*काही दिवसापूर्वीच बनवलेला नवीन रस्ता बनवून पुन्हा फोडला! नांदेड मनपाचा ‘अजब-गजब’ कारभार; मनपा कार्यालयाजवळच रस्त्याची दुरवस्था "नागरिकांच्या पैशाचा अपव्यय" का...?* शिवकुमार काळे नांदेड: महापालिका प्रशासनाचा भोंगळ कारभार आणि नियोजनाचा अभाव पुन्हा एकदा चव्हाट्यावर आला आहे. नांदेड मनपा कार्यालयाच्या अगदी शेजारी आणि बीएसएनएल (BSNL) मुख्य कार्यालयासमोर नुकताच कोट्यवधी रुपये खर्च करून तयार करण्यात आलेला नवीन रस्ता काही दिवसांतच पुन्हा खोदण्यात आल्याचा धक्कादायक प्रकार समोर आला आहे. मुख्य प्रशासकीय इमारतींच्या नाकनाकाखाली चाललेल्या या 'अजब-गजब' कारभारामुळे नागरिकांमधून तीव्र संताप व्यक्त होत आहे. जनतेच्या पैशांचा अपव्यय; नियोजनाचा बोजवारा शहरातील महत्त्वाच्या रस्त्यांपैकी एक असलेल्या या मार्गाचे काम नुकतेच पूर्ण झाले होते. मात्र, रस्ता तयार झाल्यानंतर लगेचच विविध वाहिन्या किंवा इतर कामांसाठी तो पुन्हा जेसीबी आणि मजुरांच्या साहाय्याने खोदण्यात येत असल्याचे चित्र आहे. "रस्ता तयार करण्यापूर्वी संबंधित विभागांना भूमिगत वाहिन्या किंवा इतर कामांचे नियोजन का करता आले नाही?" असा संतप्त सवाल स्थानिक नागरिक आणि वाहनधारकांकडून विचारला जात आहे. विभागांमध्ये समन्वयाचा अभाव मनपाचा बांधकाम विभाग, पाणीपुरवठा विभाग आणि टेलिकॉम किंवा विद्युत कंपन्या यांच्यामध्ये कोणत्याही प्रकारचा समन्वय नसल्याचे यावरून स्पष्ट होत आहे. एकदा रस्ता चांगला बनवला की तो पुन्हा खोदणे, ही नांदेडकरांसाठी नवीन बाब राहिलेली नाही. परंतु, थेट मनपाच्या मुख्य कार्यालयाशेजारीच असा प्रकार घडत असल्याने अधिकाऱ्यांच्या डोळ्यांवर नक्की कसली पट्टी बांधली गेली आहे, अशी चर्चा आता रंगू लागली आहे. नागरिकांचे हाल आणि धोक्याची घंटा नुकताच गुळगुळीत झालेल्या रस्त्यावर अचानक मोठी खड्डे आणि खोदकाम झाल्याने या परिसरातील वाहतूक विस्कळीत झाली आहे. वाहनधारकांना अचानक समोर येणाऱ्या या खोदकामामुळे अपघातांचा सामना करावा लागत आहे. धुळीचे साम्राज्य वाढल्याने पादचाऱ्यांनाही चालणे असह्य झाले आहे. जनतेकडून गोळा केल्या जाणाऱ्या कराच्या पैशांची ही निव्वळ उधळपट्टी असल्याची भावना जनमानसात उमटत आहे. प्रशासन उत्तर देणार का? वारंवार रस्ते बनवून ते पुन्हा फोडणाऱ्या या साखळीमागे नक्की कोण जबाबदार आहे? संबंधित कंत्राटदार आणि अधिकाऱ्यांवर मनपा आयुक्त काय कारवाई करणार? की दरवेळेप्रमाणे याही वेळी 'नियोजनाचा अभाव' असे सांगून पांघरूण घातले जाणार, याकडे आता सर्व नांदेडकरांचे लक्ष लागले आहे

Shivkumar kale Press reporter

Nanded, Maharashtra•

1 day ago

*काही दिवसापूर्वीच बनवलेला नवीन रस्ता बनवून पुन्हा फोडला! नांदेड मनपाचा ‘अजब-गजब’ कारभार; मनपा कार्यालयाजवळच रस्त्याची दुरवस्था "नागरिकांच्या पैशाचा अपव्यय" का...?* शिवकुमार काळे नांदेड: महापालिका प्रशासनाचा भोंगळ कारभार आणि नियोजनाचा अभाव पुन्हा एकदा चव्हाट्यावर आला आहे. नांदेड मनपा कार्यालयाच्या अगदी शेजारी आणि बीएसएनएल (BSNL) मुख्य कार्यालयासमोर नुकताच कोट्यवधी रुपये खर्च करून तयार करण्यात आलेला नवीन रस्ता काही दिवसांतच पुन्हा खोदण्यात आल्याचा धक्कादायक प्रकार समोर आला आहे. मुख्य प्रशासकीय इमारतींच्या नाकनाकाखाली चाललेल्या या 'अजब-गजब' कारभारामुळे नागरिकांमधून तीव्र संताप व्यक्त होत आहे. जनतेच्या पैशांचा अपव्यय; नियोजनाचा बोजवारा शहरातील महत्त्वाच्या रस्त्यांपैकी एक असलेल्या या मार्गाचे काम नुकतेच पूर्ण झाले होते. मात्र, रस्ता तयार झाल्यानंतर लगेचच विविध वाहिन्या किंवा इतर कामांसाठी तो पुन्हा जेसीबी आणि मजुरांच्या साहाय्याने खोदण्यात येत असल्याचे चित्र आहे. "रस्ता तयार करण्यापूर्वी संबंधित विभागांना भूमिगत वाहिन्या किंवा इतर कामांचे नियोजन का करता आले नाही?" असा संतप्त सवाल स्थानिक नागरिक आणि वाहनधारकांकडून विचारला जात आहे. विभागांमध्ये समन्वयाचा अभाव मनपाचा बांधकाम विभाग, पाणीपुरवठा विभाग आणि टेलिकॉम किंवा विद्युत कंपन्या यांच्यामध्ये कोणत्याही प्रकारचा समन्वय नसल्याचे यावरून स्पष्ट होत आहे. एकदा रस्ता चांगला बनवला की तो पुन्हा खोदणे, ही नांदेडकरांसाठी नवीन बाब राहिलेली नाही. परंतु, थेट मनपाच्या मुख्य कार्यालयाशेजारीच असा प्रकार घडत असल्याने अधिकाऱ्यांच्या डोळ्यांवर नक्की कसली पट्टी बांधली गेली आहे, अशी चर्चा आता रंगू लागली आहे. नागरिकांचे हाल आणि धोक्याची घंटा नुकताच गुळगुळीत झालेल्या रस्त्यावर अचानक मोठी खड्डे आणि खोदकाम झाल्याने या परिसरातील वाहतूक विस्कळीत झाली आहे. वाहनधारकांना अचानक समोर येणाऱ्या या खोदकामामुळे अपघातांचा सामना करावा लागत आहे. धुळीचे साम्राज्य वाढल्याने पादचाऱ्यांनाही चालणे असह्य झाले आहे. जनतेकडून गोळा केल्या जाणाऱ्या कराच्या पैशांची ही निव्वळ उधळपट्टी असल्याची भावना जनमानसात उमटत आहे. प्रशासन उत्तर देणार का? वारंवार रस्ते बनवून ते पुन्हा फोडणाऱ्या या साखळीमागे नक्की कोण जबाबदार आहे? संबंधित कंत्राटदार आणि अधिकाऱ्यांवर मनपा आयुक्त काय कारवाई करणार? की दरवेळेप्रमाणे याही वेळी 'नियोजनाचा अभाव' असे सांगून पांघरूण घातले जाणार, याकडे आता सर्व नांदेडकरांचे लक्ष लागले आहे