ৰঙালী বিহুৰ শুভেচ্ছাৰে অসমীয়া বাপতিসাহোন ৰঙালী বিহুবে

Post by N B ASSAM

barikha huwar pasot amar gaon rasta

আজি পহিলা ব’হাগ । পহিলা ব’হাগৰ দিনটোত তিনিচুকীয়াত আছুৱে প্ৰতি বছৰে আয়োজন কৰি আহিছে কেন্দ্ৰীয় মুকলি বিহু ৷ বিমলাপ্ৰসাদ চলিহা নগৰ খেলপথাৰত অতি উলহমালহেৰে উদযাপন কৰিছে মুকলি বিহু। জিলাখনৰ বিভিন্ন জাতি-জনগোষ্ঠীৰ সাংস্কৃতিক দলসমূহক একত্ৰিত কৰি খেলপথাৰত প্ৰদৰ্শন কৰিছে নিজা নিজা সাংস্কৃতিক অনুষ্ঠান ৷ আজি লোকে লোকাৰণ্য হৈছে তিনিচুকীয়াৰ বিমলাপ্ৰসাদ চলিহা নগৰ খেলপথাৰ। উক্ত মুকলি বিহু আৰু মুখপত্ৰ গতি উন্মোচন কৰে সদৌ অসম ছাত্ৰ সন্থাৰ সাধাৰণ সম্পাদক সমীৰণ ফুকনে ৷

Post by Arun Ali

বিহু চাবলৈ ওলাই আহিল হাজাৰ হাজাৰ বিহু বলিয়া ৰাইজ, পহিলা ব'হাগ দিনা মথুৰাপুৰত প্ৰতি বছৰৰ দৰে এইবছৰও চৰাইদেউ আঞ্চলিক ছাত্ৰ সন্থাৰ উদ্যোগত, মথুৰাপুৰ শাখা ছাত্ৰ সন্থা আৰু মথুৰাপুৰ বাসীৰ সহযোগত ষষ্ঠদশ বাৰ্ষিক " মুকলি বিহু " অনুষ্ঠিত হয়। অনুষ্ঠানটিৰ কাৰ্য্যসূচী অনুসৰি সদৌ অসম ছাত্ৰ সন্থাৰ পতাকা উত্তোলন কৰে চৰাইদেউ আঞ্চলিক ছাত্ৰ সন্থাৰ সভাপতি নিৰোৎপল গগৈয়ে, বিহুৱান পতাকা উত্তোলন কৰে উদযাপন সমিতিৰ সভাপতি প্ৰণৱ বৰগোহাঁইয়ে আৰু সমান্তৰালকৈ ষোল্লখন বিহুৱান উত্তোলন কৰে ষোল্লগৰাকী বিশিষ্ট ব্যক্তিয়ে। ছহিদ তৰ্পণ কৰে উদযাপন সমিতিৰ মুখ্য সম্পাদক ৰজনী গগৈ আৰু আঞ্চলিক ছাত্ৰ সন্থাৰ সাধাৰন সম্পাদক প্ৰাঞ্জল মেচে। প্ৰাণৰ শিল্পী জুবিন গাৰ্গৰ শ্ৰদ্ধাঞ্জলী অনুষ্ঠান মুকলি কৰে প্ৰধান শিক্ষক নীলমণি বৰগোহাঁইয়ে। নাহৰ পুলি ৰোপণ কৰে বিশিষ্ট সমাজকৰ্মী ৰঞ্জিত চেতিয়া আৰু বিতুৰাজ ফুকনে। অনুষ্ঠানত উদ্যোমী মহিলা চুভানা হাজৰিকাক উদযাপন সমিতিৰ তৰফৰ বিশেষভাৱে সম্বদ্ধনা জনোৱা হয়। বিহুতলীত জ্যেষ্ঠ সকলে পৰিৱেশন কৰা বিহুগীতে সকলোকে আমোদ দিয়ে। লগতে জ্যেষ্ঠ সকলে একলগে বিহুৰ জলপান গ্ৰহণ কৰে।

আজি পহিলা ব'হাগ। ৰাজ্যৰ চৌদিশে ঢোল-পেঁপাৰ মাতত বিহুটিক উদযাপন কৰিছে অসমীয়াই। আজি ৰঙালী বিহু আদৰণি অনুষ্ঠান আয়োজন কৰিলে আটাছু চৰাইদেউ মহকুমা সমিতিয়ে।

​পহিলা বহাগ অৰ্থাৎ মানুহ বিহুৰ পবিত্ৰ ক্ষণত ঐতিহাসিক নাজিৰাৰ গড়গাঁৱৰ ৰাজকাৰেঙৰ বাকৰি বিহুৰ আনন্দৰে মুখৰিত হৈ পৰিছে। অসম জাতীয়তাবাদী যুৱ ছাত্ৰ পৰিষদৰ শিমলুগুৰি আঞ্চলিক সমিতিৰ উদ্যোগত আৰু ৰাইজৰ সহযোগত এইবেলি ৩১ সংখ্যক মুকলি বিহু অতি উলহ-মালহেৰে আয়োজন কৰা হৈছে। পুৱা পতাকা উত্তোলন, শ্বহীদ তৰ্পণ আৰু বৃক্ষৰোপণেৰে আৰম্ভ হোৱা এই অনুষ্ঠানত কণী যুঁজৰ লগতে সমাজৰ বিশিষ্ট ব্যক্তিসকলক বিশেষভাৱে সম্বৰ্দ্ধনা জনোৱা হয়। বিহু দলসমূহৰ সৈতে সকলোৱে ঐতিহাসিক কাৰেং প্ৰদৰ্শন কৰাৰ লগতে আমন্ত্ৰিত বিহু হুঁচৰি আৰু জনগোষ্ঠীয় সাংস্কৃতিক দলে কাৰেঙৰ বাকৰিত এক মনোমোহা পৰিৱেশৰ সৃষ্টি কৰে। ৰাজ্যৰ বিভিন্ন প্ৰান্তৰ পৰা অহা হাজাৰ হাজাৰ লোকৰ উপস্থিতিয়ে ঐতিহ্যমণ্ডিত কাৰেংঘৰৰ প্ৰাংগণক এক বৰ্ণিল সাংস্কৃতিক মিলন ভূমিত পৰিণত কৰিছে।

​আমগুৰি হীৰা গাঁৱৰ আজিজুৰ ৰহমান আৰু চাহিদা বেগমৰ একমাত্ৰ কন্যা চাহিন আফতাৰ ৰহমানে শাৰীৰিক অসুস্থতাক নেওচি সদ্য ঘোষিত হাইস্কুল শিক্ষান্ত পৰীক্ষাত প্ৰথম বিভাগত উত্তীৰ্ণ হৈ এক অনন্য নিদৰ্শন দাঙি ধৰিছে। আমগুৰিৰ জ্ঞান বিকাশ বিদ্যাপীঠৰ এই গৰাকী ছাত্ৰীয়ে পৰীক্ষাৰ আগমুহূৰ্তলৈকে চিকিৎসা গ্ৰহণ কৰি আছিল যদিও নিজৰ দৃঢ় মনোবলৰ জোৰত মাত্ৰ ১৫ দিন অধ্যয়ন কৰিয়েই ইলেক্টিভ হোম ছায়েন্স বিষয়ত লেটাৰ মাৰ্কসহ এই সফলতা লাভ কৰিবলৈ সক্ষম হয়। অসুস্থতাৰ বাবে ছাত্ৰীগৰাকীয়ে এইবাৰ পৰীক্ষাত অৱতীৰ্ণ হ’ব পাৰিব নে নাই তাক লৈ পৰিয়াল আৰু শিক্ষকসকল চিন্তিত আছিল যদিও চাহিনৰ একাগ্ৰতাই সকলোকে আচৰিত কৰি তুলিছে। ছাত্ৰীগৰাকীৰ এনে গৌৰৱোজ্জ্বল ফলাফলে বৰ্তমান হীৰা গাঁও অঞ্চলৰ লগতে বিদ্যালয়খনলৈও আনন্দৰ জোৱাৰ আনিছে। চাহিনৰ এই অসাধ্য সাধনত এতিয়া অভিভাৱকৰ লগতে শিক্ষক-শিক্ষয়িত্ৰী সকলেও অত্যন্ত গৌৰৱ আৰু সুখ অনুভৱ কৰিছে।