ଓଡ଼ିଶାରେ ରଥଯାତ୍ରା–୨୦୨୬ର ସୁଚାରୁ ପରିଚାଳନା ପାଇଁ ସୁରକ୍ଷା ବ୍ୟବସ୍ଥାର ସମୀକ୍ଷା କରାଯାଉଛି। ଏହି ପରିପ୍ରେକ୍ଷୀରେ ଅତିରିକ୍ତ ପୋଲିସ ମହାନିର୍ଦ୍ଦେଶକ (ADGP) ଶ୍ରୀ ସୋମେନ୍ଦ୍ର ପ୍ରିୟଦର୍ଶୀ Sir, ଆଇଜି ଶ୍ରୀ ସତ୍ୟଜିତ ନାୟକ Sir ଏବଂ ଡିଆଇଜି ଶ୍ରୀ ପିନାକ ମିଶ୍ର Sir ଶ୍ରୀମନ୍ଦିର ଚତୁର୍ପାର୍ଶ୍ୱ ଓ ବିଭିନ୍ନ ସ୍ଥାନରେ ମୁତୟନ ହୋଇଥିବା ପୋଲିସ ଅଧିକାରୀ ଓ କର୍ମଚାରୀମାନଙ୍କୁ ସ୍ଥଳ ପରିଦର୍ଶନ (ସ୍ପଟ୍ ବ୍ରିଫିଂ/ସ୍ପଟ୍ ଚେକିଂ) କରି ସୁରକ୍ଷା ବ୍ୟବସ୍ଥାର ସମୀକ୍ଷା କରୁଛନ୍ତି।

ଯାଜପୁର ଜିଲ୍ଲାର ଧର୍ମଶାଳା ନିର୍ବାଚନମଣ୍ଡଳୀରେ ବିଜେପି ସରକାରର ଦୁଇ ବର୍ଷ ଶାସନ କାଳ ମଧ୍ୟରେ ଅନେକ ବିକାଶମୂଳକ କାର୍ଯ୍ୟ ହୋଇଛି। ବିଶେଷ କରି ଧର୍ମଶାଳା ନିର୍ବାଚନମଣ୍ଡଳୀର ବଡ଼ଚଣା ଓ ବରୀ ସୀମାବର୍ତ୍ତୀ ଅଞ୍ଚଳରେ ଥିବା ୧୫ ନମ୍ବର ଜୋନ୍‌ର ୮ଟି ପଞ୍ଚାୟତରେ ଏହି ବିକାଶ ଦେଖିବାକୁ ମିଳିଛି। ବନ୍ୟା ପ୍ରପୀଡ଼ିତ ଭାବେ ପରିଚିତ ଏହି ଅଞ୍ଚଳକୁ ପୂର୍ବ ସରକାର ନିଜର ୨୪ ବର୍ଷର ଶାସନ କାଳରେ ସମ୍ପୂର୍ଣ୍ଣ ଅଣଦେଖା କରିଥିବା ବେଳେ ବିଜେପି ସରକାର ଆସିବା ପରେ ଏଠାରେ ଶିକ୍ଷା ସମେତ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଉନ୍ନତି ହୋଇଛି, ଯାହା ଅନ୍ୟ ନିର୍ବାଚନମଣ୍ଡଳୀ ପାଇଁ ଉଦାହରଣ ସାଜିଛି। ଧର୍ମଶାଳା ବ୍ଲକ କୋତପୁର ମଣ୍ଡଳ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ୧୫ ନମ୍ବର ଜୋନ୍ ସଭାପତି ପ୍ରଶାନ୍ତ ନାୟକ ସୂଚନା ଦେଇଛନ୍ତି ଯେ ବିଧାୟକ ହିମାଂଶୁ ଶେଖର ସାହୁଙ୍କ ବଳିଷ୍ଠ ପ୍ରୟାସ ଯୋଗୁଁ ବନ୍ଦ ହୋଇ ପଡ଼ିଥିବା ପ୍ରାଥମିକ ବିଦ୍ୟାଳୟଗୁଡ଼ିକୁ ପୁନଃ କାର୍ଯ୍ୟକ୍ଷମ କରାଯାଇଛି। ବର୍ତ୍ତମାନ ଏହି ୮ଟି ପଞ୍ଚାୟତରେ ପାଖାପାଖି ୫୦ କୋଟିରୁ ଅଧିକ ଟଙ୍କାର ବିକାଶମୂଳକ କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ ଚାଲିଛି। ଏହି ସଫଳତା ପାଇଁ ୧୫ ନମ୍ବର ଜୋନ୍ ପକ୍ଷରୁ ଲୋକପ୍ରିୟ ବିଧାୟକଙ୍କୁ କୃତଜ୍ଞତା ଜଣାଯାଇଛି। ଏହି ସାମ୍ବାଦିକ ସମ୍ମିଳନୀରେ ଯୁବ ନେତା ନନିଗମାନନ୍ଦ ଦାସ, ଦିବ୍ୟ ଜ୍ୟୋତି ପରିଡ଼ା ଏବଂ କୋତପୁର ପଞ୍ଚାୟତ ପ୍ରଭାରୀ ରବୀନ୍ଦ୍ର ସାହୁ ପ୍ରମୁଖ ଉପସ୍ଥିତ ଥିଲେ।

ଓଡ଼ିଶାରେ ରଥଯାତ୍ରା–୨୦୨୬ର ସୁଚାରୁ ପରିଚାଳନା ପାଇଁ ସୁରକ୍ଷା ବ୍ୟବସ୍ଥାର ସମୀକ୍ଷା କରାଯାଉଛି। ଏହି ପରିପ୍ରେକ୍ଷୀରେ ଅତିରିକ୍ତ ପୋଲିସ ମହାନିର୍ଦ୍ଦେଶକ (ADGP) ଶ୍ରୀ ସୋମେନ୍ଦ୍ର ପ୍ରିୟଦର୍ଶୀ Sir, ଆଇଜି ଶ୍ରୀ ସତ୍ୟଜିତ ନାୟକ Sir ଏବଂ ଡିଆଇଜି ଶ୍ରୀ ପିନାକ ମିଶ୍ର Sir ଶ୍ରୀମନ୍ଦିର ଚତୁର୍ପାର୍ଶ୍ୱ ଓ ବିଭିନ୍ନ ସ୍ଥାନରେ ମୁତୟନ ହୋଇଥିବା ପୋଲିସ ଅଧିକାରୀ ଓ କର୍ମଚାରୀମାନଙ୍କୁ ସ୍ଥଳ ପରିଦର୍ଶନ (ସ୍ପଟ୍ ବ୍ରିଫିଂ/ସ୍ପଟ୍ ଚେକିଂ) କରି ସୁରକ୍ଷା ବ୍ୟବସ୍ଥାର ସମୀକ୍ଷା କରୁଛନ୍ତି।

ଯାଜପୁର ଜିଲ୍ଲା ଧର୍ମଶାଳା ବ୍ଲକ ସମନ୍ୱିତ ଶିଶୁ ବିକାଶ ସେବା ପ୍ରକଳ୍ପ ଅଧୀନରେ ୩୨୧ଟି ଅଙ୍ଗନବାଡି କେନ୍ଦ୍ର ରହିଛି। ଏଥିମଧ୍ୟରୁ ୬୬ଟି ଅଙ୍ଗନବାଡି କେନ୍ଦ୍ର ଅସ୍ଥାୟୀ ଭାବେ ଚାଲୁଥିବା ବେଳେ ୧୬ଟି ଅଙ୍ଗନବାଡି କେନ୍ଦ୍ର ଭଡାରେ ଚାଲୁଛି।

କଟକ-ଚୌଦ୍ୱାରକୁ ନେଇ ଏବେ ରାଜନୀତିକ ଛକାପଞ୍ଝା ଜୋରଦାର ହୋଇଛି, ଯାହାର ପ୍ରଭାବ ନବୀନ ନିବାସରୁ ବିଜେପି ରାଜ୍ୟ କାର୍ଯ୍ୟାଳୟ ପର୍ଯ୍ୟନ୍ତ ଦେଖିବାକୁ ମିଳୁଛି। ଗତକାଲି ଚୌଦ୍ୱାର ମ୍ୟୁନିସପାଲିଟିର ଅଧ୍ୟକ୍ଷ ଓ କାଉନସିଲର ନବୀନ ନିବାସରେ ପହଞ୍ଚି ନବୀନଙ୍କୁ ଭେଟିଥିଲେ। ଏହାର ଠିକ୍ ପରଦିନ ଅର୍ଥାତ୍ ଆଜି ବିଜେପି ରାଜ୍ୟ କାର୍ଯ୍ୟାଳୟରେ ସୌଭିକଙ୍କୁ ଦେଖିବାକୁ ମିଳିଛି। କଟକ-ଚୌଦ୍ୱାର ରାଜନୀତିକୁ ନେଇ ଦେଖାଦେଇଥିବା ଏହି କମ୍ପମାନ ପରିସ୍ଥିତି ଉଭୟ ଦଳ ମଧ୍ୟରେ ଛକାପଞ୍ଝାକୁ ଆହୁରି ବଢ଼ାଇ ଦେଇଛି।

ଯାଜପୁର ଜିଲ୍ଲା ଧର୍ମଶାଳା ଅଞ୍ଚଳରେ କେମିତି କେମିକାଲ ଦେଇ କଞ୍ଚା ଆମ୍ବକୁ ପାଚିଲା କରାଯାଉଛି, ତାହା ସାମ୍ନାକୁ ଆସିଛି। କେମିକାଲ ପ୍ରୟୋଗ କରି କଞ୍ଚା ଆମ୍ବକୁ କିଭଳି ପାଚିଲା କରାଯାଉଛି, ତାହା ଏଥିରେ ସ୍ପଷ୍ଟ ଭାବେ ଦେଖିବାକୁ ମିଳିଛି।

ଯାଜପୁର ଜିଲ୍ଲା ଧର୍ମଶାଳା ବ୍ଲକ ଜେନାପୁର ଥାନା ଅଧୀନ ଏଣ୍ଡଳବା ପଞ୍ଚାୟତର ଏଣ୍ଡଳବା ଗ୍ରାମରେ ଏକ ଭୟଙ୍କର ଘଟଣା ଘଟିଛି। ଗ୍ରାମର ବିପିନ ମଲିକ (୨୮) ନିଜ ଘରେ ରଖିଥିବା ଏକ ବୋମା ଫୁଟିବ କି ନାହିଁ ତାହା ପରୀକ୍ଷା କରୁଥିବା ସମୟରେ ହଠାତ୍ ବୋମାଟି ତାଙ୍କ ହାତରେ ହିଁ ବିସ୍ଫୋରଣ ହୋଇଯାଇଥିଲା। ଏହା ଫଳରେ ଯୁବକଙ୍କ ହାତ ପାପୁଲିଟି ସମ୍ପୂର୍ଣ୍ଣ ଛିନ୍ନଭିନ୍ନ ହୋଇ ନଷ୍ଟ ହୋଇଯାଇଛି। ଆହତ ବିପିନଙ୍କୁ ଗୁରୁତର ଅବସ୍ଥାରେ ୧୦୨ ଆମ୍ବୁଲାନ୍ସ ଯୋଗେ ପ୍ରଥମେ ଧର୍ମଶାଳା ମେଡିକାଲ ଓ ପରେ କଟକ ବଡ଼ ମେଡିକାଲ (SCB Medical College) କୁ ସ୍ଥାନାନ୍ତରିତ କରାଯାଇଛି। ଅନ୍ୟପଟେ ଏହି ଖବର ପାଇବା ପରେ ଜେନାପୁର ପୋଲିସ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛି।