खरबढोरे येथे वरात पाहताना बाप–मुलावर जीवघेणा हल्ला चौघांविरुद्ध गुन्हा दाखल प्रतिनिधी/मूर्तिजापूर तालुक्यातील खरबढोरे येथे जुन्या वादातून बाप–मुलावर संगनमताने हल्ला केल्याची घटना २९ एप्रिल रोजी रात्री ८ वाजण्याच्या सुमारास घडली. या प्रकरणी मूर्तिजापूर ग्रामीण पोलीस ठाण्यात चार जणांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, फिर्यादी राजू आनंदराव चौके (वय 42, रा. खरबढोरे) हे आपल्या मुलासह गावात लग्नाची वरात पाहत असताना आरोपी किसन थोप, पप्पु थोप, अजय थोप व युवराज थोप (सर्व रा. खरबढोरे) हे तेथे आले. काही दिवसांपूर्वी झालेल्या किरकोळ वादाच्या रागातून आरोपींनी संगनमत करून फिर्यादी व त्यांच्या मुलाला खाली पाडून लाथा-बुक्क्यांनी मारहाण केली.तसेच आरोपी किसन थोप व पप्पु थोप यांनी लोखंडी पट्टीने फिर्यादीच्या डोक्यावर व त्यांच्या मुलाच्या हातावर वार करून जखमी केल्याचे तक्रारीत नमूद आहे.जखमींना वैद्यकीय उपचार देण्यात आले असून, वैद्यकीय अहवालाच्या आधारे गुन्हा नोंदविण्यात आला आहे.या प्रकरणी मूर्तिजापूर ग्रामीण पोलीस ठाण्यात अप.क्र. 209/2026 अन्वये कलम 118(1), 115(2), 3(5) बी.एन.एस. 2023 प्रमाणे गुन्हा दाखल करण्यात आला आहे. या प्रकरणाचा पुढील तपास दिनेश सोळंके करीत आहेत.

Ahem Raza

मूर्तिजापूर, अकोला, महाराष्ट्र•

16 hrs ago

खरबढोरे येथे वरात पाहताना बाप–मुलावर जीवघेणा हल्ला चौघांविरुद्ध गुन्हा दाखल प्रतिनिधी/मूर्तिजापूर तालुक्यातील खरबढोरे येथे जुन्या वादातून बाप–मुलावर संगनमताने हल्ला केल्याची घटना २९ एप्रिल रोजी रात्री ८ वाजण्याच्या सुमारास घडली. या प्रकरणी मूर्तिजापूर ग्रामीण पोलीस ठाण्यात चार जणांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, फिर्यादी राजू आनंदराव चौके (वय 42, रा. खरबढोरे) हे आपल्या मुलासह गावात लग्नाची वरात पाहत असताना आरोपी किसन थोप, पप्पु थोप, अजय थोप व युवराज थोप (सर्व रा. खरबढोरे) हे तेथे आले. काही दिवसांपूर्वी झालेल्या किरकोळ वादाच्या रागातून आरोपींनी संगनमत करून फिर्यादी व त्यांच्या मुलाला खाली पाडून लाथा-बुक्क्यांनी मारहाण केली.तसेच आरोपी किसन थोप व पप्पु थोप यांनी लोखंडी पट्टीने फिर्यादीच्या डोक्यावर व त्यांच्या मुलाच्या हातावर वार करून जखमी केल्याचे तक्रारीत नमूद आहे.जखमींना वैद्यकीय उपचार देण्यात आले असून, वैद्यकीय अहवालाच्या आधारे गुन्हा नोंदविण्यात आला आहे.या प्रकरणी मूर्तिजापूर ग्रामीण पोलीस ठाण्यात अप.क्र. 209/2026 अन्वये कलम 118(1), 115(2), 3(5) बी.एन.एस. 2023 प्रमाणे गुन्हा दाखल करण्यात आला आहे. या प्रकरणाचा पुढील तपास दिनेश सोळंके करीत आहेत.