தேனி மாவட்டம், பெரியகுளம் நகராட்சிக்குட்பட்ட வடகரை பகுதியில் வசிக்கும் பத்தாயிரத்திற்கும் மேற்பட்ட குடும்பங்கள், போதிய குப்பைத் தொட்டிகள் இல்லாததால், குப்பைகளை சாலையிலேயே கொட்டி வருகின்றனர். குறிப்பாக வடகரை விஆர் பி நாயுடு தெரு, பெண்கள் மேல்நிலைப்பள்ளி மற்றும் வராக நதிக்கரையோரப் பகுதிகளில் குப்பைகள் குவிவதால் கடுமையான துர்நாற்றம் வீசுவதோடு, சுற்றுச்சூழல் கடுமையாக மாசுபட்டுள்ளது. சாலையில் கொட்டப்படும் உணவுப் பொருட்களை உண்பதற்காகப் பெருமளவில் பன்றிகள் கூட்டம் கூட்டமாகச் சுற்றித் திரிகின்றன. இந்தப் பன்றிகள் அவ்வழியாகச் செல்லும் பெண்கள் மற்றும் பள்ளிச் சிறுவர்களைத் துரத்துவதால் பொதுமக்கள் பெரும் அச்சத்திற்கு ஆளாகியுள்ளனர். குப்பைகள் மற்றும் பன்றிகளின் நடமாட்டம் அதிகரித்துள்ளதால், பொதுமக்களுக்கும் வாகன ஓட்டிகளுக்கும் பெரும் இடையூறு ஏற்பட்டுள்ளதுடன், கடுமையான தொற்றுநோய்கள் பரவும் அபாயம் உருவாகியுள்ளது. இந்த நிலைமையைக் கருத்தில் கொண்டு, பெரியகுளம் நகராட்சி நிர்வாகம் உடனடியாகத் தலையிட்டு, இப்பகுதியில் போதுமான குப்பைத் தொட்டிகளை அமைத்து, கொட்டப்படும் குப்பைகளை அகற்ற வேண்டும் என்றும், சாலையில் சுற்றித்திரியும் பன்றிகளைப் பிடித்து அப்புறப்படுத்த உரிய நடவடிக்கை எடுக்க வேண்டும் என்றும் அப்பகுதி பொதுமக்கள் கோரிக்கை விடுத்துள்ளனர்.

Shakthi

பத்திரிகையாளர் பெரியகுளம், தேனி, தமிழ்நாடு•

2 hrs ago

தேனி மாவட்டம், பெரியகுளம் நகராட்சிக்குட்பட்ட வடகரை பகுதியில் வசிக்கும் பத்தாயிரத்திற்கும் மேற்பட்ட குடும்பங்கள், போதிய குப்பைத் தொட்டிகள் இல்லாததால், குப்பைகளை சாலையிலேயே கொட்டி வருகின்றனர். குறிப்பாக வடகரை விஆர் பி நாயுடு தெரு, பெண்கள் மேல்நிலைப்பள்ளி மற்றும் வராக நதிக்கரையோரப் பகுதிகளில் குப்பைகள் குவிவதால் கடுமையான துர்நாற்றம் வீசுவதோடு, சுற்றுச்சூழல் கடுமையாக மாசுபட்டுள்ளது. சாலையில் கொட்டப்படும் உணவுப் பொருட்களை உண்பதற்காகப் பெருமளவில் பன்றிகள் கூட்டம் கூட்டமாகச் சுற்றித் திரிகின்றன. இந்தப் பன்றிகள் அவ்வழியாகச் செல்லும் பெண்கள் மற்றும் பள்ளிச் சிறுவர்களைத் துரத்துவதால் பொதுமக்கள் பெரும் அச்சத்திற்கு ஆளாகியுள்ளனர். குப்பைகள் மற்றும் பன்றிகளின் நடமாட்டம் அதிகரித்துள்ளதால், பொதுமக்களுக்கும் வாகன ஓட்டிகளுக்கும் பெரும் இடையூறு ஏற்பட்டுள்ளதுடன், கடுமையான தொற்றுநோய்கள் பரவும் அபாயம் உருவாகியுள்ளது. இந்த நிலைமையைக் கருத்தில் கொண்டு, பெரியகுளம் நகராட்சி நிர்வாகம் உடனடியாகத் தலையிட்டு, இப்பகுதியில் போதுமான குப்பைத் தொட்டிகளை அமைத்து, கொட்டப்படும் குப்பைகளை அகற்ற வேண்டும் என்றும், சாலையில் சுற்றித்திரியும் பன்றிகளைப் பிடித்து அப்புறப்படுத்த உரிய நடவடிக்கை எடுக்க வேண்டும் என்றும் அப்பகுதி பொதுமக்கள் கோரிக்கை விடுத்துள்ளனர்.