जळगाव जामोद तालुक्यातील सुनगाव येथे काल रात्री झालेल्या पावसामुळे वीजपुरवठा खंडित झाला होता. तब्बल साडेसात तास वीजपुरवठा खंडित राहिल्याने गावकऱ्यांना रात्रभर अंधारात काढावी लागली. विशेष म्हणजे, पर्यायी व्यवस्था उपलब्ध असूनही, केवळ स्थानिक वायरमनच्या मद्यधुंद अवस्थेमुळे ग्रामस्थांना नाहक त्रास सहन करावा लागल्याचा गंभीर प्रकार समोर आला आहे. काल रात्री सात वाजण्याच्या सुमारास पावसाच्या हजेरीनंतर सुनगाव येथील वीजपुरवठा बंद झाला. सुनगाव गावाला तीन क्रमांकाच्या सबस्टेशनवरून इमर्जन्सीमध्ये वीजपुरवठा करण्याची सोय उपलब्ध असतानाही, रात्री अडीच वाजेपर्यंत वीज आली नाही. यामुळे संतप्त झालेल्या ३० ते ४० गावकऱ्यांनी थेट जामोद सबस्टेशन गाठले. तिथे पोहोचल्यानंतरही संबंधित वायरमन महेंद्र सोळंके यांच्याशी संपर्क होऊ शकला नाही. त्यानंतर गावकऱ्यांनी कनिष्ठ अभियंता (जे.ई.) हिंगणे यांच्याशी संपर्क साधून शनी मंदिर सबस्टेशन गाठले. तिथे पोहोचल्यावर वायरमन महेंद्र सोळंके हे पूर्णपणे मद्यधुंद अवस्थेत आढळून आले. जे.ई. साहेबांसमोर त्यांनी स्वतःहून दारू प्यायल्याची कबुली दिली. हा सर्व प्रकार घडत असतानाच, विद्युत विभागाचे कर्मचारी रवी नानग्दे यांनी रात्री अवघ्या १५ ते २० मिनिटांत तांत्रिक बिघाड (फॉल्ट) दुरुस्त केला आणि रात्री २:४० च्या सुमारास गावाची वीज सेवा सुरळीत केली. एका जबाबदार शासकीय पदावर असूनही ड्युटीवर दारूच्या नशेत आढळणे आणि जनतेला रात्रभर अंधारात ठेवणे, हा अत्यंत गंभीर प्रकार आहे. आता या मद्यधुंद वायरमनवर कनिष्ठ अभियंता हिंगणे नेमकी काय कारवाई करतात, याकडे सुनगावच्या ग्रामस्थांचे लक्ष लागले आहे.

अनिल भगत पत्रकार

जळगाव (जामोद), बुलढाणा, महाराष्ट्र•

1 hr ago

जळगाव जामोद तालुक्यातील सुनगाव येथे काल रात्री झालेल्या पावसामुळे वीजपुरवठा खंडित झाला होता. तब्बल साडेसात तास वीजपुरवठा खंडित राहिल्याने गावकऱ्यांना रात्रभर अंधारात काढावी लागली. विशेष म्हणजे, पर्यायी व्यवस्था उपलब्ध असूनही, केवळ स्थानिक वायरमनच्या मद्यधुंद अवस्थेमुळे ग्रामस्थांना नाहक त्रास सहन करावा लागल्याचा गंभीर प्रकार समोर आला आहे. काल रात्री सात वाजण्याच्या सुमारास पावसाच्या हजेरीनंतर सुनगाव येथील वीजपुरवठा बंद झाला. सुनगाव गावाला तीन क्रमांकाच्या सबस्टेशनवरून इमर्जन्सीमध्ये वीजपुरवठा करण्याची सोय उपलब्ध असतानाही, रात्री अडीच वाजेपर्यंत वीज आली नाही. यामुळे संतप्त झालेल्या ३० ते ४० गावकऱ्यांनी थेट जामोद सबस्टेशन गाठले. तिथे पोहोचल्यानंतरही संबंधित वायरमन महेंद्र सोळंके यांच्याशी संपर्क होऊ शकला नाही. त्यानंतर गावकऱ्यांनी कनिष्ठ अभियंता (जे.ई.) हिंगणे यांच्याशी संपर्क साधून शनी मंदिर सबस्टेशन गाठले. तिथे पोहोचल्यावर वायरमन महेंद्र सोळंके हे पूर्णपणे मद्यधुंद अवस्थेत आढळून आले. जे.ई. साहेबांसमोर त्यांनी स्वतःहून दारू प्यायल्याची कबुली दिली. हा सर्व प्रकार घडत असतानाच, विद्युत विभागाचे कर्मचारी रवी नानग्दे यांनी रात्री अवघ्या १५ ते २० मिनिटांत तांत्रिक बिघाड (फॉल्ट) दुरुस्त केला आणि रात्री २:४० च्या सुमारास गावाची वीज सेवा सुरळीत केली. एका जबाबदार शासकीय पदावर असूनही ड्युटीवर दारूच्या नशेत आढळणे आणि जनतेला रात्रभर अंधारात ठेवणे, हा अत्यंत गंभीर प्रकार आहे. आता या मद्यधुंद वायरमनवर कनिष्ठ अभियंता हिंगणे नेमकी काय कारवाई करतात, याकडे सुनगावच्या ग्रामस्थांचे लक्ष लागले आहे.