🚨 तूर्तास मुंबई दौरा स्थगित; मनोज जरांगे पाटील यांचे उपोषण मागे! 🚨 तूर्तास मुंबई दौरा स्थगित; मनोज जरांगे पाटील यांचे उपोषण मागे! सरकारला तीन महिन्यांचा अल्टिमेटम; शब्द पाळला नाही तर उपोषण नाही, थेट मुंबई गाठणार – मनोज जरांगे पाटील पाटोदा | प्रतिनिधी मराठा आरक्षणाच्या विविध मागण्यांसाठी गेल्या सुमारे २० दिवसांपासून सुरू असलेले संघर्ष योद्धा मनोज जरांगे पाटील यांचे बेमुदत उपोषण अखेर गुरुवारी स्थगित करण्यात आले. बीड जिल्ह्यातील पाटोदा येथे सरकारच्या शिष्टमंडळासोबत पहाटे झालेल्या चर्चेनंतर जरांगे पाटील यांनी उपोषण स्थगित करण्याची घोषणा केली. सरकारला मागण्यांवर कार्यवाही करण्यासाठी तीन महिन्यांची मुदत देण्यात आली असून, या काळात ठोस कार्यवाही झाली नाही तर पुन्हा मुंबई गाठण्याचा इशारा त्यांनी दिला आहे. पहाटेच सरकारचे शिष्टमंडळ पाटोद्यात दाखल मनोज जरांगे पाटील यांची प्रकृती खालावल्याने मुंबईकडे सुरू असलेला प्रवास पाटोदा येथे थांबविण्यात आला होता. याच पार्श्वभूमीवर गुरुवारी पहाटे सरकारचे शिष्टमंडळ पाटोदा येथे दाखल झाले. मंत्री राधाकृष्ण विखे पाटील, मंत्री दादा भुसे, आमदार प्रसाद लाड आणि आमदार सुरेश धस यांची शिष्टमंडळात उपस्थिती होती. यावेळी जरांगे पाटील यांच्या प्रकृतीची विचारपूस करत मराठा आरक्षणाच्या विविध मागण्यांवर चर्चा करण्यात आली. चर्चेत विविध मागण्यांवर आश्वासने जरांगे पाटील यांच्या म्हणण्यानुसार, चर्चेदरम्यान मराठा समाजाच्या विविध मागण्यांबाबत शासनाकडून आश्वासने देण्यात आली. त्यामध्ये शासकीय नोंदींची उजळणी, कुणबी प्रमाणपत्रांचा प्रश्न, हैदराबाद गॅझेटच्या आधारे प्रमाणपत्रे, तसेच त्यांची वैधता यांचा समावेश आहे. हैदराबाद गॅझेटच्या आधारे मिळालेल्या प्रमाणपत्रांच्या वैधतेसंदर्भातील अडचणी दूर करण्यासाठी शासन निर्णयात आवश्यक दुरुस्ती करण्याची लेखी हमी देण्यात आल्याचे जरांगे पाटील यांनी सांगितले. तसेच पश्चिम महाराष्ट्राशी संबंधित सातारा आणि कोल्हापूर गॅझेटच्या संदर्भातही ठरावीक कालमर्यादेत कार्यवाही करण्याचे लेखी आश्वासन मिळाल्याचे त्यांनी स्पष्ट केले. सारथीच्या निधीचा मार्ग मोकळा करणे, अण्णासाहेब पाटील आर्थिक विकास महामंडळाच्या व्याज परताव्याचा प्रश्न, नोंदी उपलब्ध नसलेल्या मराठा समाजासाठी SEBC संदर्भातील व्यवस्था आणि SEBC विद्यार्थ्यांना OBCप्रमाणे सवलती लागू करण्याबाबतही चर्चा झाल्याचे सांगण्यात आले. SEBC ते EWS संदर्भातील प्रकरणांमध्ये रखडलेल्या अभियंता आणि पोलीस उपनिरीक्षक पदांवरील मराठा विद्यार्थ्यांच्या नियुक्त्यांचा मुद्दाही आंदोलनादरम्यान उपस्थित करण्यात आला होता. न्यायालयीन प्रक्रियेत शासनाने योग्य भूमिका मांडल्यानंतर या नियुक्त्यांचा मार्ग मोकळा झाल्याचे जरांगे पाटील यांनी नमूद केले. तीन महिन्यांची मुदत; पुढील दिशा सरकारच्या कार्यवाहीवर चर्चेनंतर जरांगे पाटील यांनी उपोषण स्थगित करण्याचा निर्णय घेतला. सरकारला ९० दिवसांची मुदत देण्यात आली असून, या काळात मराठा आरक्षणाशी संबंधित मागण्यांवर प्रत्यक्ष कार्यवाही करण्याची अपेक्षा त्यांनी व्यक्त केली. “सरकारने दिलेला शब्द पाळला नाही तर पुन्हा उपोषण करणार नाही; थेट मुंबई गाठणार,” अशी भूमिका जरांगे पाटील यांनी मांडली. त्यामुळे उपोषण स्थगित झाले असले तरी आंदोलन संपलेले नसल्याचे त्यांनी स्पष्ट केले. मुंबईकडे निघालेल्या समाजबांधवांना माघारी परतण्याचे आवाहन उपोषण स्थगित केल्यानंतर मुंबईच्या दिशेने निघालेल्या समाजबांधवांनी तूर्तास माघारी घरी परतावे, असे आवाहन जरांगे पाटील यांनी केले. आंदोलनाला दिलेल्या प्रतिसादाबद्दल त्यांनी समाजबांधवांचे आभार मानले. प्रकृती खालावल्याने पाटोद्यात उपचार गेल्या अनेक दिवसांपासून सुरू असलेल्या उपोषणामुळे जरांगे पाटील यांच्या प्रकृतीवर परिणाम झाला होता. पाटोदा येथे त्यांच्यावर वैद्यकीय उपचार सुरू करण्यात आले. त्यानंतर सरकारचे शिष्टमंडळ त्यांच्या भेटीसाठी दाखल झाले. चर्चेनंतर उपोषण स्थगित करण्याचा निर्णय घेण्यात आला. दरम्यान, तूर्तास मुंबईकडे सुरू असलेल्या आंदोलनाला ब्रेक मिळाला आहे. मात्र, पुढील ९० दिवसांत शासनाकडून मराठा आरक्षणाच्या मागण्यांवर कितपत प्रत्यक्ष कार्यवाही होते, यावर आंदोलनाची पुढील दिशा ठरणार आहे.

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

🚨 तूर्तास मुंबई दौरा स्थगित; मनोज जरांगे पाटील यांचे उपोषण मागे! 🚨 तूर्तास मुंबई दौरा स्थगित; मनोज जरांगे पाटील यांचे उपोषण मागे! सरकारला तीन महिन्यांचा अल्टिमेटम; शब्द पाळला नाही तर उपोषण नाही, थेट मुंबई गाठणार – मनोज जरांगे पाटील पाटोदा | प्रतिनिधी मराठा आरक्षणाच्या विविध मागण्यांसाठी गेल्या सुमारे २० दिवसांपासून सुरू असलेले संघर्ष योद्धा मनोज जरांगे पाटील यांचे बेमुदत उपोषण अखेर गुरुवारी स्थगित करण्यात आले. बीड जिल्ह्यातील पाटोदा येथे सरकारच्या शिष्टमंडळासोबत पहाटे झालेल्या चर्चेनंतर जरांगे पाटील यांनी उपोषण स्थगित करण्याची घोषणा केली. सरकारला मागण्यांवर कार्यवाही करण्यासाठी तीन महिन्यांची मुदत देण्यात आली असून, या काळात ठोस कार्यवाही झाली नाही तर पुन्हा मुंबई गाठण्याचा इशारा त्यांनी दिला आहे. पहाटेच सरकारचे शिष्टमंडळ पाटोद्यात दाखल मनोज जरांगे पाटील यांची प्रकृती खालावल्याने मुंबईकडे सुरू असलेला प्रवास पाटोदा येथे थांबविण्यात आला होता. याच पार्श्वभूमीवर गुरुवारी पहाटे सरकारचे शिष्टमंडळ पाटोदा येथे दाखल झाले. मंत्री राधाकृष्ण विखे पाटील, मंत्री दादा भुसे, आमदार प्रसाद लाड आणि आमदार सुरेश धस यांची शिष्टमंडळात उपस्थिती होती. यावेळी जरांगे पाटील यांच्या प्रकृतीची विचारपूस करत मराठा आरक्षणाच्या विविध मागण्यांवर चर्चा करण्यात आली. चर्चेत विविध मागण्यांवर आश्वासने जरांगे पाटील यांच्या म्हणण्यानुसार, चर्चेदरम्यान मराठा समाजाच्या विविध मागण्यांबाबत शासनाकडून आश्वासने देण्यात आली. त्यामध्ये शासकीय नोंदींची उजळणी, कुणबी प्रमाणपत्रांचा प्रश्न, हैदराबाद गॅझेटच्या आधारे प्रमाणपत्रे, तसेच त्यांची वैधता यांचा समावेश आहे. हैदराबाद गॅझेटच्या आधारे मिळालेल्या प्रमाणपत्रांच्या वैधतेसंदर्भातील अडचणी दूर करण्यासाठी शासन निर्णयात आवश्यक दुरुस्ती करण्याची लेखी हमी देण्यात आल्याचे जरांगे पाटील यांनी सांगितले. तसेच पश्चिम महाराष्ट्राशी संबंधित सातारा आणि कोल्हापूर गॅझेटच्या संदर्भातही ठरावीक कालमर्यादेत कार्यवाही करण्याचे लेखी आश्वासन मिळाल्याचे त्यांनी स्पष्ट केले. सारथीच्या निधीचा मार्ग मोकळा करणे, अण्णासाहेब पाटील आर्थिक विकास महामंडळाच्या व्याज परताव्याचा प्रश्न, नोंदी उपलब्ध नसलेल्या मराठा समाजासाठी SEBC संदर्भातील व्यवस्था आणि SEBC विद्यार्थ्यांना OBCप्रमाणे सवलती लागू करण्याबाबतही चर्चा झाल्याचे सांगण्यात आले. SEBC ते EWS संदर्भातील प्रकरणांमध्ये रखडलेल्या अभियंता आणि पोलीस उपनिरीक्षक पदांवरील मराठा विद्यार्थ्यांच्या नियुक्त्यांचा मुद्दाही आंदोलनादरम्यान उपस्थित करण्यात आला होता. न्यायालयीन प्रक्रियेत शासनाने योग्य भूमिका मांडल्यानंतर या नियुक्त्यांचा मार्ग मोकळा झाल्याचे जरांगे पाटील यांनी नमूद केले. तीन महिन्यांची मुदत; पुढील दिशा सरकारच्या कार्यवाहीवर चर्चेनंतर जरांगे पाटील यांनी उपोषण स्थगित करण्याचा निर्णय घेतला. सरकारला ९० दिवसांची मुदत देण्यात आली असून, या काळात मराठा आरक्षणाशी संबंधित मागण्यांवर प्रत्यक्ष कार्यवाही करण्याची अपेक्षा त्यांनी व्यक्त केली. “सरकारने दिलेला शब्द पाळला नाही तर पुन्हा उपोषण करणार नाही; थेट मुंबई गाठणार,” अशी भूमिका जरांगे पाटील यांनी मांडली. त्यामुळे उपोषण स्थगित झाले असले तरी आंदोलन संपलेले नसल्याचे त्यांनी स्पष्ट केले. मुंबईकडे निघालेल्या समाजबांधवांना माघारी परतण्याचे आवाहन उपोषण स्थगित केल्यानंतर मुंबईच्या दिशेने निघालेल्या समाजबांधवांनी तूर्तास माघारी घरी परतावे, असे आवाहन जरांगे पाटील यांनी केले. आंदोलनाला दिलेल्या प्रतिसादाबद्दल त्यांनी समाजबांधवांचे आभार मानले. प्रकृती खालावल्याने पाटोद्यात उपचार गेल्या अनेक दिवसांपासून सुरू असलेल्या उपोषणामुळे जरांगे पाटील यांच्या प्रकृतीवर परिणाम झाला होता. पाटोदा येथे त्यांच्यावर वैद्यकीय उपचार सुरू करण्यात आले. त्यानंतर सरकारचे शिष्टमंडळ त्यांच्या भेटीसाठी दाखल झाले. चर्चेनंतर उपोषण स्थगित करण्याचा निर्णय घेण्यात आला. दरम्यान, तूर्तास मुंबईकडे सुरू असलेल्या आंदोलनाला ब्रेक मिळाला आहे. मात्र, पुढील ९० दिवसांत शासनाकडून मराठा आरक्षणाच्या मागण्यांवर कितपत प्रत्यक्ष कार्यवाही होते, यावर आंदोलनाची पुढील दिशा ठरणार आहे.