मंठा तालुक्यातील विविध नाफेड खरेदी केंद्रांवर शेतकऱ्यांची होणारी लूट, बेकायदेशीर वसुली, हमाली आणि चाळणीच्या नावाखाली सुरू असलेला अन्याय याविरोधात संभाजी ब्रिगेड मंठाच्या वतीने आज मंठा येथील तहसील कार्यालयासमोर 'शेतकरी न्याय संघर्ष' या बेमुदत धरणे आंदोलनाची तीव्र सुरुवात करण्यात आली. तालुक्यातील विविध गावांमधून मोठ्या संख्येने शेतकरी, युवक, कार्यकर्ते आणि नागरिक या आंदोलनात सहभागी झाले होते, ज्यांनी "जय जवान जय किसान", "शेतकऱ्यांची लूट बंद झालीच पाहिजे", "नाफेड खरेदी केंद्रांवर कारवाई झालीच पाहिजे" आणि "शेतकऱ्यांना न्याय मिळालाच पाहिजे" अशा घोषणांनी संपूर्ण तहसील परिसर दणाणून सोडला. संभाजी ब्रिगेडने यापूर्वी अनेकदा तहसील प्रशासनाला निवेदने देऊन नाफेड खरेदी केंद्रांवरील भ्रष्टाचार, मालाची कपात, उतारातील अपहार आणि शेतकऱ्यांच्या आर्थिक शोषणाबद्दल तक्रारी केल्या होत्या. मात्र, प्रशासनाकडून कोणतीही ठोस कारवाई झाली नसल्याने अखेर रस्त्यावर उतरून आंदोलन करण्याचा पवित्रा घेण्यात आला आहे. यावेळी बोलताना संभाजी ब्रिगेड मंठाचे तालुकाध्यक्ष शिवश्री बाळासाहेब भगवान खवणे यांनी सांगितले की, शेतकऱ्यांच्या घामाचे पैसे लाटणाऱ्या भ्रष्ट व्यवस्थेविरोधात संभाजी ब्रिगेड निर्णायक लढा उभारणार आहे आणि जोपर्यंत दोषींवर कठोर कारवाई होत नाही व शेतकऱ्यांना न्याय मिळत नाही, तोपर्यंत हे आंदोलन सुरूच राहील. प्रशासनाने संबंधित नाफेड खरेदी केंद्रांची तात्काळ चौकशी करून दोषींवर कठोर कारवाई करावी, अशी मागणी यावेळी करण्यात आली, असून आंदोलन शांततेत व लोकशाही मार्गाने सुरू असल्याचे स्पष्ट करण्यात आले.

AJINKYA S DAWANE

मंठा, जालना, महाराष्ट्र•

11 hrs ago

मंठा तालुक्यातील विविध नाफेड खरेदी केंद्रांवर शेतकऱ्यांची होणारी लूट, बेकायदेशीर वसुली, हमाली आणि चाळणीच्या नावाखाली सुरू असलेला अन्याय याविरोधात संभाजी ब्रिगेड मंठाच्या वतीने आज मंठा येथील तहसील कार्यालयासमोर 'शेतकरी न्याय संघर्ष' या बेमुदत धरणे आंदोलनाची तीव्र सुरुवात करण्यात आली. तालुक्यातील विविध गावांमधून मोठ्या संख्येने शेतकरी, युवक, कार्यकर्ते आणि नागरिक या आंदोलनात सहभागी झाले होते, ज्यांनी "जय जवान जय किसान", "शेतकऱ्यांची लूट बंद झालीच पाहिजे", "नाफेड खरेदी केंद्रांवर कारवाई झालीच पाहिजे" आणि "शेतकऱ्यांना न्याय मिळालाच पाहिजे" अशा घोषणांनी संपूर्ण तहसील परिसर दणाणून सोडला. संभाजी ब्रिगेडने यापूर्वी अनेकदा तहसील प्रशासनाला निवेदने देऊन नाफेड खरेदी केंद्रांवरील भ्रष्टाचार, मालाची कपात, उतारातील अपहार आणि शेतकऱ्यांच्या आर्थिक शोषणाबद्दल तक्रारी केल्या होत्या. मात्र, प्रशासनाकडून कोणतीही ठोस कारवाई झाली नसल्याने अखेर रस्त्यावर उतरून आंदोलन करण्याचा पवित्रा घेण्यात आला आहे. यावेळी बोलताना संभाजी ब्रिगेड मंठाचे तालुकाध्यक्ष शिवश्री बाळासाहेब भगवान खवणे यांनी सांगितले की, शेतकऱ्यांच्या घामाचे पैसे लाटणाऱ्या भ्रष्ट व्यवस्थेविरोधात संभाजी ब्रिगेड निर्णायक लढा उभारणार आहे आणि जोपर्यंत दोषींवर कठोर कारवाई होत नाही व शेतकऱ्यांना न्याय मिळत नाही, तोपर्यंत हे आंदोलन सुरूच राहील. प्रशासनाने संबंधित नाफेड खरेदी केंद्रांची तात्काळ चौकशी करून दोषींवर कठोर कारवाई करावी, अशी मागणी यावेळी करण्यात आली, असून आंदोलन शांततेत व लोकशाही मार्गाने सुरू असल्याचे स्पष्ट करण्यात आले.