కాగజ్‌నగర్ మండలం బారేగూడ శివపూర్‌లో రెండు మహిళా సమాఖ్య భవనాలు, అలాగే ప్రభుత్వ పాఠశాల ప్రహరీ గోడ నిర్మాణ పనులకు సిర్పూర్ ఎమ్మెల్యే పాల్వాయి హరీష్ బాబు శంకుస్థాపన చేశారు. ఈ పనులు జాతీయ ఉపాధి హామీ పథకం నిధులతో రూ.27 లక్షల వ్యయంతో చేపట్టనున్నారు. ఈ సందర్భంగా ఎమ్మెల్యే మాట్లాడుతూ, బారేగూడ గ్రామంలో గత రెండున్నర సంవత్సరాలలో ఉపాధి హామీ పథకం ద్వారా రూ.కోటికి పైగా అభివృద్ధి పనులు పూర్తయ్యాయని వెల్లడించారు. గ్రామీణ ప్రాంతాల అభివృద్ధిలో కేంద్ర ప్రభుత్వ నిధులు కీలక పాత్ర పోషిస్తున్నాయని ఆయన స్పష్టం చేశారు. ఈ కార్యక్రమంలో సర్పంచ్ కోట వేణుగోపాల్, ఉపసర్పంచ్ నేరెళ్ల వెంకటేష్, పంచాయతీ కార్యదర్శి నరేష్, వార్డు సభ్యులు, మహిళా సమాఖ్య ప్రతినిధులు, మరియు గ్రామస్థులు పాల్గొన్నారు.

కాగజ్‌నగర్ మండలం బారేగూడ శివపూర్‌లో రెండు మహిళా సమాఖ్య భవనాలు, అలాగే ప్రభుత్వ పాఠశాల ప్రహరీ గోడ నిర్మాణ పనులకు సిర్పూర్ ఎమ్మెల్యే పాల్వాయి హరీష్ బాబు శంకుస్థాపన చేశారు. ఈ పనులు జాతీయ ఉపాధి హామీ పథకం నిధులతో రూ.27 లక్షల వ్యయంతో చేపట్టనున్నారు. ఈ సందర్భంగా ఎమ్మెల్యే మాట్లాడుతూ, బారేగూడ గ్రామంలో గత రెండున్నర సంవత్సరాలలో ఉపాధి హామీ పథకం ద్వారా రూ.కోటికి పైగా అభివృద్ధి పనులు పూర్తయ్యాయని వెల్లడించారు. గ్రామీణ ప్రాంతాల అభివృద్ధిలో కేంద్ర ప్రభుత్వ నిధులు కీలక పాత్ర పోషిస్తున్నాయని ఆయన స్పష్టం చేశారు. ఈ కార్యక్రమంలో సర్పంచ్ కోట వేణుగోపాల్, ఉపసర్పంచ్ నేరెళ్ల వెంకటేష్, పంచాయతీ కార్యదర్శి నరేష్, వార్డు సభ్యులు, మహిళా సమాఖ్య ప్రతినిధులు, మరియు గ్రామస్థులు పాల్గొన్నారు.

జగిత్యాలలోని బ్రాహ్మణ వీధి శ్రీరామ మందిరంలో శుక్రవారం శ్రీ చంద్రశేఖరేంద్ర సరస్వతి విశ్వ మహా విద్యాలయం విద్యార్థుల కోసం ఒక పరిచయ కార్యక్రమాన్ని నిర్వహించింది. విద్యాలయ వైస్ ఛాన్సలర్ జి. శ్రీనివాసు, ఫిజిక్స్ ప్రొఫెసర్ వెంకటరమణల ఆధ్వర్యంలో, సంఘం నాయకులు సిరిసిల్ల శ్రీనివాస్ అధ్యక్షతన ఈ కార్యక్రమం జరిగింది. ఈ సందర్భంగా విశ్వవిద్యాలయం తమ సౌకర్యాలు, వివిధ సబ్జెక్టులు, అధ్యాపక బృందం అనుభవం వంటి అంశాలను విద్యార్థులకు వివరించింది. స్వయంపాలిత తమ యూనివర్సిటీలో ఇంజనీరింగ్‌లోని ప్రతి విభాగానికి అదనంగా సంస్కృతం కోర్ సబ్జెక్ట్‌గా ఉంటుందని, అలాగే ఏఐ ఇంజనీరింగ్ అన్ని విభాగాలకు, బీఏ, బీకాం వంటి సబ్జెక్టులకు సైతం ఏఐ సబ్జెక్టు అనుసంధానంగా ఉంటుందని తెలిపారు. ఇంటర్మీడియట్ మార్కుల ఆధారంగా విద్యార్థులకు ఫీజుల్లో రాయితీలు ఉంటాయని, కులమతాలకు అతీతంగా ప్రవేశాలు కల్పిస్తామని స్పష్టం చేశారు. అయితే, 'లా' సీట్లు కేవలం బాలికలకు మాత్రమే కేటాయించబడతాయని పేర్కొన్నారు. పరిచయ కార్యక్రమం అనంతరం వర్షిణి, రిత్విక్, మణిచంద్ర అనే విద్యార్థులు కంచి పీఠం (తమిళనాడు) వారి విశ్వవిద్యాలయం సౌకర్యాలపై సంతృప్తి చెంది అడ్మిషన్ పొందారు. ఈ కార్యక్రమంలో పలువురు విద్యార్థులు తమ తల్లిదండ్రులతో కలిసి, బ్రాహ్మణ సంఘ ప్రతినిధులు ఉమాకాంత్ శర్మ, రఘుపతి శర్మ, శ్రీధర గణపతి శర్మ, మేడిపల్లి శ్రీనివాస్ శర్మ, వేణుగోపాల్ దేవయ్య తదితరులు పాల్గొన్నారు. ఈ సందర్భంగా విద్యాలయ వైస్ ఛాన్సలర్ జి. శ్రీనివాసు, శ్రీ చంద్రశేఖరేంద్ర సరస్వతి విశ్వ మహా విద్యాలయలో ఇంటర్ మార్కుల ఆధారంగా ఇంజనీరింగ్ సబ్జెక్టులపై అవగాహన కల్పించబడుతుందని తెలిపారు.

అటల్ మిషన్ ఫర్ రెజువనేషన్ అండ్ అర్బన్ ట్రాన్స్‌ఫర్మేషన్ (అమృత్), ప్రధాన్ మంత్రి ఆవాస్ యోజన–అర్బన్, మరియు స్మార్ట్ సిటీస్ మిషన్ వంటి ప్రభుత్వ పథకాలు దేశంలోని నగరాలను పునర్నిర్మించాయి. ఈ పథకాల ద్వారా సరసమైన గృహాలు, మెరుగైన నీటి వసతి మరియు మరింత స్మార్ట్ పట్టణ మౌలిక సదుపాయాలను అందించడం ద్వారా పట్టణ రూపురేఖలు మారిపోయాయి. కలిసికట్టుగా, ఈ పథకాలు మరింత నివాసయోగ్యమైన, సమగ్రమైన మరియు భవిష్యత్-సిద్ధంగా ఉండే నగరాలను నిర్మిస్తున్నాయి, తద్వారా 'వికసిత్ భారత్' విజన్‌ను ముందుకు నడిపిస్తున్నాయి. అటల్ మిషన్ జూన్ 25, 2015న ప్రారంభించబడింది. భారతదేశ పట్టణ రూపురేఖలను మారుస్తున్న 11 సంవత్సరాల ప్రయాణం ఇది!

బెయిల్ పై విడుదలైన అనంతరం, మాజీ ఎమ్మెల్యే బాల్క సుమన్ బీఆర్ఎస్ వర్కింగ్ ప్రెసిడెంట్ కేటీఆర్‌ను మర్యాదపూర్వకంగా కలిశారు. ఈ సందర్భంగా కేటీఆర్, పార్టీ శ్రేణులు ఆయనకు ఘన స్వాగతం పలికారు. ఈ భేటీలో మాజీ మంత్రి సబితా ఇంద్రా రెడ్డి, బోథ్ ఎమ్మెల్యే అనిల్ జాదవ్ తదితరులు పాల్గొని బాల్క సుమన్‌కు తమ సంఘీభావాన్ని ప్రకటించారు. ఈ సందర్భంగా బీఆర్ఎస్ వర్కింగ్ ప్రెసిడెంట్ కేటీఆర్ మాట్లాడుతూ, కాంగ్రెస్ ప్రభుత్వం రాజకీయ కక్షసాధింపు చర్యల్లో భాగంగానే బీఆర్ఎస్ నేతలపై అక్రమ కేసులు బనాయిస్తోందని మండిపడ్డారు. ఇలాంటి బెదిరింపులకు, అక్రమ కేసులకు భయపడే ప్రసక్తే లేదని ఆయన స్పష్టం చేశారు. న్యాయస్థానాలపై తమకు పూర్తి నమ్మకం ఉందని పేర్కొన్న కేటీఆర్, బాల్క సుమన్‌కు, పార్టీ నేతలకు బీఆర్ఎస్ శ్రేణులు ఎల్లప్పుడూ అండగా ఉంటాయని భరోసా ఇచ్చారు. ప్రభుత్వ ప్రజావ్యతిరేక విధానాలపై చట్టపరంగా, రాజకీయంగా పోరాటాన్ని మరింత ఉధృతం చేస్తామని కేటీఆర్ ఈ సందర్భంగా హెచ్చరించారు.

కరీంనగర్ నియోజకవర్గ రైతులకు సాగునీటిని వెంటనే విడుదల చేయాలని మాజీ మంత్రి, ఎమ్మెల్యే గంగుల కమలాకర్ ప్రభుత్వాన్ని హెచ్చరించారు. లేని పక్షంలో ఆదివారం రోజున రైతులతో కలిసి మహా ధర్నా చేపడతామని స్పష్టం చేశారు. శుక్రవారం తన కార్యాలయంలో నియోజకవర్గ రైతులతో పాటు ఆయా గ్రామాల ప్రజా ప్రతినిధులతో నిర్వహించిన ప్రత్యేక సమావేశంలో ఆయన ఈ డిమాండ్‌లు చేశారు. ఎల్లంపల్లి ప్రాజెక్ట్ నుండి వరద కాలువ ద్వారా మిడ్ మానేరుకు నీటిని తరలించాలని, అలాగే వరద కాలువపై ఉన్న ఆచంపల్లి తూము ద్వారా కొత్తపల్లి మండలంలోని ఏడు గ్రామాలైన నాగుల మల్యాల, బావుపేట, కామన్ పూర్, కొండాపూర్, ఎలగంధల్, శ్రీరాములపల్లె రైతులకు సాగునీటిని విడుదల చేసి చెరువులను నింపాలని ఆయన పేర్కొన్నారు. గత వారం రోజుల క్రితమే ప్రభుత్వాన్ని హెచ్చరించినప్పటికీ, ఇప్పటివరకు ప్రభుత్వం మొద్దు నిద్రలో ఉండి స్పందించకపోవడంతో రైతులు రోడ్డున పడే పరిస్థితి ఏర్పడిందని, ఇక పోరాటం తప్పదని భావించి ఈ మహా ధర్నాకు పిలుపునిచ్చినట్లు తెలిపారు. తెలంగాణ నుండి రాజమండ్రికి నీటిని తరలించడంపై చూపే శ్రద్ధ, తెలంగాణ ప్రజలు నీటి కోసం గోస పడుతున్నా పట్టించుకునేవారు కరువయ్యారని ఎమ్మెల్యే గంగుల మండిపడ్డారు. తెలంగాణ తొలి ముఖ్యమంత్రి కేసిఆర్ నాయకత్వంలో బారసా ప్రభుత్వంలో మేడిగడ్డ ప్రాజెక్టు ద్వారా నీటిని తరలించి మండుటెండల్లో చెరువులను మత్తడులు దుంకించిన విషయాన్ని ఈ సందర్భంగా గుర్తు చేసుకున్నారు. ఆదివారం నిర్వహించే ఈ ధర్నాకు రైతులందరూ స్వచ్ఛందంగా తరలి రావాలని ఆయన పిలుపునిచ్చారు. ఈ కార్యక్రమంలో ఎమ్మెల్యే గంగులతో పాటు ఆయా గ్రామాల ప్రజా ప్రతినిధులు, రైతులు, బారస పార్టీ నాయకులు తదితరులు పాల్గొన్నారు.

అంతర్జాతీయ మాదక ద్రవ్యాల వ్యతిరేక దినోత్సవం సందర్భంగా, కరీంనగర్ బస్టాండ్ ఆవరణలో డీవైఎఫ్ఐ జిల్లా కమిటీ శుక్రవారం విస్తృత ప్రచార కార్యక్రమాన్ని నిర్వహించింది. ఈ సందర్భంగా ప్రయాణికులు, విద్యార్థులు, యువత, ప్రజలకు డ్రగ్స్ వల్ల కలిగే అనర్థాలపై అవగాహన కల్పిస్తూ కరపత్రాలను పంపిణీ చేశారు. యువత, విద్యార్థులు మాదక ద్రవ్యాలకు దూరంగా ఉండి, ఆరోగ్యకరమైన జీవన విధానాన్ని అలవర్చుకోవాలని డీవైఎఫ్ఐ పిలుపునిచ్చింది. ఈ కార్యక్రమంలో డీవైఎఫ్ఐ జిల్లా కార్యదర్శి డి. నరేష్ పటేల్ మాట్లాడుతూ, నేడు దేశంలో డ్రగ్స్ వినియోగం ఆందోళనకర స్థాయికి చేరిందని, డ్రగ్స్ మాఫియా యువతను లక్ష్యంగా చేసుకుని తమ కార్యకలాపాలను విస్తరిస్తోందని ఆవేదన వ్యక్తం చేశారు. మాదక ద్రవ్యాల వినియోగం వల్ల యువత శారీరక, మానసిక ఆరోగ్యంతో పాటు వారి భవిష్యత్తు కూడా నాశనం అవుతోందని, కుటుంబాలు ఆర్థికంగా, సామాజికంగా తీవ్ర ఇబ్బందులు ఎదుర్కొంటున్నాయని ఆయన అన్నారు. దేశంలో పెరుగుతున్న నిరుద్యోగ సమస్య, యువతకు తగిన ఉద్యోగ, ఉపాధి అవకాశాలు లేకపోవడం కూడా కొంతమంది యువత చెడు అలవాట్ల వైపు మళ్లడానికి కారణమవుతోందని నరేష్ పటేల్ పేర్కొన్నారు. కేంద్ర, రాష్ట్ర ప్రభుత్వాలు యువతకు ఉపాధి అవకాశాలు కల్పించడంతో పాటు క్రీడా, సాంస్కృతిక రంగాలను ప్రోత్సహించాలని డీవైఎఫ్ఐ డిమాండ్ చేసింది. పాఠశాలలు, కళాశాలలు, హాస్టళ్లు, కోచింగ్ సెంటర్ల పరిసర ప్రాంతాల్లో డ్రగ్స్ విక్రయాలు జరుగకుండా పోలీసు, ఎక్సైజ్ శాఖలు నిరంతరం నిఘా ఏర్పాటు చేయాలని, విద్యాసంస్థల్లో డ్రగ్స్ వ్యతిరేక అవగాహన కమిటీలను ఏర్పాటు చేసి విద్యార్థుల్లో చైతన్యం కల్పించాలని కోరారు. సినిమాలు, సోషల్ మీడియా వేదికల ద్వారా మాదక ద్రవ్యాలను గ్లామరైజ్ చేసే ధోరణిని అరికట్టాలని, యువతలో శాస్త్రీయ దృక్పథం, సామాజిక బాధ్యత పెంపొందించే కార్యక్రమాలను ప్రభుత్వాలు చేపట్టాలని డిమాండ్ చేశారు. డ్రగ్స్ నిర్మూలనలో ప్రభుత్వం కఠిన చర్యలు తీసుకోవాలని, మాదక ద్రవ్యాల సరఫరా చేస్తున్న ముఠాలపై ప్రత్యేక నిఘా ఏర్పాటు చేసి కఠిన శిక్షలు అమలు చేయాలని డీవైఎఫ్ఐ డిమాండ్ చేసింది. రాష్ట్ర ప్రభుత్వం ప్రతి జిల్లాలో డీ-అడిక్షన్ (వ్యసన విముక్తి) కేంద్రాలను ఏర్పాటు చేసి డ్రగ్స్ బారిన పడిన యువతకు ఉచిత వైద్య, కౌన్సెలింగ్ సేవలు అందించాలని కోరారు. విద్యార్థులు, యువత చెడు అలవాట్లకు దూరంగా ఉండి విద్య, ఉపాధి, క్రీడలు, సామాజిక కార్యక్రమాల వైపు దృష్టి సారించాలని డీవైఎఫ్ఐ సూచించింది. డ్రగ్స్ రహిత సమాజ నిర్మాణం కోసం డీవైఎఫ్ఐ నిరంతరం అవగాహన కార్యక్రమాలు నిర్వహించడంతో పాటు అవసరమైతే ఉద్యమాలు కూడా చేపడుతుందని స్పష్టం చేసింది. డ్రగ్స్ మహమ్మారిని అరికట్టేందుకు సమాజమంతా కృషి చేయాలని డీవైఎఫ్ఐ జిల్లా కార్యదర్శి డి. నరేష్ పటేల్ పిలుపునిచ్చారు. ఈ కార్యక్రమంలో డీవైఎఫ్ఐ జిల్లా ఉపాధ్యక్షులు శివ కుమార్, కృష్ణ, నాయకులు దినేష్, కౌశిక్, ప్రసాద్, నాగరాజు, మురళి, చిన్ను, జీవన్, సాయి తదితరులు పాల్గొన్నారు.

జగిత్యాల జిల్లాలోని బీర్‌పూర్‌ మండల కేంద్రంలో నూతనంగా ఏర్పాటు చేసిన ప్రాథమిక ఆరోగ్య కేంద్రాన్ని రాష్ట్ర సాంఘిక సంక్షేమ శాఖ మంత్రి అడ్లూరి లక్ష్మణ్ కుమార్ శుక్రవారం ప్రారంభించారు. ఈ కార్యక్రమంలో జగిత్యాల ఎమ్మెల్యే డాక్టర్ సంజయ్ కుమార్, జగిత్యాల జిల్లా కలెక్టర్ సత్యప్రసాద్ కూడా పాల్గొన్నారు. ఈ సందర్భంగా మంత్రి మాట్లాడుతూ, ప్రజలు ఆశీర్వదించి ఎన్నుకున్న ప్రజా ప్రభుత్వంలో ప్రజారోగ్యంపై ప్రత్యేక దృష్టి సారించినట్లు తెలిపారు. పేదలకు అందుబాటులో వైద్యాన్ని తీసుకురావడానికి అనేక చర్యలు చేపడుతున్నామని ఆయన స్పష్టం చేశారు. రాష్ట్ర ముఖ్యమంత్రి రేవంత్ రెడ్డి, వైద్య ఆరోగ్యశాఖ మంత్రి దామోదర రాజనర్సింహ చొరవతో జగిత్యాల జిల్లాలో అన్ని వర్గాల ప్రజలకు ప్రభుత్వ వైద్య సేవలు అందించడానికి చర్యలు తీసుకుంటున్నామని మంత్రి వివరించారు. ఇందులో భాగంగా, జగిత్యాల జిల్లా కేంద్రంలో మెడికల్ కాలేజ్ నిర్మాణం, 450 పడకల ఆసుపత్రి నిర్మాణం జరుగుతున్నాయని వెల్లడించారు. అలాగే, జగిత్యాలలో నర్సింగ్ కళాశాల ఏర్పాటుతో జిల్లా కేంద్రాన్ని మెడికల్ హబ్‌గా మార్చడానికి కృషి చేస్తున్నామని పేర్కొన్నారు. బీర్‌పూర్ ప్రాథమిక ఆరోగ్య కేంద్రంలో డాక్టర్లతో పాటు సిబ్బంది ఉండేలా చూస్తామని మంత్రి హామీ ఇచ్చారు. రాష్ట్ర ప్రభుత్వం ప్రభుత్వ ఉద్యోగులకు అడగకుండానే ప్రమాద బీమా కల్పించిందని, రాష్ట్రంలోని ఏఎన్ఎంలు, ఆశా వర్కర్ల సమస్యలను పరిష్కరిస్తామని మంత్రి లక్ష్మణ్ కుమార్ తెలిపారు. మారుమూల మండలమైన బీర్‌పూర్ అభివృద్ధికి తన వంతుగా సహాయ సహకారాలు అందిస్తానని మంత్రి హామీ ఇచ్చారు. అంతకుముందు, బీర్‌పూర్‌లోని శ్రీ లక్ష్మీనరసింహస్వామి ఆలయంలో మంత్రి ప్రత్యేక పూజలు నిర్వహించారు. ఈ కార్యక్రమంలో పాల్గొన్న జగిత్యాల ఎమ్మెల్యే డాక్టర్ సంజయ్ కుమార్ మాట్లాడుతూ, మారుమూల మండలాల అభివృద్ధి కోసం ప్రత్యేక నిధులు సాధించి చర్యలు తీసుకుంటున్నట్లు చెప్పారు. జగిత్యాల జిల్లా కేంద్రాన్ని వైద్య సేవలకు నిలయంగా మార్చడానికి చేస్తున్న కృషికి మంత్రి అడ్లూరితో పాటు ప్రభుత్వం నుండి సంపూర్ణ సహకారం లభిస్తుందని ఎమ్మెల్యే తెలిపారు. ప్రస్తుతం ఉదయం 9 గంటల నుండి సాయంత్రం 4 గంటల వరకు వైద్య సేవలు అందిస్తున్నామని, రానున్న రోజుల్లో 24 గంటల పాటు వైద్య సేవలు అందించడానికి చర్యలు తీసుకుంటామని ఎమ్మెల్యే వివరించారు. జిల్లా కలెక్టర్ సత్యప్రసాద్ మాట్లాడుతూ, ఏడాది లోపలే బీర్‌పూర్ ప్రాథమిక ఆరోగ్య కేంద్రం పనులు పూర్తి చేశామని, పూర్తిస్థాయిలో వైద్య సేవలు అందించడానికి ప్రభుత్వం సిద్ధంగా ఉందని తెలిపారు. ఈ కార్యక్రమంలో గ్రామ సర్పంచ్ హరీష్, జిల్లా వైద్యాధికారి డాక్టర్ శారద, జిల్లా గ్రంథాలయ సంస్థ చైర్మన్ సంగనభట్ల దినేష్ తదితరులు పాల్గొన్నారు.

జైపూర్ మండలంలోని కుందారం గ్రామా అటవీ ప్రాంతం నుంచి గుజరాత్ రాష్ట్రానికి చెందిన ఓ పేపర్ తయారీ కర్మాగారానికి నీలగిరి కర్రను పంపించే విషయంలో ఘర్షణ చోటుచేసుకుంది. గురువారం నాడు కుందారం గ్రామా అటవీ ప్రాంతంలో నస్పూర్, జైపూర్ లారీ అసోసియేషన్ల వర్గాల మధ్య జరిగిన ఈ ఘర్షణలో ఇద్దరు డ్రైవర్లకు గాయాలయ్యాయి. ఈ ఘటనపై నస్పూర్ అసోసియేషన్ అధ్యక్షుడు జోగుల సదానందం విలేకరుల సమావేశం ఏర్పాటు చేసి మాట్లాడారు. తమ అసోసియేషన్ కు చెందిన సాయి చరణ్, నసీరుద్దీన్ అనే డ్రైవర్లకు గాయాలవగా, వారిని మంచిర్యాల ఆసుపత్రికి తరలించినట్లు ఆయన తెలిపారు. తమ అసోసియేషన్ డ్రైవర్లను జైపూర్ అసోసియేషన్ సభ్యులు గాయపరచినందుకు గాను జైపూర్ పోలీసులకు ఫిర్యాదు చేసినట్లు జోగుల సదానందం, మాజీ జాయింట్ సెక్రటరీ అరికేల రమేష్ లు పేర్కొన్నారు. ఈ ఘర్షణలో ఇరువర్గాలకు చెందిన డ్రైవర్లు గాయాలపాలైనట్లు ఎస్సై భూమేష్ తెలిపారు. ఈ మేరకు నస్పూర్, జైపూర్ లారీ ఓనర్స్ వెల్ఫేర్ అసోసియేషన్ సభ్యుల మీద కేసు నమోదు చేయడం జరిగిందని ఆయన వెల్లడించారు.