పొన్నూరులో కూరగాయల ధరల గందరగోళం..! . పొన్నూరులో కూరగాయల ధరల గందరగోళం..! బోర్డుపై ఒక రేటు అమ్మేది మరో రేటు పట్టించుకోని అధికారులు.. సామాన్యుడి ఆవేదన గుంటూరు జిల్లా పొన్నూరు టౌన్‌లో కూరగాయల ధరలు రోజురోజుకు పెరుగుతూ సామాన్య ప్రజలకు భారంగా మారుతున్నాయి. ముఖ్యంగా రైతు బజార్లలో బోర్డులపై ప్రదర్శిస్తున్న ధరలు ఒకలా ఉండగా, వినియోగదారులకు అమ్ముతున్న ధరలు మరోలా ఉండటంపై ప్రజల్లో తీవ్ర అసంతృప్తి వ్యక్తమవుతోంది. మార్కెట్ వర్గాల సమాచారం ప్రకారం ప్రస్తుతం ఉల్లిపాయలు కిలో రూ.25 నుంచి రూ.57 వరకు, టమాటా రూ.24 నుంచి రూ.48 వరకు, బంగాళదుంప రూ.25 నుంచి రూ.47 వరకు విక్రయిస్తున్నారు. వంకాయ, బెండకాయ, క్యారెట్ వంటి కూరగాయల ధరలు కూడా భారీగా పెరిగాయి. అయితే రైతు బజార్లలో తక్కువ ధరలకు కూరగాయలు అందిస్తున్నామని బోర్డులపై ప్రదర్శిస్తున్నప్పటికీ, వాస్తవానికి వినియోగదారుల నుంచి అధిక ధరలు వసూలు చేస్తున్నారనే ఆరోపణలు వినిపిస్తున్నాయి. బోర్డు మీద ఒక రేటు..చేతిలో తూకం వేసేటప్పుడు మరో రేటు అంటూ మహిళలు ఆవేదన వ్యక్తం చేస్తున్నారు. కొంతమంది వ్యాపారులు అధికారుల పర్యవేక్షణ లేకపోవడాన్ని ఆసరాగా తీసుకుని ఇష్టారాజ్యంగా వ్యవహరిస్తున్నారని వినియోగదారులు ఆరోపిస్తున్నారు. రైతు బజార్‌లో ధరల నియంత్రణ, నాణ్యత తనిఖీలు, తూకాల పరిశీలన వంటి అంశాలను పర్యవేక్షించాల్సిన అధికారులు మాత్రం చూసీ చూడనట్లు వ్యవహరిస్తున్నారని ప్రజలు విమర్శిస్తున్నారు. ఇక పొన్నూరు మెయిన్ రోడ్డు, బజార్ ప్రాంతాల్లోని రిటైల్ దుకాణాల్లో ధరలు రైతు బజార్ కంటే మరింత అధికంగా ఉండటంతో సామాన్య, మధ్యతరగతి కుటుంబాలు తీవ్ర ఇబ్బందులు ఎదుర్కొంటున్నాయి. రోజురోజుకు పెరుగుతున్న కూరగాయల ధరలు, రైతు బజార్లలో జరుగుతున్న ధరల గందరగోళంపై జిల్లా అధికారులు వెంటనే స్పందించి ప్రత్యేక తనిఖీలు నిర్వహించాలని ప్రజలు కోరుతున్నారు.

Raju Paragati

అమరావతి, పల్నాడు, ఆంధ్రప్రదేశ్•

2 hrs ago

పొన్నూరులో కూరగాయల ధరల గందరగోళం..! . పొన్నూరులో కూరగాయల ధరల గందరగోళం..! బోర్డుపై ఒక రేటు అమ్మేది మరో రేటు పట్టించుకోని అధికారులు.. సామాన్యుడి ఆవేదన గుంటూరు జిల్లా పొన్నూరు టౌన్‌లో కూరగాయల ధరలు రోజురోజుకు పెరుగుతూ సామాన్య ప్రజలకు భారంగా మారుతున్నాయి. ముఖ్యంగా రైతు బజార్లలో బోర్డులపై ప్రదర్శిస్తున్న ధరలు ఒకలా ఉండగా, వినియోగదారులకు అమ్ముతున్న ధరలు మరోలా ఉండటంపై ప్రజల్లో తీవ్ర అసంతృప్తి వ్యక్తమవుతోంది. మార్కెట్ వర్గాల సమాచారం ప్రకారం ప్రస్తుతం ఉల్లిపాయలు కిలో రూ.25 నుంచి రూ.57 వరకు, టమాటా రూ.24 నుంచి రూ.48 వరకు, బంగాళదుంప రూ.25 నుంచి రూ.47 వరకు విక్రయిస్తున్నారు. వంకాయ, బెండకాయ, క్యారెట్ వంటి కూరగాయల ధరలు కూడా భారీగా పెరిగాయి. అయితే రైతు బజార్లలో తక్కువ ధరలకు కూరగాయలు అందిస్తున్నామని బోర్డులపై ప్రదర్శిస్తున్నప్పటికీ, వాస్తవానికి వినియోగదారుల నుంచి అధిక ధరలు వసూలు చేస్తున్నారనే ఆరోపణలు వినిపిస్తున్నాయి. బోర్డు మీద ఒక రేటు..చేతిలో తూకం వేసేటప్పుడు మరో రేటు అంటూ మహిళలు ఆవేదన వ్యక్తం చేస్తున్నారు. కొంతమంది వ్యాపారులు అధికారుల పర్యవేక్షణ లేకపోవడాన్ని ఆసరాగా తీసుకుని ఇష్టారాజ్యంగా వ్యవహరిస్తున్నారని వినియోగదారులు ఆరోపిస్తున్నారు. రైతు బజార్‌లో ధరల నియంత్రణ, నాణ్యత తనిఖీలు, తూకాల పరిశీలన వంటి అంశాలను పర్యవేక్షించాల్సిన అధికారులు మాత్రం చూసీ చూడనట్లు వ్యవహరిస్తున్నారని ప్రజలు విమర్శిస్తున్నారు. ఇక పొన్నూరు మెయిన్ రోడ్డు, బజార్ ప్రాంతాల్లోని రిటైల్ దుకాణాల్లో ధరలు రైతు బజార్ కంటే మరింత అధికంగా ఉండటంతో సామాన్య, మధ్యతరగతి కుటుంబాలు తీవ్ర ఇబ్బందులు ఎదుర్కొంటున్నాయి. రోజురోజుకు పెరుగుతున్న కూరగాయల ధరలు, రైతు బజార్లలో జరుగుతున్న ధరల గందరగోళంపై జిల్లా అధికారులు వెంటనే స్పందించి ప్రత్యేక తనిఖీలు నిర్వహించాలని ప్రజలు కోరుతున్నారు.