ஈரோடு மாவட்டம் பெருந்துறை வட்டார போக்குவரத்து அலுவலகத்தில் (RTO) லஞ்ச ஒழிப்புத் துறை போலீசார் இன்று திடீர் அதிரடி சோதனை நடத்தி வருகின்றனர். பெருந்துறை ஆர்.டி.ஓ அலுவலகத்தில் இடைத்தரகர்கள் நடமாட்டம் அதிகமாக இருப்பதாகவும், ஓட்டுநர் உரிமம் மற்றும் வாகனப் பதிவுகளுக்கு லஞ்சம் பெறப்படுவதாகவும் லஞ்ச ஒழிப்புத்துறை போலீசாருக்கு ரகசியத் தகவல் கிடைத்திருந்தது. இந்த தகவலின் அடிப்படையில், லஞ்ச ஒழிப்புத்துறை டி.எஸ்.பி. சாந்தி தலைமையிலான ஏழுக்கும் மேற்பட்ட போலீசார் இன்று மதியம் பெருந்துறை அலுவலகத்திற்குள் அதிரடியாக நுழைந்து சோதனையில் ஈடுபட்டனர். போலீசாரின் இந்த திடீர் வருகையால் அலுவலகத்தில் இருந்த ஊழியர்கள் மற்றும் இடைத்தரகர்கள் மத்தியில் பெரும் பரபரப்பு ஏற்பட்டது. தொடர்ந்து நடைபெற்ற முதற்கட்ட சோதனையில், கணக்கில் வராத பெருமளவிலான ரொக்கப் பணம் கைப்பற்றப்பட்டுள்ளதாக முதல்கட்ட தகவல்கள் வெளியாகியுள்ளன. லஞ்ச ஒழிப்புத் துறையினர் அலுவலகத்தின் கதவுகளைப் பூட்டி, ஊழியர்கள் யாரையும் வெளியே செல்ல அனுமதிக்காமல் தீவிர விசாரணை நடத்தி வருகின்றனர். இச்சோதனையின் முழுமையான முடிவில் மட்டுமே, கைப்பற்றப்பட்ட கணக்கில் வராத பணம் எவ்வளவு மற்றும் யார் யார் மீது நடவடிக்கை எடுக்கப்பட்டுள்ளது என்ற முழு விவரமும் தெரியவரும் என அதிகாரிகள் தரப்பில் தெரிவிக்கப்பட்டுள்ளது.

Dinesh

கோபிசெட்டிபாளையம், ஈரோடு, தமிழ்நாடு•

2 hrs ago

ஈரோடு மாவட்டம் பெருந்துறை வட்டார போக்குவரத்து அலுவலகத்தில் (RTO) லஞ்ச ஒழிப்புத் துறை போலீசார் இன்று திடீர் அதிரடி சோதனை நடத்தி வருகின்றனர். பெருந்துறை ஆர்.டி.ஓ அலுவலகத்தில் இடைத்தரகர்கள் நடமாட்டம் அதிகமாக இருப்பதாகவும், ஓட்டுநர் உரிமம் மற்றும் வாகனப் பதிவுகளுக்கு லஞ்சம் பெறப்படுவதாகவும் லஞ்ச ஒழிப்புத்துறை போலீசாருக்கு ரகசியத் தகவல் கிடைத்திருந்தது. இந்த தகவலின் அடிப்படையில், லஞ்ச ஒழிப்புத்துறை டி.எஸ்.பி. சாந்தி தலைமையிலான ஏழுக்கும் மேற்பட்ட போலீசார் இன்று மதியம் பெருந்துறை அலுவலகத்திற்குள் அதிரடியாக நுழைந்து சோதனையில் ஈடுபட்டனர். போலீசாரின் இந்த திடீர் வருகையால் அலுவலகத்தில் இருந்த ஊழியர்கள் மற்றும் இடைத்தரகர்கள் மத்தியில் பெரும் பரபரப்பு ஏற்பட்டது. தொடர்ந்து நடைபெற்ற முதற்கட்ட சோதனையில், கணக்கில் வராத பெருமளவிலான ரொக்கப் பணம் கைப்பற்றப்பட்டுள்ளதாக முதல்கட்ட தகவல்கள் வெளியாகியுள்ளன. லஞ்ச ஒழிப்புத் துறையினர் அலுவலகத்தின் கதவுகளைப் பூட்டி, ஊழியர்கள் யாரையும் வெளியே செல்ல அனுமதிக்காமல் தீவிர விசாரணை நடத்தி வருகின்றனர். இச்சோதனையின் முழுமையான முடிவில் மட்டுமே, கைப்பற்றப்பட்ட கணக்கில் வராத பணம் எவ்வளவு மற்றும் யார் யார் மீது நடவடிக்கை எடுக்கப்பட்டுள்ளது என்ற முழு விவரமும் தெரியவரும் என அதிகாரிகள் தரப்பில் தெரிவிக்கப்பட்டுள்ளது.