*પ્રેસનોટ: 4168* *આમ આદમી પાર્ટી* *તારીખ: 08/04/2026* *AAP નેતા ગૌરી દેસાઈએ ભાજપનો ચહેરો ઉઘાડો પાડ્યો* *અમદાવાદના બાપુનગર વિસ્તારમાં ભાજપના ધારાસભ્યએ મર્ડર કેસમાં આરોપી તરીકે નામ હોય એવા વ્યક્તિને ખેસ પહેરાવ્યો : ગૌરી દેસાઈ AAP* *લોકો સમજી જાય કે ભાજપ એક ગુંડા પાર્ટી છે: ગૌરી દેસાઈ AAP* *ભાજપને સામ-દામ દંડ ભેદની નીતિ માટે ગુંડાઓ જોઈએ, માટે તેઓ ગુંડાઓને આગળ કરે છે: ગૌરી દેસાઈ AAP આમ આદમી પાર્ટીના પ્રદેશ ઉપાધ્યક્ષ ગૌરી દેસાઈએ વિડીયોના માધ્યમથી જણાવ્યું હતું કે ભારતીય જનતા પાર્ટી અગાઉથી મોટી મોટી વાતો કરતી હતી કે તેઓ ગુંડાગીરીથી દૂર રહે છે અને ગુંડાઓનો બહિષ્કાર કરે છે, પરંતુ આજે બાપુનગર વિસ્તારમાં ભારતીય જનતા પાર્ટીના ધારાસભ્ય દ્વારા એવા વ્યક્તિને પાર્ટીમાં સામેલ કરવામાં આવ્યો છે જેના પર ગંભીર ગુનાનો આરોપ છે. હું વાત કરી રહી છું બાપુનગર વિધાનસભાના ધારાસભ્ય દિનેશભાઈ વિશે, જેમણે કાર્યાલયના ઉદ્ઘાટન સમયે સ્ટેજ પર એવા વ્યક્તિને ખેસ પહેરાવી સ્વાગત કર્યું, જેનું નામ મર્ડર કેસમાં આરોપી તરીકે જોડાયેલું છે. આ ઘટનાથી સ્પષ્ટ થાય છે કે ભારતીય જનતા પાર્ટી પોતાની જ વાતોથી વિરુદ્ધ ચાલી રહી છે. એક તરફ ગુંડાગીરીનો વિરોધ કરવાની વાતો કરવામાં આવે છે, તો બીજી તરફ ખુલ્લેઆમ એવા લોકોનું સ્વાગત કરીને પાર્ટીમાં સામેલ કરવામાં આવે છે. AAP નેતા ગૌરી દેસાઇએ વધુમાં જણાવ્યું હતુ કે હવે જનતાએ સમજવાનું છે કે આવી પ્રવૃત્તિઓ શું સંકેત આપે છે. પાર્ટી દ્વારા ગુન્ડાઓને આગળ રાખીને રાજકીય લાભ મેળવવાનો પ્રયાસ કરવામાં આવી રહ્યો છે અને ‘સામ, દામ, દંડ, ભેદ’ની નીતિ અમલમાં મૂકવા માટે આવા લોકોને આગળ લાવવામાં આવે છે. આગળ તેમણે જણાવ્યું કે આવી રીતે ખુલ્લેઆમ ગુનાહિત પૃષ્ઠભૂમિવાળા વ્યક્તિઓને સ્થાન આપવાથી સમાજમાં ખોટો સંદેશ જાય છે. આવનારા સમયમાં ભારતીય જનતા પાર્ટી ગુંડા પાર્ટી તરીકે ઓળખાશે, કારણ કે તે ગુંડાઓને સાથે લઈને ચાલે છે. તેમને કોઈનો ડર નથી, કારણ કે તેમણે જનતાનું કામ જ કર્યું નથી, એટલે ગુંડાઓને આગળ રાખીને આગામી ચૂંટણી જીતવાનો પ્રયાસ કરવામાં આવી રહ્યો છે. કોઈપણ કાર્યાલય ખોલતી વખતે આવા લોકોને આગળ લાવી ખેસ પહેરાવવામાં આવે છે, જે ડરનું વાતાવરણ ઉભું કરવાની કોશિશ તરીકે જોવામાં આવે છે. *આમ આદમી પાર્ટી ગુજરાત*

Nationgujarat.com

Newspaper publisher Vadodara West, Gujarat•

22 min ago