गडहिंग्लज-आजरा शहरांसाठी बायपासची मागणी | संकेश्वर-आंबोली महामार्गामुळे वाढली वाहतूक कोंडी – संसदेत धनंजय महाडिक संकेश्वर ते आंबोली या नव्या कॉंक्रीट महामार्गामुळे गडहिंग्लज आणि आजरा शहरात वाहतूक कोंडी आणि अपघातांचे प्रमाण वाढत असल्याने, या दोन्ही शहरांसाठी स्वतंत्र बायपास रस्ता मंजूर करावा, अशी मागणी खासदार धनंजय महाडिक यांनी संसदेत केली. सध्या संसदेचे अधिवेशन सुरू असताना कोल्हापूर जिल्ह्यातील महत्त्वाच्या रस्ते प्रकल्पांबाबत चर्चा झाली. यावेळी खासदार महाडिक यांनी संकेश्वर-आंबोली-बांदा या नव्या चार पदरी कॉंक्रीट रस्त्याबाबत केंद्र सरकारचे आभार मानले. मात्र हा महामार्ग गडहिंग्लज आणि आजरा शहराच्या मुख्य बाजारपेठेतून जात असल्यामुळे मोठ्या प्रमाणात वाहतूक कोंडी होत आहे. तसेच अपघातांची संख्याही वाढत असल्याची बाब त्यांनी सभागृहाच्या निदर्शनास आणून दिली. यामुळे गडहिंग्लज आणि आजरा या दोन्ही शहरांसाठी स्वतंत्र बायपास रोड उभारण्याची गरज असल्याचे त्यांनी स्पष्ट केले. या मागणीला उत्तर देताना केंद्रीय रस्ते वाहतूक मंत्री नितीन गडकरी यांनी सांगितले की, गडहिंग्लज आणि आजरा शहरांसाठी बायपास रस्त्याचा प्रस्ताव राज्य सरकारमार्फत केंद्राकडे प्राप्त झाला आहे. सध्या या प्रकल्पाचा सविस्तर प्रकल्प अहवाल (DPR) तयार करण्याचे काम सुरू असल्याची माहिती त्यांनी दिली. याच वेळी खासदार महाडिक यांनी कोल्हापूर ते सांगली चार पदरी महामार्गाचे काम लवकर पूर्ण करावे, अशीही मागणी केली. त्यावर बोलताना केंद्रीय मंत्री गडकरी यांनी सांगितले की, या प्रकल्पाची अंदाजित किंमत १ हजार १९२ कोटी रुपये आहे. जमीन संपादनाच्या मुद्द्यावरून काही शेतकऱ्यांनी आंदोलन केले होते. मात्र जिल्हाधिकाऱ्यांच्या मध्यस्थीने त्यावर तोडगा निघाला आहे. सध्या या प्रकल्पासाठी निविदा प्रक्रिया सुरू असून एप्रिल महिन्यात निविदा मंजूर होण्याची शक्यता आहे. तसेच जमीन संपादन प्रक्रिया पूर्ण झाल्यानंतर एप्रिल महिन्यात कोल्हापूर-सांगली चार पदरी महामार्गाच्या कामाला प्रत्यक्ष सुरुवात होईल, असेही केंद्रीय मंत्री नितीन गडकरी यांनी स्पष्ट केले.

Raviraj kamble

करवीर, कोल्हापूर, महाराष्ट्र•

on 13 March

गडहिंग्लज-आजरा शहरांसाठी बायपासची मागणी | संकेश्वर-आंबोली महामार्गामुळे वाढली वाहतूक कोंडी – संसदेत धनंजय महाडिक संकेश्वर ते आंबोली या नव्या कॉंक्रीट महामार्गामुळे गडहिंग्लज आणि आजरा शहरात वाहतूक कोंडी आणि अपघातांचे प्रमाण वाढत असल्याने, या दोन्ही शहरांसाठी स्वतंत्र बायपास रस्ता मंजूर करावा, अशी मागणी खासदार धनंजय महाडिक यांनी संसदेत केली. सध्या संसदेचे अधिवेशन सुरू असताना कोल्हापूर जिल्ह्यातील महत्त्वाच्या रस्ते प्रकल्पांबाबत चर्चा झाली. यावेळी खासदार महाडिक यांनी संकेश्वर-आंबोली-बांदा या नव्या चार पदरी कॉंक्रीट रस्त्याबाबत केंद्र सरकारचे आभार मानले. मात्र हा महामार्ग गडहिंग्लज आणि आजरा शहराच्या मुख्य बाजारपेठेतून जात असल्यामुळे मोठ्या प्रमाणात वाहतूक कोंडी होत आहे. तसेच अपघातांची संख्याही वाढत असल्याची बाब त्यांनी सभागृहाच्या निदर्शनास आणून दिली. यामुळे गडहिंग्लज आणि आजरा या दोन्ही शहरांसाठी स्वतंत्र बायपास रोड उभारण्याची गरज असल्याचे त्यांनी स्पष्ट केले. या मागणीला उत्तर देताना केंद्रीय रस्ते वाहतूक मंत्री नितीन गडकरी यांनी सांगितले की, गडहिंग्लज आणि आजरा शहरांसाठी बायपास रस्त्याचा प्रस्ताव राज्य सरकारमार्फत केंद्राकडे प्राप्त झाला आहे. सध्या या प्रकल्पाचा सविस्तर प्रकल्प अहवाल (DPR) तयार करण्याचे काम सुरू असल्याची माहिती त्यांनी दिली. याच वेळी खासदार महाडिक यांनी कोल्हापूर ते सांगली चार पदरी महामार्गाचे काम लवकर पूर्ण करावे, अशीही मागणी केली. त्यावर बोलताना केंद्रीय मंत्री गडकरी यांनी सांगितले की, या प्रकल्पाची अंदाजित किंमत १ हजार १९२ कोटी रुपये आहे. जमीन संपादनाच्या मुद्द्यावरून काही शेतकऱ्यांनी आंदोलन केले होते. मात्र जिल्हाधिकाऱ्यांच्या मध्यस्थीने त्यावर तोडगा निघाला आहे. सध्या या प्रकल्पासाठी निविदा प्रक्रिया सुरू असून एप्रिल महिन्यात निविदा मंजूर होण्याची शक्यता आहे. तसेच जमीन संपादन प्रक्रिया पूर्ण झाल्यानंतर एप्रिल महिन्यात कोल्हापूर-सांगली चार पदरी महामार्गाच्या कामाला प्रत्यक्ष सुरुवात होईल, असेही केंद्रीय मंत्री नितीन गडकरी यांनी स्पष्ट केले.