অসম-অৰুণাচল সীমান্তৱৰ্তী তিনিচুকীয়া জিলাৰ বৰডুমচাত আজি এক উত্তপ্ত পৰিস্থিতিৰ সৃষ্টি হয়, য'ত “কৰ্তব্য VO” গোটৰ শতাধিক মহিলাই বৰডুমচা আৰক্ষী থানা ঘেৰাও কৰি তীব্ৰ প্ৰতিবাদ সাব্যস্ত কৰে। মূল অভিযুক্তক ৯ মাহ পাৰ হোৱাৰ পাছতো আৰক্ষীয়ে গ্ৰেপ্তাৰ কৰিব নোৱাৰাত প্ৰায় ৯ লক্ষাধিক টকা আত্মসাতৰ ঘটনাৰ বাবে ক্ষোভিত হৈ এই প্ৰতিবাদ সাব্যস্ত কৰা হয়। অভিযোগ অনুসৰি, ২৪টা আত্মসহায়ক গোটৰ সমন্বয়ে গঠিত “কৰ্তব্য VO” গোটৰ পূৰ্বৰ সভানেত্ৰী কুইনজ্যোতি ভট্টাচাৰ্যই গোটটোৰ প্ৰায় ৯ লক্ষাধিক টকা আত্মসাত কৰি দীৰ্ঘদিন ধৰি পলাতক অৱস্থাত আছে। প্ৰতিবাদী মহিলাসকলে দাবী কৰে যে তেওঁলোকে এই বিষয়ে একাধিকবাৰ আৰক্ষীৰ কাষ চাপিছিল যদিও কোনো ধৰণৰ ফল পোৱা নাছিল। আজি হাতত প্লেকাৰ্ড লৈ থানাৰ সন্মুখত সমবেত হোৱা মহিলাসকলে আৰক্ষীৰ বিৰুদ্ধে তীব্ৰ ক্ষোভ উজাৰি “দোষীক শীঘ্ৰে গ্ৰেপ্তাৰ কৰক” আৰু “আমাৰ টকা ঘূৰাই দিয়ক” আদি শ্লোগানেৰে সমগ্ৰ এলেকা উত্তাল কৰি তোলে। প্ৰতিবাদস্থলীত উপস্থিত থাকি প্ৰতিবাদী নেতা উমানন্দ মুদৈ মৰাণেও মহিলাসকলৰ দাবীক সমৰ্থন জনায় আৰু কয় যে সাধাৰণ দুখীয়া মহিলাৰ কষ্টৰ ধন আত্মসাত কৰি কোনো লোকে আইনৰ পৰা পলাই থাকিব নোৱাৰে, সেয়ে আৰক্ষীক শীঘ্ৰে কঠোৰ ব্যৱস্থা গ্ৰহণৰ আহ্বান জনায়। আন্দোলনৰ অন্তত প্ৰতিবাদীসকলে আৰক্ষীক নিৰ্দিষ্ট সময়সীমাৰ ভিতৰত অভিযুক্তক আটক কৰাৰ বাবে দাবী জনাইছে। অন্যথা, আগন্তুক দিনত অধিক তীব্ৰ গণআন্দোলন গঢ়ি তোলাৰ হুংকাৰ দিয়ে মহিলাসকলে।

জেৰিণা আৰ হাজৰিকা

Doom Dooma, Tinsukia•

6 hrs ago

অসম-অৰুণাচল সীমান্তৱৰ্তী তিনিচুকীয়া জিলাৰ বৰডুমচাত আজি এক উত্তপ্ত পৰিস্থিতিৰ সৃষ্টি হয়, য'ত “কৰ্তব্য VO” গোটৰ শতাধিক মহিলাই বৰডুমচা আৰক্ষী থানা ঘেৰাও কৰি তীব্ৰ প্ৰতিবাদ সাব্যস্ত কৰে। মূল অভিযুক্তক ৯ মাহ পাৰ হোৱাৰ পাছতো আৰক্ষীয়ে গ্ৰেপ্তাৰ কৰিব নোৱাৰাত প্ৰায় ৯ লক্ষাধিক টকা আত্মসাতৰ ঘটনাৰ বাবে ক্ষোভিত হৈ এই প্ৰতিবাদ সাব্যস্ত কৰা হয়। অভিযোগ অনুসৰি, ২৪টা আত্মসহায়ক গোটৰ সমন্বয়ে গঠিত “কৰ্তব্য VO” গোটৰ পূৰ্বৰ সভানেত্ৰী কুইনজ্যোতি ভট্টাচাৰ্যই গোটটোৰ প্ৰায় ৯ লক্ষাধিক টকা আত্মসাত কৰি দীৰ্ঘদিন ধৰি পলাতক অৱস্থাত আছে। প্ৰতিবাদী মহিলাসকলে দাবী কৰে যে তেওঁলোকে এই বিষয়ে একাধিকবাৰ আৰক্ষীৰ কাষ চাপিছিল যদিও কোনো ধৰণৰ ফল পোৱা নাছিল। আজি হাতত প্লেকাৰ্ড লৈ থানাৰ সন্মুখত সমবেত হোৱা মহিলাসকলে আৰক্ষীৰ বিৰুদ্ধে তীব্ৰ ক্ষোভ উজাৰি “দোষীক শীঘ্ৰে গ্ৰেপ্তাৰ কৰক” আৰু “আমাৰ টকা ঘূৰাই দিয়ক” আদি শ্লোগানেৰে সমগ্ৰ এলেকা উত্তাল কৰি তোলে। প্ৰতিবাদস্থলীত উপস্থিত থাকি প্ৰতিবাদী নেতা উমানন্দ মুদৈ মৰাণেও মহিলাসকলৰ দাবীক সমৰ্থন জনায় আৰু কয় যে সাধাৰণ দুখীয়া মহিলাৰ কষ্টৰ ধন আত্মসাত কৰি কোনো লোকে আইনৰ পৰা পলাই থাকিব নোৱাৰে, সেয়ে আৰক্ষীক শীঘ্ৰে কঠোৰ ব্যৱস্থা গ্ৰহণৰ আহ্বান জনায়। আন্দোলনৰ অন্তত প্ৰতিবাদীসকলে আৰক্ষীক নিৰ্দিষ্ট সময়সীমাৰ ভিতৰত অভিযুক্তক আটক কৰাৰ বাবে দাবী জনাইছে। অন্যথা, আগন্তুক দিনত অধিক তীব্ৰ গণআন্দোলন গঢ়ি তোলাৰ হুংকাৰ দিয়ে মহিলাসকলে।