ঢেকীয়াজুলিত এটি পথৰ নামাকৰণক কেন্দ্ৰ কৰি তীব্ৰ বিতৰ্কৰ সৃষ্টি হৈছে। এই সমগ্ৰ বিষয়টোক লৈ মন্ত্ৰী অশোক সিংহলে ঢেকীয়াজুলি পৌৰসভা কাৰ্যালয়ত এখন সংবাদমেল আয়োজন কৰে।

ঢেকীয়াজুলিত এটি পথৰ নামাকৰণক কেন্দ্ৰ কৰি তীব্ৰ বিতৰ্কৰ সৃষ্টি হৈছে। এই সমগ্ৰ বিষয়টোক লৈ মন্ত্ৰী অশোক সিংহলে ঢেকীয়াজুলি পৌৰসভা কাৰ্যালয়ত এখন সংবাদমেল আয়োজন কৰে।

ৰূপহী হাটৰ মাগুৰমাৰীস্থিত 'কুতুব খানা' নামৰ বিপনী খনত গ্ৰাহকৰ বাবে দৈনন্দিন ব্যৱহাৰ কৰা সকলো সামগ্ৰী উপলব্ধ হৈছে। মাগুৰমাৰী বানাত মাদ্ৰাছাৰ সন্মুখত অৱস্থিত এই বিপনী খনত শিক্ষাৰ্থীসকলৰ বাবে কিতাব-বহীৰ লগতে ইলেক্ট্ৰনিক সামগ্ৰীও পোৱা যায়। ইয়াৰ উপৰিও গ্ৰাহকসকলে এই বিপনী খনত যিকোনো সামগ্ৰী ৰিপেয়াৰিং কৰাৰ সুবিধাও লাভ কৰিব।

ৰাজ্যত একাংশ ভুৱা আৰু ভণ্ড বেজ ওলোৱাক লৈ তীব্ৰ সতৰ্কতা জাৰি কৰা হৈছে। এই চক্ৰটোৱে প্ৰথমে বিভিন্ন সমস্যা সমাধানৰ ভিডিঅ' প্ৰস্তুত কৰে আৰু তাৰ পিছত সেইবোৰ সামাজিক মাধ্যমত আপলোড কৰে। গতিকে এনে লোকসকলৰ পৰা সকলোকে সাৱধান হ’বলৈ কোৱা হৈছে।

মৰিগাঁও জিলাৰ লহৰীঘাটত ন্যায়ৰ দাবী উত্থাপন হৈছে। ভুক্তভোগীয়ে ক্ষোভ প্ৰকাশ কৰি জনাইছে যে তেওঁলোকক ন্যায় লাগে আৰু এই সন্দৰ্ভত ওপৰৰ কৰ্তৃপক্ষকো জনোৱা হৈছিল। কিন্তু ইয়াৰ পিছতো কমিটিৰ মানুহখিনিয়ে এই বিষয়ত এতিয়ালৈকে একো কৰা নাই।

মৰিগাঁও জিলাৰ মৈৰাবাৰী প্ৰেছ ক্লাৱত এক গাম্ভীৰ্যপূৰ্ণ অনুষ্ঠানৰ মাজত দুখনকৈ গুৰুত্বপূৰ্ণ কবিতা পুথিৰ শুভ উন্মোচন কৰা হৈছে। ধিং সমষ্টিৰ বিধায়ক মেহবুব মুক্তাৰে মুখ্য অতিথি হিচাপে উপস্থিত থাকি সাংবাদিক বদৰুজ জামান আক্তৰৰ কবিতা সংকলন 'হৃদয়ৰ সংবাদ' আৰু প্ৰয়াত কবি আব্দুল জলিলৰ সৃষ্টিৰাজিক সামৰি প্ৰস্তুত কৰা স্মৰণীয় সংকলন 'স্মৃতিমালা' উন্মোচন কৰে। উল্লেখনীয় যে, 'খাইৰ প্ৰকাশন'ৰ দ্বাৰা এই পুথি দুখন প্ৰকাশ কৰি উলিওৱা হৈছে। অৱসৰপ্ৰাপ্ত শিক্ষক আব্দুল গফুৰৰ সভাপতিত্বত অনুষ্ঠিত হোৱা এই গাম্ভীৰ্যপূৰ্ণ অনুষ্ঠানত বিশিষ্ট লেখক মৌলানা ফজলুল কৰিম কাছিমীৰ লগতে অঞ্চলটোৰ বহু বিশিষ্ট ব্যক্তি আৰু সাহিত্যপ্ৰেমী ৰাইজ উপস্থিত থাকে। অনুষ্ঠানত উপস্থিত বক্তাসকলে আশা প্ৰকাশ কৰে যে এই দুখন পুথিয়ে মৈৰাবাৰীৰ সাহিত্য চৰ্চাৰ ধাৰাক এক নতুন মাত্ৰা প্ৰদান কৰাৰ লগতে নৱপ্ৰজন্মক সৃষ্টিশীল কাম-কাজত উৎসাহিত কৰিব।

যদি আপুনি ডাঙৰ আকাৰৰ সতেজ লোকেল মাছ খাবলৈ আগ্ৰহী, তেন্তে নগাঁও জিলাৰ ৰূপহীহাটৰ শিঙিমাৰী মাছৰ খুচুৰা বজাৰখন আপোনাৰ বাবে এক উপযুক্ত গন্তব্যস্থান হ’ব পাৰে। এই বজাৰত প্ৰতিদিনে পুৱাৰ ভাগতেই বিভিন্ন নদী আৰু বিলৰ পৰা অনা সতেজ তথা ডাঙৰ মাছ বিক্ৰীৰ বাবে উপলব্ধ হয়।

ভাৰতীয় জনতা পাৰ্টীৰ ৰাজ্যিক সভাপতি দিলীপ শইকীয়া বিশ্বনাথত উপস্থিত হৈছে। জিলা বিজেপিৰ উদ্যোগত অনুষ্ঠিত হোৱা 'পণ্ডিত দীনদয়াল উপাধ্যায় প্ৰশিক্ষণ মহআভিযান ২০২৬'ত অংশগ্ৰহণ কৰি তেওঁ পণ্ডিত দীনদয়াল উপাধ্যায়ৰ জীৱনীৰ ওপৰত আধাৰিত এক প্ৰদৰ্শনী পৰ্যবেক্ষণ কৰে। এই অনুষ্ঠানত বিশ্বনাথ বিধানসভা সমষ্টিৰ নৱ-নিৰ্বাচিত বিধায়ক পল্লব লোচন দাসে ৰাজ্যিক সভাপতিগৰাকীক বিপুল আদৰণি জনায়। এই অনুষ্ঠানতে সভাপতিগৰাকীয়ে নগাঁৱত হ’বলগীয়া উপ-নিৰ্বাচনৰ প্ৰস্তুতি সন্দৰ্ভত গুৰুত্বপূৰ্ণ মন্তব্য কৰে। তেওঁ কয় যে এই উপ-নিৰ্বাচনৰ বাবে ইতিমধ্যে এখন সমিতি গঠন কৰা হৈছে আৰু ইয়াৰ অধ্যক্ষৰ দায়িত্ব মন্ত্ৰী পিযুছ হাজৰিকাক অৰ্পণ কৰা হৈছে। উন্নয়ন আৰু সামগ্ৰিক বিকাশৰ স্বাৰ্থত নগাঁৱৰ জনসাধাৰণে বিজেপি তথা এন ডি এক সমৰ্থন জনাব বুলি তেওঁ আশা প্ৰকাশ কৰে। আনহাতে, জ্যেষ্ঠ কংগ্ৰেছ নেতা ৰিপুন বৰাই বিজেপিত যোগদান কৰাক লৈ ওলোৱা বাতৰি সন্দৰ্ভত সভাপতিগৰাকীয়ে কয় যে বৰ্তমান এই ধৰণৰ কথাৰ উত্তৰ দিবলৈ তেওঁলোকৰ হাতত কোনো সমল নাই আৰু সময় আহিলে এই বিষয়ে নিশ্চয় জানিবলৈ দিয়া হ’ব।

উপ-নিৰ্বাচনৰ প্ৰাক-মুহূৰ্তত জাগীৰোডত কংগ্ৰেছক শূন্য কৰাৰ লক্ষ্যৰে মায়ঙত বিজেপি দলৰ এক বৃহৎ যোগদান কাৰ্যসূচী ৰূপায়ণ কৰা হৈছে। এই কাৰ্যসূচীত জাগীৰোড সমষ্টিৰ মায়ঙৰ কুৰানীবুৰী গাঁও পঞ্চায়তৰ কংগ্ৰেছ দল ত্যাগ কৰি প্ৰায় ৫০০ ৰো অধিক সংখ্যালঘু সম্প্ৰদায়ৰ লোকে আনুষ্ঠানিকভাৱে বিজেপিত যোগদান কৰে। এই বৃহৎ যোগদান সভাত স্থানীয় বিধায়ক তথা মন্ত্ৰী পিযুষ হাজৰিকা উপস্থিত থাকে। সমাগত নগাঁও লোকসভাৰ উপ-নিৰ্বাচনৰ বাবে শাসকীয় দল বিজেপি বৰ্তমান যথেষ্ট তৎপৰ হৈ পৰিছে আৰু নিৰ্বাচনৰ পূৰ্বে নিজৰ স্থিতি অধিক শক্তিশালী কৰিবলৈ উঠি-পৰি লাগিছে।