मानवत तालुक्यात ग्रामरोजगार सेवकांचे बेमुदत कामबंद आंदोलन सुरू मानवत (प्रतिनिधी):-मानवत तालुक्यातील ग्रामरोजगार सेवक संघटनेने विविध प्रलंबित मागण्यांसाठी आज, १ एप्रिल २०२६ पासून बेमुदत कामबंद आंदोलन पुकारले आहे. याबाबतचे निवेदन पंचायत समिती मानवतचे गटविकास अधिकारी यांना सादर करण्यात आले. संघटनेच्या निवेदनानुसार, ३ ऑक्टोबर २०२४ रोजीचा शासन निर्णय तात्काळ लागू करण्यात यावा, तसेच ग्रामरोजगार सेवकांचे मागील सर्व थकीत मानधन त्वरीत अदा करण्यात यावे, अशी प्रमुख मागणी करण्यात आली आहे. तसेच, सध्या तालुक्यात एनएमएमएस (NMMS) प्रणालीअंतर्गत मोठ्या प्रमाणात सिंचन विहिरी तसेच इतर विकासकामे सुरू असून प्रत्येक कामाच्या ठिकाणी जाऊन हजेरी घेणे अत्यंत कठीण होत असल्याचे निवेदनात नमूद करण्यात आले आहे. अर्धवेळ स्वरूपाच्या जीआरनुसार नियुक्ती असताना प्रत्यक्षात पूर्णवेळ कामाचा वाढलेला ताण पेलणे शक्य नसल्याने राज्यभर बेमुदत कामबंद आंदोलन पुकारण्यात आल्याचे संघटनेने स्पष्ट केले आहे. या निवेदनावर ग्रामरोजगार सेवक संघटनेच्या तालुक्यातील विविध गावांतील पदाधिकाऱ्यांच्या स्वाक्षऱ्या असून त्यामध्ये संतोष कापसे (हत्तलवाडी), माणिकराव धोपटे (पोहंडुळ), बापूसाहेब कदम (किन्होळा), प्रकाश भोंडवे (शेवडी), कोंडीबा पाते (कोथाळा) आणि मारुती मकासरे (पिंपळा) यांच्यासह इतर ग्रामरोजगार सेवक यांचा समावेश आहे. या आंदोलनामुळे मानवत तालुक्यातील ग्रामीण भागातील रोजगार हमी व विकासकामांवर परिणाम होण्याची शक्यता व्यक्त होत असून प्रशासनाने तात्काळ मागण्यांची दखल घ्यावी, अशी मागणी संघटनेच्या वतीने करण्यात आली आहे.

Kapil Ashokrao Shinde

मानवत, परभणी, महाराष्ट्र•

5 hrs ago

मानवत तालुक्यात ग्रामरोजगार सेवकांचे बेमुदत कामबंद आंदोलन सुरू मानवत (प्रतिनिधी):-मानवत तालुक्यातील ग्रामरोजगार सेवक संघटनेने विविध प्रलंबित मागण्यांसाठी आज, १ एप्रिल २०२६ पासून बेमुदत कामबंद आंदोलन पुकारले आहे. याबाबतचे निवेदन पंचायत समिती मानवतचे गटविकास अधिकारी यांना सादर करण्यात आले. संघटनेच्या निवेदनानुसार, ३ ऑक्टोबर २०२४ रोजीचा शासन निर्णय तात्काळ लागू करण्यात यावा, तसेच ग्रामरोजगार सेवकांचे मागील सर्व थकीत मानधन त्वरीत अदा करण्यात यावे, अशी प्रमुख मागणी करण्यात आली आहे. तसेच, सध्या तालुक्यात एनएमएमएस (NMMS) प्रणालीअंतर्गत मोठ्या प्रमाणात सिंचन विहिरी तसेच इतर विकासकामे सुरू असून प्रत्येक कामाच्या ठिकाणी जाऊन हजेरी घेणे अत्यंत कठीण होत असल्याचे निवेदनात नमूद करण्यात आले आहे. अर्धवेळ स्वरूपाच्या जीआरनुसार नियुक्ती असताना प्रत्यक्षात पूर्णवेळ कामाचा वाढलेला ताण पेलणे शक्य नसल्याने राज्यभर बेमुदत कामबंद आंदोलन पुकारण्यात आल्याचे संघटनेने स्पष्ट केले आहे. या निवेदनावर ग्रामरोजगार सेवक संघटनेच्या तालुक्यातील विविध गावांतील पदाधिकाऱ्यांच्या स्वाक्षऱ्या असून त्यामध्ये संतोष कापसे (हत्तलवाडी), माणिकराव धोपटे (पोहंडुळ), बापूसाहेब कदम (किन्होळा), प्रकाश भोंडवे (शेवडी), कोंडीबा पाते (कोथाळा) आणि मारुती मकासरे (पिंपळा) यांच्यासह इतर ग्रामरोजगार सेवक यांचा समावेश आहे. या आंदोलनामुळे मानवत तालुक्यातील ग्रामीण भागातील रोजगार हमी व विकासकामांवर परिणाम होण्याची शक्यता व्यक्त होत असून प्रशासनाने तात्काळ मागण्यांची दखल घ्यावी, अशी मागणी संघटनेच्या वतीने करण्यात आली आहे.