गेल्या दोन ते तीन दिवसांपासून सुरू असलेल्या मुसळधार पावसामुळे गोदावरी नदीला यंदाचा दुसरा पूर आला आहे. धरण पाणलोट क्षेत्रात पावसाचा जोर कायम असल्याने नदीच्या पाणीपातळीत झपाट्याने वाढ झाली आहे. निफाड तालुक्यातील चांदोरी गावचे ग्रामदैवत असलेल्या श्री खंडेराव महाराज मंदिराला पुराच्या पाण्याचा वेढा पडला आहे. तसेच चांदोरी आणि सायखेडा गावाला जोडणाऱ्या पुलाजवळ मोठ्या प्रमाणात पानवेल अडकल्याने नदीच्या प्रवाहात अडथळा निर्माण झाला असून परिसरातील शेती आणि पुलाच्या पायांना धोका निर्माण होण्याची शक्यता व्यक्त होत आहे. या परिस्थितीचे गांभीर्य लक्षात घेऊन निफाड प्रशासन तातडीने अलर्ट मोडवर आले आहे. चांदोरी व गोदाकाठच्या सर्व सरपंचांसह चांदोरी आणि सायखेडा येथील प्रशासकीय अधिकारी व समाजसेवकांनी पानवेल काढण्यासाठी केलेल्या पाठपुराव्याला यश आले असून प्रशासनाने पानवेल काढण्याचे काम सुरू केले आहे. सर्व प्रशासकीय अधिकारी सध्या घटनास्थळी उपस्थित राहून परिस्थितीवर लक्ष ठेवून आहेत. प्रशासनाने नागरिकांना नदीकाठच्या परिसरात न जाण्याचे आवाहन केले असून आज चांदोरी-सायखेडा पूल दोन तासांसाठी बंद ठेवण्यात येणार आहे.

निलेश शेकोकार NPS न्यूज

Advertising agency नाशिक, नाशिक, महाराष्ट्र•

21 hrs ago

गेल्या दोन ते तीन दिवसांपासून सुरू असलेल्या मुसळधार पावसामुळे गोदावरी नदीला यंदाचा दुसरा पूर आला आहे. धरण पाणलोट क्षेत्रात पावसाचा जोर कायम असल्याने नदीच्या पाणीपातळीत झपाट्याने वाढ झाली आहे. निफाड तालुक्यातील चांदोरी गावचे ग्रामदैवत असलेल्या श्री खंडेराव महाराज मंदिराला पुराच्या पाण्याचा वेढा पडला आहे. तसेच चांदोरी आणि सायखेडा गावाला जोडणाऱ्या पुलाजवळ मोठ्या प्रमाणात पानवेल अडकल्याने नदीच्या प्रवाहात अडथळा निर्माण झाला असून परिसरातील शेती आणि पुलाच्या पायांना धोका निर्माण होण्याची शक्यता व्यक्त होत आहे. या परिस्थितीचे गांभीर्य लक्षात घेऊन निफाड प्रशासन तातडीने अलर्ट मोडवर आले आहे. चांदोरी व गोदाकाठच्या सर्व सरपंचांसह चांदोरी आणि सायखेडा येथील प्रशासकीय अधिकारी व समाजसेवकांनी पानवेल काढण्यासाठी केलेल्या पाठपुराव्याला यश आले असून प्रशासनाने पानवेल काढण्याचे काम सुरू केले आहे. सर्व प्रशासकीय अधिकारी सध्या घटनास्थळी उपस्थित राहून परिस्थितीवर लक्ष ठेवून आहेत. प्रशासनाने नागरिकांना नदीकाठच्या परिसरात न जाण्याचे आवाहन केले असून आज चांदोरी-सायखेडा पूल दोन तासांसाठी बंद ठेवण्यात येणार आहे.