અમરેલી જિલ્લામાં જળસંચયના ભગીરથ પ્રયાસોને વરસાદના આશીર્વાદ મળતાં જળક્રાંતિ સર્જાઈ છે. ઉનાળા દરમિયાન ઉંડા કરવામાં આવેલા તળાવો શ્રીકાર વર્ષા બાદ નવા નીરથી છલોછલ ભરાઈ ગયા છે, જેના લીધે સમગ્ર વિસ્તારમાં આનંદ અને ઉત્સાહનો માહોલ છે. આ અંતર્ગત ઊર્જા અને કાયદો રાજ્યમંત્રી કૌશિકભાઈ વેકરીયાના અધ્યક્ષસ્થાને અમરેલી અને કુંકાવાવ-વડિયા તાલુકાના સાજિયાવદર, બરવાળા બાવીશી, સણોસરા, જાળીયા, ઢોલરવા, કમીગઢ, માંડવડા અને ટીંબલા ગામોમાં નવા નીરના વધામણાના કાર્યક્રમો યોજાયા હતા, જ્યાં ગ્રામજનોએ હર્ષભેર જળનું સ્વાગત કર્યું હતું. જળસંચયના આ મહત્વકાંક્ષી કાર્ય અંગે માહિતી આપતા રાજ્યમંત્રી કૌશિકભાઈ વેકરીયાએ જણાવ્યું કે મુખ્યમંત્રી ભુપેન્દ્રભાઈ પટેલ અને નાયબ મુખ્યમંત્રી હર્ષભાઈ સંઘવીના માર્ગદર્શન તથા સહયોગથી ઊર્જા વિભાગના પી.જી.વી.સી.એલ અને જેટકોના અનુદાનથી તળાવો ઉંડા કરવાની કામગીરી હાથ ધરવામાં આવી હતી. આ માટે અંદાજે ૧૩૦ જેટલા હિટાચી મશીનો દ્વારા સતત કામગીરી કરીને દરેક ગામમાં લગભગ ૬૦૦ કલાક સુધી તળાવો ઉંડા કરવાનું કાર્ય કરવામાં આવ્યું હતું. જેના પરિણામે વરસાદી પાણીનો મહત્તમ સંગ્રહ શક્ય બન્યો છે, જે પાણી ખેડૂતો માટે ઉનાળામાં અમૂલ્ય સાબિત થશે, ભૂગર્ભ જળસ્તર ઊંચું લાવશે અને ખેતી, પશુપાલન તથા સમગ્ર જીવસૃષ્ટિને સીધો દીર્ઘકાલીન લાભ આપશે. કાર્યક્રમ દરમિયાન રાજ્યમંત્રીએ વિવિધ ગામોના તળાવો તેમજ નવા બનેલા ચેકડેમોની મુલાકાત લઈ નિરીક્ષણ કર્યું હતું અને કેચમેન્ટ વિસ્તારમાં પહોંચી મંત્રોચ્ચાર સાથે નવા નીરના વધામણા કર્યા હતા. આ મુલાકાત દરમિયાન તેમણે કમીગઢ સ્થિત ગૌશાળાની મુલાકાત લઈને ગૌસેવકોની સેવાને બિરદાવી હતી તેમજ સ્થાનિકો અને વડીલો સાથે સંવાદ કરી વિકાસલક્ષી ચર્ચા કરી હતી. આ પ્રસંગે જિલ્લા પંચાયતના સભ્ય આશિષભાઈ અકબરી, તાલુકા પંચાયત સભ્ય આશિષભાઈ દેવમુરારી, અગ્રણી નિકુલભાઈ માંડણકા, શંભુલાલ મહિડા, વિવિધ ગામોના સરપંચો અને મોટી સંખ્યામાં ગ્રામજનો ઉપસ્થિત રહ્યા હતા.

Parmar karshan

જાફરાબાદ, અમરેલી, ગુજરાત•

1 hr ago

અમરેલી જિલ્લામાં જળસંચયના ભગીરથ પ્રયાસોને વરસાદના આશીર્વાદ મળતાં જળક્રાંતિ સર્જાઈ છે. ઉનાળા દરમિયાન ઉંડા કરવામાં આવેલા તળાવો શ્રીકાર વર્ષા બાદ નવા નીરથી છલોછલ ભરાઈ ગયા છે, જેના લીધે સમગ્ર વિસ્તારમાં આનંદ અને ઉત્સાહનો માહોલ છે. આ અંતર્ગત ઊર્જા અને કાયદો રાજ્યમંત્રી કૌશિકભાઈ વેકરીયાના અધ્યક્ષસ્થાને અમરેલી અને કુંકાવાવ-વડિયા તાલુકાના સાજિયાવદર, બરવાળા બાવીશી, સણોસરા, જાળીયા, ઢોલરવા, કમીગઢ, માંડવડા અને ટીંબલા ગામોમાં નવા નીરના વધામણાના કાર્યક્રમો યોજાયા હતા, જ્યાં ગ્રામજનોએ હર્ષભેર જળનું સ્વાગત કર્યું હતું. જળસંચયના આ મહત્વકાંક્ષી કાર્ય અંગે માહિતી આપતા રાજ્યમંત્રી કૌશિકભાઈ વેકરીયાએ જણાવ્યું કે મુખ્યમંત્રી ભુપેન્દ્રભાઈ પટેલ અને નાયબ મુખ્યમંત્રી હર્ષભાઈ સંઘવીના માર્ગદર્શન તથા સહયોગથી ઊર્જા વિભાગના પી.જી.વી.સી.એલ અને જેટકોના અનુદાનથી તળાવો ઉંડા કરવાની કામગીરી હાથ ધરવામાં આવી હતી. આ માટે અંદાજે ૧૩૦ જેટલા હિટાચી મશીનો દ્વારા સતત કામગીરી કરીને દરેક ગામમાં લગભગ ૬૦૦ કલાક સુધી તળાવો ઉંડા કરવાનું કાર્ય કરવામાં આવ્યું હતું. જેના પરિણામે વરસાદી પાણીનો મહત્તમ સંગ્રહ શક્ય બન્યો છે, જે પાણી ખેડૂતો માટે ઉનાળામાં અમૂલ્ય સાબિત થશે, ભૂગર્ભ જળસ્તર ઊંચું લાવશે અને ખેતી, પશુપાલન તથા સમગ્ર જીવસૃષ્ટિને સીધો દીર્ઘકાલીન લાભ આપશે. કાર્યક્રમ દરમિયાન રાજ્યમંત્રીએ વિવિધ ગામોના તળાવો તેમજ નવા બનેલા ચેકડેમોની મુલાકાત લઈ નિરીક્ષણ કર્યું હતું અને કેચમેન્ટ વિસ્તારમાં પહોંચી મંત્રોચ્ચાર સાથે નવા નીરના વધામણા કર્યા હતા. આ મુલાકાત દરમિયાન તેમણે કમીગઢ સ્થિત ગૌશાળાની મુલાકાત લઈને ગૌસેવકોની સેવાને બિરદાવી હતી તેમજ સ્થાનિકો અને વડીલો સાથે સંવાદ કરી વિકાસલક્ષી ચર્ચા કરી હતી. આ પ્રસંગે જિલ્લા પંચાયતના સભ્ય આશિષભાઈ અકબરી, તાલુકા પંચાયત સભ્ય આશિષભાઈ દેવમુરારી, અગ્રણી નિકુલભાઈ માંડણકા, શંભુલાલ મહિડા, વિવિધ ગામોના સરપંચો અને મોટી સંખ્યામાં ગ્રામજનો ઉપસ્થિત રહ્યા હતા.