सामाजिक कार्यकर्ते देवरे गजानन दादाराव यांनी छत्रपती संभाजीनगर येथील जिल्हा परिषदेत जल जीवन मिशन योजनेचे गेल्या तीन वर्षांपासून अपूर्ण असलेले काम तात्काळ सुरू करण्याच्या मागणीसाठी मुंडण आंदोलन केले. या आंदोलनानंतर सामंजस्याने चर्चा झाली, ज्यामध्ये उपमुख्य कार्यकारी अधिकारी श्री. घोरपडे साहेब, ग्रामीण पाणीपुरवठा विभागाचे उपशाखा अभियंता श्री. बी. बी. शेळके साहेब, क्रांती चौक पोलीस स्टेशनचे हेड कॉन्स्टेबल श्री. नरवडे साहेब आणि फुलंब्री तालुक्यातील आठ गावांतील तरुण उपस्थित होते. चर्चेदरम्यान कोलते टाकळी येथील राहुल काकडे पाटील, हिवरा येथील गणेश शिसोदे पाटील, तसेच बाबरा आणि वळण पिंपळगाव येथील तरुणही हजर होते. या बैठकीत अनेक महत्त्वाचे निर्णय आणि आश्वासने देण्यात आली. श्री. बी. बी. शेळके साहेब यांना येत्या ८ दिवसांत सविस्तर अहवाल सादर करण्याचे निर्देश देण्यात आले, तर हा अहवाल मिळाल्यानंतर पुढील ८ दिवसांत जल जीवन मिशनचे काम सुरू करण्यात येईल, असे आश्वासन प्रशासनाने दिले. याशिवाय, जे ठेकेदार वेळेत काम पूर्ण करत नाहीत किंवा काम रखडवून ठेवतात, अशा जुन्या ठेकेदारांना हटवून त्यांच्या जागी नवीन ठेकेदारांची नियुक्ती केली जाईल, असे स्पष्ट करण्यात आले. या चर्चेदरम्यान पिंपरी गुमसताळा येथील जलकुंभासाठी आवश्यक असलेले दानपत्र १५ दिवसांच्या आत प्राप्त न झाल्यास जलकुंभाची जागा बदलण्यात येईल, असे प्रशासनाने सांगितले. यावर देवरे गजानन दादाराव यांनी संबंधित शेतकऱ्यांना त्यांच्या जमिनीचा योग्य मोबदला मिळालाच पाहिजे, ही मागणी लावून धरली. प्रशासनाने सांगितले की, अहवाल प्राप्त झाल्यावर संबंधित ठेकेदारास पत्र देऊन शेतकऱ्याला सरकारी नियमानुसार योग्य मोबदला देण्याचे आदेश दिले जातील. मोबदला देऊनही जर जमीन उपलब्ध झाली नाही, तरच जलकुंभाची जागा बदलण्याचा निर्णय घेतला जाईल, असेही स्पष्ट करण्यात आले. दादाराव यांनी प्रशासनाला एक महिन्याच्या आत जल जीवन मिशनचे काम प्रत्यक्ष सुरू न झाल्यास यापेक्षा तीव्र आणि कडक आंदोलन करण्याचा स्पष्ट इशारा दिला आहे. आता प्रशासनाने दिलेल्या आश्वासनांची अंमलबजावणी होते का, यावर बारकाईने लक्ष ठेवले जाईल, असेही त्यांनी नमूद केले.

R k News

Jalgaon, Maharashtra•

4 hrs ago

सामाजिक कार्यकर्ते देवरे गजानन दादाराव यांनी छत्रपती संभाजीनगर येथील जिल्हा परिषदेत जल जीवन मिशन योजनेचे गेल्या तीन वर्षांपासून अपूर्ण असलेले काम तात्काळ सुरू करण्याच्या मागणीसाठी मुंडण आंदोलन केले. या आंदोलनानंतर सामंजस्याने चर्चा झाली, ज्यामध्ये उपमुख्य कार्यकारी अधिकारी श्री. घोरपडे साहेब, ग्रामीण पाणीपुरवठा विभागाचे उपशाखा अभियंता श्री. बी. बी. शेळके साहेब, क्रांती चौक पोलीस स्टेशनचे हेड कॉन्स्टेबल श्री. नरवडे साहेब आणि फुलंब्री तालुक्यातील आठ गावांतील तरुण उपस्थित होते. चर्चेदरम्यान कोलते टाकळी येथील राहुल काकडे पाटील, हिवरा येथील गणेश शिसोदे पाटील, तसेच बाबरा आणि वळण पिंपळगाव येथील तरुणही हजर होते. या बैठकीत अनेक महत्त्वाचे निर्णय आणि आश्वासने देण्यात आली. श्री. बी. बी. शेळके साहेब यांना येत्या ८ दिवसांत सविस्तर अहवाल सादर करण्याचे निर्देश देण्यात आले, तर हा अहवाल मिळाल्यानंतर पुढील ८ दिवसांत जल जीवन मिशनचे काम सुरू करण्यात येईल, असे आश्वासन प्रशासनाने दिले. याशिवाय, जे ठेकेदार वेळेत काम पूर्ण करत नाहीत किंवा काम रखडवून ठेवतात, अशा जुन्या ठेकेदारांना हटवून त्यांच्या जागी नवीन ठेकेदारांची नियुक्ती केली जाईल, असे स्पष्ट करण्यात आले. या चर्चेदरम्यान पिंपरी गुमसताळा येथील जलकुंभासाठी आवश्यक असलेले दानपत्र १५ दिवसांच्या आत प्राप्त न झाल्यास जलकुंभाची जागा बदलण्यात येईल, असे प्रशासनाने सांगितले. यावर देवरे गजानन दादाराव यांनी संबंधित शेतकऱ्यांना त्यांच्या जमिनीचा योग्य मोबदला मिळालाच पाहिजे, ही मागणी लावून धरली. प्रशासनाने सांगितले की, अहवाल प्राप्त झाल्यावर संबंधित ठेकेदारास पत्र देऊन शेतकऱ्याला सरकारी नियमानुसार योग्य मोबदला देण्याचे आदेश दिले जातील. मोबदला देऊनही जर जमीन उपलब्ध झाली नाही, तरच जलकुंभाची जागा बदलण्याचा निर्णय घेतला जाईल, असेही स्पष्ट करण्यात आले. दादाराव यांनी प्रशासनाला एक महिन्याच्या आत जल जीवन मिशनचे काम प्रत्यक्ष सुरू न झाल्यास यापेक्षा तीव्र आणि कडक आंदोलन करण्याचा स्पष्ट इशारा दिला आहे. आता प्रशासनाने दिलेल्या आश्वासनांची अंमलबजावणी होते का, यावर बारकाईने लक्ष ठेवले जाईल, असेही त्यांनी नमूद केले.