રાધનપુર તાલુકાના મેમદાવાદ ગામની પ્રાથમિક શાળા ખાતે જન કલ્યાણ શિબિરનું આયોજન કરવામાં આવ્યું હતું. આ શિબિરનો મુખ્ય ઉદ્દેશ્ય સરકારની વિવિધ જનહિતલક્ષી યોજનાઓ અંગે વિસ્તૃત માહિતી પૂરી પાડવાનો અને લાભાર્થીઓને આ યોજનાઓનો લાભ કેવી રીતે મેળવવો તે અંગે માર્ગદર્શન આપવાનો હતો. આ પ્રસંગે રાધનપુરના ધારાસભ્ય લવીંગજી ઠાકોર, રાધનપુર તાલુકા પંચાયતના પ્રમુખ રમેશભાઈ પરમાર, તાલુકા વિકાસ અધિકારી, ભાજપના તાલુકા મહામંત્રી બેચરભાઈ ઠાકોર, ગામના સરપંચ, તલાટી તેમજ શિક્ષણગણ સહિતના મહાનુભાવો ઉપસ્થિત રહ્યા હતા. ઉપસ્થિત મહાનુભાવોએ નાગરિકોને સરકારની કલ્યાણકારી યોજનાઓનો વધુમાં વધુ લાભ લેવા માટે અપીલ કરી હતી. આ શિબિરમાં મોટી સંખ્યામાં વિદ્યાર્થીઓ, વિવિધ આગેવાનો અને ગ્રામજનોએ ઉત્સાહભેર હાજરી આપી હતી. સમગ્ર કાર્યક્રમ સફળતાપૂર્વક સંપન્ન થયો હતો.

5 hrs ago

પ્રહલાદભાઈ ઠાકોર પાટણ

રાધનપુર, પાટણ, ગુજરાત•

5 hrs ago

બનાસકાંઠા જિલ્લાના પાલનપુરમાં '૧૨ વર્ષ વિશ્વાસના, વિકાસના અને જનકલ્યાણના' અભિયાન હેઠળ જિલ્લા કક્ષાનું વિકસિત ભારત સંકલ્પ સંમેલન યોજાયું હતું. આ કાર્યક્રમમાં પ્રભારી મંત્રી શ્રી કમલેશભાઈ પટેલ અને રાજ્યમંત્રી શ્રી પ્રવીણભાઈ માળી સહિત મોટી સંખ્યામાં પ્રબુદ્ધ નાગરિકો ઉપસ્થિત રહ્યા હતા. પ્રભારી મંત્રી શ્રી કમલેશભાઈ પટેલે જણાવ્યું કે, વડાપ્રધાન શ્રી નરેન્દ્રભાઈ મોદી ૭૫ વર્ષની વયે પણ ૧૪૦ કરોડ ભારતીયોના કલ્યાણ માટે સતત કાર્યરત છે, જેના પરિણામે ભારત વિકાસના નવા શિખરો સર કરી રહ્યું છે. તેમણે પ્રધાનમંત્રી ગરીબ કલ્યાણ અન્ન યોજના દ્વારા કોરોના મહામારી દરમિયાન ૮૧ કરોડથી વધુ લોકોને મફત અનાજ પહોંચાડવા અને આયુષ્માન ભારત યોજના દ્વારા કરોડો પરિવારોને આરોગ્ય સુરક્ષા પૂરી પાડવા જેવા કાર્યોને સરકારની જનકલ્યાણ પ્રત્યેની પ્રતિબદ્ધતાના ઉત્તમ ઉદાહરણ ગણાવ્યા. મંત્રીશ્રીએ વીજળી, પાણી, આવાસ અને આર્થિક સશક્તિકરણના ક્ષેત્રે થયેલા ઐતિહાસિક પરિવર્તનોનો ઉલ્લેખ કર્યો, જેમાં જ્યોતિગ્રામ યોજના હેઠળ ગામડાઓમાં ૨૪ કલાક વીજળી, જલ જીવન મિશન હેઠળ પીવાનું પાણી, પ્રધાનમંત્રી આવાસ યોજના હેઠળ કરોડો પરિવારોને ઘર, અને જનધન યોજના દ્વારા ૫૬ કરોડથી વધુ બેંક ખાતાં ખોલીને નાણાકીય સમાવેશને વેગ આપવાનો સમાવેશ થાય છે. તેમણે વધુમાં જણાવ્યું કે, વડાપ્રધાનશ્રીના નેતૃત્વમાં આશરે ૨૫ કરોડ લોકોને ગરીબી રેખામાંથી બહાર લાવવાનું કાર્ય શક્ય બન્યું છે. રાજ્યમંત્રી શ્રી પ્રવીણભાઈ માળીએ જણાવ્યું કે, વડાપ્રધાન શ્રી નરેન્દ્રભાઈ મોદીએ વર્ષ ૨૦૪૭ સુધીમાં ભારતને વિકસિત રાષ્ટ્ર બનાવવાનો સંકલ્પ લીધો છે, જે માત્ર આર્થિક વિકાસ પૂરતો મર્યાદિત નથી, પરંતુ ભારતના સાંસ્કૃતિક અને આધ્યાત્મિક વારસાને જાળવી રાખીને સર્વાંગી વિકાસ હાંસલ કરવાનો છે. તેમણે “એક પેડ માંના નામે” જેવા અભિયાનો દ્વારા પર્યાવરણ જાગૃતિ અને પારિવારિક સંબંધો મજબૂત કરવાની વાત કરી. મંત્રીશ્રીએ પ્રધાનમંત્રી કિસાન સન્માન નિધિ, આયુષ્માન ભારત, જનધન, જલ જીવન મિશન અને પ્રધાનમંત્રી આવાસ યોજના જેવી યોજનાઓએ કરોડો લોકોના જીવનમાં ગુણાત્મક પરિવર્તન લાવ્યું હોવાનું જણાવ્યું અને નાગરિકોને સ્વચ્છતા, વૃક્ષારોપણ, જળ સંરક્ષણ અને સ્વદેશી ઉત્પાદનોના ઉપયોગ જેવા જનઆંદોલનોમાં સક્રિયપણે જોડાવા અપીલ કરી. રાજ્યસભાના સાંસદ શ્રી મયંકભાઈ નાયકે જણાવ્યું કે, ગુજરાત અને દેશના લોકો છેલ્લા પચ્ચીસ વર્ષથી વડાપ્રધાન શ્રી નરેન્દ્રભાઈ મોદીના વિકાસલક્ષી નેતૃત્વના સાક્ષી રહ્યા છે. મુખ્યમંત્રી તરીકેના કાર્યકાળથી શરૂ થયેલી વિકાસયાત્રાએ ઉત્તર ગુજરાત સહિત સમગ્ર રાજ્યના પાણી, માર્ગ, કૃષિ અને માળખાકીય સુવિધાઓના ક્ષેત્રમાં ક્રાંતિકારી પરિવર્તન લાવ્યું છે. તેમણે વડાપ્રધાનશ્રીની કાર્યશૈલીની પ્રશંસા કરતા કહ્યું કે તેઓ લોકોની જરૂરિયાતોને સમજીને યોજનાઓને છેવાડાના માનવી સુધી પહોંચાડવાનું કાર્ય કરે છે. આ પ્રસંગે રાજ્યસભાના સાંસદ શ્રી બાબુભાઈ દેસાઈ, જિલ્લા પંચાયત પ્રમુખ શ્રી વસંતભાઈ પુરોહિત, પાલનપુરના ધારાસભ્ય શ્રી અનિકેતભાઈ ઠાકર, ધાનેરાના ધારાસભ્ય શ્રી માવજીભાઈ દેસાઈ, અગ્રણી શ્રી કીર્તિસિંહ વાઘેલા, જિલ્લા કલેક્ટર શ્રી મિહિર પટેલ, જિલ્લા વિકાસ અધિકારી શ્રી એમ. જે. દવે, વિવિધ વિભાગોના અધિકારીઓ અને સહકાર ક્ષેત્રના અગ્રણીઓ ઉપસ્થિત રહ્યા હતા.

Gangaram thakor

Deodar, Banas Kantha•

2 hrs ago