தூத்துக்குடி மாவட்டம் கோவில்பட்டி பல்லாக்கு சாலை முத்து நகரில் அமைந்துள்ள ஸ்ரீ முத்துமாரியம்மன் கோயிலின் முதலாம் ஆண்டு வருஷாபிஷேக விழா இன்று வெகு விமரிசையாக நடைபெற்றது. இவ்விழாவையொட்டி, இன்று காலை 4 மணிக்கு கோயில் நடை திறக்கப்பட்டு, திருப்பள்ளியெழுச்சி பூஜையும் நித்திய பூஜையும் நடத்தப்பட்டது. அதனைத் தொடர்ந்து, காலை 6.25 மணிக்கு கணபதி பூஜை, சங்கல்பம், புண்ணியாக வாசனம், கும்ப பூஜை, கணபதி ஹோமம், அம்பாள் மூல மந்திர ஹோமம், பூர்ணாஷுதி மற்றும் தீபாராதனை போன்ற சிறப்பு பூஜைகள் நடைபெற்றன. விழாவின் ஒரு பகுதியாக, ஸ்ரீ மகா கணபதி கோயிலில் இருந்து பால் குடம் ஊர்வலமாக எடுத்துவரப்பட்டது. யாக சாலையில் வைக்கப்பட்ட புனித நீரால் கோபுர கலசத்திற்கு அபிஷேகம் செய்யப்பட்டு தீபாராதனை காட்டப்பட்டது. தொடர்ந்து, மூலவர் முத்துமாரியம்மனுக்கு மஞ்சள் பொடி, மாப்பொடி, திரவியம், பால், தயிர், இளநீர், தேன், சந்தனம், வாசனை திரவியங்கள் மற்றும் கும்ப கலச நீரால் சிறப்பு அபிஷேகம் செய்யப்பட்டது. பின்னர், அம்பாள் அழகிய அலங்காரத்தில் பக்தர்களுக்குக் காட்சியளித்தார்; சோடச தீபாராதனையும் நடைபெற்றது. இந்த விழாவில் திரளான பக்தர்கள் கலந்துகொண்டு பஜனைப் பாடல்களைப் பாடி அம்பாளை தரிசித்தனர். நிறைவாக, பக்தர்களுக்குப் பிரசாதம் வழங்கப்பட்டது.

கோ.ரெங்கசாமி

கோவில்பட்டி, தூத்துக்குடி, தமிழ்நாடு•

2 hrs ago

தூத்துக்குடி மாவட்டம் கோவில்பட்டி பல்லாக்கு சாலை முத்து நகரில் அமைந்துள்ள ஸ்ரீ முத்துமாரியம்மன் கோயிலின் முதலாம் ஆண்டு வருஷாபிஷேக விழா இன்று வெகு விமரிசையாக நடைபெற்றது. இவ்விழாவையொட்டி, இன்று காலை 4 மணிக்கு கோயில் நடை திறக்கப்பட்டு, திருப்பள்ளியெழுச்சி பூஜையும் நித்திய பூஜையும் நடத்தப்பட்டது. அதனைத் தொடர்ந்து, காலை 6.25 மணிக்கு கணபதி பூஜை, சங்கல்பம், புண்ணியாக வாசனம், கும்ப பூஜை, கணபதி ஹோமம், அம்பாள் மூல மந்திர ஹோமம், பூர்ணாஷுதி மற்றும் தீபாராதனை போன்ற சிறப்பு பூஜைகள் நடைபெற்றன. விழாவின் ஒரு பகுதியாக, ஸ்ரீ மகா கணபதி கோயிலில் இருந்து பால் குடம் ஊர்வலமாக எடுத்துவரப்பட்டது. யாக சாலையில் வைக்கப்பட்ட புனித நீரால் கோபுர கலசத்திற்கு அபிஷேகம் செய்யப்பட்டு தீபாராதனை காட்டப்பட்டது. தொடர்ந்து, மூலவர் முத்துமாரியம்மனுக்கு மஞ்சள் பொடி, மாப்பொடி, திரவியம், பால், தயிர், இளநீர், தேன், சந்தனம், வாசனை திரவியங்கள் மற்றும் கும்ப கலச நீரால் சிறப்பு அபிஷேகம் செய்யப்பட்டது. பின்னர், அம்பாள் அழகிய அலங்காரத்தில் பக்தர்களுக்குக் காட்சியளித்தார்; சோடச தீபாராதனையும் நடைபெற்றது. இந்த விழாவில் திரளான பக்தர்கள் கலந்துகொண்டு பஜனைப் பாடல்களைப் பாடி அம்பாளை தரிசித்தனர். நிறைவாக, பக்தர்களுக்குப் பிரசாதம் வழங்கப்பட்டது.