ଷତା କରିଥିଲେ । ସାମଗ୍ରିକ ବିକାଶ ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଥିବା ୧୭ଟି ଦିଗ ଉପରେ ସଫଳତା ହାସଲ ନିମନ୍ତେ ସମସ୍ତ ବିଭାଗୀୟ ଅଧିକାରୀ, ନିର୍ବାଚ଼ିତ ପ୍ରତିନିଧି ଓ ଜନ ସାଧାରଣଙ୍କ ସହଯୋଗ ଓ ନିଷ୍ଠାପର ଉଦ୍ୟମ ପାଇଁ ଆହ୍ଵାନ ଦେଇଥିଲେ । ପ୍ରାରମ୍ଭରେ ଯୋଜନା ଓ ପର୍ଯ୍ୟବେକ୍ଷଣର ଉପ-ନିର୍ଦ୍ଦେଶକ ଶ୍ରୀ ରାଜ ବଲ୍ଲଭ କର ସ୍ୱାଗତ ଭାଷଣ ଦେଇ ମାନବ ସମାଜର କଲ୍ୟାଣ ପାଇଁ କାର୍ଯ୍ୟକାରୀ ହେଉଥିବା ୧୭ଟି ଯୋଜନା ମଧ୍ୟରୁ ବିଶ୍ଵର ବିଭିନ୍ନ ଦେଶରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ସଫଳତା ହାସଲ କରାଯାଇପାରିଛି ବୋଲି ପ୍ରକାଶ କରିଥିଲେ । ଶ୍ରୀ ଶ୍ରୀ ୟୁନିଭରସିଟିର ପ୍ରଫେସର ଶ୍ରୀ ସତ୍ୟଜିତ ଆର୍ଯ୍ୟ ରିସୋର୍ସ ପର୍ସନ୍ ( ବିଶେଷଜ୍ଞ ) ଭାବେ ଯୋଗ ଦେଇ ୨୦୩୦ସୁଦ୍ଧା ନିରନ୍ତର ବିକାଶ ଲକ୍ଷ୍ୟ ହାସଲ ଦିଗରେ କାର୍ଯ୍ୟକ୍ରମ ସଂପର୍କରେ ଅବଗତ କରାଇଥିଲେ। ମାନବ ସମାଜର ବିକାଶ ପାଇଁ କାର୍ଯ୍ୟକାରୀ ହେଉଥିବା ସମସ୍ତ ପ୍ରକାରର ଦାରିଦ୍ର୍ଯ ଦୂରୀକରଣ, କ୍ଷୁଧା ଦୂର କରିବା,ଖାଦ୍ୟ ସୁରକ୍ଷା ତଥା ପୁଷ୍ଟିକର ଖାଦ୍ୟ ପାଇଁ କୃଷିକୁ ପ୍ରୋତ୍ସାହିତ କରିବା, ପ୍ରତ୍ୟେକଙ୍କ ପାଇଁ ସୁସ୍ଥ ଓ ନିରାମୟ ଜୀବନ ସୁନିଶ୍ଚିତ କରିବା, ସମସ୍ତ ମହିଳା ଓ ବାଳିକାମାନଙ୍କର ସଶକ୍ତି କରଣ ତଥା ଲିଙ୍ଗଗତ ସମାନତା ହାସଲ କରିବା, ଜଳ ଓ ପରିମଳ ବ୍ୟବସ୍ଥା, ସମସ୍ତଙ୍କୁ ସୁଲଭ ମୂଲ୍ୟରେ ନିର୍ଭରଯୋଗ୍ୟ, ଦୀର୍ଘସ୍ଥାୟୀ ଓ ଆଧୁନିକ ଶକ୍ତି ଯୋଗାଇବା, ଅର୍ଥନୈତିକ ବିକାଶ ସହିତ ସମ୍ମାନପୂର୍ଣ୍ଣ ଉତ୍ପାଦନକ୍ଷମ ନିଯୁକ୍ତି ସୁଯୋଗ, ଦୀର୍ଘସ୍ଥାୟୀ ଶିଳ୍ପାୟନ ଏବଂ ନୂତନ ଉଦ୍ଭାବନ, ଦେଶ ଭିତରେ ଓ ଦେଶ ଦେଶ ମଧ୍ୟରେ ଥିବା ଅସମାନତାକୁ ହ୍ରାସ କରିବା, ସମସ୍ତ ସହର ଓ ଜନବସତି ଗୁଡ଼ିକୁ ସନ୍ତୁଳିତ ଓ ସୁରକ୍ଷିତ ରଖିବା, ସମସ୍ତ ସମ୍ବଳର ଦାୟୀତ୍ବପୂର୍ଣ୍ଣ ବ୍ୟବହାର, ଜଳବାୟୁର ସୁରକ୍ଷା ପାଇଁ ଜରୁରୀକାଳୀନ ପଦକ୍ଷେପ ଗ୍ରହଣ, ସାମୁଦ୍ରିକ ସମ୍ବଳ ଗୁଡ଼ିକର ସଂରକ୍ଷଣ ଓ ଉପଯୁକ୍ତ ବ୍ୟବହାର, ମୃତ୍ତିକା ଓ ଜୈବ ବିବିଧତାର କ୍ଷୟକୁ ରୋକିବା, ଜଙ୍ଗଲ ବୃଦ୍ଧି କରିବା, ଶାନ୍ତିପୂର୍ଣ୍ଣ ଓ ସମ୍ମିଳିତ ସମାଜ ଗଠନ, ସମସ୍ତଙ୍କୁ ନ୍ୟାୟ ପ୍ରଦାନ କରିବା ସହିତ ଦୀର୍ଘସ୍ଥାୟୀ ବିକାଶ ନିମନ୍ତେ ବିଶ୍ଵସ୍ତରୀୟ ସହଭାଗିତାକୁ ମଜବୁତ କରି କାର୍ଯ୍ୟକ୍ରମ ଗୁଡ଼ିକର ସଫଳ ରୂପାୟନ ପାଇଁ ଉପାୟ ଗୁଡ଼ିକୁ ସୁଦୃଢ଼ କରିବା ସଂପର୍କରେ ସେ ଆଲୋକପାତ କରିଥିଲେ । ଯୋଜନା ଓ ପର୍ଯ୍ୟବେକ୍ଷଣର ସହକାରୀ ନିର୍ଦ୍ଦେଶକ ଶ୍ରୀ ମନୋଜ କୁମାର ନାୟକ ଏହି ୧୭ଟି ଯୋଜନାର କାର୍ଯ୍ୟକାରୀତା ସମ୍ବନ୍ଧରେ ସୂଚ଼଼ନା ପ୍ରଦାନ କରିଥିଲେ। ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ଜିଲ୍ଲା ପରିଷଦର ସଭ୍ୟ-ସଭ୍ୟା , ସମସ୍ତ ବିଡ଼ିଓ ଏବଂ ତହସିଲଦାର, ସଂପୃକ୍ତ ବିଭାଗୀୟ ଅଧିକାରୀ ମାନେ, ସ୍ଵେଚ୍ଛାସେବୀ ଅନୁଷ୍ଠାନର କର୍ମ କର୍ତ୍ତା ପ୍ରମୁଖ ଯୋଗ ଦେଇଥିଲେ । ଶେଷର ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଶ୍ରୀ ଦୀପ୍ତି ରଞ୍ଜନ ସେଠୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

Amani Sahoo

ଢେଙ୍କାନାଳ ସଦର, ଢେଙ୍କାନାଳ, ଓଡ଼ିଶା•

18 hrs ago

ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଜିଲ୍ଲାର ସ୍ଥାୟୀ ବିକାଶ ଲକ୍ଷ୍ୟ ହାସଲ ନିମନ୍ତେ ପ୍ରଶିକ୍ଷଣ କାର୍ଯ୍ୟକ୍ରମ ଢ଼େଙ୍କାନାଳ, ତା. ୨୦.୨.୨୦୨୬- ଆଜି ପୂର୍ବାହ୍ନରେ ଜିଲ୍ଲା ପରିଷଦ ସମ୍ମିଳନୀ ସଭାଗୃହ ଠାରେ ଜିଲ୍ଲା ଯୋଜନା ଓ ପର୍ଯ୍ୟବେକ୍ଷଣ କାର୍ଯ୍ୟାଳୟ ପକ୍ଷରୁ ଜିଲ୍ଲାର ସ୍ଥାୟୀ ବିକାଶ ଲକ୍ଷ୍ୟର ସଫଳ ରୂପାୟନ ପାଇଁ ଏକ ଜିଲ୍ଲା ସ୍ତରୀୟ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦର ଅଧ୍ୟକ୍ଷା ଶ୍ରୀମତୀ ଅର୍ଚ୍ଚନା ପୁହାଣ ଅଧ୍ୟକ୍ଷତା କରିଥିଲେ । ସାମଗ୍ରିକ ବିକାଶ ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଥିବା ୧୭ଟି ଦିଗ ଉପରେ ସଫଳତା ହାସଲ ନିମନ୍ତେ ସମସ୍ତ ବିଭାଗୀୟ ଅଧିକାରୀ, ନିର୍ବାଚ଼ିତ ପ୍ରତିନିଧି ଓ ଜନ ସାଧାରଣଙ୍କ ସହଯୋଗ ଓ ନିଷ୍ଠାପର ଉଦ୍ୟମ ପାଇଁ ଆହ୍ଵାନ ଦେଇଥିଲେ । ପ୍ରାରମ୍ଭରେ ଯୋଜନା ଓ ପର୍ଯ୍ୟବେକ୍ଷଣର ଉପ-ନିର୍ଦ୍ଦେଶକ ଶ୍ରୀ ରାଜ ବଲ୍ଲଭ କର ସ୍ୱାଗତ ଭାଷଣ ଦେଇ ମାନବ ସମାଜର କଲ୍ୟାଣ ପାଇଁ କାର୍ଯ୍ୟକାରୀ ହେଉଥିବା ୧୭ଟି ଯୋଜନା ମଧ୍ୟରୁ ବିଶ୍ଵର ବିଭିନ୍ନ ଦେଶରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ସଫଳତା ହାସଲ କରାଯାଇପାରିଛି ବୋଲି ପ୍ରକାଶ କରିଥିଲେ । ଶ୍ରୀ ଶ୍ରୀ ୟୁନିଭରସିଟିର ପ୍ରଫେସର ଶ୍ରୀ ସତ୍ୟଜିତ ଆର୍ଯ୍ୟ ରିସୋର୍ସ ପର୍ସନ୍ ( ବିଶେଷଜ୍ଞ ) ଭାବେ ଯୋଗ ଦେଇ ୨୦୩୦ସୁଦ୍ଧା ନିରନ୍ତର ବିକାଶ ଲକ୍ଷ୍ୟ ହାସଲ ଦିଗରେ କାର୍ଯ୍ୟକ୍ରମ ସଂପର୍କରେ ଅବଗତ କରାଇଥିଲେ। ମାନବ ସମାଜର ବିକାଶ ପାଇଁ କାର୍ଯ୍ୟକାରୀ ହେଉଥିବା ସମସ୍ତ ପ୍ରକାରର ଦାରିଦ୍ର୍ଯ ଦୂରୀକରଣ, କ୍ଷୁଧା ଦୂର କରିବା,ଖାଦ୍ୟ ସୁରକ୍ଷା ତଥା ପୁଷ୍ଟିକର ଖାଦ୍ୟ ପାଇଁ କୃଷିକୁ ପ୍ରୋତ୍ସାହିତ କରିବା, ପ୍ରତ୍ୟେକଙ୍କ ପାଇଁ ସୁସ୍ଥ ଓ ନିରାମୟ ଜୀବନ ସୁନିଶ୍ଚିତ କରିବା, ସମସ୍ତ ମହିଳା ଓ ବାଳିକାମାନଙ୍କର ସଶକ୍ତି କରଣ ତଥା ଲିଙ୍ଗଗତ ସମାନତା ହାସଲ କରିବା, ଜଳ ଓ ପରିମଳ ବ୍ୟବସ୍ଥା, ସମସ୍ତଙ୍କୁ ସୁଲଭ ମୂଲ୍ୟରେ ନିର୍ଭରଯୋଗ୍ୟ, ଦୀର୍ଘସ୍ଥାୟୀ ଓ ଆଧୁନିକ ଶକ୍ତି ଯୋଗାଇବା, ଅର୍ଥନୈତିକ ବିକାଶ ସହିତ ସମ୍ମାନପୂର୍ଣ୍ଣ ଉତ୍ପାଦନକ୍ଷମ ନିଯୁକ୍ତି ସୁଯୋଗ, ଦୀର୍ଘସ୍ଥାୟୀ ଶିଳ୍ପାୟନ ଏବଂ ନୂତନ ଉଦ୍ଭାବନ, ଦେଶ ଭିତରେ ଓ ଦେଶ ଦେଶ ମଧ୍ୟରେ ଥିବା ଅସମାନତାକୁ ହ୍ରାସ କରିବା, ସମସ୍ତ ସହର ଓ ଜନବସତି ଗୁଡ଼ିକୁ ସନ୍ତୁଳିତ ଓ ସୁରକ୍ଷିତ ରଖିବା, ସମସ୍ତ ସମ୍ବଳର ଦାୟୀତ୍ବପୂର୍ଣ୍ଣ ବ୍ୟବହାର, ଜଳବାୟୁର ସୁରକ୍ଷା ପାଇଁ ଜରୁରୀକାଳୀନ ପଦକ୍ଷେପ ଗ୍ରହଣ, ସାମୁଦ୍ରିକ ସମ୍ବଳ ଗୁଡ଼ିକର ସଂରକ୍ଷଣ ଓ ଉପଯୁକ୍ତ ବ୍ୟବହାର, ମୃତ୍ତିକା ଓ ଜୈବ ବିବିଧତାର କ୍ଷୟକୁ ରୋକିବା, ଜଙ୍ଗଲ ବୃଦ୍ଧି କରିବା, ଶାନ୍ତିପୂର୍ଣ୍ଣ ଓ ସମ୍ମିଳିତ ସମାଜ ଗଠନ, ସମସ୍ତଙ୍କୁ ନ୍ୟାୟ ପ୍ରଦାନ କରିବା ସହିତ ଦୀର୍ଘସ୍ଥାୟୀ ବିକାଶ ନିମନ୍ତେ ବିଶ୍ଵସ୍ତରୀୟ ସହଭାଗିତାକୁ ମଜବୁତ କରି କାର୍ଯ୍ୟକ୍ରମ ଗୁଡ଼ିକର ସଫଳ ରୂପାୟନ ପାଇଁ ଉପାୟ ଗୁଡ଼ିକୁ ସୁଦୃଢ଼ କରିବା ସଂପର୍କରେ ସେ ଆଲୋକପାତ କରିଥିଲେ । ଯୋଜନା ଓ ପର୍ଯ୍ୟବେକ୍ଷଣର ସହକାରୀ ନିର୍ଦ୍ଦେଶକ ଶ୍ରୀ ମନୋଜ କୁମାର ନାୟକ ଏହି ୧୭ଟି ଯୋଜନାର କାର୍ଯ୍ୟକାରୀତା ସମ୍ବନ୍ଧରେ ସୂଚ଼଼ନା ପ୍ରଦାନ କରିଥିଲେ। ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ଜିଲ୍ଲା ପରିଷଦର ସଭ୍ୟ-ସଭ୍ୟା , ସମସ୍ତ ବିଡ଼ିଓ ଏବଂ ତହସିଲଦାର, ସଂପୃକ୍ତ ବିଭାଗୀୟ ଅଧିକାରୀ ମାନେ, ସ୍ଵେଚ୍ଛାସେବୀ ଅନୁଷ୍ଠାନର କର୍ମ କର୍ତ୍ତା ପ୍ରମୁଖ ଯୋଗ ଦେଇଥିଲେ । ଶେଷର ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଶ୍ରୀ ଦୀପ୍ତି ରଞ୍ଜନ ସେଠୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।