କଂକ୍ରିଟ ରାସ୍ତା ଅଧାରେ ଅଟକିଲା! ବାକି ଅଂଶରେ କାଦୁଅର ରାଜ୍ :କଣ୍ଡରାପଶି ବୈଷ୍ଣବସାହିରୁ ଖଳାସାହି ରାସ୍ତାର ବାକି ଅଂଶ କେବେ ହେବ କଂକ୍ରିଟ? କାଦୁଅରେ କଲବଲ ସାହିବାସୀ : କଣ୍ଡରାପଶି ବୈଷ୍ଣବସାହିରୁ ଖଳାସାହି ରାସ୍ତାର ବାକି ଅଂଶ କେବେ ହେବ କଂକ୍ରିଟ? କେନ୍ଦୁଝର ସଦର,(ଧ୍ୟାନକୃଷ୍ଣ ନାୟକ) : ବର୍ଷା ଆସିଲେ ରାସ୍ତା ଉପରେ ଜମୁଛି କାଦୁଅ। ପଚପଚ କାଦୁଅ ମଧ୍ୟରେ ଯାତାୟାତ କରିବାକୁ ପଡୁଛି ସାହିବାସୀଙ୍କୁ। ଦୈନନ୍ଦିନ ଜୀବନ ଯାତ୍ରା ଏକପ୍ରକାର ଦୁର୍ବିଷହ ହୋଇପଡୁଛି। ଏଭଳି ଦୁର୍ଦ୍ଦଶାର ଚିତ୍ର ଦେଖିବାକୁ ମିଳୁଛି କେନ୍ଦୁଝର ସଦର ବ୍ଲକ ଅନ୍ତର୍ଗତ କଣ୍ଡରାପଶି ବୈଷ୍ଣବସାହି କମ୍ୟୁନିଟି ସେଣ୍ଟରଠାରୁ ଖଳାସାହିକୁ ଯାଇଥିବା ରାସ୍ତାରେ। ସୂଚନା ଅନୁସାରେ, ଏହି ରାସ୍ତାର କିଛି ଅଂଶକୁ କିଛି ମାସ ତଳେ ନୂଆକରି କଂକ୍ରିଟ କରାଯାଇଥିଲା। ତେବେ ରାସ୍ତାର କିଛି ଅଂଶ କଂକ୍ରିଟ ନହୋଇ ବାକି ରହିଯାଇଥିଲା। ଏବେ ବର୍ଷା ଋତୁରେ ସେହି ବାକି ଅଂଶଟି ସାହିବାସୀଙ୍କ ପାଇଁ ସମସ୍ୟାର ପ୍ରମୁଖ କାରଣ ପାଲଟିଛି। ବର୍ଷା ହେଲେ ରାସ୍ତାଟି କାଦୁଅରେ ପରିଣତ ହେଉଛି। ପାଦରେ ଚାଲିବା ଠାରୁ ଆରମ୍ଭ କରି ଦୁଇଚକିଆ ଯାନରେ ଯାତାୟାତ କରିବା ମଧ୍ୟ କଷ୍ଟକର ହୋଇପଡୁଛି। ଛୋଟ ପିଲା, ବୟସ୍କ ଓ ମହିଳାମାନେ ଏହି ରାସ୍ତା ଦେଇ ଯିବା ସମୟରେ ବିଶେଷ ଅସୁବିଧାର ସମ୍ମୁଖୀନ ହେଉଥିବା ସାହିବାସୀ କହିଛନ୍ତି। ଯେଉଁ ରାସ୍ତାର ଅଧିକାଂଶ ଅଂଶ କଂକ୍ରିଟ ହୋଇସାରିଛି, ସେହି ରାସ୍ତାର ବାକି ଅଂଶଟିକୁ ମଧ୍ୟ ଅଧାରେ ଛାଡ଼ି ନଦେଇ ସମ୍ପୂର୍ଣ୍ଣ କଂକ୍ରିଟ କରାଯିବା ଆବଶ୍ୟକ। ନଚେତ ବର୍ଷା ଦିନରେ ଏହି ସମସ୍ୟା ପ୍ରତିବର୍ଷ ଲୋକଙ୍କୁ ଭୋଗିବାକୁ ପଡିବ। ସାହିବାସୀଙ୍କ ଦାବି, ପ୍ରଶାସନ ଓ ସମ୍ପୃକ୍ତ ବିଭାଗ ଘଟଣାସ୍ଥଳ ପରିଦର୍ଶନ କରି ରାସ୍ତାର ବାକି ଅଂଶର ସ୍ଥିତି ଅନୁଧ୍ୟାନ କରନ୍ତୁ। ଲୋକଙ୍କ ଯାତାୟାତ ସମସ୍ୟାକୁ ଦୃଷ୍ଟିରେ ରଖି ଅବଶିଷ୍ଟ ରାସ୍ତାକୁ ଶୀଘ୍ର କଂକ୍ରିଟ କରିବା ସହ ଏବେ ପାଇଁ ଆବଶ୍ୟକ ମରାମତି ଓ ମାଟି/ମୋରମ ପକାଇ ଯାତାୟାତ ଉପଯୋଗୀ କରାଯାଉ । ପ୍ରଶାସନର ତୁରନ୍ତ ହସ୍ତକ୍ଷେପ ହିଁ ସାହିବାସୀଙ୍କ ଏହି ଦୀର୍ଘସ୍ଥାୟୀ ସମସ୍ୟାର ସମାଧାନ କରିପାରିବ।

Dhyana Krushna Nayak

Content Creator (YouTuber) Kendujhar Sadar, Odisha•

1 day ago

କଂକ୍ରିଟ ରାସ୍ତା ଅଧାରେ ଅଟକିଲା! ବାକି ଅଂଶରେ କାଦୁଅର ରାଜ୍ :କଣ୍ଡରାପଶି ବୈଷ୍ଣବସାହିରୁ ଖଳାସାହି ରାସ୍ତାର ବାକି ଅଂଶ କେବେ ହେବ କଂକ୍ରିଟ? କାଦୁଅରେ କଲବଲ ସାହିବାସୀ : କଣ୍ଡରାପଶି ବୈଷ୍ଣବସାହିରୁ ଖଳାସାହି ରାସ୍ତାର ବାକି ଅଂଶ କେବେ ହେବ କଂକ୍ରିଟ? କେନ୍ଦୁଝର ସଦର,(ଧ୍ୟାନକୃଷ୍ଣ ନାୟକ) : ବର୍ଷା ଆସିଲେ ରାସ୍ତା ଉପରେ ଜମୁଛି କାଦୁଅ। ପଚପଚ କାଦୁଅ ମଧ୍ୟରେ ଯାତାୟାତ କରିବାକୁ ପଡୁଛି ସାହିବାସୀଙ୍କୁ। ଦୈନନ୍ଦିନ ଜୀବନ ଯାତ୍ରା ଏକପ୍ରକାର ଦୁର୍ବିଷହ ହୋଇପଡୁଛି। ଏଭଳି ଦୁର୍ଦ୍ଦଶାର ଚିତ୍ର ଦେଖିବାକୁ ମିଳୁଛି କେନ୍ଦୁଝର ସଦର ବ୍ଲକ ଅନ୍ତର୍ଗତ କଣ୍ଡରାପଶି ବୈଷ୍ଣବସାହି କମ୍ୟୁନିଟି ସେଣ୍ଟରଠାରୁ ଖଳାସାହିକୁ ଯାଇଥିବା ରାସ୍ତାରେ। ସୂଚନା ଅନୁସାରେ,

ଏହି ରାସ୍ତାର କିଛି ଅଂଶକୁ କିଛି ମାସ ତଳେ ନୂଆକରି କଂକ୍ରିଟ କରାଯାଇଥିଲା। ତେବେ ରାସ୍ତାର କିଛି ଅଂଶ କଂକ୍ରିଟ ନହୋଇ ବାକି ରହିଯାଇଥିଲା। ଏବେ ବର୍ଷା ଋତୁରେ ସେହି ବାକି ଅଂଶଟି ସାହିବାସୀଙ୍କ ପାଇଁ ସମସ୍ୟାର ପ୍ରମୁଖ କାରଣ ପାଲଟିଛି। ବର୍ଷା ହେଲେ ରାସ୍ତାଟି କାଦୁଅରେ ପରିଣତ ହେଉଛି। ପାଦରେ ଚାଲିବା ଠାରୁ ଆରମ୍ଭ କରି ଦୁଇଚକିଆ ଯାନରେ ଯାତାୟାତ କରିବା ମଧ୍ୟ କଷ୍ଟକର ହୋଇପଡୁଛି। ଛୋଟ ପିଲା, ବୟସ୍କ ଓ ମହିଳାମାନେ ଏହି ରାସ୍ତା ଦେଇ ଯିବା ସମୟରେ ବିଶେଷ ଅସୁବିଧାର ସମ୍ମୁଖୀନ ହେଉଥିବା ସାହିବାସୀ କହିଛନ୍ତି। ଯେଉଁ ରାସ୍ତାର ଅଧିକାଂଶ ଅଂଶ କଂକ୍ରିଟ ହୋଇସାରିଛି,

ସେହି ରାସ୍ତାର ବାକି ଅଂଶଟିକୁ ମଧ୍ୟ ଅଧାରେ ଛାଡ଼ି ନଦେଇ ସମ୍ପୂର୍ଣ୍ଣ କଂକ୍ରିଟ କରାଯିବା ଆବଶ୍ୟକ। ନଚେତ ବର୍ଷା ଦିନରେ ଏହି ସମସ୍ୟା ପ୍ରତିବର୍ଷ ଲୋକଙ୍କୁ ଭୋଗିବାକୁ ପଡିବ। ସାହିବାସୀଙ୍କ ଦାବି, ପ୍ରଶାସନ ଓ ସମ୍ପୃକ୍ତ ବିଭାଗ ଘଟଣାସ୍ଥଳ ପରିଦର୍ଶନ କରି ରାସ୍ତାର ବାକି ଅଂଶର ସ୍ଥିତି ଅନୁଧ୍ୟାନ କରନ୍ତୁ। ଲୋକଙ୍କ ଯାତାୟାତ ସମସ୍ୟାକୁ ଦୃଷ୍ଟିରେ ରଖି ଅବଶିଷ୍ଟ ରାସ୍ତାକୁ ଶୀଘ୍ର କଂକ୍ରିଟ କରିବା ସହ ଏବେ ପାଇଁ ଆବଶ୍ୟକ ମରାମତି ଓ ମାଟି/ମୋରମ ପକାଇ ଯାତାୟାତ ଉପଯୋଗୀ କରାଯାଉ । ପ୍ରଶାସନର ତୁରନ୍ତ ହସ୍ତକ୍ଷେପ ହିଁ ସାହିବାସୀଙ୍କ ଏହି ଦୀର୍ଘସ୍ଥାୟୀ ସମସ୍ୟାର ସମାଧାନ କରିପାରିବ।