Shuru
Apke Nagar Ki App…
येवता येथील जि. प.मा. शाळेत शाळा व्यवस्थापन समिती निवडीवरून वाद; मुख्याध्यापिकेवर मनमानीचा आरोप करत पालकांची प्रशासनाकडे तक्रार बेकायदेशीर निवड रद्द करून पुनर्निवड घेण्याची मागणी चौकशी करून कारवाई न झाल्यास आमरण उपोषण व आंदोलनाचा पालकांचा इशारा गटशिक्षणाधिकारी, शिक्षणाधिकारी, मुख्य कार्यकारी अधिकारी आणि जिल्हाधिकाऱ्यांना दिले निवेदन केज / प्रतिनिधी: केज तालुक्यातील येवता येथील जिल्हा परिषद माध्यमिक शाळेतील शाळा व्यवस्थापन समिती (SMC) निवडीवरून मोठा वाद उफाळून आला आहे. संबंधित शाळेच्या मुख्याध्यापिकेने पालकांना विश्वासात न घेता व सर्व नियमांना धाब्यावर बसवून मनमानी पद्धतीने समितीची निवड केल्याचा गंभीर आरोप संतप्त पालकांनी केला आहे. या प्रकरणी पालकांनी एकत्र येत गटशिक्षणाधिकारी (पंचायत समिती, केज), जिल्हाधिकारी कार्यालय, मुख्य कार्यकारी अधिकारी (जि. प. बीड) व प्राथमिक शिक्षण विभाग यांच्याकडे लेखी तक्रार दाखल केली आहे. नेमकी घटना काय? (तक्रारीतील सविस्तर विश्लेषण) प्राप्त तक्रारीनुसार, दिनांक १२ सप्टेंबर २०२६ रोजी सकाळी १०:०० वाजता जि. प. माध्यमिक. शाळा येवता येथे नवीन शाळा व्यवस्थापन समितीच्या निवडीसाठी पालकांची बैठक बोलवण्यात आली होती. मात्र, या बैठकीत जमलेल्या पालकांचे म्हणणे विचारात न घेता मुख्याध्यापिकेने स्वतःच्या अधिकारांचा गैरवापर करून एकतर्फी निर्णय लादल्याचा आरोप करण्यात आला आहे. पालकांनी निवेदनात केलेले मुख्य आरोप: गैरहजर महिलांची निवड: प्रत्यक्ष बैठकीस उपस्थित नसलेल्या महिला सदस्यांची परस्पर आणि अनधिकृतपणे समितीत निवड करण्यात आली. पालकांच्या संमतीला डावलणे: खुल्या प्रवर्गातील पालक प्रत्यक्ष हजर असताना इयत्ता ७ वीच्या वर्गातील विद्यार्थ्यांचे पालक हरी शहाजी गायकवाड यांची निवड करावी, अशी उपस्थित पालकांची एकमुखाने मागणी व संमती होती. मात्र, मुख्याध्यापिकेने कायदेशीर तरतुदींचा चुकीचा अर्थ लावून "तुम्ही खुल्या प्रवर्गातील सदस्य पदाची मागणी करू शकत नाही" असे सांगत पालकांची मागणी फेटाळली. गैरहजर व्यक्तींची परस्पर निवड: बैठकीला उपस्थित नसलेल्या गावातील व्यक्तींची बेकायदेशीररीत्या परस्पर नावे समाविष्ट करण्यात आली. पूर्वीच्या निवडींवरही प्रश्नचिन्ह: यापूर्वीही अशाच प्रकारे खोटे-नाटे प्रकार करून अध्यक्षांची निवड करण्यात आली असल्याच्या अनेक तक्रारी प्रलंबित असल्याचा उल्लेख पालकांनी केला आहे. पालकांच्या प्रमुख मागण्या: बेकायदेशीर आणि अनधिकृतपणे घोषित केलेली शाळा व्यवस्थापन समिती तात्काळ रद्द करण्यात यावी. संबंधित शाळेच्या मुख्याध्यापिकेची सखोल चौकशी करून त्यांच्यावर प्रशासकीय व कायदेशीर कारवाई करण्यात यावी. शाळेतील सर्व विद्यार्थ्यांच्या पालकांची पुन्हा रीतसर बैठक घेऊन पारदर्शक पद्धतीने नवीन समितीची निवड केली जावी. पुनर्निवडीच्या वेळी मुख्याध्यापिकेव्यतिरिक्त इतर त्रयस्थ शिक्षण अधिकाऱ्यांच्या उपस्थितीत ही प्रक्रिया पार पाडली जावी. तीव्र आंदोलनाचा व उपोषणाचा इशारा शाळा प्रशासनाने पालकांच्या मागणीकडे दुर्लक्ष करून तात्काळ न्याय न दिल्यास विद्यार्थ्यांच्या पालकांच्या वतीने आमरण उपोषण, निदर्शने व संबंधित कार्यालयांना घेराव घालण्याचा इशारा देण्यात आला आहे. यामुळे उद्भवणाऱ्या कायदा व सुव्यवस्थेच्या सर्व परिस्थितीला गटशिक्षणाधिकारी व प्रशासन जबाबदार राहील, असा स्पष्ट इशाराही पालकांनी दिला आहे. तक्रार अर्जावर सही करणारे पालक: या तक्रार निवेदनावर हरी शहाजी गायकवाड, मिठू लक्ष्मण सरवदे, दिलीप लक्ष्मण जाधव, वैजीनाथ काशिनाथ जाधव, दिनेश भिमराव शिंदे, अमोल मधुकर गायकवाड, बाबासाहेब यशवंत गायकवाड आदी पालकांच्या सह्या आहेत. प्रशासकीय हालचालींकडे लक्ष: सदर तक्रारीची प्रत जिल्हाधिकारी बीड, मुख्य कार्यकारी अधिकारी (जि. प. बीड) आणि जिल्हा प्राथमिक शिक्षणाधिकारी यांना पाठवण्यात आली असून, संबंधित विभागांकडून यावर काय पावले उचलली जातात आणि गटशिक्षणाधिकारी केज यावर काय कारवाई करतात, याकडे संपूर्ण गावाचे व शैक्षणिक वर्तुळाचे लक्ष लागले आहे. लाईव्ह अशोका टाईम्स – सत्य आणि निर्भीड बातमी
लाईव्ह अशोका टाईम्स
येवता येथील जि. प.मा. शाळेत शाळा व्यवस्थापन समिती निवडीवरून वाद; मुख्याध्यापिकेवर मनमानीचा आरोप करत पालकांची प्रशासनाकडे तक्रार बेकायदेशीर निवड रद्द करून पुनर्निवड घेण्याची मागणी चौकशी करून कारवाई न झाल्यास आमरण उपोषण व आंदोलनाचा पालकांचा इशारा गटशिक्षणाधिकारी, शिक्षणाधिकारी, मुख्य कार्यकारी अधिकारी आणि जिल्हाधिकाऱ्यांना दिले निवेदन केज / प्रतिनिधी: केज तालुक्यातील येवता येथील जिल्हा परिषद माध्यमिक शाळेतील शाळा व्यवस्थापन समिती (SMC) निवडीवरून मोठा वाद उफाळून आला आहे. संबंधित शाळेच्या मुख्याध्यापिकेने पालकांना विश्वासात न घेता व सर्व नियमांना धाब्यावर बसवून मनमानी पद्धतीने समितीची निवड केल्याचा गंभीर आरोप संतप्त पालकांनी केला आहे. या प्रकरणी पालकांनी एकत्र येत गटशिक्षणाधिकारी (पंचायत समिती, केज), जिल्हाधिकारी कार्यालय, मुख्य कार्यकारी अधिकारी (जि. प. बीड) व प्राथमिक शिक्षण विभाग यांच्याकडे लेखी तक्रार दाखल केली आहे. नेमकी घटना काय? (तक्रारीतील सविस्तर विश्लेषण) प्राप्त तक्रारीनुसार, दिनांक १२ सप्टेंबर २०२६ रोजी सकाळी १०:०० वाजता जि. प. माध्यमिक. शाळा येवता येथे नवीन शाळा व्यवस्थापन समितीच्या निवडीसाठी पालकांची बैठक बोलवण्यात आली होती. मात्र, या बैठकीत जमलेल्या पालकांचे म्हणणे विचारात न घेता मुख्याध्यापिकेने स्वतःच्या अधिकारांचा गैरवापर करून एकतर्फी निर्णय लादल्याचा आरोप करण्यात आला आहे. पालकांनी निवेदनात केलेले मुख्य आरोप: गैरहजर महिलांची निवड: प्रत्यक्ष बैठकीस उपस्थित नसलेल्या महिला सदस्यांची परस्पर आणि अनधिकृतपणे समितीत निवड करण्यात आली. पालकांच्या संमतीला डावलणे: खुल्या प्रवर्गातील पालक प्रत्यक्ष हजर असताना इयत्ता ७ वीच्या वर्गातील विद्यार्थ्यांचे पालक हरी शहाजी गायकवाड यांची निवड करावी, अशी उपस्थित पालकांची एकमुखाने मागणी व संमती होती. मात्र, मुख्याध्यापिकेने कायदेशीर तरतुदींचा चुकीचा अर्थ लावून "तुम्ही खुल्या प्रवर्गातील सदस्य पदाची मागणी करू शकत नाही" असे सांगत पालकांची मागणी फेटाळली. गैरहजर व्यक्तींची परस्पर निवड: बैठकीला उपस्थित नसलेल्या गावातील व्यक्तींची बेकायदेशीररीत्या परस्पर नावे समाविष्ट करण्यात आली. पूर्वीच्या निवडींवरही प्रश्नचिन्ह: यापूर्वीही अशाच प्रकारे खोटे-नाटे प्रकार करून अध्यक्षांची निवड करण्यात आली असल्याच्या अनेक तक्रारी प्रलंबित असल्याचा उल्लेख पालकांनी केला आहे. पालकांच्या प्रमुख मागण्या: बेकायदेशीर आणि अनधिकृतपणे घोषित केलेली शाळा व्यवस्थापन समिती तात्काळ रद्द करण्यात यावी. संबंधित शाळेच्या मुख्याध्यापिकेची सखोल चौकशी करून त्यांच्यावर प्रशासकीय व कायदेशीर कारवाई करण्यात यावी. शाळेतील सर्व विद्यार्थ्यांच्या पालकांची पुन्हा रीतसर बैठक घेऊन पारदर्शक पद्धतीने नवीन समितीची निवड केली जावी. पुनर्निवडीच्या वेळी मुख्याध्यापिकेव्यतिरिक्त इतर त्रयस्थ शिक्षण अधिकाऱ्यांच्या उपस्थितीत ही प्रक्रिया पार पाडली जावी. तीव्र आंदोलनाचा व उपोषणाचा इशारा शाळा प्रशासनाने पालकांच्या मागणीकडे दुर्लक्ष करून तात्काळ न्याय न दिल्यास विद्यार्थ्यांच्या पालकांच्या वतीने आमरण उपोषण, निदर्शने व संबंधित कार्यालयांना घेराव घालण्याचा इशारा देण्यात आला आहे. यामुळे उद्भवणाऱ्या कायदा व सुव्यवस्थेच्या सर्व परिस्थितीला गटशिक्षणाधिकारी व प्रशासन जबाबदार राहील, असा स्पष्ट इशाराही पालकांनी दिला आहे. तक्रार अर्जावर सही करणारे पालक: या तक्रार निवेदनावर हरी शहाजी गायकवाड, मिठू लक्ष्मण सरवदे, दिलीप लक्ष्मण जाधव, वैजीनाथ काशिनाथ जाधव, दिनेश भिमराव शिंदे, अमोल मधुकर गायकवाड, बाबासाहेब यशवंत गायकवाड आदी पालकांच्या सह्या आहेत. प्रशासकीय हालचालींकडे लक्ष: सदर तक्रारीची प्रत जिल्हाधिकारी बीड, मुख्य कार्यकारी अधिकारी (जि. प. बीड) आणि जिल्हा प्राथमिक शिक्षणाधिकारी यांना पाठवण्यात आली असून, संबंधित विभागांकडून यावर काय पावले उचलली जातात आणि गटशिक्षणाधिकारी केज यावर काय कारवाई करतात, याकडे संपूर्ण गावाचे व शैक्षणिक वर्तुळाचे लक्ष लागले आहे. लाईव्ह अशोका टाईम्स – सत्य आणि निर्भीड बातमी
More news from महाराष्ट्र and nearby areas
- एल. आर. के. इंग्लिश स्कूलमध्ये मराठवाडा मुक्ती संग्राम दिन उत्साहात; जिल्हास्तरीय खेळाडूंचा मान्यवरांच्या हस्ते भव्य सत्कार एल. आर. के. इंग्लिश स्कूलमध्ये मराठवाडा मुक्ती संग्राम दिन उत्साहात; जिल्हास्तरीय खेळाडूंचा मान्यवरांच्या हस्ते भव्य सत्कार सोनपेठ (दर्शन) :- सोनपेठ येथील एल. आर. के. इंग्लिश स्कूलमध्ये मराठवाडा मुक्ती संग्राम दिन मोठ्या उत्साहात साजरा करण्यात आला. या निमित्ताने आयोजित सोहळ्यात सोनपेठचे नगरसेवक मा.अब्दुल रहेमान सौदागर यांच्या हस्ते मुख्य ध्वजारोहण अत्यंत सन्मानपूर्वक संपन्न झाले. त्यानंतर कार्यक्रमाची सुरुवात प्रतिमेचे पूजन करून करण्यात आले.याच कार्यक्रमाचे औचित्य साधून तालुकास्तरीय बुद्धीबळ आणि कॅरम स्पर्धेत अव्वल स्थान मिळवून जिल्हास्तरीय स्पर्धेसाठी पात्र ठरलेले खेळाडू जान्हवी अशोक रोडे, निनाद गोविंद वाकणकर, दिप उद्धव भोसले, अलफिया अतिक सय्यद, अर्शिया फारूक सय्यद, श्रेयस सतीश काटे, सार्थक संजय फपाळ, अनन्या रामेश्वर गव्हाणे.या सर्व विजेत्यांचे हनुमान शिक्षण प्रसारक मंडळाचे अध्यक्ष तथा नगराध्यक्ष मा.परमेश्वर भैय्या कदम, कोषाध्यक्ष मा. रामेश्वर कदम, उपाध्यक्षा सौ.ज्योतीताई कदम, संपादक किरण रमेश स्वामी व मान्यवरांच्या शुभहस्ते पुष्पगुच्छ देऊन विशेष स्वागत व कौतुक करण्यात आले.या सोहळ्याप्रसंगी शाळेच्या प्राचार्या सौ.पल्लवी यादव, प्राचार्य श्री. प्रशांत कांबळे, किड्स विभागाच्या प्राचार्या सौ.अनिता कंदे यांच्यासह सर्व शिक्षकवृंद आणि शिक्षकेतर कर्मचारी उपस्थित होते.3साप्ताहिक सोनपेठ दर्शन
- नांदेड रोडवर चालत्या कारवर वडाचे झाड कोसळले; चालक सुखरूप, कारचे मोठे नुकसान. नांदेड रोडवर चालत्या कारवर वडाचे झाड कोसळले; चालक सुखरूप, कारचे मोठे नुकसान. सुरू ॲप इन मराठी न्यूज लातूर. गुरुवार दिनांक 17 सप्टेंबर 2026. नांदेड रोडवरील कृपासदन शाळा परिसरात बुधवार दिनांक 16 सप्टेंबर 2026 रोजी एक मोठी दुर्घटना टळली. रस्त्यावरून जात असलेल्या एका चालत्या कारवर अचानक रस्त्याच्या कडेला असलेले जुने वडाचे झाड कोसळले. या अपघातात कारचे मोठे नुकसान झाले असले, तरी सुदैवाने कारचालक यातून सुखरूप बचावला आहे. मिळालेल्या माहितीनुसार, नांदेड रोडवरील कृपासदन परिसराकडून एक कार (क्रमांक एमएच 02 इझेड 2579) शहराच्या दिशेने जात होती. कार कृपासदन शाळेजवळ आली असता, अचानक रस्त्याच्या बाजूला असलेले एक भलेमोठे वडाचे झाड चालत्या कारच्या पुढील भागावर कोसळले. झाड पडल्याचा जोरदार आवाज झाल्याने परिसरातील नागरिकांनी तत्काळ घटनास्थळी धाव घेतली. नागरिकांनी प्रसंगावधान राखून कारमध्ये अडकलेल्या चालकाला सुखरूप बाहेर काढले. झाड थेट कारच्या बोनेटवर व टपाच्या समोरील भागावर पडल्याने कारचे मोठ्या प्रमाणावर नुकसान झाले आहे. मात्र, सुदैवाने कोणतीही जीवितहानी झाली नाही. वाहतूक विस्कळीत. मुख्य रस्त्यावरच झाड कोसळल्यामुळे नांदेड रोडवरील वाहतूक काही काळ पूर्णपणे ठप्प झाली होती. घटनेची माहिती मिळताच महापालिका प्रशासन आणि आपत्ती व्यवस्थापन पथकाने घटनास्थळी पोहोचून रस्ता साफ करण्याचे काम सुरू केले. क्रेन आणि कटरच्या साहाय्याने झाडाच्या फांद्या बाजूला करून वाहतूक पूर्ववत करण्यात आली. जुनी झाडे हटवण्याची मागणी या परिसरात रस्त्याच्या कडेला असलेली अनेक झाडे अत्यंत जुनी व धोकादायक झाली आहेत. प्रशासनाने अशा धोकादायक झाडांची त्वरित पाहणी करून ती हटवावीत, जेणेकरून भविष्यात अशा घटना पुनरावृत्त होणार नाहीत, अशी मागणी स्थानिक नागरिकांनी व वाहनधारकांनी केली आहे.4Nitin Chalak
- दिव्यांग व्यक्ती तपासणीची होत आहे गैरसोय.!! तपासणीसाठी उपकरणे,विशेषतज्ञ लातूरला मग तपासणी देखावे येथे कशाला?? निलंगा उपजिल्हा रुग्णालयात दिव्यांग व्यक्तींची होत आहे गैरसोय..!! तपासणी टीम चे वेळ निश्चित नाही!! महिन्यातून दोन दिवस निलंगा तालुक्यातील दिव्यांगाना तपासाला यायला सुद्धा विशेषतज्ञाना वेळ नाही?1सुरज हादवे
- ST आरक्षणासाठी परभणीत महामोर्चाची हाक; धनगर समाज बांधवांनी मोठ्या संख्येने सहभागी व्हावे – सुरेश भुमरे ST आरक्षणासाठी परभणीत महामोर्चाची हाक; धनगर समाज बांधवांनी मोठ्या संख्येने सहभागी व्हावे – सुरेश भुमरे1Sayad Jamil
- “ही शेवटची भेट असू शकते… पण हार मानायची नाही!”; जरांगे पाटील मुंबईकडे निघताना कुटुंबीयांच्या डोळ्यांत अश्रू “ही शेवटची भेट असू शकते… पण हार मानायची नाही!”; जरांगे पाटील मुंबईकडे निघताना कुटुंबीयांच्या डोळ्यांत अश्रू “या बहिणीच्या डोळ्यांतील अश्रू सरकारला दिसत नाहीत का?”; पत्नी सौमित्रा यांची भावनिक साद अंतरवाली सराटी | ओमप्रकाश उढाण मराठा आरक्षणाच्या मागणीसाठी सुरू असलेल्या आंदोलनाच्या पार्श्वभूमीवर मनोज जरांगे पाटील आज मंगळवारी मुंबईच्या दिशेने रवाना झाले. मात्र मुंबईकडे निघण्यापूर्वी कुटुंबीयांची घेतलेली भेट अत्यंत भावनिक ठरली. जरांगे पाटील यांना निरोप देण्यासाठी त्यांचे कुटुंबीय रस्त्यावर आले होते. या भेटीच्या वेळी कुटुंबातील प्रत्येकाच्या डोळ्यांत अश्रू तरळले आणि स्वतः जरांगे पाटील यांनाही अश्रू अनावर झाले. कालच्या पत्रकार परिषदेतही जरांगे पाटील भावूक झाले होते. “ही माझी शेवटची भेट असू शकते; पण हार मानायची नाही. जातवान लढा, समाजाची हार होऊ देऊ नका,” असे आवाहन त्यांनी समाजाला केले होते. त्यांच्या या शब्दांची छाया आज कुटुंबीयांच्या निरोपाच्या क्षणीही स्पष्टपणे जाणवली. जरांगे पाटील यांनी आपल्या भूमिकेवर ठाम राहत, “मेला पण शरण नाही गेला, असा संदेश समाजात गेला पाहिजे. छातीवर गोळ्या घेतल्या, पळून नाही गेला, असे वाटले पाहिजे,” अशी भावना व्यक्त केली. तसेच, “जोपर्यंत मी जगेन, तोपर्यंत झुंज देतो. माझ्या आंदोलनाला पाठिंबा म्हणून गावागावात शांतता फेऱ्या काढा,” असे आवाहनही त्यांनी केले. आपल्या संघर्षाची भूमिका स्पष्ट करताना त्यांनी, “दगा-फटका कधी कुणासोबत होईल सांगता येत नाही. संकट कितीही आले आणि शत्रू कितीही मोठा असला तरी मी छत्रपती शिवाजी महाराजांचा मावळा आहे,” असे ठामपणे सांगितले. पत्नी सौमित्रा यांची अमृता फडणवीस यांना भावनिक साद दरम्यान, मनोज जरांगे पाटील आणि अमृता फडणवीस यांच्यात गेल्या काही दिवसांपासून बहीण-भाऊ या नात्याचा उल्लेख होत असताना आता जरांगे पाटील यांच्या पत्नी सौमित्रा यांनीही भावनिक साद घातली आहे. “पाटलाच्या कुटुंबीयांची अवस्था पाहूनही सरकारला पाझर फुटत नसेल, तर महाराष्ट्रातील माय-बहिणींना ‘लाडकी बहीण’ म्हणण्याचा सरकारला अधिकार नाही. सरकारला या बहिणीच्या डोळ्यांतील अश्रू दिसत नाहीत का?” असा भावनिक सवाल या निमित्ताने उपस्थित करण्यात आला. मुंबईकडे रवाना होताना पतीला निरोप देताना पत्नीच्या डोळ्यांत तरळलेले अश्रू आणि कुटुंबीयांच्या चेहऱ्यावर दिसणारी चिंता पाहून उपस्थितांचेही मन हेलावून गेले. संघर्षाच्या वाटेवर निघालेल्या एका पतीला, वडिलांना आणि कुटुंबप्रमुखाला निरोप देतानाचा हा क्षण अनेकांच्या डोळ्यांत पाणी आणणारा ठरला. एका बाजूला आरक्षणासाठीचा संघर्ष आणि दुसऱ्या बाजूला कुटुंबीयांच्या डोळ्यांत दाटलेले अश्रू… जरांगे पाटील यांच्या मुंबईकडे रवाना होण्याचा हा क्षण आंदोलनाच्या इतिहासातील अत्यंत भावनिक क्षण ठरला आहे. “वापस आलो नाही, तर समाजाला दोष देऊ नका…”; कुटुंबीयांशी भावनिक संवाद साधत जरांगे पाटलांची मुंबईकडे कुच.. मराठा आरक्षणाच्या मागणीसाठी आंदोलनाचे नेते मनोज जरांगे पाटील यांनी आज, १५ सप्टेंबर रोजी मुंबईच्या दिशेने कुच केली. मुंबईकडे रवाना होण्यापूर्वी त्यांनी कुटुंबीयांशी भावनिक संवाद साधला. यावेळी बोलताना जरांगे पाटील म्हणाले, “वापस आलो नाही, तर समाजाला दोष देऊ नका. लेकरांना कुणाच्या दारात जाऊ देऊ नका. गरज पडली तर रान विकून मुलीचं लग्न करा…” त्यांच्या या भावनिक शब्दांमुळे उपस्थित वातावरण गंभीर झाले.3पत्रकार ओमप्रकाश उढाण
- शेतकऱ्यांची व्यथा मुलाने साडी नेसून म्हशीचे दूध काढण्याचा केला प्रयत्न आई वडील काही कामानिमित्त गावी गेले असता म्हैस दूध देत नाही हे पाहून. मुलांनी रोज आई दूध कशी काढते. याचा विचार करून साडी नेसून काढण्याचा प्रयत्न केला .पण तो फेल झाला .ही व्यथा जरी हसण्यासारखी असली तरी याच्यातून शेतकऱ्याची व्यथा नक्की करते1प्रताप शेळके
- तेली गल्लीत दोनदा खांदून ही लिकेज सापडेना, नगर परिषद चा अजब कारभार ! :- शेख युनूस तेली गल्लीत दोनदा खांदून ही लिकेज सापडेना, नगर परिषद चा अजब कारभार ! :- शेख युनूस बीड (प्रतिनिधी) बीड शहरातील तेली गल्लीत नगर परिषद च्या भोंगळा कारभाराचा आणखी एक नमुना समोर आला आहे. गेल्या वर्षभरापासून सुरू असलेल्या पाण्याच्या लिकेजसाठी नगरपरिषद ने दोनदा रस्ता खोदला, मात्र लिकेज नेमके कुठे आहे हे सापडले नाही. स्थानिक नागरिकांनी सांगितले की, पाण्याची पाईपलाईन फुटल्याने हजारो लिटर दररोज पाणी वाया जात आहे. तक्रार केल्यानंतर नगरपरिषद ने उशिरा दखल घेतली. आणि जेसीपी लावून रस्ता खोदला. पहिल्यांदा खोदून लिकेज सापडले नाही, म्हणून माती टाकून बुजवले. पुन्हा दुसऱ्यांदा त्याच ठिकाणी खोदले गेले, तरीही लिकेज सापडले नाही. तेली गल्लीतील संपूर्ण रस्ता चिखलमय आणि खड्डेमय झाला आहे. नागरिकांना ये- जा करण्यासाठी मोठा त्रास सहन करावा लागत आहे. आणि तिथे मज्जिद असल्यामुळे लोकांना घाण पाण्यातून जावे लागत आहे. गाड्यांची पाणी लोकांच्या अंगावर जात असून, शाळकरी मुळे यांना पण खूप त्रास सहन करावा लागत आहे. दोनदा खोदकाम करून सुद्धा नगरपरिषद चा पैसा आणि वेळ दोन्ही वाया गेला. हा कसला कारभार? लिकेज शोधण्यासाठी नगरपरिषद कडे एक्सपर्ट टीम नाही का? ते अंदाजे खोदकाम करून बिल काढायचे काम करत आहे का ? असा सवाल सामाजिक कार्यकर्ते तथा पत्रकार शेख युनूस यांनी केला. पुढे ते म्हणाले की, नगर परिषद ने तात्काळ तज्ञ अभियंता यांना पाठवून लिकेज शोधून काढावे व लिकेज दुरुस्ती करून खराब झालेला रस्ता तात्काळ दुरुस्त करावा अशी मागणी नागरिककडूनही केली जात आहे.1बालाजी जगतकर
- आंबेडकर जयंती मिरवणूक मार्गावरील घाण पाण्याच्या मुद्द्यावर आंदोलन; आत्मदहनाचा इशारा दिल्यानंतर धम्मानंद वाघमारे पोलिसांच्या ताब्यात आंबेडकर जयंती मिरवणूक मार्गावरील घाण पाण्याच्या मुद्द्यावर आंदोलन; आत्मदहनाचा इशारा दिल्यानंतर धम्मानंद वाघमारे पोलिसांच्या ताब्यात बीड | प्रतिनिधी बीड शहरातील डॉ. बाबासाहेब आंबेडकर जयंती मिरवणूक मार्गावर नालीचे दूषित पाणी सोडल्याच्या कथित घटनेप्रकरणी संबंधितांवर कारवाई करण्याच्या मागणीसाठी आंदोलन करणारे दलित पँथरचे बीड जिल्हाध्यक्ष धम्मानंद वाघमारे यांना पोलिसांनी ताब्यात घेतले. जिल्हाधिकारी कार्यालयासमोर हे आंदोलन सुरू होते. प्रशासनाकडून मागण्यांवर कारवाई न झाल्यास मुख्यमंत्री व उपमुख्यमंत्र्यांसमोर १७ सप्टेंबर रोजी आत्मदहन आंदोलन करण्याचा इशारा वाघमारे यांनी निवेदनातून दिला होता. १४ एप्रिल २०२६ रोजी डॉ. बाबासाहेब आंबेडकर जयंतीनिमित्त बीड शहरातून मिरवणूक काढण्यात आली होती. या मिरवणूक मार्गावर नालीचे दूषित व घाण पाणी सोडण्यात आल्याचा आरोप धम्मानंद वाघमारे यांनी केला आहे. या प्रकारामुळे आंबेडकर अनुयायांच्या भावना दुखावल्याचे त्यांनी निवेदनात म्हटले आहे. या प्रकरणी बीड नगरपरिषदेचे मुख्याधिकारी, उपनगराध्यक्ष, स्वच्छता सभापती आणि बांधकाम सभापती यांच्याविरोधात पोलिसांकडे तक्रार करण्यात आल्याचे निवेदनात नमूद आहे. तक्रार करून सुमारे सहा महिने उलटूनही संबंधितांवर कायदेशीर कारवाई झालेली नसल्याचा आरोप आंदोलकांनी केला आहे. अॅट्रॉसिटी कायद्यान्वये गुन्हा दाखल करण्याची मागणी घाण पाणी सोडण्यास जबाबदार असलेल्या अधिकारी व लोकप्रतिनिधींवर अनुसूचित जाती-जमाती अत्याचार प्रतिबंधक कायद्यान्वये (अॅट्रॉसिटी अॅक्ट) गुन्हा दाखल करावा, तसेच कर्तव्यात कसूर करणाऱ्या संबंधित अधिकारी व लोकप्रतिनिधींचे राजीनामे घेण्यात यावेत, अशी मागणी वाघमारे यांनी केली आहे. प्रशासनाने १६ सप्टेंबरपर्यंत कारवाई न केल्यास १७ सप्टेंबर रोजी मुख्यमंत्री व उपमुख्यमंत्र्यांसमोर आत्मदहन आंदोलन करण्याचा इशारा निवेदनातून देण्यात आला होता. त्यानंतर जिल्हाधिकारी कार्यालयासमोर आंदोलन सुरू असताना पोलिसांनी धम्मानंद वाघमारे यांना ताब्यात घेतले. दरम्यान, या प्रकरणातील आरोपांची अधिकृत चौकशी करून दोषींवर कायदेशीर कारवाई करावी, अशी मागणी आंदोलकांकडून करण्यात आली आहे. पोलिसांनी वाघमारे यांना कोणत्या कारणास्तव ताब्यात घेतले आणि त्यांच्यावर कोणती कारवाई करण्यात आली, याबाबत अधिकृत माहिती उपलब्ध होणे अपेक्षित आहे.1बालाजी जगतकर
