மத்தூர் அரசு மருத்துவமனை அருகே பரபரப்பு: லாரியில் பதுங்கிய விஷப்பாம்பு மீட்பு – வாகன நெரிசல் மற்றும் குப்பைகளை அகற்ற பொதுமக்கள் கோரிக்கை கிருஷ்ணகிரி மாவட்டம், போச்சம்பள்ளி அடுத்த மத்தூர் அரசு மருத்துவமனை வளாகத்தின் முன்பகுதியில் நீண்ட நாட்களாக நிறுத்தப்பட்டிருந்த கனரக வாகனத்திலிருந்து விஷப்பாம்பு மீட்கப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.இன்று காலை மருத்துவமனைக்கு மருந்து வாங்க வந்த முதியவர் ஒருவர், நீண்ட நாட்களாக நிறுத்தப்பட்டிருந்த கனரக வாகனத்தின் அடிப்பகுதியில் இருந்து விஷப்பாம்பு ஒன்று ஊர்ந்து செல்வதை கண்டு அதிர்ச்சியடைந்தார். உடனே அவர் அருகில் இருந்தவர்களிடம் தெரிவிக்க, பொதுமக்கள் சென்று பார்த்தபோது லாரியின் பின்பக்க டயரின் அடிப்பகுதியில் பாம்பு பதுங்கி இருந்தது தெரியவந்தது. இதையடுத்து பொதுமக்கள் உடனடியாக மத்தூர் காவல் நிலையத்திற்கு தகவல் தெரிவித்தனர். தகவலறிந்த மத்தூர் காவல்துறையினர், போச்சம்பள்ளி தீயணைப்புத் துறையினருக்கு உடனடியாக தகவல் கொடுத்தனர். விரைந்து வந்த தீயணைப்பு வீரர்கள், லாரியில் பதுங்கியிருந்த பாம்பை சாதுரியமாக உயிருடன் பிடித்து சாக்கு பையில் அடைத்தனர். பின்னர் அந்த பாம்பை வனத்துறையினரிடம் ஒப்படைத்து, அடர்ந்த வனப்பகுதியில் விடுவிப்பதாக கூறி எடுத்துச் சென்றனர்.அரசு மருத்துவமனையின் இருபுறங்களிலும் நீண்ட நாட்களாக பல கனரக வாகனங்கள் ஆக்கிரமித்து நிறுத்தப்பட்டுள்ளதாக பொதுமக்கள் குற்றம்சாட்டுகின்றனர்.மருத்துவமனைக்கு அவசரப் பிரிவில் நோயாளிகளை அழைத்து வரும்போதும், வாகனங்களை வளைத்து செல்லும்போதும், எதிரே வரும் வாகனங்கள் தெரியாமல் எதிர்பாராத விதமாக அடிக்கடி விபத்துக்கள் ஏற்படுகின்றன. மேலும் காலையிலும் மாலையிலும் பள்ளி, கல்லூரி மாணவ-மாணவிகளும், பொதுமக்களும் அதிகளவில் பயன்படுத்தும் பாதையாக இது உள்ளது. சாலையின் இருபுறமும் வாகனங்கள் நிற்பதால் கடும் போக்குவரத்து நெரிசல் ஏற்பட்டு செல்ல வழியின்றி அனைவரும் அவதிப்படுகின்றனர்.மேலும், இப்பகுதியில் நீண்ட நாட்களாகக் கழிவுகள் மற்றும் குப்பைகள் அல்லப்படாமல் தேங்கி கிடப்பதால், அப்பகுதி முழுவதுமே குப்பை மேடாக மாறி வரும் அவலநிலை நீடிக்கிறது. இதனால் நோய் தொற்று பரவும் அபாயமும் ஏற்பட்டுள்ளது.எனவே, அசம்பாவிதங்கள் மற்றும் பெரும் விபத்துக்கள் ஏதும் நடக்கும் முன், சாலையில் போக்குவரத்திற்கு இடையூறாக நிறுத்தப்பட்டுள்ள கனரக வாகனங்களை சம்பந்தப்பட்ட அதிகாரிகள் உடனடியாக அப்புறப்படுத்த வேண்டும். மேலும், தேங்கி கிடக்கும் குப்பைகளை அகற்றி அப்பகுதியை சுத்தமாக பராமரிக்க பஞ்சாயத்து நிர்வாகமும், மாவட்ட நிர்வாகமும் உடனடியாக தலையிட்டு நடவடிக்கை எடுக்க வேண்டும் என அப்பகுதி மக்களும் நோயாளிகளும் கோரிக்கை விடுத்துள்ளனர்.

Asif Iqbal

போச்சம்பள்ளி, கிருஷ்ணகிரி, தமிழ்நாடு•

11 hrs ago

மத்தூர் அரசு மருத்துவமனை அருகே பரபரப்பு: லாரியில் பதுங்கிய விஷப்பாம்பு மீட்பு – வாகன நெரிசல் மற்றும் குப்பைகளை அகற்ற பொதுமக்கள் கோரிக்கை கிருஷ்ணகிரி மாவட்டம், போச்சம்பள்ளி அடுத்த மத்தூர் அரசு மருத்துவமனை வளாகத்தின் முன்பகுதியில் நீண்ட நாட்களாக நிறுத்தப்பட்டிருந்த கனரக வாகனத்திலிருந்து விஷப்பாம்பு மீட்கப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.இன்று காலை மருத்துவமனைக்கு மருந்து வாங்க வந்த முதியவர் ஒருவர், நீண்ட நாட்களாக நிறுத்தப்பட்டிருந்த கனரக வாகனத்தின் அடிப்பகுதியில் இருந்து விஷப்பாம்பு ஒன்று ஊர்ந்து செல்வதை கண்டு அதிர்ச்சியடைந்தார். உடனே

அவர் அருகில் இருந்தவர்களிடம் தெரிவிக்க, பொதுமக்கள் சென்று பார்த்தபோது லாரியின் பின்பக்க டயரின் அடிப்பகுதியில் பாம்பு பதுங்கி இருந்தது தெரியவந்தது. இதையடுத்து பொதுமக்கள் உடனடியாக மத்தூர் காவல் நிலையத்திற்கு தகவல் தெரிவித்தனர். தகவலறிந்த மத்தூர் காவல்துறையினர், போச்சம்பள்ளி தீயணைப்புத் துறையினருக்கு உடனடியாக தகவல் கொடுத்தனர். விரைந்து வந்த தீயணைப்பு வீரர்கள், லாரியில் பதுங்கியிருந்த பாம்பை சாதுரியமாக உயிருடன் பிடித்து சாக்கு பையில் அடைத்தனர். பின்னர் அந்த பாம்பை வனத்துறையினரிடம் ஒப்படைத்து, அடர்ந்த வனப்பகுதியில் விடுவிப்பதாக கூறி எடுத்துச் சென்றனர்.அரசு மருத்துவமனையின் இருபுறங்களிலும் நீண்ட

நாட்களாக பல கனரக வாகனங்கள் ஆக்கிரமித்து நிறுத்தப்பட்டுள்ளதாக பொதுமக்கள் குற்றம்சாட்டுகின்றனர்.மருத்துவமனைக்கு அவசரப் பிரிவில் நோயாளிகளை அழைத்து வரும்போதும், வாகனங்களை வளைத்து செல்லும்போதும், எதிரே வரும் வாகனங்கள் தெரியாமல் எதிர்பாராத விதமாக அடிக்கடி விபத்துக்கள் ஏற்படுகின்றன. மேலும் காலையிலும் மாலையிலும் பள்ளி, கல்லூரி மாணவ-மாணவிகளும், பொதுமக்களும் அதிகளவில் பயன்படுத்தும் பாதையாக இது உள்ளது. சாலையின் இருபுறமும் வாகனங்கள் நிற்பதால் கடும் போக்குவரத்து நெரிசல் ஏற்பட்டு செல்ல வழியின்றி அனைவரும் அவதிப்படுகின்றனர்.மேலும், இப்பகுதியில் நீண்ட நாட்களாகக் கழிவுகள் மற்றும் குப்பைகள் அல்லப்படாமல் தேங்கி கிடப்பதால்,

அப்பகுதி முழுவதுமே குப்பை மேடாக மாறி வரும் அவலநிலை நீடிக்கிறது. இதனால் நோய் தொற்று பரவும் அபாயமும் ஏற்பட்டுள்ளது.எனவே, அசம்பாவிதங்கள் மற்றும் பெரும் விபத்துக்கள் ஏதும் நடக்கும் முன், சாலையில் போக்குவரத்திற்கு இடையூறாக நிறுத்தப்பட்டுள்ள கனரக வாகனங்களை சம்பந்தப்பட்ட அதிகாரிகள் உடனடியாக அப்புறப்படுத்த வேண்டும். மேலும், தேங்கி கிடக்கும் குப்பைகளை அகற்றி அப்பகுதியை சுத்தமாக பராமரிக்க பஞ்சாயத்து நிர்வாகமும், மாவட்ட நிர்வாகமும் உடனடியாக தலையிட்டு நடவடிக்கை எடுக்க வேண்டும் என அப்பகுதி மக்களும் நோயாளிகளும் கோரிக்கை விடுத்துள்ளனர்.