Shuru
Apke Nagar Ki App…
ৰাজ্যত অত্যাৱশ্যকীয় সামগ্ৰীৰ মূল্যবৃদ্ধিয়ে সৰ্বসাধাৰণ ৰাইজক জুৰুলা কৰাৰ প্ৰতিবাদত অসম জাতীয়তাবাদী যুৱ-ছাত্ৰ পৰিষদ (AJYCP)ৰ মাকুম আঞ্চলিক সমিতিয়ে আজি মাকুম চহৰৰ মাজমজিয়াত ৩৭ নং ৰাষ্ট্ৰীয় ঘাইপথ অৱৰোধ কৰি এক বিক্ষোভ কাৰ্যসূচী ৰূপায়ণ কৰে। সংগঠনটোৱে ইন্ধনজাত সামগ্ৰী, অত্যাৱশ্যকীয় সামগ্ৰী আৰু জীৱনদায়িনী ঔষধৰ মূল্যবৃদ্ধি ৰোধ কৰাৰ দাবীত বিভিন্ন শ্লোগানেৰে উত্তাল প্ৰতিবাদ সাব্যস্ত কৰে। যুৱ-ছাত্ৰ পৰিষদে অনতিপলমে উক্ত সামগ্ৰীসমূহৰ মূল্য হ্ৰাস কৰাৰ লগতে এইক্ষেত্ৰত চৰকাৰক বিহিত ব্যৱস্থা গ্ৰহণৰ দাবী জনায়। যুৱ-ছাত্ৰ পৰিষদৰ নেতৃত্বই স্পষ্ট কৰি দিয়ে যে যদি চৰকাৰে তেওঁলোকৰ এই দাবী মানি নলয়, তেন্তে সংগঠনটোৱে ভৱিষ্যতে ধাৰাবাহিক আন্দোলন অব্যাহত ৰাখিব।
Ratul Deka
ৰাজ্যত অত্যাৱশ্যকীয় সামগ্ৰীৰ মূল্যবৃদ্ধিয়ে সৰ্বসাধাৰণ ৰাইজক জুৰুলা কৰাৰ প্ৰতিবাদত অসম জাতীয়তাবাদী যুৱ-ছাত্ৰ পৰিষদ (AJYCP)ৰ মাকুম আঞ্চলিক সমিতিয়ে আজি মাকুম চহৰৰ মাজমজিয়াত ৩৭ নং ৰাষ্ট্ৰীয় ঘাইপথ অৱৰোধ কৰি এক বিক্ষোভ কাৰ্যসূচী ৰূপায়ণ কৰে। সংগঠনটোৱে ইন্ধনজাত সামগ্ৰী, অত্যাৱশ্যকীয় সামগ্ৰী আৰু জীৱনদায়িনী ঔষধৰ মূল্যবৃদ্ধি ৰোধ কৰাৰ দাবীত বিভিন্ন শ্লোগানেৰে উত্তাল প্ৰতিবাদ সাব্যস্ত কৰে। যুৱ-ছাত্ৰ পৰিষদে অনতিপলমে উক্ত সামগ্ৰীসমূহৰ মূল্য হ্ৰাস কৰাৰ লগতে এইক্ষেত্ৰত চৰকাৰক বিহিত ব্যৱস্থা গ্ৰহণৰ দাবী জনায়। যুৱ-ছাত্ৰ পৰিষদৰ নেতৃত্বই স্পষ্ট কৰি দিয়ে যে যদি চৰকাৰে তেওঁলোকৰ এই দাবী মানি নলয়, তেন্তে সংগঠনটোৱে ভৱিষ্যতে ধাৰাবাহিক আন্দোলন অব্যাহত ৰাখিব।
More news from অসম and nearby areas
- সোমবাৰে তিনিচুকীয়াৰ শদিয়াৰ চেংচাপ আৰক্ষী থানাৰ অন্তৰ্গত ন-পতীয়া গাঁৱত এক শোকাৱহ পথ দুৰ্ঘটনা সংঘটিত হৈছে। এই দুৰ্ঘটনাত এখন তীব্ৰবেগী বাইকৰ খুন্দাত দীপশিখা গুৰুং নামৰ ৩ বছৰীয়া কন্যা শিশুৰ মৃত্যু হোৱাৰ লগতে একে বয়সৰ আন এটি শিশু গুৰুত্বপূৰ্ণভাৱে আহত হয়। এই শোকাৱহ ঘটনাৰ পাছতেই স্থানীয় ৰাইজ ক্ষুব্ধ হৈ পৰে। বাইক আৰোহীক ততাতৈয়াকৈ গ্ৰেপ্তাৰ কৰাৰ দাবীত ক্ষুব্ধ ৰাইজে চেংচাপ আৰক্ষী থানা ঘেৰাও কৰি প্ৰতিবাদ সাব্যস্ত কৰে।1Ratul Deka
- পথ দুৰ্ঘটনা হ্ৰাস কৰা আৰু যান-বাহন ব্যৱস্থা সুশৃংখল কৰি ৰখাৰ লক্ষ্যৰে ডুমডুমা নগৰৰ বিভিন্ন গুৰুত্বপূৰ্ণ স্থানত প্ৰশাসন আৰু যান-বাহন আৰক্ষীয়ে আজি এক যুটীয়া বিশেষ তালাচী অভিযান চলায়। এই অভিযানত মটৰচাইকেল আৰোহীসকলৰ নথি-পত্ৰ পৰীক্ষা কৰাৰ লগতে হেলমেটৰ ব্যৱহাৰৰ ওপৰত বিশেষ গুৰুত্ব আৰোপ কৰা হয়। অভিযানকালত বহু মটৰচাইকেল আৰোহীক হেলমেট অবিহনে চলাচল কৰা অৱস্থাত ধৰা পৰে আৰু নিয়ম ভংগ কৰা চালকসকলৰ বিৰুদ্ধে আইন অনুসৰি জৰীমনা বিহা হয়। আৰক্ষীয়ে এই সময়ছোৱাত আৰোহীসকলক নিজৰ সুৰক্ষাৰ বাবে সদায় হেলমেট ব্যৱহাৰ কৰিবলৈ আহ্বান জনায়। প্ৰশাসনৰ ফালৰ পৰা কোৱা হয় যে, "হেলমেট কেৱল আইন মানিবলৈ নহয়, জীৱন ৰক্ষাৰ বাবেও অতি প্ৰয়োজনীয়। সড়ক দুৰ্ঘটনাত বহু লোকৰ মৃত্যু বা গুৰুতৰ আঘাত হোৱাৰ অন্যতম কাৰণ হৈছে হেলমেট ব্যৱহাৰ নকৰা।" সাধাৰণ ৰাইজে প্ৰশাসনৰ এই পদক্ষেপক আদৰণি জনাইছে আৰু নিয়মিতভাৱে এনে অভিযান চলোৱা হ'লে পথ সুৰক্ষা অধিক শক্তিশালী হ'ব বুলি মত প্ৰকাশ কৰিছে।1জেৰিণা আৰ হাজৰিকা
- মৰাণ কুশল নগৰলৈ অহা লোকসকলক এতিয়াৰে পৰা ৰাস্তাৰ কাষত আৱৰ্জনা নেপেলাবলৈ সাৱধান কৰি দিয়া হৈছে। পথৰ দাঁতিত CCTV কেমেৰা থকাৰ বাবে এনে কাৰ্যৰ ওপৰত নিৰীক্ষণ ৰখা হ'ব।1Moran Dorpon
- নতুন অসমীয়া ছবি 'অন্তৰাল' এতিয়া দৰ্শকৰ মাজত যথেষ্ট জনপ্ৰিয় হৈ পৰিছে, যিখন এখন সুন্দৰ কাহিনীভিত্তিক সাস্পেন্স থ্ৰিলাৰ হিচাপে সীমাহীন মনোৰঞ্জনৰ প্ৰতিশ্ৰুতি দিছে। এই ছবিয়ে ডিব্ৰুগড়ত দৰ্শক-শ্ৰোতাৰ পৰা প্ৰচুৰ সঁহাৰি লাভ কৰি হাউছফুল হোৱাৰ দৰে সমাদৰ পাইছে। সমাজলৈ এখন সুন্দৰ বাৰ্তা কঢ়িয়াই অনা এই ছবিখনক অসমৰ বিভিন্ন চিনেমা গৃহতো দৰ্শক ৰাইজে একেদৰে উৎসাহিত আৰু আদৰ কৰিবলৈ আহ্বান জনোৱা হৈছে।1Huntu sen kachari
- অসম বিধানসভাত এক বিশেষ মুহূৰ্তত সংসদীয় পৰিক্ৰমা মন্ত্ৰী অতুল বৰাই সম নাগৰিক সংহিতা বিল ২০২৬ (Uniform Civil Code Bill 2026) উত্থাপন কৰিছে। এই বিলখন তেওঁ মুখ্যমন্ত্ৰী ড° হিমন্ত বিশ্ব শৰ্মাৰ হৈ ಸದনত দাখিল কৰে। এই বহু চৰ্চিত UCC বিলখন বিধানসভাত উত্থাপন কৰা হৈছে।1অমৃত কুমাৰ শৰ্মা, শিৱসাগৰ সদৰ
- শিৱসাগৰ জিলাৰ জ্যেষ্ঠ আৰক্ষী অধীক্ষক পাপৰি চেতিয়াৰ মাতৃ প্ৰয়াত বিজয়া চেতিয়াৰ (প্ৰায় ৭০) দেহাৱসান ঘটিছে। মাতৃৰ বিয়োগৰ পাছতে জ্যেষ্ঠ আৰক্ষী অধীক্ষকগৰাকীৰ সন্মতিক্ৰমে তেওঁৰ চকুদান কৰা হয়। পুৱা এটা সংবাদমেল সম্বোধন কৰিবলৈ কাৰ্যালয়ত উপস্থিত হোৱাৰ সময়তে চৰকাৰী আৱাসত থকা মাতৃগৰাকীয়ে ইহলীলা সম্বৰণ কৰে। দীৰ্ঘদিন ধৰি ৰোগত আক্ৰান্ত হৈ চিকিৎসাধীন হৈ আছিল বিজয়া চেতিয়া। যোৰহাটৰ জ্যেতি আই বেংক শিৱসাগৰত উপস্থিত হৈ মৃত বিজয়া চেতিয়াৰ কৰ্নিয়া সংগ্ৰহ কৰে। প্ৰয়াত বিজয়া চেতিয়াৰ মাতৃগৃহ শিৱসাগৰ জিলাৰ বেতবাৰী বোকাবিলত। বৰ্তমানেও তেওঁৰ নশ্বৰ দেহ চৰকাৰী আৱাসগৃহতে ৰখা হৈছে। জ্যেষ্ঠ আৰক্ষী অধীক্ষক পাপৰি চেতিয়াৰ জ্যেষ্ঠ ভাতৃ অষ্ট্ৰেলিয়াৰ পৰা আহি পোৱাৰ পাছতেই শিৱসাগৰস্থিত শান্তিবনত অন্ত্যেষ্টিক্ৰিয়া সম্পন্ন কৰা হ'ব।1Mustak ali
- ৰাজ্যত শেহতীয়াকৈ সৃষ্টি হোৱা পৰিস্থিতিৰ সুযোগ লৈ কোনো অসাধু ব্যৱসায়ীয়ে যাতে অধিক মুনাফা আদায় কৰিব নোৱাৰে, তাৰ বাবে মুখ্যমন্ত্ৰীৰ নিৰ্দেশত জিলা আয়ুক্তই বিশেষ পদক্ষেপ গ্ৰহণ কৰিছে। এই পদক্ষেপৰ অংশ হিচাপে, তিনিচুকীয়াৰ বজাৰৰ বিভিন্ন পাইকাৰী দোকানত খাদ্য আৰু অসামৰিক যোগান বিভাগৰ এটা দলে বিশেষ অভিযান চলায়। অভিযানৰ সময়ত বিষয়াসকলে খাদ্যৰ দাম, ষ্টক ৰেজিষ্টাৰ, মজুতৰ ব্যৱস্থা আৰু বিক্ৰীৰ ৰেকৰ্ড পুংখানুপুংখভাৱে পৰীক্ষা কৰে। কেইবাজনো দোকানীক তেওঁলোকৰ দোকানৰ বাহিৰত সামগ্ৰীৰ মূল্যৰ তালিকা প্ৰদৰ্শন কৰিবলৈ স্পষ্ট নিৰ্দেশ দিয়া হয়, যাতে গ্ৰাহকে সঠিক মূল্য লাভ কৰে আৰু যিকোনো সম্ভাৱ্য অনিয়ম দূৰ কৰিব পাৰি। লগতে, অত্যাৱশ্যকীয় সামগ্ৰীৰ মূল্য কৃত্ৰিমভাৱে বৃদ্ধি কৰাসকলৰ বিৰুদ্ধে কঠোৰ আইনী ব্যৱস্থা গ্ৰহণ কৰা হ’ব বুলি জিলা প্ৰশাসনে স্পষ্টভাৱে সকীয়নী প্ৰদান কৰিছে।2Tinsukia TIME
- আজি কাকপথাৰৰ মাজমজিয়াত এজেৱাইচিপিৰ উদ্যোগত এক উত্তাল প্ৰতিবাদী কাৰ্যসূচী ৰূপায়ণ কৰা হয়। এই প্ৰতিবাদী কাৰ্যসূচীত শতাধিক প্ৰতিবাদী জনতাই অংশগ্ৰহণ কৰে।1জেৰিণা আৰ হাজৰিকা
- আজি অসম জাতীয়তাবাদী যুৱ-ছাত্ৰ পৰিষদৰ যোৰহাট জিলা সমিতিয়ে অত্যাৱশ্যকীয় সামগ্ৰীৰ লগতে পেট্ৰ’ল-ডিজেলকে ধৰি ইন্ধনজাত সামগ্ৰীৰ অব্যাহত মূল্যবৃদ্ধিৰ প্ৰতিবাদত যোৰহাট জিলা আয়ুক্ত কাৰ্যালয়ৰ সন্মুখত এক উত্তাল প্ৰতিবাদী কাৰ্যসূচী ৰূপায়ণ কৰে। সংগঠনটোৱে চৰকাৰ বিৰোধী বিভিন্ন শ্ল’গানেৰে পৰিবেশ উত্তাল কৰি তোলে। প্ৰতিবাদস্থলীত কৰ্মীসকলে উল্লেখ কৰে যে নিত্য প্ৰয়োজনীয় খাদ্য সামগ্ৰী, ৰন্ধন গেছ, পেট্ৰ’ল-ডিজেল আদিৰ মূল্যবৃদ্ধিৰ ফলত সাধাৰণ জনতা জীয়াতু ভুগিছে। তেওঁলোকে বিশেষকৈ দৰিদ্ৰ আৰু মধ্যবিত্ত শ্ৰেণীৰ লোকসকল এই মূল্যবৃদ্ধিৰ ফলত অধিক সমস্যাৰ সন্মুখীন হোৱা বুলি দাবী কৰে। পৰিষদৰ নেতাসকলে চৰকাৰক শীঘ্ৰে মূল্যবৃদ্ধি নিয়ন্ত্ৰণ কৰিবলৈ দাবী জনাইছে। তেওঁলোকে হুংকাৰ দিয়ে যে যদি চৰকাৰে এই সমস্যা সমাধানৰ ক্ষেত্ৰত শীঘ্ৰেই গুৰুত্ব আৰোপ নকৰে, তেন্তে আগন্তক দিনত অধিক তীব্ৰ গণআন্দোলন গঢ়ি তোলা হ’ব। এই প্ৰতিবাদী কাৰ্যসূচীৰ পিছতে, সংগঠনটোৰ যোৰহাট জিলা সমিতিয়ে মুখ্যমন্ত্ৰীলৈ প্ৰেৰণ কৰাৰ উদ্দেশ্যে দাবী সম্বলিত এখন স্মাৰক পত্ৰ জিলা প্ৰশাসনৰ জৰিয়তে দাখিল কৰে।1Huntu sen kachari
