सेलू येथे फिरता ज्ञानेश्वरी पारायण सांगता सोहळा;११ ते १९ मार्चदरम्यान विविध धार्मिक कार्यक्रम मानवत (प्रतिनिधी) : तालुक्यातील करंजी येथील ग्रामस्थांच्या वतीने सेलू शहरातील अलंकापुरी नगरी, मयुरी पार्क परिसर, सातोना रोड येथे ११ ते १९ मार्च या कालावधीत फिरता ज्ञानेश्वरी पारायण सांगता सोहळा आयोजित करण्यात आला आहे. या सोहळ्याच्या निमित्ताने भक्तिमय वातावरणात विविध धार्मिक कार्यक्रमांचे आयोजन करण्यात आले आहे. सोहळ्याच्या पहिल्या दिवशी १२ मार्च २०२६ रोजी मधुकर महाराज करंजीकर यांच्या मार्गदर्शनाखाली दोन टेम्पो सप्तरंगी करंजी व तुळशी वृंदावन घेऊन सुमारे २२२ महिला-पुरुषांचा सहभाग असलेली दिंडी सहभागी होणार आहे. यामध्ये ५० महिला, टाळकरी, झेंडेकरी तसेच फेटेवाले यांचा समावेश असून गावकऱ्यांनी भक्तिमय वातावरणात सप्तरंगी करंजा तयार केल्या आहेत. या धार्मिक सोहळ्यासाठी बालकांपासून ते ज्येष्ठांपर्यंत सर्वांनी मोठ्या उत्साहाने श्रमदान केले आहे. पारायणासाठी उभारण्यात आलेल्या मंडपात दररोज सुमारे २५ हजार वाचक पारायण करणार आहेत. भाविकांसाठी भोजनाची स्वतंत्र व्यवस्था करण्यात आली असून एका वेळी सुमारे ३ हजार भाविकांना प्रसादाचा लाभ मिळणार आहे. पाणीपुरवठा व स्वच्छतेसाठी सेलू नगरपरिषद तसेच आरोग्य सेवेसाठी उपजिल्हा रुग्णालय तर सुरक्षेसाठी पोलिस प्रशासन सज्ज राहणार आहे. सोहळ्याच्या प्रारंभी ११ मार्च रोजी हेलिकॉप्टरद्वारे संत ज्ञानेश्वर माऊली यांच्या पादुका शहरात आगमन होणार आहेत. सकाळी ९ वाजता केशवराज बाबासाहेब महाराज मंदिर येथून ग्रंथदिंडी निघून क्रांतीचौक, छत्रपती शिवाजी महाराज पुतळा, नूतन महाविद्यालय व रायगड कॉर्नर मार्गे पारायण स्थळी पोहोचणार असून तेथे पसायदानाने दिंडीचा समारोप होईल. ग्रंथदिंडीवर हेलिकॉप्टर तसेच विविध ठिकाणी पुष्पवृष्टीही करण्यात येणार आहे. १२ ते १९ मार्च या कालावधीत नामदेव महाराज चारठाणकर, मधुसूदन महाराज दैठणकर, स्वामी मनिषानंद पुरीजी महाराज, सोपान महाराज सानप, पुरुषोत्तम महाराज पाटील, विशाल महाराज खोले, अच्युत महाराज दस्तापुरकर, अनिल महाराज पाटील, संतवीर बंडातात्या कराडकर, ज्ञानेश्वर माऊली कदम, उमेश महाराज दशरथे, महादेव महाराज राऊत, संजय महाराज पाचपोर, नामदेव महाराज शास्त्री व भगवानगड येथील महाराज यांची सकाळी ११ ते १ व रात्री ८ ते १० या वेळेत कीर्तन सेवा होणार आहे. तसेच १८ मार्च रोजी दुपारी २ ते ५ या वेळेत “श्री ज्ञानेश्वर महाराजांचे भक्तीसामर्थ्य” या विषयावर कथा आयोजित करण्यात आली आहे. गुरुवार, १९ मार्च रोजी सकाळी ११ वाजता ज्ञानेश्वर माऊली कदम (छोटे माऊली) यांचे काल्याचे कीर्तन होणार आहे. याशिवाय १२ ते १७ मार्च दरम्यान दुपारी २ ते ५ या वेळेत गोविंददेव गिरिजी महाराज यांची “श्री महाभारत संदेश” कथा होणार असल्याची माहिती सोहळा संयोजन समितीने दिली आहे.

Kapil Ashokrao Shinde

मानवत, परभणी, महाराष्ट्र•

2 hrs ago

सेलू येथे फिरता ज्ञानेश्वरी पारायण सांगता सोहळा;११ ते १९ मार्चदरम्यान विविध धार्मिक कार्यक्रम मानवत (प्रतिनिधी) : तालुक्यातील करंजी येथील ग्रामस्थांच्या वतीने सेलू शहरातील अलंकापुरी नगरी, मयुरी पार्क परिसर, सातोना रोड येथे ११ ते १९ मार्च या कालावधीत फिरता ज्ञानेश्वरी पारायण सांगता सोहळा आयोजित करण्यात आला आहे. या सोहळ्याच्या निमित्ताने भक्तिमय वातावरणात विविध धार्मिक कार्यक्रमांचे आयोजन करण्यात आले आहे. सोहळ्याच्या पहिल्या दिवशी १२ मार्च २०२६ रोजी मधुकर महाराज करंजीकर यांच्या मार्गदर्शनाखाली दोन टेम्पो सप्तरंगी करंजी व तुळशी वृंदावन घेऊन सुमारे २२२ महिला-पुरुषांचा सहभाग असलेली दिंडी सहभागी होणार आहे. यामध्ये ५० महिला, टाळकरी, झेंडेकरी तसेच फेटेवाले यांचा समावेश असून गावकऱ्यांनी भक्तिमय वातावरणात सप्तरंगी करंजा तयार केल्या आहेत. या धार्मिक सोहळ्यासाठी बालकांपासून ते ज्येष्ठांपर्यंत सर्वांनी मोठ्या उत्साहाने श्रमदान केले आहे. पारायणासाठी उभारण्यात आलेल्या मंडपात दररोज सुमारे २५ हजार वाचक पारायण करणार आहेत. भाविकांसाठी भोजनाची स्वतंत्र व्यवस्था करण्यात आली असून एका वेळी सुमारे ३ हजार भाविकांना प्रसादाचा लाभ मिळणार आहे. पाणीपुरवठा व स्वच्छतेसाठी सेलू नगरपरिषद तसेच आरोग्य सेवेसाठी उपजिल्हा रुग्णालय तर सुरक्षेसाठी पोलिस प्रशासन सज्ज राहणार आहे. सोहळ्याच्या प्रारंभी ११ मार्च रोजी हेलिकॉप्टरद्वारे संत ज्ञानेश्वर माऊली यांच्या पादुका शहरात आगमन होणार आहेत. सकाळी ९ वाजता केशवराज बाबासाहेब महाराज मंदिर येथून ग्रंथदिंडी निघून क्रांतीचौक, छत्रपती शिवाजी महाराज पुतळा, नूतन महाविद्यालय व रायगड कॉर्नर मार्गे पारायण स्थळी पोहोचणार असून तेथे पसायदानाने दिंडीचा समारोप होईल. ग्रंथदिंडीवर हेलिकॉप्टर तसेच विविध ठिकाणी पुष्पवृष्टीही करण्यात येणार आहे. १२ ते १९ मार्च या कालावधीत नामदेव महाराज चारठाणकर, मधुसूदन महाराज दैठणकर, स्वामी मनिषानंद पुरीजी महाराज, सोपान महाराज सानप, पुरुषोत्तम महाराज पाटील, विशाल महाराज खोले, अच्युत महाराज दस्तापुरकर, अनिल महाराज पाटील, संतवीर बंडातात्या कराडकर, ज्ञानेश्वर माऊली कदम, उमेश महाराज दशरथे, महादेव महाराज राऊत, संजय महाराज पाचपोर, नामदेव महाराज शास्त्री व भगवानगड येथील महाराज यांची सकाळी ११ ते १ व रात्री ८ ते १० या वेळेत कीर्तन सेवा होणार आहे. तसेच १८ मार्च रोजी दुपारी २ ते ५ या वेळेत “श्री ज्ञानेश्वर महाराजांचे भक्तीसामर्थ्य” या विषयावर कथा आयोजित करण्यात आली आहे. गुरुवार, १९ मार्च रोजी सकाळी ११ वाजता ज्ञानेश्वर माऊली कदम (छोटे माऊली) यांचे काल्याचे कीर्तन होणार आहे. याशिवाय १२ ते १७ मार्च दरम्यान दुपारी २ ते ५ या वेळेत गोविंददेव गिरिजी महाराज यांची “श्री महाभारत संदेश” कथा होणार असल्याची माहिती सोहळा संयोजन समितीने दिली आहे.