महाराष्ट्र नासिक ब्रेकिंग न्यूज नाशिक च्या अंबड MIDC मधील घटना आहे अग्निशामक दलाच्या स्टेशनवरनं 500 मिटर त्या आत मध्ये असणारी एक सायकल रिपेरिंग दुकानाला आग लागली संबंधित लोकांनी मदतीसाठी 112 ला फोन केला 112 वाले प्रतिनिधीने 15 मिनिट बायोडाटा घेण्यामध्ये घालवला मग कुठेतरी उपकार करून विनंती स्वीकारली त्यानंतर सुरू होतो अग्निशामक वाल्यांचा फोनवरच पंचनामा त्यामध्ये 15 मिनट मग त्यांनीही विनंती स्वीकारून उपकार करायचे ठरवले आणि 45 मिनिटा नंतर घटनास्थळी दाखल झाले.....

3 hrs ago

शीतल कुमार सिंह

पत्रकार नाशिक, नाशिक, महाराष्ट्र•

3 hrs ago

प्रतिनिधी सचिन वखारे येवला कोट्यावधी रुपयांचा निधी मंजूर होऊनही शहरात सुरू असलेल्या भूमिगत गटात योजनेच्या कामाने गती घेतलेली नाही. सुरू असलेल्या गटार योजनेतील कामाचा निकृष्ट दर्जा,अनियमितता आणि निधीचा संभाव्य गैरवापर याप्रकरणी सखोल चौकशी करण्याची मागणी शिवसेना शिंदे गट आणि राष्ट्रवादी शरद पवार पक्षाच्या विरोधी नगरसेवकानी केली आहे. चौकशीसह योजनेच्या सविस्तर कामाची माहिती उपलब्ध करून देण्यात यावी अशी मागणी आज मुख्याधिकारी तुषार आहेर यांना निवेदन देऊन केली आहे. शिवसेना पक्षाचे गटनेते गणेश शिंदे आणि राष्ट्रवादी काँग्रेस पार्टी (शरदचंद्र पवार गट) चे डॉ. संकेत शिंदे यांच्या नेतृत्वाखाली हे निवेदन देण्यात आले.शिवसेना गटनेते गणेश शिंदे, शहर प्रमुख विशाल परदेशी,अमोल शिंदे, नगरसेवक एजाज शेख,वकील अहमद, अब्दुलगनी शेख,अरबाज अन्सारी,अक्षय राजपूत,एजाज शेख,प्रशांत शिंदे,सुनील शिंदे, समर्थ अलगट,एकबाल अन्सारी आदी पदाधिकारी व कार्यकर्ते उपस्थित होते. गेल्या आठ ते दहा महिन्यांपासून भूमीगत गटारीचे कामे शहरात कॉलनी भागात अनेक ठिकाणी सुरू आहेत.या योजनेमुळे रस्त्यांचे काँक्रीटीकरणाची कामे सुद्धा बाकी आहेत. अनेक ठिकाणी भूमिगत गटार योजनेसाठी रस्ते खोदून ठेवलेले असून भूमिगत गटार योजनेचे काम अत्यंत निष्कृष्ट दर्जाचे असून, यामुळे भविष्यात शहरवासीयांना मोठ्या समस्यांना सामोरे जावे लागणार आहे.या कामात मोठा आर्थिक गैरव्यवहार झाल्याचा संशयही व्यक्त करण्यात आला आहे.भूमिगत गटार योजनेचे पाणी शहराबाहेर काढण्यात आले नसून घरांचे सांडपाणी या गटारींना जोडण्यात आलेले नाही. ज्याठिकाणी सांडपाणी भूमीगत गटारीला जोडले आहे ते पाणी रस्त्यावरून वाहत असून नागरिकांना या सांडपाण्यामुळे दुर्गंधीचा त्रास होत आहे. अनेक ठिकाणी नव्याने काँक्रिटीकरण झालेले रस्ते फोडून ठेवले आहे तर काही ठिकाणी भूमिगत गटारीचे काम होत नसल्याने मंजूर असलेल्या रस्त्यांचे काँक्रिटीकरणाचे काम सुरू करता आलेले नाही.त्यामुळे या कामाची सर्व तांत्रिक माहिती उपलब्ध व्हावी,काम पूर्ण करण्याचा कालावधी किती आहे,आतापर्यंत योजनेच्या ठेकेदाराला नोटीस वगैरे दिली आहे का?,विचारणा झाली आहे का याबाबत सविस्तर माहिती मिळावी आणि यापुढील काळात दर्जेदार पद्धतीने काम करण्याच्या सूचना द्याव्यात अशी मागणी करत प्रशासनाने या प्रकरणाची तात्काळ दखल घेऊन चौकशी न केल्यास तीव्र आंदोलनाचा इशारा यावेळेस देण्यात आला आहे. नगर विकास मंत्री, उपमुख्यमंत्री एकनाथ शिंदे यांनाही निवेदन देण्यात येणार आहे.

Sachin Dilip Wakhare

Reporter Nashik, Maharashtra•

1 hr ago