ଅନୁଗୁଳ ମୁଖ୍ୟ ଚିକିତ୍ସାଳୟରେ ବଡ଼ ଆର୍ଥିକ କେଳେଙ୍କାରୀ – HRMS ଜରିଆରେ କୋଟି କୋଟି ଟଙ୍କା ହେରାଫେରୀ ଅନୁଗୁଳ ମୁଖ୍ୟ ଚିକିତ୍ସାଳୟରେ ୨.୩୮ କୋଟିର ହେରାଫେରୀ ଅଭିଯୋଗ HRMS ପୋର୍ଟାଲ ମାଧ୍ୟମରେ ଦରମା ବୃଦ୍ଧି କରି ଟଙ୍କା ଉଠାଇଥିବା ସନ୍ଦେହ, କିରାଣୀ ଗିରଫ ଅନୁଗୁଳ, (ନିଜ ପ୍ରତିନିଧି): ଅନୁଗୁଳ ଜିଲ୍ଲାର ମୁଖ୍ୟ ଚିକିତ୍ସାଳୟରେ ବଡ଼ ଆର୍ଥିକ କେଳେଙ୍କାରୀର ପରଦାଫାଶ ହୋଇଛି। କନିଷ୍ଠ କିରାଣୀ ସୁବ୍ରତ ବେହେରାଙ୍କ ବିରୋଧରେ ପ୍ରାୟ ୨.୩୮ କୋଟି ଟଙ୍କା ହେରାଫେରୀ କରିଥିବା ଅଭିଯୋଗ ଆସିଛି। HRMS ପୋର୍ଟାଲର ଅପବ୍ୟବହାର କରି ନିଜ ଦରମାକୁ ଅସାମାନ୍ୟ ଭାବେ ବଢ଼ାଇ ଟଙ୍କା ନେଇଥିବା କଥା ପ୍ରାଥମିକ ତଦନ୍ତରେ ଜଣାପଡ଼ିଛି। ସୂଚନା ଅନୁସାରେ, ଅଭିଯୁକ୍ତଙ୍କ ମାସିକ ଦରମା ୩୫ରୁ ୪୦ ହଜାର ଟଙ୍କା ଥିବା ସତ୍ତ୍ୱେ କେତେକ ମାସରେ କୋଟି କୋଟି ଟଙ୍କା ଟ୍ରାନ୍ଜାକ୍ସନ ହୋଇଥିବା ଅଡିଟ୍‌ ରିପୋର୍ଟରେ ଧରାପଡ଼ିଛି। ଗତବର୍ଷ ଅକ୍ଟୋବର ମାସରୁ ଏହି ଅନିୟମିତତା ଚାଲିଥିବା ଅନୁମାନ କରାଯାଉଛି। ଘଟଣାର ସନ୍ଦେହ ତେବେ ସୃଷ୍ଟି ହୋଇଥିଲା, ଯେତେବେଳେ CDMO ଡାକ୍ତର ମଦନ ମୋହନ ପ୍ରଧାନଙ୍କୁ ଏକ ଦାମି iPhone ଉପହାର ଦିଆଯାଇଥିଲା। ଏହା ପରେ ଘଟଣାର ଖୋଜଖବର ଆରମ୍ଭ ହୋଇଥିଲା। ପରେ ଟାଉନ ଥାନାରେ ଲିଖିତ ଅଭିଯୋଗ ଦାଖଲ ହୋଇଥିଲା ଏବଂ ମାମଲାଟି ଭିଜିଲାନ୍ସଙ୍କୁ ହସ୍ତାନ୍ତର କରାଯାଇଥିଲା। ତଦନ୍ତ ସମୟରେ କିଛି ଡାକ୍ତର ଓ ନର୍ସଙ୍କ ଖାତାକୁ ମଧ୍ୟ ଅସାମାନ୍ୟ ଟଙ୍କା ଯାଇଥିବା ସୂଚନା ମିଳିଛି। ତିନି ମାସ ଧରି ଫେରାର ଥିବା ଅଭିଯୁକ୍ତଙ୍କୁ ଭିଜିଲାନ୍ସ ଗତକାଲି ଗିରଫ କରି କଟକ ଭିଜିଲାନ୍ସ କାର୍ଯ୍ୟାଳୟକୁ ନେଇଛି। ଏହା ସହିତ ଅନୁଗୁଳ ଓ କଟକର ତିନୋଟି ଭିଜିଲାନ୍ସ ଟିମ ତାଙ୍କ ବାସଭବନ ସହ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛନ୍ତି। ଏହି ମାମଲାରେ ଆଉ କେହି କେହି ଜଡିତ ଅଛନ୍ତି କି ନାହିଁ, ତାହା ତଦନ୍ତ ପରେ ସ୍ପଷ୍ଟ ହେବ।

ଅନୁଗୋଳ ଟୁଡେ (Angul Today)

ଅନୁଗୁଳ, ଅନୁଗୁଳ, ଓଡ଼ିଶା•

2 hrs ago

ଅନୁଗୁଳ ମୁଖ୍ୟ ଚିକିତ୍ସାଳୟରେ ବଡ଼ ଆର୍ଥିକ କେଳେଙ୍କାରୀ – HRMS ଜରିଆରେ କୋଟି କୋଟି ଟଙ୍କା ହେରାଫେରୀ ଅନୁଗୁଳ ମୁଖ୍ୟ ଚିକିତ୍ସାଳୟରେ ୨.୩୮ କୋଟିର ହେରାଫେରୀ ଅଭିଯୋଗ HRMS ପୋର୍ଟାଲ ମାଧ୍ୟମରେ ଦରମା ବୃଦ୍ଧି

କରି ଟଙ୍କା ଉଠାଇଥିବା ସନ୍ଦେହ, କିରାଣୀ ଗିରଫ ଅନୁଗୁଳ, (ନିଜ ପ୍ରତିନିଧି): ଅନୁଗୁଳ ଜିଲ୍ଲାର ମୁଖ୍ୟ ଚିକିତ୍ସାଳୟରେ ବଡ଼ ଆର୍ଥିକ କେଳେଙ୍କାରୀର ପରଦାଫାଶ ହୋଇଛି। କନିଷ୍ଠ କିରାଣୀ ସୁବ୍ରତ ବେହେରାଙ୍କ ବିରୋଧରେ ପ୍ରାୟ ୨.୩୮

କୋଟି ଟଙ୍କା ହେରାଫେରୀ କରିଥିବା ଅଭିଯୋଗ ଆସିଛି। HRMS ପୋର୍ଟାଲର ଅପବ୍ୟବହାର କରି ନିଜ ଦରମାକୁ ଅସାମାନ୍ୟ ଭାବେ ବଢ଼ାଇ ଟଙ୍କା ନେଇଥିବା କଥା ପ୍ରାଥମିକ ତଦନ୍ତରେ ଜଣାପଡ଼ିଛି। ସୂଚନା ଅନୁସାରେ, ଅଭିଯୁକ୍ତଙ୍କ

ମାସିକ ଦରମା ୩୫ରୁ ୪୦ ହଜାର ଟଙ୍କା ଥିବା ସତ୍ତ୍ୱେ କେତେକ ମାସରେ କୋଟି କୋଟି ଟଙ୍କା ଟ୍ରାନ୍ଜାକ୍ସନ ହୋଇଥିବା ଅଡିଟ୍‌ ରିପୋର୍ଟରେ ଧରାପଡ଼ିଛି। ଗତବର୍ଷ ଅକ୍ଟୋବର ମାସରୁ ଏହି ଅନିୟମିତତା

ଚାଲିଥିବା ଅନୁମାନ କରାଯାଉଛି। ଘଟଣାର ସନ୍ଦେହ ତେବେ ସୃଷ୍ଟି ହୋଇଥିଲା, ଯେତେବେଳେ CDMO ଡାକ୍ତର ମଦନ ମୋହନ ପ୍ରଧାନଙ୍କୁ ଏକ ଦାମି iPhone ଉପହାର ଦିଆଯାଇଥିଲା। ଏହା ପରେ ଘଟଣାର ଖୋଜଖବର ଆରମ୍ଭ

ହୋଇଥିଲା। ପରେ ଟାଉନ ଥାନାରେ ଲିଖିତ ଅଭିଯୋଗ ଦାଖଲ ହୋଇଥିଲା ଏବଂ ମାମଲାଟି ଭିଜିଲାନ୍ସଙ୍କୁ ହସ୍ତାନ୍ତର କରାଯାଇଥିଲା। ତଦନ୍ତ ସମୟରେ କିଛି ଡାକ୍ତର ଓ ନର୍ସଙ୍କ ଖାତାକୁ ମଧ୍ୟ ଅସାମାନ୍ୟ ଟଙ୍କା ଯାଇଥିବା

ସୂଚନା ମିଳିଛି। ତିନି ମାସ ଧରି ଫେରାର ଥିବା ଅଭିଯୁକ୍ତଙ୍କୁ ଭିଜିଲାନ୍ସ ଗତକାଲି ଗିରଫ କରି କଟକ ଭିଜିଲାନ୍ସ କାର୍ଯ୍ୟାଳୟକୁ ନେଇଛି। ଏହା ସହିତ ଅନୁଗୁଳ ଓ କଟକର ତିନୋଟି ଭିଜିଲାନ୍ସ ଟିମ

ତାଙ୍କ ବାସଭବନ ସହ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛନ୍ତି। ଏହି ମାମଲାରେ ଆଉ କେହି କେହି ଜଡିତ ଅଛନ୍ତି କି ନାହିଁ, ତାହା ତଦନ୍ତ ପରେ ସ୍ପଷ୍ଟ ହେବ।