राजुरा येथील मृतदेह प्रकरणामध्ये एक मोठा ट्विस्ट समोर आला आहे. ज्या शिवानी नावाच्या व्यक्तीचा मृतदेह असल्याचा संशय होता, ती जिवंत असल्याचे उघड झाले आहे. या अनपेक्षित घडामोडीमुळे पोलिसांची मोठी फजिती झाली आहे.

राजुरा येथील मृतदेह प्रकरणामध्ये एक मोठा ट्विस्ट समोर आला आहे. ज्या शिवानी नावाच्या व्यक्तीचा मृतदेह असल्याचा संशय होता, ती जिवंत असल्याचे उघड झाले आहे. या अनपेक्षित घडामोडीमुळे पोलिसांची मोठी फजिती झाली आहे.

श्री संत गजानन महाराज संस्थान, शेगांव यांच्या वतीने श्री क्षेत्र पंढरपूर येथे आयोजित करण्यात येणाऱ्या पायी वारीच्या ५७ व्या पालखी सोहळ्याची २०२६ ची वेळपत्रिका जाहीर करण्यात आली आहे.

अकोल्यात रेल्वेच्या जागेवर बांधलेली घरे रेल्वे प्रशासन आणि पोलीस प्रशासनाने मोठ्या बंदोबस्तात हटवली आहेत.

वाशिम जिल्ह्यात स्थानिक गुन्हे शाखेने अवैध गावठी हातभट्टी दारू निर्मिती आणि विक्रीविरोधात धडक कारवाई केली आहे. या कारवाईत तब्बल ६ लाख ३३ हजार रुपयांचा मुद्देमाल जप्त करून नष्ट करण्यात आला, ज्यामुळे अवैध दारू व्यवसाय करणाऱ्यांमध्ये भीतीचे वातावरण निर्माण झाले आहे. पोलीस अधीक्षक निकेश खाटमोडे-पाटील यांच्या निर्देशानुसार जिल्ह्यात अवैध दारू, जुगार, गुटखा आणि शस्त्र अधिनियमांतर्गत कठोर कारवाई सुरू आहे. या मोहिमेअंतर्गत, स्थानिक गुन्हे शाखेचे पोलीस निरीक्षक प्रदीप परदेशी यांना अनसिंग पोलीस ठाणे हद्दीतील मोहगव्हाण येथील धरण परिसरात गावठी हातभट्टी दारू गाळली जात असल्याची माहिती मिळाली होती. या माहितीच्या आधारे १ जून रोजी पहाटे स्थानिक गुन्हे शाखेच्या पथकाने मोहगव्हाण परिसरात छापा टाकला. पोलिसांची चाहूल लागताच आरोपी घटनास्थळावरून पसार झाले. मात्र, पोलिसांनी झाडाझुडपात आणि जमिनीत लपवून ठेवलेले २०० लिटर क्षमतेचे २७ ड्रम आणि १५ लिटर क्षमतेची २१ पिपे शोधून काढली. यामध्ये एकूण ५,४०० लिटर सडवा मोहामाच आणि ३० लिटर गावठी हातभट्टी दारू आढळून आली, ज्याची किंमत सुमारे ५ लाख ७४ हजार ५०० रुपये आहे. याप्रकरणी फरार आरोपी आमिर मोहम्मद नौरंगाबादी (रा. मोहगव्हाण) याच्याविरुद्ध महाराष्ट्र दारूबंदी कायद्यांतर्गत अनसिंग पोलीस ठाण्यात गुन्हा दाखल करण्यात आला आहे. याच दरम्यान, मानोरा पोलीस ठाणे हद्दीतील कार्ली येथेही स्थानिक गुन्हे शाखेने कारवाई केली. येथे अमर दादाराव राऊत याला ताब्यात घेण्यात आले आणि त्याच्याकडून ३५० लिटर सडवा मोहामाच तसेच ३० लिटर गावठी हातभट्टी दारू असा एकूण ५८ हजार ५०० रुपयांचा मुद्देमाल जप्त करण्यात आला. याप्रकरणी मानोरा पोलीस ठाण्यात गुन्हा नोंद करण्यात आला आहे. स्थानिक गुन्हे शाखेने एकाच दिवशी एकूण ६ लाख ३३ हजार रुपयांचा अवैध दारूसाठा नष्ट केला असून, जिल्ह्यातील अवैध हातभट्टी व्यवसाय पूर्णपणे नष्ट करण्यासाठी आगामी काळातही विशेष मोहीम राबविण्यात येणार असल्याची माहिती पोलिसांनी दिली आहे. ही कारवाई पोलीस अधीक्षक निकेश खाटमोडे-पाटील, अपर पोलीस अधीक्षक लता फड, उपविभागीय पोलीस अधिकारी विशाल क्षीरसागर यांच्या मार्गदर्शनाखाली पोलीस निरीक्षक प्रदीप परदेशी, सपोनि जगदीश बांगर, पोउपनि शेखर मास्कर आणि स्थानिक गुन्हे शाखेच्या पथकाने यशस्वीपणे केली.

चांदूर रेल्वे पोलिसांनी गावठी दारूची निर्मिती करणाऱ्या एका हातभट्टीवर धडक कारवाई केली आहे. या कारवाईदरम्यान, पोलिसांनी सुमारे ९ लाख ८८ हजार ८०० रुपयांचा मुद्देमाल जप्त केला असून, हा सर्व जप्त केलेला मुद्देमाल जागेवरच नष्ट करण्यात आला.

केदारखेडा शिवारात शेतकरी दिलीप भानुदास जाधव यांच्या जनावरांच्या गोठ्याला भीषण आग लागल्याची घटना घडली आहे. या दुर्घटनेत त्यांच्या ७ शेळ्यांचा दुर्दैवी मृत्यू झाला असून, एक बैलजोडीसह इतर जनावरेही भाजल्याने जखमी झाली आहेत. आगीत गोठ्यातील सर्व साहित्य जळून खाक झाले आहे. या आगीमुळे शेतकऱ्याचे लाखोंचे मोठे नुकसान झाले आहे. या पार्श्वभूमीवर, शासनाने बाधित शेतकऱ्याला तातडीने नुकसान भरपाई द्यावी, अशी मागणी केली जात आहे.

पँथर संघटनेने पुकारलेल्या उपोषणासमोर अखेर प्रशासनाला नमते घ्यावे लागले आहे. या उपोषणाचा परिणाम म्हणून प्रशासनाने माघार घेतल्याचे समोर आले असून, पँथर संघटनेचा हा एक महत्त्वपूर्ण विजय मानला जात आहे. या संपूर्ण घटनेमध्ये दीपक केदार यांची भूमिका विशेष महत्त्वाची ठरली, असे स्पष्ट होत आहे.

खामगावात सोमवारी सायंकाळी अचानक हवामानात बदल होऊन प्रचंड वेगाने वादळी वारा सुटला, ज्यामुळे शहरातील मुख्य रस्त्यांवरील मोठे होर्डिंग्स आणि बॅनर्स जागोजागी फाटून रस्त्यावर लोंबकळू लागले. यामुळे वाहनधारक आणि पादचाऱ्यांसाठी मोठा अपघाताचा धोका निर्माण झाला असून, "या बॅनर्समुळे दुर्दैवाने अपघात झाल्यास जबाबदार कोण?" असा संतप्त सवाल आता नागरिकांमधून उपस्थित केला जात आहे. या वादळी वाऱ्यामुळे संपूर्ण शहरात धुळीचे साम्राज्य निर्माण झाले होते, ज्यामुळे रस्त्यावरील दृश्यमानता कमी झाली आणि वाहनचालकांना वाहने चालवताना प्रचंड कसरत करावी लागली. यासोबतच शहरातील अनेक भागांत जुन्या झाडांचीही पडझड झाल्याच्या घटना समोर आल्या, सुदैवाने यात जीवितहानी झाली नसली तरी वाहतुकीला काही काळ अडथळा निर्माण झाला. शहरातील प्रमुख चौक, दुभाजक आणि वर्दळीच्या रस्त्यांवर लावण्यात आलेले राजकीय, व्यावसायिक आणि सामाजिक कार्यक्रमांचे मोठे बॅनर्स वाऱ्यामुळे फाटून थेट रस्त्यावरून जाणाऱ्या वाहनचालकांच्या अंगावर किंवा डोळ्यांसमोर येण्याची परिस्थिती निर्माण झाली होती, कारण यापूर्वीही वादळ-वाऱ्याच्या काळात असे बॅनर्स कोसळून अनेक गंभीर अपघात घडले आहेत. हवामान खात्याने आधीच वादळी वाऱ्याचा इशारा दिला असतानाही स्थानिक प्रशासनाकडून या धोकादायक बॅनर्सकडे डोळेझाक केली जात असल्याने नागरिकांमधून तीव्र नाराजी व्यक्त होत आहे. "जर या लोंबकळणाऱ्या बॅनर्समुळे एखाद्याचा जीव गेला, तर त्याची जबाबदारी पालिका प्रशासन घेणार की बॅनर्स लावणारे घेणार?" असा प्रश्न नागरिक विचारत आहेत. भविष्यातील संभाव्य जीवितहानी किंवा मोठा अपघात टाळण्यासाठी प्रशासनाने तातडीने मोहीम राबवून हे फाटलेले आणि धोकादायक बॅनर्स हटवावेत, अशी मागणी आता जोर धरू लागली आहे.