મહીસાગર જિલ્લાના વિરપુર તાલુકાના કોયલા ગામની એક મહિલાએ કુટુંબ નિયોજનના બે ઓપરેશન નિષ્ફળ જતાં સરકાર તરફથી સહાયની માંગ સાથે વિરપુરના તાલુકા હેલ્થ ઓફિસરને રજુઆત કરી છે. આ પ્રસંગે માનવ અધિકાર સુરક્ષા ગુજરાત પ્રદેશ મહિલા સેલના ઉપપ્રમુખ રેખાબેન રોહિત હાજર રહ્યા હતા. મહિલાના જણાવ્યા અનુસાર, વર્ષ 2020માં કરાયેલું પહેલું કુટુંબ નિયોજન ઓપરેશન નિષ્ફળ ગયું હતું. ત્યારબાદ, 15 ઓક્ટોબર 2024ના રોજ તેમને ફરી ઓપરેશન કરાવવું પડ્યું હતું, પરંતુ બીજી વખતનું આ ઓપરેશન પણ નિષ્ફળ ગયું અને 26 ઓક્ટોબર 2025ના રોજ એક દિકરીનો જન્મ થયો હતો. મહિલાનો આક્ષેપ છે કે ઓપરેશન નિષ્ફળ જવાના કિસ્સામાં સરકાર દ્વારા મળતી સહાય માટેના જરૂરી દસ્તાવેજો જમા કરાવ્યા હોવા છતાં, આજદિન સુધી તેમને કોઈ સહાય મળી નથી. અતિપછાત નાયક સમાજની આ મહિલાએ પોતાની કફોડી આર્થિક સ્થિતિનો ઉલ્લેખ કરતાં જણાવ્યું કે તેઓને દિકરીના ભરણપોષણ, શિક્ષણ અને ભવિષ્યના ખર્ચની ભારે ચિંતા સતાવી રહી છે. વધુમાં, બે વખત ઓપરેશન કરાવવાને કારણે તેમના સ્વાસ્થ્ય પર પણ નકારાત્મક અસર થઈ હોવાનું તેમણે જણાવ્યું છે.

વિપુલ જોષી

Photographer વીરપુર, મહીસાગર, ગુજરાત•

6 hrs ago

મહીસાગર જિલ્લાના વિરપુર તાલુકાના કોયલા ગામની એક મહિલાએ કુટુંબ નિયોજનના બે ઓપરેશન નિષ્ફળ જતાં સરકાર તરફથી સહાયની માંગ સાથે વિરપુરના તાલુકા હેલ્થ ઓફિસરને રજુઆત કરી છે. આ પ્રસંગે માનવ અધિકાર સુરક્ષા ગુજરાત પ્રદેશ મહિલા સેલના ઉપપ્રમુખ રેખાબેન રોહિત હાજર રહ્યા હતા. મહિલાના જણાવ્યા અનુસાર, વર્ષ 2020માં કરાયેલું પહેલું કુટુંબ નિયોજન ઓપરેશન નિષ્ફળ ગયું હતું. ત્યારબાદ, 15 ઓક્ટોબર 2024ના રોજ તેમને ફરી ઓપરેશન કરાવવું પડ્યું હતું, પરંતુ બીજી વખતનું આ ઓપરેશન પણ નિષ્ફળ ગયું અને 26 ઓક્ટોબર 2025ના રોજ એક દિકરીનો જન્મ થયો હતો. મહિલાનો આક્ષેપ છે કે ઓપરેશન નિષ્ફળ જવાના કિસ્સામાં સરકાર દ્વારા મળતી સહાય માટેના જરૂરી દસ્તાવેજો જમા કરાવ્યા હોવા છતાં, આજદિન સુધી તેમને કોઈ સહાય મળી નથી. અતિપછાત નાયક સમાજની આ મહિલાએ પોતાની કફોડી આર્થિક સ્થિતિનો ઉલ્લેખ કરતાં જણાવ્યું કે તેઓને દિકરીના ભરણપોષણ, શિક્ષણ અને ભવિષ્યના ખર્ચની ભારે ચિંતા સતાવી રહી છે. વધુમાં, બે વખત ઓપરેશન કરાવવાને કારણે તેમના સ્વાસ્થ્ય પર પણ નકારાત્મક અસર થઈ હોવાનું તેમણે જણાવ્યું છે.