ସମଗ୍ର ଭାରତ ବର୍ଷରେ ମେଡିକାଲ ଚିକିତ୍ସା ପାଠ୍ୟକ୍ରମରେ ଭର୍ତ୍ତି ହେବା ପାଇଁ ଅନୁଷ୍ଠିତ ହେଉଥିବା NEET (UG) ୨୦୨୬ ପୁନଃ ପରୀକ୍ଷା ନବରଙ୍ଗପୁର ଜିଲ୍ଲାରେ ସଫଳତାର ସହ ସମ୍ପନ୍ନ ହୋଇଛି। ଜାତୀୟ ପରୀକ୍ଷା ସଂସ୍ଥା (NTA) ଦ୍ୱାରା ନବରଙ୍ଗପୁର ସହରର ଆର୍.ସି.ଡି. ହାଇସ୍କୁଲ ଏବଂ ପି.ଏମ. ଶ୍ରୀ କେନ୍ଦ୍ରୀୟ ବିଦ୍ୟାଳୟକୁ ଏହି ପରୀକ୍ଷା ପାଇଁ କେନ୍ଦ୍ର ଭାବେ ମନୋନୀତ କରାଯାଇଥିଲା। ଏହି ପରୀକ୍ଷା ଅପରାହ୍ନ ୨.୦୦ ଘଣ୍ଟାରୁ ଆରମ୍ଭ ହୋଇ ୫.୧୫ ମିନିଟ୍ ପର୍ଯ୍ୟନ୍ତ ଚାଲିଥିଲା। ପରୀକ୍ଷା ଦେବା ପାଇଁ ମୋଟ ୫୧୦ ଜଣ ପରୀକ୍ଷାର୍ଥୀ ଆଡମିଟ୍ କାର୍ଡ ପାଇଥିବା ବେଳେ, ୪୨୧ ଜଣ ନବରଙ୍ଗପୁର ଠାରେ ଉପସ୍ଥିତ ରହି ପରୀକ୍ଷା ଦେଇଥିଲେ। ଏହି ଜାତୀୟ ସ୍ତରୀୟ ପରୀକ୍ଷାକୁ ସୁଚାରୁ ରୂପେ ପରିଚାଳନା କରିବା ପାଇଁ ଜିଲ୍ଲାପାଳ ଡ. ମହେଶ୍ୱର ସ୍ୱାଇଁଙ୍କ ଅଧ୍ୟକ୍ଷତାରେ ଏକ ଜିଲ୍ଲା ସ୍ତରୀୟ ସମନ୍ୱୟ କମିଟି ଗଠନ କରାଯାଇଥିଲା ଏବଂ ନୋଡାଲ ଅଧିକାରୀମାନଙ୍କୁ ଦାୟିତ୍ୱ ଦିଆଯାଇଥିଲା। ନବରଙ୍ଗପୁର ତହସିଲଦାର ଭୋଲେଶ୍ୱର ନାୟକ ଏବଂ ନନ୍ଦାହାଣ୍ଡି ତହସିଲଦାର ଚନ୍ଦ୍ରହାସ ମହାନନ୍ଦିଆ ମାଜିଷ୍ଟ୍ରେଟ୍ ଡ୍ୟୁଟି ଅଧିକାରୀ ଭାବେ କାର୍ଯ୍ୟ କରିଥିଲେ। ପୋଲିସ୍ ନୋଡାଲ ଅଧିକାରୀ ଭାବରେ ଅତିରିକ୍ତ ଆରକ୍ଷୀ ଅଧିକ୍ଷକ ଆଦିତ୍ୟ ସେନ ଏବଂ ଡି.ଏସ୍.ପି. (ଡି.ଆଇ.ବି.) ବିନୋଦ ଲାକ୍ରା ଶାନ୍ତି ଶୃଙ୍ଖଳା, ଟ୍ରାଫିକ୍, ପାର୍କିଂ ଏବଂ ଅନ୍ୟାନ୍ୟ ବ୍ୟବସ୍ଥା ନିଶ୍ଚିତ କରିଥିଲେ। ପରୀକ୍ଷା ଶାନ୍ତି ଶୃଙ୍ଖଳା ଓ ସୁଚାରୁ ରୂପେ ସମାପନ କରିବା ପାଇଁ ଜିଲ୍ଲାପାଳ ଡ. ମହେଶ୍ୱର ସ୍ୱାଇଁଙ୍କ ନେତୃତ୍ୱରେ ଅତିରିକ୍ତ ଜିଲ୍ଲାପାଳ (ସାଧାରଣ) ଡ. ପ୍ରମୋଦ କୁମାର ପୃଷ୍ଟି, ପ୍ରଶାସନ ନୋଡାଲ ଅଧିକାରୀ ସୋଭେନ ପଣ୍ଡା, ଜିଲ୍ଲା ଶିକ୍ଷା ଅଧିକାରୀ ଛତ୍ରପତି ସାହୁ ଏବଂ ଅନ୍ୟ ଅଧିକାରୀମାନେ ପୂର୍ବରୁ ପରୀକ୍ଷା କେନ୍ଦ୍ର ପରିଦର୍ଶନ କରିଥିଲେ। ସେମାନେ ପରୀକ୍ଷା କେନ୍ଦ୍ରରେ ପାନୀୟ ଜଳ ବ୍ୟବସ୍ଥା, ବିଦ୍ୟୁତ ସରବରାହ, ଦିବ୍ୟାଙ୍ଗ ପାଇଁ ହୁଇଲ ଚେୟାର, ଅଗ୍ନିଶମ, ସି.ସି.ଟି.ଭି., ଜାମର, ଡି.ଜି. ବ୍ୟାକଅପ୍, ପାର୍କିଂ ଏବଂ ଅନ୍ୟାନ୍ୟ ଆନୁଷଙ୍ଗିକ ବ୍ୟବସ୍ଥା ସୁନିଶ୍ଚିତ କରିଥିଲେ।

Public demand news 24/7

Local News Reporter କୋସାଗୁମୁଡା, ନବରଙ୍ଗପୁର, ଓଡ଼ିଶା•

5 hrs ago

ସମଗ୍ର ଭାରତ ବର୍ଷରେ ମେଡିକାଲ ଚିକିତ୍ସା ପାଠ୍ୟକ୍ରମରେ ଭର୍ତ୍ତି ହେବା ପାଇଁ ଅନୁଷ୍ଠିତ ହେଉଥିବା NEET (UG) ୨୦୨୬ ପୁନଃ ପରୀକ୍ଷା ନବରଙ୍ଗପୁର ଜିଲ୍ଲାରେ ସଫଳତାର ସହ ସମ୍ପନ୍ନ ହୋଇଛି। ଜାତୀୟ ପରୀକ୍ଷା ସଂସ୍ଥା (NTA) ଦ୍ୱାରା ନବରଙ୍ଗପୁର ସହରର ଆର୍.ସି.ଡି. ହାଇସ୍କୁଲ ଏବଂ ପି.ଏମ. ଶ୍ରୀ କେନ୍ଦ୍ରୀୟ ବିଦ୍ୟାଳୟକୁ ଏହି ପରୀକ୍ଷା ପାଇଁ କେନ୍ଦ୍ର ଭାବେ ମନୋନୀତ କରାଯାଇଥିଲା। ଏହି ପରୀକ୍ଷା ଅପରାହ୍ନ ୨.୦୦ ଘଣ୍ଟାରୁ ଆରମ୍ଭ ହୋଇ ୫.୧୫ ମିନିଟ୍ ପର୍ଯ୍ୟନ୍ତ ଚାଲିଥିଲା। ପରୀକ୍ଷା ଦେବା ପାଇଁ ମୋଟ ୫୧୦ ଜଣ ପରୀକ୍ଷାର୍ଥୀ ଆଡମିଟ୍ କାର୍ଡ ପାଇଥିବା ବେଳେ, ୪୨୧ ଜଣ ନବରଙ୍ଗପୁର ଠାରେ ଉପସ୍ଥିତ ରହି ପରୀକ୍ଷା ଦେଇଥିଲେ। ଏହି ଜାତୀୟ ସ୍ତରୀୟ ପରୀକ୍ଷାକୁ ସୁଚାରୁ ରୂପେ ପରିଚାଳନା କରିବା ପାଇଁ ଜିଲ୍ଲାପାଳ ଡ. ମହେଶ୍ୱର ସ୍ୱାଇଁଙ୍କ ଅଧ୍ୟକ୍ଷତାରେ ଏକ ଜିଲ୍ଲା ସ୍ତରୀୟ ସମନ୍ୱୟ କମିଟି ଗଠନ କରାଯାଇଥିଲା ଏବଂ ନୋଡାଲ ଅଧିକାରୀମାନଙ୍କୁ ଦାୟିତ୍ୱ ଦିଆଯାଇଥିଲା। ନବରଙ୍ଗପୁର

ତହସିଲଦାର ଭୋଲେଶ୍ୱର ନାୟକ ଏବଂ ନନ୍ଦାହାଣ୍ଡି ତହସିଲଦାର ଚନ୍ଦ୍ରହାସ ମହାନନ୍ଦିଆ ମାଜିଷ୍ଟ୍ରେଟ୍ ଡ୍ୟୁଟି ଅଧିକାରୀ ଭାବେ କାର୍ଯ୍ୟ କରିଥିଲେ। ପୋଲିସ୍ ନୋଡାଲ ଅଧିକାରୀ ଭାବରେ ଅତିରିକ୍ତ ଆରକ୍ଷୀ ଅଧିକ୍ଷକ ଆଦିତ୍ୟ ସେନ ଏବଂ ଡି.ଏସ୍.ପି. (ଡି.ଆଇ.ବି.) ବିନୋଦ ଲାକ୍ରା ଶାନ୍ତି ଶୃଙ୍ଖଳା, ଟ୍ରାଫିକ୍, ପାର୍କିଂ ଏବଂ ଅନ୍ୟାନ୍ୟ ବ୍ୟବସ୍ଥା ନିଶ୍ଚିତ କରିଥିଲେ। ପରୀକ୍ଷା ଶାନ୍ତି ଶୃଙ୍ଖଳା ଓ ସୁଚାରୁ ରୂପେ ସମାପନ କରିବା ପାଇଁ ଜିଲ୍ଲାପାଳ ଡ. ମହେଶ୍ୱର ସ୍ୱାଇଁଙ୍କ ନେତୃତ୍ୱରେ ଅତିରିକ୍ତ ଜିଲ୍ଲାପାଳ (ସାଧାରଣ) ଡ. ପ୍ରମୋଦ କୁମାର ପୃଷ୍ଟି, ପ୍ରଶାସନ ନୋଡାଲ ଅଧିକାରୀ ସୋଭେନ ପଣ୍ଡା, ଜିଲ୍ଲା ଶିକ୍ଷା ଅଧିକାରୀ ଛତ୍ରପତି ସାହୁ ଏବଂ ଅନ୍ୟ ଅଧିକାରୀମାନେ ପୂର୍ବରୁ ପରୀକ୍ଷା କେନ୍ଦ୍ର ପରିଦର୍ଶନ କରିଥିଲେ। ସେମାନେ ପରୀକ୍ଷା କେନ୍ଦ୍ରରେ ପାନୀୟ ଜଳ ବ୍ୟବସ୍ଥା, ବିଦ୍ୟୁତ ସରବରାହ, ଦିବ୍ୟାଙ୍ଗ ପାଇଁ ହୁଇଲ ଚେୟାର, ଅଗ୍ନିଶମ, ସି.ସି.ଟି.ଭି., ଜାମର, ଡି.ଜି. ବ୍ୟାକଅପ୍, ପାର୍କିଂ ଏବଂ ଅନ୍ୟାନ୍ୟ ଆନୁଷଙ୍ଗିକ ବ୍ୟବସ୍ଥା ସୁନିଶ୍ଚିତ କରିଥିଲେ।