శ్రీరాంపూర్ ఏరియాలో జరిగిన విలేకరుల సమావేశంలో తెలంగాణ రాష్ట్ర కనీస వేతన సలహా మండలి చైర్మన్, INTUC సెక్రటరీ జనరల్ డా. బి. జనక్ ప్రసాద్ మాట్లాడుతూ, సింగరేణి కార్మికుల సమస్యల పరిష్కారంలో INTUC ఎల్లప్పుడూ ముందుండి పోరాటం చేస్తోందని స్పష్టం చేశారు. కవిత, హరీశ్‌రావులకు సింగరేణి గురించి మాట్లాడే అర్హత లేదని ఆయన తీవ్రంగా విమర్శించారు. కార్మికుల PERKSపై విధించే ఇన్‌కమ్ ట్యాక్స్‌ను రద్దు చేయడంతో పాటు వారి సొంతింటి కలను సాకారం చేస్తామని INTUC హామీ ఇచ్చింది. సింగరేణిలో మెడికల్ బోర్డు వ్యవస్థను పునరుద్ధరించడానికి యాజమాన్యంతో పాటు రాష్ట్ర ప్రభుత్వ దృష్టికి సమస్యను తీసుకెళ్లి పరిష్కారం సాధించిన ఘనత INTUCకే దక్కుతుందని డా. బి. జనక్ ప్రసాద్ పేర్కొన్నారు. గుర్తింపు సంఘం వైఫల్యం కారణంగా నిలిచిపోయిన నియామక పత్రాల పంపిణీని ప్రభుత్వ స్థాయిలో ప్రస్తావించి తిరిగి ప్రారంభించేందుకు INTUC కృషి చేసిందని తెలిపారు. వచ్చే ఆర్థిక సంవత్సరంలోపు PERKSపై విధించే ఆదాయపు పన్ను రద్దు కోసం నిరంతర పోరాటం కొనసాగిస్తామని, మారుపేర్ల మార్పు సమస్య పరిష్కారం కోసం యూనియన్-యాజమాన్య సంయుక్త కమిటీకి ఇప్పటికే ప్రతిపాదనలు సమర్పించినట్లు ఆయన వెల్లడించారు. మాజీ మంత్రి హరీశ్‌రావు ఇటీవల సింగరేణిలో పర్యటిస్తూ బొగ్గు దొంగతనం పేరుతో కొత్త నాటకాలు ఆడుతున్నారని డా. జనక్ ప్రసాద్ విమర్శించారు. MMDR చట్టానికి మద్దతు ఇచ్చిన అంశం, బొగ్గు గనుల వేలం ప్రక్రియలో సింగరేణికి జరిగిన నష్టం, రాష్ట్ర ప్రభుత్వ బకాయిల చెల్లింపు, కేసీఆర్ ఇచ్చిన హామీల అమలు వంటి అంశాలపై మాజీ BRS నాయకులు సమాధానం చెప్పాలని ఆయన డిమాండ్ చేశారు. కోయగూడెం బ్లాక్-III, సత్తుపల్లి బ్లాక్-III వంటి విలువైన బొగ్గు గనులు సింగరేణికి దక్కకుండా పోవడం వల్ల సంస్థకు భారీ ఆర్థిక నష్టం వాటిల్లిందని ఆయన పేర్కొన్నారు. అదే సమయంలో, కాంగ్రెస్ ప్రభుత్వం అధికారంలోకి వచ్చిన తరువాత డిపెండెంట్ ఉద్యోగాల వయోపరిమితిని 35 నుండి 40 సంవత్సరాలకు పెంచడం, శాశ్వత కార్మికులకు రూ.1 కోటి ప్రమాద బీమా, కాంట్రాక్టు కార్మికులకు రూ.40 లక్షల ప్రమాద బీమా, లాభాల వాటా, BC లైజనింగ్ అధికారుల నియామకం, సోలార్ మరియు థర్మల్ విద్యుత్ ప్రాజెక్టుల విస్తరణ, హైదరాబాద్‌లో సూపర్ స్పెషాలిటీ ఆసుపత్రి ఏర్పాటు వంటి పలు చారిత్రాత్మక నిర్ణయాలు అమలులోకి వచ్చాయని ఆయన వెల్లడించారు. సింగరేణి భవిష్యత్తు పరిరక్షణ, కార్మికుల హక్కుల సాధన, సంక్షేమం కోసం INTUC నిరంతరం పోరాటం కొనసాగిస్తుందని, కార్మికుల సమస్యలకు శాశ్వత పరిష్కారం INTUC ద్వారానే సాధ్యమవుతుందని డా. బి. జనక్ ప్రసాద్ స్పష్టం చేశారు. ఈ కార్యక్రమంలో INTUC సెంట్రల్ సీనియర్ వైస్ ప్రెసిడెంట్లు నరసింహారెడ్డి, ధర్మపురి, కాంపెల్లి సమ్మయ్యతో పాటు నాయకులు నరేందర్, సత్యనారాయణ రెడ్డి, రవీందర్ రెడ్డి, కలవెన శ్యామ్, చందు, భీమ్‌రావు, గరిగే స్వామి, చిన్నయ్య, మల్లారెడ్డి, భరత్ తదితరులు పాల్గొన్నారు.

RAJESH KUMAR (GODsSON)

Social Media Manager మంచిర్యాల, మంచిర్యాల, తెలంగాణ•

1 day ago

శ్రీరాంపూర్ ఏరియాలో జరిగిన విలేకరుల సమావేశంలో తెలంగాణ రాష్ట్ర కనీస వేతన సలహా మండలి చైర్మన్, INTUC సెక్రటరీ జనరల్ డా. బి. జనక్ ప్రసాద్ మాట్లాడుతూ, సింగరేణి కార్మికుల సమస్యల పరిష్కారంలో INTUC ఎల్లప్పుడూ ముందుండి పోరాటం చేస్తోందని స్పష్టం చేశారు. కవిత, హరీశ్‌రావులకు సింగరేణి గురించి మాట్లాడే అర్హత లేదని ఆయన తీవ్రంగా విమర్శించారు. కార్మికుల PERKSపై విధించే ఇన్‌కమ్ ట్యాక్స్‌ను రద్దు చేయడంతో పాటు వారి సొంతింటి కలను సాకారం చేస్తామని INTUC హామీ ఇచ్చింది. సింగరేణిలో మెడికల్ బోర్డు వ్యవస్థను పునరుద్ధరించడానికి యాజమాన్యంతో పాటు రాష్ట్ర ప్రభుత్వ దృష్టికి సమస్యను తీసుకెళ్లి పరిష్కారం సాధించిన ఘనత INTUCకే దక్కుతుందని డా. బి. జనక్ ప్రసాద్ పేర్కొన్నారు. గుర్తింపు సంఘం వైఫల్యం కారణంగా నిలిచిపోయిన నియామక పత్రాల పంపిణీని ప్రభుత్వ స్థాయిలో ప్రస్తావించి తిరిగి ప్రారంభించేందుకు INTUC కృషి చేసిందని తెలిపారు. వచ్చే ఆర్థిక సంవత్సరంలోపు PERKSపై విధించే ఆదాయపు పన్ను రద్దు కోసం నిరంతర పోరాటం కొనసాగిస్తామని, మారుపేర్ల మార్పు సమస్య పరిష్కారం కోసం యూనియన్-యాజమాన్య సంయుక్త కమిటీకి ఇప్పటికే ప్రతిపాదనలు సమర్పించినట్లు ఆయన వెల్లడించారు. మాజీ మంత్రి హరీశ్‌రావు ఇటీవల సింగరేణిలో పర్యటిస్తూ బొగ్గు దొంగతనం పేరుతో కొత్త నాటకాలు ఆడుతున్నారని డా. జనక్ ప్రసాద్ విమర్శించారు. MMDR చట్టానికి మద్దతు ఇచ్చిన అంశం, బొగ్గు గనుల వేలం ప్రక్రియలో సింగరేణికి జరిగిన నష్టం, రాష్ట్ర ప్రభుత్వ బకాయిల చెల్లింపు, కేసీఆర్ ఇచ్చిన హామీల అమలు వంటి అంశాలపై మాజీ BRS నాయకులు సమాధానం చెప్పాలని ఆయన డిమాండ్ చేశారు. కోయగూడెం బ్లాక్-III, సత్తుపల్లి బ్లాక్-III వంటి విలువైన బొగ్గు గనులు సింగరేణికి దక్కకుండా పోవడం వల్ల సంస్థకు భారీ ఆర్థిక నష్టం వాటిల్లిందని ఆయన పేర్కొన్నారు. అదే సమయంలో, కాంగ్రెస్ ప్రభుత్వం అధికారంలోకి వచ్చిన తరువాత డిపెండెంట్ ఉద్యోగాల వయోపరిమితిని 35 నుండి 40 సంవత్సరాలకు పెంచడం, శాశ్వత కార్మికులకు రూ.1 కోటి ప్రమాద బీమా, కాంట్రాక్టు కార్మికులకు రూ.40 లక్షల ప్రమాద బీమా, లాభాల వాటా, BC లైజనింగ్ అధికారుల నియామకం, సోలార్ మరియు థర్మల్ విద్యుత్ ప్రాజెక్టుల విస్తరణ, హైదరాబాద్‌లో సూపర్ స్పెషాలిటీ ఆసుపత్రి ఏర్పాటు వంటి పలు చారిత్రాత్మక నిర్ణయాలు అమలులోకి వచ్చాయని ఆయన వెల్లడించారు. సింగరేణి భవిష్యత్తు పరిరక్షణ, కార్మికుల హక్కుల సాధన, సంక్షేమం కోసం INTUC నిరంతరం పోరాటం కొనసాగిస్తుందని, కార్మికుల సమస్యలకు శాశ్వత పరిష్కారం INTUC ద్వారానే సాధ్యమవుతుందని డా. బి. జనక్ ప్రసాద్ స్పష్టం చేశారు. ఈ కార్యక్రమంలో INTUC సెంట్రల్ సీనియర్ వైస్ ప్రెసిడెంట్లు నరసింహారెడ్డి, ధర్మపురి, కాంపెల్లి సమ్మయ్యతో పాటు నాయకులు నరేందర్, సత్యనారాయణ రెడ్డి, రవీందర్ రెడ్డి, కలవెన శ్యామ్, చందు, భీమ్‌రావు, గరిగే స్వామి, చిన్నయ్య, మల్లారెడ్డి, భరత్ తదితరులు పాల్గొన్నారు.