ఆదిలాబాద్ జిల్లాలో మాదకద్రవ్యాల నిర్మూలనకు విస్తృత కృషి జరుగుతోంది. జూన్ 24న ఆదిలాబాద్ వన్‌టౌన్ పోలీస్ స్టేషన్ ఎదురుగా ఏర్పాటు చేసిన “వాల్ ఆఫ్ ప్రామిస్” సంతకాల సేకరణ కార్యక్రమంలో జిల్లా ఎస్పీ అఖిల్ మహాజన్ ఐపీఎస్ స్వయంగా పాల్గొని సంతకం చేశారు. ఈ సందర్భంగా ఆయన గంజాయికి దూరంగా ఉంటానని, గంజాయి రహిత ఆదిలాబాద్ జిల్లా నిర్మాణానికి కృషి చేస్తానని ప్రతిజ్ఞ చేశారు. డ్రగ్స్, గంజాయి వంటి మాదక ద్రవ్యాల వినియోగాన్ని అరికట్టేందుకు జిల్లావ్యాప్తంగా అన్ని పోలీస్ స్టేషన్‌ల వద్ద ప్రత్యేక సంతకాల సేకరణ కార్యక్రమాలు నిర్వహిస్తున్నట్లు ఎస్పీ తెలిపారు. ఈ కార్యక్రమంలో పాఠశాల విద్యార్థులు, యువత, ప్రజలు, ప్రజాప్రతినిధులు, పోలీసు అధికారులు పెద్ద సంఖ్యలో పాల్గొని డ్రగ్స్‌కు వ్యతిరేకంగా తమ మద్దతును తెలియజేశారు. యువత భవిష్యత్తును నాశనం చేస్తున్న డ్రగ్స్‌పై సమాజమంతా కలిసి పోరాడాలని, డ్రగ్స్ లేని ఆరోగ్యకరమైన సమాజ నిర్మాణానికి ప్రతి ఒక్కరూ బాధ్యతగా వ్యవహరించాలని ఎస్పీ పిలుపునిచ్చారు. “వాల్ ఆఫ్ ప్రామిస్”పై సంతకం చేసిన ప్రతి ఒక్కరూ గంజాయి రహిత సమాజ నిర్మాణానికి పోరాడాలని, గంజాయి బారిన పడిన వారి సమాచారం లేదా గంజాయిపై ఉన్న ఏదైనా సమాచారాన్ని పోలీసులకు తెలియజేయాలని ఆయన సూచించారు. డ్రగ్స్, గంజాయి బారిన పడిన యువతకు సరైన చికిత్స, పునరావాస కేంద్రాల ద్వారా సాధారణ జీవితం గడిపేలా పోలీసు యంత్రాంగం కృషి చేస్తుందని పేర్కొన్నారు. తల్లిదండ్రులు కూడా డ్రగ్స్‌కు అలవాటు పడిన వారిని చికిత్స కేంద్రాలకు తరలించి వైద్యం అందించాలని కోరారు. ఈ సందర్భంగా, యాంటీ డ్రగ్స్ సోల్జర్ గా పోరాడుతామని ప్రతిజ్ఞ చేస్తూ ఏర్పాటు చేసిన ఛాయాచిత్ర కేంద్రం వద్ద ఫోటోలు దిగి వాటిని తమ సామాజిక మాధ్యమాలలో పంచుకోవాలని ఎస్పీ సూచించారు. మీడియా ప్రతినిధులు, విద్యార్థులు కూడా ఉత్సాహంగా పాల్గొని పోరాడుతామని సంతకాలు చేసి, ఛాయాచిత్రాలు తీసుకున్నారు. ఈ కార్యక్రమంలో ఆదిలాబాద్ డిఎస్పి ఎల్ జీవన్ రెడ్డి, వన్ టౌన్ ఇన్స్పెక్టర్ బి సునీల్ కుమార్, ఇన్స్పెక్టర్లు కె ఫణిదర్, ప్రణయ్ కుమార్, ఎస్ఐలు అశోక్, సంజయ్ తో పాటు ఇతర సిబ్బంది పాల్గొన్నారు.

M.RAJKIRAN REDDY

Adilabad Urban, Telangana•

3 hrs ago

ఆదిలాబాద్ జిల్లాలో మాదకద్రవ్యాల నిర్మూలనకు విస్తృత కృషి జరుగుతోంది. జూన్ 24న ఆదిలాబాద్ వన్‌టౌన్ పోలీస్ స్టేషన్ ఎదురుగా ఏర్పాటు చేసిన “వాల్ ఆఫ్ ప్రామిస్” సంతకాల సేకరణ కార్యక్రమంలో జిల్లా ఎస్పీ అఖిల్ మహాజన్ ఐపీఎస్ స్వయంగా పాల్గొని సంతకం చేశారు. ఈ సందర్భంగా ఆయన గంజాయికి దూరంగా ఉంటానని, గంజాయి రహిత ఆదిలాబాద్ జిల్లా నిర్మాణానికి కృషి చేస్తానని ప్రతిజ్ఞ చేశారు. డ్రగ్స్, గంజాయి వంటి మాదక ద్రవ్యాల వినియోగాన్ని అరికట్టేందుకు జిల్లావ్యాప్తంగా అన్ని పోలీస్ స్టేషన్‌ల వద్ద ప్రత్యేక సంతకాల సేకరణ కార్యక్రమాలు నిర్వహిస్తున్నట్లు ఎస్పీ తెలిపారు. ఈ కార్యక్రమంలో పాఠశాల విద్యార్థులు, యువత, ప్రజలు, ప్రజాప్రతినిధులు, పోలీసు అధికారులు పెద్ద సంఖ్యలో పాల్గొని డ్రగ్స్‌కు వ్యతిరేకంగా తమ మద్దతును తెలియజేశారు. యువత భవిష్యత్తును నాశనం చేస్తున్న డ్రగ్స్‌పై సమాజమంతా కలిసి పోరాడాలని, డ్రగ్స్ లేని ఆరోగ్యకరమైన సమాజ నిర్మాణానికి ప్రతి ఒక్కరూ బాధ్యతగా వ్యవహరించాలని ఎస్పీ పిలుపునిచ్చారు. “వాల్ ఆఫ్ ప్రామిస్”పై సంతకం చేసిన ప్రతి ఒక్కరూ గంజాయి రహిత సమాజ నిర్మాణానికి పోరాడాలని, గంజాయి బారిన పడిన వారి సమాచారం లేదా గంజాయిపై ఉన్న ఏదైనా సమాచారాన్ని పోలీసులకు తెలియజేయాలని ఆయన సూచించారు. డ్రగ్స్, గంజాయి బారిన పడిన యువతకు సరైన చికిత్స, పునరావాస కేంద్రాల ద్వారా సాధారణ జీవితం గడిపేలా పోలీసు యంత్రాంగం కృషి చేస్తుందని పేర్కొన్నారు. తల్లిదండ్రులు కూడా డ్రగ్స్‌కు అలవాటు పడిన వారిని చికిత్స కేంద్రాలకు తరలించి వైద్యం అందించాలని కోరారు. ఈ సందర్భంగా, యాంటీ డ్రగ్స్ సోల్జర్ గా పోరాడుతామని ప్రతిజ్ఞ చేస్తూ ఏర్పాటు చేసిన ఛాయాచిత్ర కేంద్రం వద్ద ఫోటోలు దిగి వాటిని తమ సామాజిక మాధ్యమాలలో పంచుకోవాలని ఎస్పీ సూచించారు. మీడియా ప్రతినిధులు, విద్యార్థులు కూడా ఉత్సాహంగా పాల్గొని పోరాడుతామని సంతకాలు చేసి, ఛాయాచిత్రాలు తీసుకున్నారు. ఈ కార్యక్రమంలో ఆదిలాబాద్ డిఎస్పి ఎల్ జీవన్ రెడ్డి, వన్ టౌన్ ఇన్స్పెక్టర్ బి సునీల్ కుమార్, ఇన్స్పెక్టర్లు కె ఫణిదర్, ప్రణయ్ కుమార్, ఎస్ఐలు అశోక్, సంజయ్ తో పాటు ఇతర సిబ్బంది పాల్గొన్నారు.