तंत्रज्ञानाचा वापर करून सायबर च्या माध्यमातून वयोवृद्ध किंवा अशिक्षित लोकांना फसवणाऱ्या ॲप आणि इतर गोष्टीची माहिती देण्यासाठी जनजागृती सुरू सायबर जनजागृतीचा तिसरा टप्पा सुरू,तक्रार निवारणासह ग्रामीण बँकिंग सुरक्षेवर लातूर पोलिसांचा भर लातूर (प्रतिनिधी) नागरिकांना सायबर गुन्ह्यांपासून सुरक्षित ठेवण्यासाठी आणि सायबर फसवणुकीबाबत प्रभावी जनजागृती करण्याच्या उद्देशाने लातूर जिल्हा पोलीस दलाच्या वतीने १ ऑक्टोबरपासून ‘सायबर जनजागृती महिना’ राबविण्यात येत आहे. या अभियानांतर्गत विविध टप्प्यांमध्ये जनजागृती, तक्रार निवारण तसेच सायबर सुरक्षेसंदर्भातील विविध उपक्रम राबविण्यात येत असून, ८ ऑक्टोबरपासून तिसऱ्या टप्प्याला सुरुवात झाली आहे. हा टप्पा ११ ऑक्टोबरपर्यंत सुरू राहणार आहे. सायबर जनजागृतीच्या तिसऱ्या टप्प्यामध्ये तक्रार निवारण, ग्रामीण भागातील नागरिकांची सायबर सुरक्षितता, ग्रामीण बँकिंग सुरक्षा, व्यापारी वर्गासाठी सायबर सुरक्षेचे मार्गदर्शन तसेच शांतता समितीच्या माध्यमातून जनजागृती यावर विशेष भर देण्यात येणार आहे. *तक्रार निवारणासाठी विशेष मोहीम* ८ ऑक्टोबर रोजी ‘GRM’ मोहीम राबविण्यात येत असून, सायबर गुन्ह्यांशी संबंधित प्रलंबित तक्रारींचे प्रभावीपणे निवारण करण्यासाठी पोलीस ठाणेनिहाय कार्यवाही करण्यात येणार आहे. सायबर फसवणुकीचे बळी ठरलेल्या नागरिकांना तत्काळ मदत मिळावी, यासाठी प्रत्येक पोलीस ठाण्यात पीडित मदत कक्षाची स्थापना करण्यात येणार आहे. या मदत कक्षाच्या माध्यमातून सायबर फसवणुकीच्या तक्रारींची माहिती घेणे, पीडितांना आवश्यक मार्गदर्शन करणे, संबंधित यंत्रणेशी समन्वय साधणे तसेच प्रलंबित प्रकरणांचा आढावा घेऊन ती प्रकरणे निकाली काढण्यासाठी प्रयत्न करण्यात येणार आहेत. *ग्रामीण भागात बँकिंग सुरक्षेबाबत जनजागृती* सायबर गुन्हेगारांकडून नागरिकांची ऑनलाइन फसवणूक करण्यासाठी बँकिंग व्यवहारांचा मोठ्या प्रमाणावर गैरवापर केला जात आहे. त्यामुळे ग्रामीण भागातील नागरिक, शेतकरी, ज्येष्ठ नागरिक, व्यापारी तसेच बँक ग्राहकांना OTP, ATM, UPI, QR Code, इंटरनेट बँकिंग, बनावट लिंक, बनावट फोन कॉल आणि KYC अपडेटच्या नावाखाली होणाऱ्या फसवणुकीपासून सावध राहण्याबाबत मार्गदर्शन करण्यात येणार आहे. तसेच ग्रामीण भागातील व्यापारी वर्गामध्ये डिजिटल व्यवहार करताना घ्यावयाच्या खबरदारीबाबतही विशेष जनजागृती केली जाणार आहे. *शांतता समिती व व्यापारी वर्गाचाही सहभाग* सायबर जनजागृतीचा संदेश अधिकाधिक नागरिकांपर्यंत पोहोचविण्यासाठी व्यापारी व शांतता समितीच्या बैठका तसेच विविध जनजागृती कार्यक्रम आयोजित करण्यात येणार आहेत. या माध्यमातून नागरिकांनी सायबर गुन्ह्यांपासून स्वतःचे व कुटुंबाचे संरक्षण कसे करावे, फसवणूक झाल्यास तातडीने कोणती पावले उचलावीत आणि तक्रार कुठे करावी, याबाबत माहिती दिली जाणार आहे. लातूर जिल्हा पोलीस दलाच्या वतीने नागरिकांना आवाहन करण्यात येत आहे की, सायबर फसवणुकीची घटना घडल्यास घाबरून न जाता तात्काळ पोलिसांशी संपर्क साधावा. फसवणुकीनंतरचा प्रत्येक क्षण महत्त्वाचा असल्याने विलंब न करता तक्रार नोंदवावी. सायबर गुन्हे रोखण्यासाठी केवळ पोलिसांची कारवाई पुरेशी नसून नागरिकांची जागरूकता आणि सतर्कता तितकीच महत्त्वाची आहे. त्यामुळे ‘सावधान नागरिक – सुरक्षित समाज’ या भावनेतून सायबर जनजागृती अभियानाच्या तिसऱ्या टप्प्यात विविध उपक्रम प्रभावीपणे राबविण्यात येणार आहेत.

Laxman Ugile

उदगीर, लातूर, महाराष्ट्र•

1 hr ago

तंत्रज्ञानाचा वापर करून सायबर च्या माध्यमातून वयोवृद्ध किंवा अशिक्षित लोकांना फसवणाऱ्या ॲप आणि इतर गोष्टीची माहिती देण्यासाठी जनजागृती सुरू सायबर जनजागृतीचा तिसरा टप्पा सुरू,तक्रार निवारणासह ग्रामीण बँकिंग सुरक्षेवर लातूर पोलिसांचा भर लातूर (प्रतिनिधी) नागरिकांना सायबर गुन्ह्यांपासून सुरक्षित ठेवण्यासाठी आणि सायबर फसवणुकीबाबत प्रभावी जनजागृती करण्याच्या उद्देशाने लातूर जिल्हा पोलीस दलाच्या वतीने १ ऑक्टोबरपासून ‘सायबर जनजागृती महिना’ राबविण्यात येत आहे. या अभियानांतर्गत विविध टप्प्यांमध्ये जनजागृती, तक्रार निवारण तसेच सायबर सुरक्षेसंदर्भातील विविध उपक्रम राबविण्यात येत असून, ८ ऑक्टोबरपासून तिसऱ्या टप्प्याला सुरुवात झाली आहे. हा टप्पा ११ ऑक्टोबरपर्यंत सुरू राहणार आहे. सायबर जनजागृतीच्या तिसऱ्या टप्प्यामध्ये तक्रार निवारण, ग्रामीण भागातील नागरिकांची सायबर सुरक्षितता, ग्रामीण बँकिंग सुरक्षा, व्यापारी वर्गासाठी सायबर सुरक्षेचे मार्गदर्शन तसेच शांतता समितीच्या माध्यमातून जनजागृती यावर विशेष भर देण्यात येणार आहे. *तक्रार निवारणासाठी विशेष मोहीम* ८ ऑक्टोबर रोजी ‘GRM’ मोहीम राबविण्यात येत असून, सायबर गुन्ह्यांशी संबंधित प्रलंबित तक्रारींचे प्रभावीपणे निवारण करण्यासाठी पोलीस ठाणेनिहाय कार्यवाही करण्यात येणार आहे. सायबर फसवणुकीचे बळी ठरलेल्या नागरिकांना तत्काळ मदत मिळावी, यासाठी प्रत्येक पोलीस ठाण्यात पीडित मदत कक्षाची स्थापना करण्यात येणार आहे. या मदत कक्षाच्या माध्यमातून सायबर फसवणुकीच्या तक्रारींची माहिती घेणे, पीडितांना आवश्यक मार्गदर्शन करणे, संबंधित यंत्रणेशी समन्वय साधणे तसेच प्रलंबित प्रकरणांचा आढावा घेऊन ती प्रकरणे निकाली काढण्यासाठी प्रयत्न करण्यात येणार आहेत. *ग्रामीण भागात बँकिंग सुरक्षेबाबत जनजागृती* सायबर गुन्हेगारांकडून नागरिकांची ऑनलाइन फसवणूक करण्यासाठी बँकिंग व्यवहारांचा मोठ्या प्रमाणावर गैरवापर केला जात आहे. त्यामुळे ग्रामीण भागातील नागरिक, शेतकरी, ज्येष्ठ नागरिक, व्यापारी तसेच बँक ग्राहकांना OTP, ATM, UPI, QR Code, इंटरनेट बँकिंग, बनावट लिंक, बनावट फोन कॉल आणि KYC अपडेटच्या नावाखाली होणाऱ्या फसवणुकीपासून सावध राहण्याबाबत मार्गदर्शन करण्यात येणार आहे. तसेच ग्रामीण भागातील व्यापारी वर्गामध्ये डिजिटल व्यवहार करताना घ्यावयाच्या खबरदारीबाबतही विशेष जनजागृती केली जाणार आहे. *शांतता समिती व व्यापारी वर्गाचाही सहभाग* सायबर जनजागृतीचा संदेश अधिकाधिक नागरिकांपर्यंत पोहोचविण्यासाठी व्यापारी व शांतता समितीच्या बैठका तसेच विविध जनजागृती कार्यक्रम आयोजित करण्यात येणार आहेत. या माध्यमातून नागरिकांनी सायबर गुन्ह्यांपासून स्वतःचे व कुटुंबाचे संरक्षण कसे करावे, फसवणूक झाल्यास तातडीने कोणती पावले उचलावीत आणि तक्रार कुठे करावी, याबाबत माहिती दिली जाणार आहे. लातूर जिल्हा पोलीस दलाच्या वतीने नागरिकांना आवाहन करण्यात येत आहे की, सायबर फसवणुकीची घटना घडल्यास घाबरून न जाता तात्काळ पोलिसांशी संपर्क साधावा. फसवणुकीनंतरचा प्रत्येक क्षण महत्त्वाचा असल्याने विलंब न करता तक्रार नोंदवावी. सायबर गुन्हे रोखण्यासाठी केवळ पोलिसांची कारवाई पुरेशी नसून नागरिकांची जागरूकता आणि सतर्कता तितकीच महत्त्वाची आहे. त्यामुळे ‘सावधान नागरिक – सुरक्षित समाज’ या भावनेतून सायबर जनजागृती अभियानाच्या तिसऱ्या टप्प्यात विविध उपक्रम प्रभावीपणे राबविण्यात येणार आहेत.