બનાસકાંઠાના ભાભર સ્થિત સરકારી માધ્યમિક અને ઉચ્ચત્તર માધ્યમિક શાળા, સનેસડા ખાતે તારીખ ૧૦ જુલાઈના રોજ શાળા કક્ષાની ચૂંટણીનું આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય વિદ્યાર્થીઓને દેશની ચૂંટણી પ્રક્રિયા વિશે માત્ર પુસ્તકિયું જ્ઞાન આપવાને બદલે તેનું વ્યવહારુ અને પ્રાયોગિક શિક્ષણ આપવાનો હતો, જેથી તેઓ ભવિષ્યના જાગૃત નાગરિક બની શકે. આ આયોજન દરમિયાન શાળાના વિદ્યાર્થીઓએ મતદાન પ્રક્રિયામાં ખૂબ જ ઉત્સાહપૂર્વક ભાગ લીધો હતો.

ગુજરાત સરકાર દ્વારા બાળકો શિક્ષણથી વંચિત ન રહે અને શાળા છોડનારા વિદ્યાર્થીઓ ફરીથી શિક્ષણના મુખ્ય પ્રવાહમાં જોડાય તેવા ઉદ્દેશ સાથે 'બેક ટુ સ્કૂલ મિશન' અભિયાન ચલાવવામાં આવી રહ્યું છે. આ અભિયાન અંતર્ગત મુખ્યમંત્રી ભૂપેન્દ્ર પટેલે બનાસકાંઠા જિલ્લાના તેનીવાડા ખાતે શાળામાં પુનઃપ્રવેશ મેળવનારા વિદ્યાર્થીઓ, તેમના વાલીઓ અને મેન્ટર્સ સાથે આત્મીય સંવાદ કર્યો હતો. મુખ્યમંત્રીએ બાળકો સાથે સહજતાથી વાતચીત કરીને તેમના અભ્યાસ, શાળા છોડવાના કારણો અને ભવિષ્યના સપનાઓ અંગે જાણકારી મેળવી હતી અને વિદ્યાર્થીઓને નિયમિત અભ્યાસ કરવા તેમજ આત્મવિશ્વાસ સાથે આગળ વધવા માટે પ્રેરણા આપી હતી. મુખ્યમંત્રીએ ખાસ કરીને દીકરીઓના શિક્ષણ પર ભાર મૂકતા જણાવ્યું હતું કે સમાજના સર્વાંગી વિકાસ માટે દીકરીઓનું શિક્ષિત બનવું અત્યંત જરૂરી છે. તેમણે વડાપ્રધાન નરેન્દ્રભાઈ મોદીની વિચારધારાનો ઉલ્લેખ કરી જણાવ્યું કે દેશનો કોઈ પણ બાળક શિક્ષણથી વંચિત ન રહેવો જોઈએ, જેના માટે રાજ્યમાં શાળા પ્રવેશોત્સવ અને કન્યા કેળવણી મહોત્સવ જેવી પહેલો શરૂ કરવામાં આવી હતી. હવે શિક્ષકોની જવાબદારી માત્ર ભણાવવાની નથી, પરંતુ શાળા છોડનારા બાળકોને શોધીને ફરીથી શિક્ષણના પ્રવાહમાં જોડવાની પણ છે. આ પ્રસંગે ધોરણ-૧૦માં અભ્યાસ છોડ્યા બાદ શિક્ષકોના સમજાવવાથી ફરી અભ્યાસ શરૂ કરી બોર્ડની પરીક્ષા પાસ કરનારી સુહાની નામની દીકરીએ જણાવ્યું કે મુખ્યમંત્રી સાથેની વાતચીત બાદ તેનો આત્મવિશ્વાસ વધ્યો છે. બનાસકાંઠા જિલ્લામાં 'બેક ટુ સ્કૂલ મિશન' હેઠળ વર્ષ ૨૦૨૩-૨૪, ૨૦૨૪-૨૫ અને ૨૦૨૫-૨૬ દરમિયાન હાથ ધરાયેલા સર્વેમાં કુલ ૩૭,૪૧૫ ડ્રોપઆઉટ બાળકોની ઓળખ કરવામાં આવી હતી. આ પૈકી કુલ ૨૯,૪૫૧ બાળકોને ફરીથી શાળામાં પ્રવેશ અપાવવામાં આવ્યો છે, જેમાં ૧૪,૮૭૫ કુમારો અને ૧૪,૫૭૬ કન્યાઓ સામેલ છે. પુનઃપ્રવેશ મેળવનારા બાળકોમાંથી ૨૩,૦૩૨ વિદ્યાર્થીઓને ગુજરાત સ્ટેટ ઓપન સ્કૂલ (GSOS) સાથે જોડવામાં આવ્યા છે, જ્યારે ૬,૩૬૮ વિદ્યાર્થીઓને નિયમિત શાળાઓમાં પુનઃપ્રવેશ આપવામાં આવ્યો છે.

રાધનપુરમાં સહકાર અને સમૃદ્ધિના એક નવા પ્રકરણની શરૂઆત કરતા એક ભવ્ય લોકાર્પણ સમારોહનું આયોજન કરવામાં આવ્યું હતું. આ પ્રસંગે ધી ખેતીવાડી ઉત્પાદન બજાર સમિતિ (APMC), રાધનપુરના સંકુલમાં બનાસ બેંકની માર્કેટયાર્ડ રાધનપુર શાખાના નવા મકાનનું ઉદ્ઘાટન કરવામાં આવ્યું છે. આ સાથે જ APMCના વિવિધ અદ્યતન ભવનોનું પણ ભવ્ય લોકાર્પણ કરવામાં આવ્યું હતું.

ગુજરાત વિધાનસભાના અધ્યક્ષ અને થરાદના લોકપ્રિય ધારાસભ્ય શંકરભાઈ ચૌધરીએ તાજેતરમાં તબીબી ક્ષેત્રના નવદીક્ષિત યુવાનો અને અગ્રણીઓને સંબોધન કરતા ડૉક્ટરોના ઉમદા વ્યવસાય અને માનવ સેવા અંગે અત્યંત પ્રેરણાદાયી અને મનનીય વિચારો વ્યક્ત કર્યા છે. થરાદ અને વાવ પંથકના લોકોના કલ્યાણ માટે રાત-દિવસ કાર્યરત રહેતા શંકરભાઈ ચૌધરીના આ સંવેદનશીલ અભિગમ અને વિચારોને સમગ્ર પંથકમાં ભારે આવકાર મળી રહ્યો છે. વિધાનસભા અધ્યક્ષશ્રીએ ડૉક્ટરોના વ્યવસાયની ગરિમા સમજાવતા સ્પષ્ટ શબ્દોમાં જણાવ્યું હતું કે, ડૉક્ટરનો વ્યવસાય માત્ર વેલ્થ ક્રિએશન (સંપત્તિનું સર્જન) કરવા માટેનો વ્યવસાય નથી, પરંતુ તે સમાજના દુખી અને પીડિત લોકોને સુખ પ્રાપ્ત કરાવવા અને સુખ આપવા માટેનો એક અત્યંત પવિત્ર વ્યવસાય છે. તેમણે વધુમાં ઉમેર્યું કે સુખ એ માત્ર ધન-દૌલતનું સુખ નથી, પરંતુ મનનું સુખ, બુદ્ધિનું સુખ અને આત્માનું સુખ છે. જ્યારે કોઈ દુખી અને રડતો દર્દી ડૉક્ટર પાસે આવે છે અને સારવાર બાદ હસતો-હસતો ઘરે જાય છે, ત્યારે તે જોઈને ડૉક્ટર પોતે પણ અંદરથી પ્રફુલ્લિત થાય છે અને તેમનામાં એક નવો જ આનંદ પ્રગટે છે. સમાજમાં ડૉક્ટરો અને તેમના પરિવારોની ખુશહાલી પાછળનું રહસ્ય સમજાવતા શંકરભાઈ ચૌધરીએ જણાવ્યું કે દર્દીઓના હૃદયમાંથી નીકળતા સાચા આશીર્વાદ અને બ્લેસિંગ્સ જ ડૉક્ટરોની સાચી ખુશીનું કારણ છે. ઈશ્વરે ડૉક્ટરોને આ પરમ પવિત્ર કાર્ય અને માનવતાની સૌથી મોટી સેવા માટે પસંદ કર્યા છે. થરાદ મત વિસ્તારના ધારાસભ્ય તરીકે શંકરભાઈ ચૌધરી હંમેશાં લોકોનું ભલું કઈ રીતે થાય અને અંતરિયાળ વિસ્તારના લોકોને શ્રેષ્ઠ સુવિધાઓ કઈ રીતે મળે તે માટે સતત પ્રયત્નશીલ રહે છે.

અમદાવાદના શહેર કોટડા વિસ્તારમાં ભિક્ષાવૃત્તિ કરતા મૂળ બિહારી પરિવારની ૫ વર્ષની સગીર બાળકીનું એક અજાણી મહિલાએ અપહરણ કરી તેને રાજ્ય બહાર લઈ જવાનો પ્રયાસ કર્યો હતો. આ ગંભીર કેસમાં પાલનપુર લોકલ ક્રાઇમ બ્રાન્ચ (LCB)ની ટીમે ઝડપી અને અસરકારક કામગીરી કરીને નોંધપાત્ર સફળતા મેળવી છે. ઘટનાની જાણ થતાં જ પાલનપુર એલસીબીની ટીમે તાત્કાલિક તપાસ હાથ ધરી હતી અને વિવિધ ટેકનિકલ તેમજ માનવ ગુપ્તચર માહિતીના આધારે આરોપીની હિલચાલ પર સતત નજર રાખી હતી. પોલીસની સચોટ બાતમી અને ઝડપી કાર્યવાહીના આધારે અપહરણકર્તા મહિલાને અમીરગઢ-આબુરોડ હાઇવે પરથી ફિલ્મી ઢબે ઝડપી પાડવામાં આવી હતી અને ગણતરીના કલાકોમાં જ ૫ વર્ષની બાળકીને હેમખેમ મુક્ત કરાવી લેવાઈ હતી. આ સફળ ઓપરેશનથી બાળકીનો સુરક્ષિત બચાવ થતાં તેના પરિવારજનોમાં રાહતની લાગણી વ્યાપી ગઈ છે, જ્યારે આરોપી મહિલા સામે કાયદેસરની કાર્યવાહી હાથ ધરવામાં આવી છે. પાલનપુર એલસીબીની આ કામગીરી બાળ સુરક્ષા અને માનવ તસ્કરી વિરોધી અભિયાનમાં પોલીસની પ્રતિબદ્ધતા અને વ્યાવસાયિક કુશળતાનું ઉત્તમ ઉદાહરણ સાબિત થઈ છે.

પાટણ જિલ્લાના રાધનપુર તાલુકાના કાલમપુર ગામે પ્રગતિશીલ ખેડૂત શ્રી ગણેશભાઈ ચૌધરીના ‘શ્રી ગણેશ ખારેક ફાર્મ’ની મુલાકાત લેવામાં આવી છે. આ મુલાકાત દરમિયાન કેબિનેટ મંત્રી જીતુભાઈ વાઘાણી અને વિધાનસભાના અધ્યક્ષ શ્રી શંકરભાઈ ચૌધરી સાહેબ ઉપસ્થિત રહ્યા હતા.

બનાસકાંઠાના ભાભર સ્થિત સરકારી માધ્યમિક અને ઉચ્ચત્તર માધ્યમિક શાળા, સનેસડા ખાતે તારીખ ૧૦ જુલાઈના રોજ શાળા કક્ષાની ચૂંટણીનું આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય વિદ્યાર્થીઓને દેશની ચૂંટણી પ્રક્રિયા વિશે માત્ર પુસ્તકિયું જ્ઞાન આપવાને બદલે તેનું વ્યવહારુ અને પ્રાયોગિક શિક્ષણ આપવાનો હતો, જેથી તેઓ ભવિષ્યના જાગૃત નાગરિક બની શકે. આ આયોજન દરમિયાન શાળાના વિદ્યાર્થીઓએ મતદાન પ્રક્રિયામાં ખૂબ જ ઉત્સાહપૂર્વક ભાગ લીધો હતો.

પાટણમાં રૂ. 21 લાખના ખર્ચે નવા નાળા અને આરસીસી રોડના ખાતમુહૂર્ત કાર્યક્રમ દરમિયાન ધારાસભ્ય કિરીટ પટેલ ભારે આક્રમક મૂડમાં જોવા મળ્યા હતા. છેલ્લા બે વર્ષથી ઠેરના ઠેર રહેલી ગટરની ગંભીર સમસ્યાને લઈને તેમણે નગરપાલિકા તંત્રની નકામી કામગીરી સામે આકરા સવાલો ઉઠાવ્યા હતા. આ પ્રસંગે ઉપસ્થિત ચીફ ઓફિસરના દાવાઓને ધારાસભ્યએ સ્થળ પર જ ખોટા સાબિત કરી દીધા હતા. ધારાસભ્ય કિરીટ પટેલે નગરપાલિકા તંત્રને આગામી ગુરુવાર સુધીમાં ગટરની આ સમસ્યાનો કાયમી ઉકેલ લાવવા માટેનું કડક અલ્ટીમેટમ આપ્યું છે. તેમણે ચેતવણી આપી છે કે જો નિયત સમયમર્યાદામાં કોઈ સંતોષકારક કામગીરી નહીં કરવામાં આવે તો ઉગ્ર આંદોલન છેડવામાં આવશે. આ સાથે જ તેમણે રોષપૂર્વક જણાવ્યું હતું કે, જો સમસ્યા નહીં ઉકેલાય તો ગટરનું ગંદુ પાણી ટેન્કરમાં ભરીને લાવવામાં આવશે અને નગરપાલિકાના સત્તાધીશો પર છાંટવામાં આવશે. ધારાસભ્યએ નગરપાલિકાના જવાબદારોને સીધો પડકાર ફેંકતા જણાવ્યું હતું કે, "તમારે જે ફરિયાદ કરવી હોય તે કરી લો, પરંતુ વિરોધ તો ચોક્કસ થશે જ." ધારાસભ્યના આ આકરા અને આક્રમક વલણથી પાલિકા તંત્રના અધિકારીઓ તેમજ સત્તાધીશોમાં ભારે દોડધામ મચી ગઈ છે. હવે સમગ્ર પંથકના લોકોની નજર એ વાત પર ટકેલી છે કે પાલિકા તંત્ર આ આપેલા અલ્ટીમેટમ મુજબ સમયસર કાર્યવાહી કરે છે કે કેમ.

પાટણ જિલ્લાના રાધનપુરની ધન્યધરા પર સહકાર અને સમૃદ્ધિના એક નવા પ્રકરણની શરૂઆત થઈ છે. અહીંની ધી ખેતીવાડી ઉત્પાદન બજાર સમિતિ (APMC) ના સંકુલમાં બનાસ બેંકની માર્કેટયાર્ડ રાધનપુર શાખાના નવા મકાન તેમજ APMCના વિવિધ અદ્યતન ભવનોનો ભવ્ય લોકાર્પણ સમારોહ યોજાયો હતો.

થરાદના ગણેશપુરા ગામે બનેલી હત્યાની ઘટનાનો ભેદ કલાકોમાં જ ઉકેલાઈ ગયો છે. આ મામલે ત્રણ આરોપીઓની ધરપકડ કરવામાં આવી છે.